Lajmet

Si e zbuluan prindërit e Macron që e dashura e djalit të tyre ishte në fakt mësuesja e tij 40-vjeçare?

Një biografi e vitit 2018 nga Anne Fulda kishte dhënë shumë detaje.

Published

3 years ago

on

Një biografi e vitit 2018 për presidentin francez, Emmanuel Macron, kishte zbuluar se prindërit e tij janë tronditur kur zbuluan se djali i tyre 16-vjeçar kishte një lidhje me mësuesen e tij të martuar.

Është folur shumë për faktin se Macron është i martuar me Brigitte Trogneux, një grua 24 vjet më e madhe se ai, të cilën ai e takoi kur ishte një nxënës 15-vjeçar kur ajo ishte mësuese në La Providence, shkollë private në Amiens, në veri të Francës.

Shkrimtarja Anne Fulda, e cila shkroi librin Emmanuel Macron: A Perfect Young Man, foli me prindërit e politikanit për aferën skandaloze që filloi kur zonja Trogneux ishte një 39-vjeçare e martuar, nënë e tre fëmijëve.

Prindërit e tij kishin besuar se djali i tyre po dilte me vajzën e mësueses së tij, Laurence, derisa e vërteta doli përmes një miku të familjes.

Të tronditur nga afera, ata e hoqën nga shkolla atëkohë adoleshentin Emmanuel.

“Thjesht nuk mund ta besonim. Ajo që është e qartë është se kur Emmanuel takoi Brigitte, ne nuk mund të thonim thjesht, “Kjo është e mrekullueshme”, ishte shprehur nëna e tij, Francoise Nogues-Macron.

Por, ajo shtoi, “Ajo që kishte rëndësi për mua nuk ishte fakti se ai kishte një marrëdhënie me Brigitte, por se ai ishte gjallë dhe nuk kishte ndonjë problem”.

Duke kuptuar se afera nuk ishte një fazë kalimtare, ajo zbulohet se i kishte thënë mësueses: “A nuk e sheh? Ju keni pasur jetën tuaj. Por ai nuk do të ketë fëmijë me ju”.

Babai i tij, Jean-Michel Macron, zbuloi se ai “pothuajse ra nga karrigia” kur mësoi për të dashurën e djalit të tij.

Prindërit e tronditur takuan zonjën Trogneux dhe i kërkuan asaj që të mos e shihte më djalin e tyre derisa të arrinte moshën madhore, por ajo me sfidë u tha atyre se nuk mund të “premtonte asgjë”.

Megjithatë, gjyshja e Presidentit të ardhshëm, Manette, ishte çuditërisht e kuptueshme!

Francoise kujtoi: “Nëna ime, e cila nuk do ta kishte toleruar kurrë një situatë të tillë për fëmijët e saj, u tregua shumë më e hapur dhe tolerante në lidhje me marrëdhëniet e dashurisë së nipërve të saj”.

Macron nuk ishte student në klasat franceze të gruas së tij të ardhshme, por në mësimet e saj të dramës, të cilat ajo i jepte si lëndë të dytë.

Ajo kujton se ishte e mahnitur me “inteligjencën e tij të jashtëzakonshme, një mënyrë të menduari që nuk e kisha parë kurrë më parë”.

Dyshja e “pamundur” u afrua më shumë kur ata u bënë bashkëautorë të një drame. Zonja Trogneux i tha një shoku vite më vonë: “E dini, ditën kur shkruam së bashku shfaqjen, pata një ndjenjë se po punoja me Mozartin. Shkrimi u bë një justifikim. Ndjeva se e kishim njohur gjithmonë njëri-tjetrin”.

Zonja e Parë e Francës ka konfirmuar për revistën Paris Match se Macron ishte zotuar të martohej me të kur ishte vetëm 17 vjeç, duke i premtuar se do të kthehej dhe do ta gjente.

“Nuk mund të më heqësh qafe. Do të kthehem dhe do të martohem me ty”, citohet të ketë thënë ai.

Duke kujtuar se prindërit e tij “e morën keq” kur zbuluan lidhjen, Macron tha: “Më duhej të luftoja në mënyrë që të jetoja jetën time private dhe profesionale siç dëshiroj. Më duhej të luftoja dhe nuk ishte gjëja më e lehtë apo më e dukshme, jo më automatike për të bërë, as nuk përputhej me normat e vendosura”.

Dyshja përfundimisht u martuan në vitin 2007, kur ai ishte 29 vjeç dhe ajo ishte 54 vjeç. Duke u bërë një njerk shumë i ri për tre fëmijët e saj të rritur, ai u tha atyre në pritjen e dasmës: “Faleminderit që na pranuat, një çift aspak normal”.

