Kulturë

Si duhet shkruar subjekti i një emaili?

Lexoni se cilat duhet t’i shkruani që emaili juaj të dallohet.

Published

3 years ago

February 2, 2022

Betim Gashi

Pavarësisht se a lexohet, fshihet ose humbet prezantimi juaj për investitorët ose marketingu për konsumatorët, e gjitha varet se si e shkruani rreshtin e subjektit.

“Yes Lifestyle Marketing” bëri një analizë se cilat rreshte të subjektit kanë më së shumti sukses. Lexoni se cilat duhet t’i shkruani që emaili juaj të dallohet.

Përmbledhni

Studimi zbuloi se rreshtat e subjektit me 10 karaktere ose më pak kanë përqindjet më të larta të hapjes, në 26 përqind. Por kjo nuk është norma, 74 përqind e rreshtave të subjektit janë në mes 21 dhe 60 karaktereve. Ato kanë përqindjen më të ulët të hapjes në 13.8 për qind. Përveç kësaj, rreshtat e subjektit të cilat ishin nën 21 karaktere kishin 31 përqind hapje më të lartë se mesatarja por janë vetëm 5 përqind të të gjitha rreshtave të subjektit në email.

Bëhuni personalë

Rreshtat e subjektit të cilat përfshinin emrin e marrësit ose artikujt e kërkuar së fundmi kishin 50 përqind hapje më të lartë, 58 përqind klikim më të lartë dhe kishin pothuajse 2.5 herë përqindje unike të klikimit se sa emailet të cilat nuk ishin të personalizuara. Por vetëm 2 për qind e emaileve të dërguara në çerekun e dytë të vitit 2017 kishin rreshta të personalizuara të subjektit, sipas studimit.

Përfshini detaje

Përderisa ju mendoni se rreshtet e subjektit të cilat janë më të gjata se 60 karaktere kanë përqindjet më të ulëta të hapjes, kjo është e pasaktë. Përqindja e hapjes për këtë kategori, duke përbërë 21 përqind të të gjitha emaileve është 14.8 përqind, e cila është më e lartë se emailet me rreshte të subjektit në mes 10 deri 60 karaktere. Në atë zgjatje, ju mund të prodhoni interes duke përfshirë një numër të fjalëve kyçe specifike të cilat lidhen me marrësin.

Mos mendoni se ‘’një madhësi iu përshtatet të gjithëve’’

Rregullat e njëjta nuk aplikohen në çdo industri. Për industrinë e udhëtimit, përqindjet më të suksesshme erdhën nga rreshtet e subjektit nën 20 karaktere. Por për shërbimet financiare dhe botuese, kjo ndodhi kur rreshtat e subjektit ishin 21 deri 60 karaktere. Rreshtet e subjektit nën 20 karaktere ia dolën më mirë në shitje (18.3 përqind) dhe teknologji(17.5 përqind) se sa dy kategoritë tjera.

Mos tregoni gjithçka

Gjatë çerekut të dytë të vitit 2017, 23 përqind të markave të anketuara iu dërguan përdoruesve emaile për artikujt e pa blerë. 62 përqind e atyre mesazheve kishin rresht të subjektit në mes 31 dhe 50 karaktereve dhe patën një përqindje të hapjes poshtë mesatares në 11.9 përqind. Ato shpesh kishin për shënjestër të joshnin konsumatorët të ktheheshin tek blerjet e braktisura me premtime të zbritjeve. Mirëpo, këto shpërfilleshin më shumë se sa rreshtat e subjektit më të shkurtra në mes 21 dhe 30 të cilat kishin përqindjen më të lartë të hapjes në 36.8 përqind, me rreshta të subjektit të cilat thoshin ‘’ke harruar diçka’’.

Magazinë

Billie Eilish tregon se cilët janë artistët e saj të preferuar

Published

7 hours ago

April 3, 2025

Albina Zeneli

Ndërsa po bën një pushim nga turneu i saj botëror “Hit Me Hard and Soft”, i cili filloi në shtator 2024 dhe do të vazhdojë në Suedi në prill 2025, Billie Eilish zbuloi se cilët janë artistët dhe krijuesit e saj të preferuar.

Këngëtarja nëntë herë fituese e Grammy-it, në një intervistë të fundit me YouTuber-in Quenlyn Blackwell, u pyet për njerëzit që rendit si kryesues në kategori të ndryshme.

Kur u pyet për reperen femër që ajo e konsideron më të mirën, Eilish u përgjigj pa hezitim: “Nicki Minaj është, padyshim.

Lidhur me këngët që shërbejnë si “himn të jetës” për të, Billie përmendi disa hite më të vjetra të Lady Gaga:

“Sinqerisht, unë dëgjoj shumë Gaga të vjetra, si poker Face, komentoi ajo gjëja ime tani, GndroUY” .

Megjithatë, kur erdhi koha të përgjigjej për aktorin më të mirë të të gjitha kohërave, Eilish nuk mundi të zgjidhte vetëm një dhe zgjodhi dy nga të preferuarit e saj, Steve Carell dhe Jake M. Johnson.

