Kuriozitete

Si e krijuan peshqit top një prej mistereve më të mëdha të oqeaneve?

Published

on

“Rrathët e mistershëm” të gjetur në shtratin e detit rezulton se janë një fole e ndërtuar nga disa krijesa që ti s’e pret.

Disa vite më parë, në ujërat nëntropikale të Japonisë jugore, zhytësit vunë re forma të mëdha gjeometrike të skalitura në shtratin e detit me rërë. Rrathët ishin afërsisht dy metra dhe formoheshin nga dy unaza koncentrike me fole që përhapeshin nga qendra. Ata ishin një version ujor i rrathëve të pashpjegueshëm në ara. Askush nuk mund të kuptonte se çfarë ose kush i kishte bërë këto forma misterioze.

Autori? Një peshk i vogël top!

Më pas, një ekip shkencëtarësh më në fund panë artistët e shtratit të detit në veprim. Ata panë një peshk top të vogël, mashkull (nga gjinia Torquigener), rreth 12 cm i gjatë, duke shkuar si shigjetë drejt rërës, duke tundur pendët e tij dhe duke krijuar modele në rërë. Pas kësaj, u vunë re më shumë peshq top që skalitnin në rërë duke bërë rrathë në shtratin e detit dhe secili kryente një seri hapash të ngjashëm.

Si i krijojnë këto vepra arti?

Si fillim, një mashkull gjurmon format bazë rrethore, pastaj i zbukuron me kreshta duke notuar nga brenda në kënde të ndryshme. Më pas, ai e plotëson rrethin me vija të ndryshme. Për dorën e fundit, mashkulli mbledh copa koralesh të ngordhura dhe guaska për të zbukuruar krijimin e tij në shtratin e detit. I gjithë procesi zgjat të paktën një javë.

Siç duket, këto forma janë fole.

Dizajni rrethor duket se kanalizon ujin e freskët drejt mesit të folesë, kështu që pavarësisht se në cilën anë rrjedh rryma, uji i ëmbël i pasur me oksigjen futet në zonën qendrore të vezëve, duke krijuar kushte ideale për zhvillimin e vezëve.

Nëse një femre i pëlqen pamja e një foleje, ajo i lëshon vezët e saj në mes dhe më pas largohet, duke e lënë mashkullin punëtor të rrijë aty për gjashtë ditë të tjera, duke ruajtur folenë dhe vezët, ndërsa vepra e tij artistike gradualisht prishet dhe zhduket. Sa herë që ai do të tërheqë një partner tjetër, duhet të ndërtojë një fole të re./syri.net/

Kuriozitete

Fotoja e vitit: Portreti i një djali palestinez të plagosur shpallet fitues i “World Press Photo”

Published

on

Një portret i mahnitshëm i një djali të ri palestinez, Mahmoud Ajjour, i cili humbi të dy duar në një sulm ajror izraelit në qytetin e Gazës, ka fituar titullin e fotos më të mirë të “World Press Photo”.

Fotografja Samar Abu Elouf, gjithashtu nga Gaza, takoi nëntëvjeçarin Mahmoud pas tre muajsh, kur ai dhe familja e tij u evakuan në Doha, Katar, për trajtim mjekësor. Ajjour kishte pësuar dëmtime të rënda nga shpërthimi që ia këputi njërin krah dhe ia gjymtoi tjetrin.

Në shënime Abu Elouf tregon për momentin kur nëna e Mahmudit i shpjegoi se fjalët e para pas operacionit ishin: “Si do të jem në gjendje të të përqafoj?”

Foto e publikuar në “The New York Times”, është pasqyrë e dhimbshme e pasojave të luftës në Gaza, e cila ka shkaktuar dhjetëra mijëra të vdekur.

Kjo foto përfaqëson më shumë se një histori personale; ajo tregon një luftë të gjerë që ka pasoja të thella për brezat. Gjyqtarët e “World Press Photo” ishin tërhequr nga kontrastet mes dritës dhe errësirës, bukurisë dhe dhimbjes në imazhin fitues.

Nga më shumë se 60,000 aplikime nga 3,778 fotografë në mbi 140 shtete, ky imazh u zgjodh si më i miri.