Macron është bërë presidenti më i ri i Francës në moshën 39-vjeçare.

Shumë komentues kanë thënë se obsesioni me diferencën e tyre në moshë është një shembull i mizogjinisë së rrënjosur thellë, pasi burrat në pozitat e pushtetit shpeshherë martohen me gra shumë më të reja./UBTNews/

Related Topics:
Continue Reading

Lajmet

​Flet drejtori i KH Rahovecit: Vendimi për të na përjashtuar nga palestra i pakuptimtë

Published

10 hours ago

on

September 30, 2025

By

Klubi i hendbollit Rahoveci ka njoftuar se të dyja ndeshjet ndaj ekipit nga Luksemburgu, Dudelange, në kuadër të garave evropiane, do të zhvillohen në Luksemburg.

Shkak për këtë është bërë fakti se palestra Mizahir Isma në Rahovec, për shkak të zgjedhjeve, kalon nga nesër në menaxhim të KQZ-së dhe rrjedhimisht nuk mund të shfrytëzohet për ndeshje sportive.

Drejtori Sportiv i këtij klubi, Afrim Deliu, thotë se vendimi për t’i përjashtuar klubet nga palestrat është krejtësisht i pakuptueshëm.

“Sigurisht që është problematike, tereni është një lojtar shtesë në fushë, ajo nuk diskutohet por përveç kësaj janë edhe shumë probleme të tjera sepse palestra kalon në menaxhimin e KQZ-s nga nesër dhe përveç tereni që duhet të zhvillohet ndeshja jashtë, ne e kemi problem edhe stërvitjet t’i vazhdojmë. DO të thitë është shumë problem kjo pjesa dhe sinqerisht nuk e kuptoj se si mund të merret një vendim që palestra të lirohen nga klubet ose të mos kenë mundësi t’i zhvillojnë stërvitjet. Pra përveç lojës, problem tjetër shumë i madh është edhe stërvitjet ku do t’i zhvillojmë”, tha Deliu.

Ai ka shtuar se me këtë problematikë përballen sa herë që në Kosovë ka zgjedhje.

“Edhe në zgjedhjet e kaluara ka qenë i njëjti problem dhe e kemi ditur që nuk ka mundësi të arrihet asgjë nga kjo marrëveshje dhe menjëherë kemi kontaktuar me ekipin kundërshtar dhe kemi kërkuar që t’i zhvillojmë dy ndeshjet sepse e dimë që kjo nuk mund të realizohet, nuk është problem vetëm Rahoveci por e gjithë Kosova…Nuk është se kemi tentuar të shkojmë edhe ne KQZ direkt por e kemi ditur se është e pamundur sepse jo vetëm për Rahovecin por edhe për të gjitha klubet tjera ka qenë e pamundur”, shtoi Deliu.

Përveç hendbollit, me telashe të njëjta po përballet edhe sporti i volejbollit dhe ai i basketbollit./S.K/KP/

Continue Reading

Lajmet

​Bashkimi kërkon suksesin historik në Evropë

Published

11 hours ago

on

September 30, 2025

By

Bashkimi pas fitores shumë të rëndësishme përballë Anwil-it kërkon për herë të parë të jetë pjesë e grupeve në FIBA Europe Cup.

Për të arritur suksesin historik për klubin më të vjetër në Kosovë, prizrenasit duhet të ruajnë epërsinë e pikëve nga fitorja e parë.

Sfida në Prizren përfundoi 80:75 për Portokallezinjtë, derisa në grupe do të hyjë skuadra që është më e mirë nga dy ndeshjet.

Nënkampionët për herë të parë janë në kualifikimet e FIBA Europe Cup, ndërsa nëse kalojnë pengesën në Poloni, atëherë do t’i bashkoheshin kampiones së Kosovës, Trepçës, si dhe PAOK-ut të Greqisë dhe Braunschëeig të Gjermanisë në Grupin F.

Anwil është një nga skuadrat më të forta polake në vitet e fundit, ku para dy vitesh kishte triumfuar në FIBA Europe Cup, kurse edicionin e kaluar ishte ndalur në Raundin e 1/16-tes.

Ndeshja zhvillohet të mërkurën në Poloni nga ora 18:30./S.K/KP/

Continue Reading

Aktualitet

UBT hap thirrjen për pjesëmarrje në Konferencën Ndërkombëtare të Gazetarisë, Medias dhe Komunikimit 2025

Published

11 hours ago

on

September 30, 2025

By

UBT fton studiuesit, profesionistët dhe studentët për të marrë pjesë në Konferencën Ndërkombëtare të Gazetarisë, Medias dhe Komunikimit (ICJMC 2025), një ngjarje që synon të bashkojë ekspertët për të prezantuar rezultatet e fundit të kërkimeve, për të shkëmbyer ide dhe përvoja në fushën e gazetarisë, medias dhe komunikimit.