Diskutimi u shtri edhe në botën e transmetuesve, ku këngëtarja pranoi se nuk e ka të qartë se kush bie në sy.

“Unë i njoh disa, se di çfarë është e mirë a e keqe për asnjërin prej tyre. E vetmja që më vjen në mendje është…” Blackwell e ndërpreu atë, duke përmendur emrin e Kai Senat, e cila ka mbi 7 milionë abonentë në YouTube. Eilish ra dakord, duke komentuar: “Ai është i madh”.

Kulturë

Fjalësi i “Enciklopedisë shqiptare” do të miratohet brenda 15 majit

Published

8 hours ago

April 3, 2025

UBT NEWS

Në Akademinë e Shkencave të Shqipërisë u zhvillua mbledhja e redaksisë qendrore dhe vendore të Tiranës për projektin e “Enciklopedisë shqiptare”. Takimi kishte për qëllim shqyrtimin e konkluzioneve të takimit dyditor të redaksive Shqipëri-Kosovë, që u mbajt në Vërmicë më 25-26 mars 2025, dhe ecurinë e mëtejshme të projektit.

Gjatë mbledhjes, u diskutua për miratimin e fjalësit të “Enciklopedisë shqiptare”, që pritet të realizohet deri më 15 maj. Ky miratim do të mundësojë kalimin në fazën e kategorizimit të artikujve dhe përcaktimin e autorëve që do t’i hartojnë ata. Akademik Gjinushi njoftoi se në takimin e Vërmicës u formuluan disa detyra dhe rekomandime për redaksitë përkatëse, të cilat do të përmblidhen në një udhëzues për të orientuar punën e mëtejshme.

Dr. Arian Leka, Drejtori i Qendrës së Botimeve Enciklopedike dhe Albanologjike, theksoi rëndësinë e verifikimit të plotësimit të kritereve për çdo artikull, pasi 70% e “Enciklopedisë shqiptare” është material i ri, që kërkon një shqyrtim të kujdesshëm dhe të detajuar.

Kulturë

Shkëlqeu me rolin e tij në ‘Kontesha Arduini’, intervistë me Mirsad Ferati

Published

9 hours ago

April 3, 2025

Albina Zeneli

Në Ditën Ndërkombëtare të Teatrit Mitrovica e dha premierën e shfaqjes ‘Kontesha Arduini’.

Komedia nga Aldo de Benedetti dhe në regji të Marigona Bekteshi-Ferati bëri bashkë shikuesit besnik të Teatrit ‘Muharrem Qena’.

“Kontesha Arduini”, një histori magjepsëse që nuk duhet humbur e cila vjen me regji nga Marigona Bekteshi-Ferati që njëherësh është dhe staf akademik në UBT.

Në këtë shfaqje do të luajnë: Artan Hetemi – Snupa TC, Qendresa Jashari Mirsad Ferati, Arbnorë Nuha.

Ngjarja ndodhë në familjen Verani! Të lodhur nga monotonia e jetës, çifti ndjen nevojën për tu “arratisur” nga përditshmëria e tyre.

Zonja Marina Verani shkon në pushime e vetme, pa bashkëshortin me qëllimin se atje do të gjejë rininë e saj dhe të ndjehet sërish e vlerësuar, mbase edhe tërheqëse për të panjohurit.

Zotëri Alberto Verani, i mbetur në qetësinë e shtëpisë, dëshiron që këtë “javë lirie” ta shfrytëzojë në maksimum dhe për fatin e tij të keq apo të mirë, merr një telefonatë të gabuar nga “Kontesha Arduini”, një grua misterioze që porosit dy buqeta me trëndafila të kuq.

Një nga aktorët me rol kryesor është dhe Mirsad Ferati i cili ishte i ftuar në emisionin “n’Ritëm” me Albina Zeneli të Campus Radio dhe i njëjti u shpreh se ishte tejet i lumtur për suksesin e jashtëzakonshëm të këtij krijimi artistik e madje potencon faktin se audienca e Teatrit është gjithnjë e në rritje.

Për më shumë ndiqeni bisedën me artistin nga Mitrovica:

https://www.instagram.com/p/DHv8WzSIEf-/?hl=en

/UBT News/

Magazinë

Brad Pitt rikthehet në Netflix me rolin që i dha Oscar-in

Published

11 hours ago

April 3, 2025

Albina Zeneli

Brad Pitt do të rikthehet në rolin e Cliff Booth, personazhi për të cilin fitoi çmimin Oscar në filmin e Quentin Tarantino-s, Once Upon a Time in Hollywood.

Ky projekt i ri do të jetë një spin-off i prodhuar nga Netflix, me regjisor David Fincher dhe skenar të shkruar nga vetë Tarantino.

Xhirimet pritet të fillojnë këtë verë, ndërsa titulli dhe detajet e tjera ende nuk janë zbuluar.

Ky lajm ka ngjallur entuziazëm mes fansave të Pitt dhe të kinemasë, duke qenë se rikthimi i aktorit në këtë rol të dashur vjen pas suksesit të madh të filmit të vitit 2019.