Dy vepra të tjera janë nderuar si nënkampione, duke përfshirë një imazh të emigrantëve kinezë që ngrohen nga një zjarr pas kalimit të kufirit SHBA-Meksikë dhe një fotografi tronditëse e një të riu që kalon një shtrat lumi të shkretëtiruar në Amazonë.

Imazhet fituese janë ekspozuar në Amsterdam dhe do të shfaqen gjithashtu në Londër, Sidnej, Xhakartë dhe Mexico City.

Continue Reading

Kuriozitete

Teleskopi gjen shenja jete në planetin e largët

Published

on

Shkencëtarët kanë gjetur prova të reja, por paraprake, se një botë e largët që rrotullohet rreth një ylli tjetër mund të jetë shtëpia e jetës.

Një ekip i Kembrixhit që studion atmosferën e planetit të quajtur K2-18b ka zbuluar shenja të molekulave që në Tokë prodhohen nga organizma të thjeshtë.

Rezultatet janë pikasur nga teleskopi hapësinor James Webb i NASA-s, por ekipi dhe astronomët e pavarur theksojnë se nevojiten më shumë të dhëna për të konfirmuar këtë gjë.

Studiuesi, Prof Nikku Madhusudhan, tha në laboratorin e tij në Institutin e Astronomisë të Universitetit të Kembrixhit se shpreson të marrë provat kryesore.

“Kjo është prova më e fortë. Ende që ka gjasa të ketë jetë atje. Mund të them realisht se ne mund ta konfirmojmë këtë sinjal brenda dy vitesh”.

K2-18b është dy herë e gjysmë më i madh se Toka dhe është shtatëqind trilionë milje larg nesh.

 

Continue Reading

Kuriozitete

Studimi: Fëmijët e dytë kanë më shumë gjasa të shfaqin probleme sjelljeje

Published

on

Një studim nga MIT zbuloi se fëmijët e dytë të familjes – veçanërisht djemtë kanë më shumë gjasa të shfaqin sjellje problematike krahasuar me vëllezërit apo motrat më të mëdha.

Duke analizuar të dhëna nga familje në SHBA dhe Danimarkë, studiuesit zbuluan se djemtë e lindur të dytë kanë 20% deri në 40% më shumë gjasa të kenë probleme në shkollë apo me ligjin.

Një nga arsyet mund të jetë fakti që fëmijët e parë përfitojnë vëmendje të plotë nga prindërit dhe kanë si shembull modele më të pjekura, ndërsa fëmijët e dytë shpesh marrin si shembull vëllezërit e motrat e tyre që janë ende duke u zhvilluar.

Megjithatë, kjo nuk është një rregull që vlen për të gjithë, pasi sjellja ndikohet edhe nga mënyra e rritjes, dinamika familjare dhe personaliteti i fëmijës.

 

Continue Reading

Kuriozitete

Diamanti blu ne ankand/ Guri i çmuar, pjesë e trashëgimisë mbretërore të Indisë

Published

on

Një diamant blu i rrallë nga Golconda mbi 23 karat do të dalë në ankand në Christie’s.

Guri i çmuar dikur zotërohej nga Maharajt e Indorit ëdhe është diamanti blu më i rëndësishëm që është nxjerrë ndonjëherë në ankand.


Diamanti u zbulua në minierat legjendare Golconda në Indinë jug-qendrore, e njohur për prodhimin e disa prej diamanteve më të famshëm në botë, duke përfshirë Diamantin Hope.

Ajo që është unike është se guri nuk ka ndryshuar në më shumë se 100 vjet, 23.24 karat dhe nuk ka ndryshuar formë, peshë apo madhësi.

Grui i çmuar ishte një pjesë e trashëgimisë mbretërore të Indisë dhe dikur zotërohej nga Maharajt e Indorit.  Diamantet Golconda janë gurët më të mirë transparentë dhe të rrallë në botë.

Shitja pritet të shënojë një rekord. Vlerësimet shkojnë nga 35 deri në 50 milionë dollarë.

Me 45,52 karat, Diamanti Hope është diamanti më i madh blu që është zbuluar ndonjëherë.

 

Continue Reading

Të kërkuara