Kjo konferencë është pjesë e edicionit të 14-të të Konferencës Ndërkombëtare të UBT-së për Biznes, Teknologji dhe Inovacion, ku fokusi i këtij viti do të jetë Reziliencia dhe Qëndrueshmëria.

Datat e rëndësishme:

  • Dorëzimi i abstrakteve: 10 Tetor 2025
  • Njoftimi për pranimin e abstrakteve: 17 Tetor 2025
  • Regjistrimi i hershëm: 17 Tetor 2025
  • Regjistrimi i vonë: 20 Tetor 2025
  • Dorëzimi i artikujve të plotë: 14 Nëntor 2025
  • Peer review: 17 Tetor 2025

Qëllimi i konferencës:

Konferenca synon të krijojë një platformë për shkëmbimin e njohurive ndërmjet studiuesve inovativë, akademikëve, hulumtuesve të rinj, studentëve pasuniversitarë dhe kandidatëve për doktoraturë, si dhe ekspertëve të fushës, duke mbështetur diskutime mbi sfidat, trendet dhe zhvillimet më të fundit në Gazetari, Media dhe Komunikim.

Tema e vitit:

  • Inteligjenca Artificiale dhe Sensacionalizmi i Informacionit në Kohë Krize dhe Konflikti

Nën-temat përfshijnë:

  • Roli i medias në kohë krize dhe kriza gjeopolitike
  • Transformimi i komunikimit politik në epokën dixhitale
  • Etika e medias dhe komunikimit gjatë krizave humanitare: Përdorimi i Chat GPT

Temat e tjera të trajtuara:

  • Reklama, media alternative dhe komunitare
  • Inteligjenca artificiale dhe gazetaria
  • Komunikimi biznesor dhe marketingu i integruar
  • Media dhe globalizimi, media dhe sporti
  • Etika e medias, dezinformimi dhe lajmet false
  • Komunikimi ndërkulturor dhe ndëretnik
  • Studime kritike dhe kulturore, rinia dhe gjinia
  • Gazetaria, ligji dhe ndikimi shoqëror
  • Media, ndryshimet klimatike dhe studimet mjedisore
  • Komunikimi i rrezikut, stigma dhe shëndeti publik
  • Media vizuale, muzikore, multimediale dhe teknologjitë e reja

Dorëzimi i artikujve:

Materiali i dorëzuar duhet të jetë origjinal, nuk duhet të jetë publikuar më parë apo të jetë duke u shqyrtuar diku tjetër. Maksimumi i artikullit është 6 faqe. Artikujt që nuk përmbushin kriteret e formatit nuk do të konsiderohen.

Për më shumë detaje mbi standardet e pranimit dhe regjistrimin, vizitoni faqen zyrtare: Konferenca Ndërkombëtare e UBT-së

Continue Reading

Lajmet

​Portieri 42 vjeçar kthehet për kualifikueset e Botërorit

Published

11 hours ago

on

September 30, 2025

By

Portieri me përvojë Craig Gordon është rikthyer në kombëtaren e Skocisë për ndeshjet kualifikuese të Kupës së Botës kundër Greqisë dhe Bjellorusisë.

Gardiani 42-vjeçar nuk ka luajtur që nga maji dhe ende nuk është paraqitur me Hearts këtë sezon, por tashmë është rikuperuar plotësisht nga një dëmtim në qafë. Gordon, i cili ka 81 ndeshje me kombëtaren, zëvendëson shokun e tij të ekipit, Zander Clark.

Ndërkohë, mbrojtësi i Derby County, Max Johnston, dhe qendërmbrojtësi i Blackburn Rovers, Dominic Hyam, janë lënë jashtë listës. Po ashtu nuk është përfshirë as sulmuesi i formës së mirë i Hearts, Lawrence Shankland, i cili ka shënuar shtatë gola këtë sezon, si dhe Tommy Conway i Middlesbrough.

Skocia ka grumbulluar katër pikë në dy ndeshjet e para të grupit, pas barazimit 0-0 në Danimarkë dhe fitores 2-0 kundër Bjellorusisë. Greqia viziton Hampden Park më 9 tetor, ndërsa tre ditë më vonë Bjellorusia do të përballet me skocezët në Glasgow.

Trajneri Steve Clarke ka rikthyer edhe Anthony Ralston pas mungesës së tij, ndërsa Angus Gunn dhe Liam Kelly kompletojnë listën e portierëve, pavarësisht se kanë pak minuta me klubet e tyre./S.K/KP/

 

Continue Reading

Të kërkuara