Lajmet

Si çoi pandemia në rritje të kirurgjisë plastike?

Published

5 years ago

August 16, 2021

UBT news

Situata pandemike për të gjithë ishte një përvojë e veçantë, por diçka që u pa si një rritje e papritur, ishin intervenimet plastike.

Me mbylljen totale të klinikave të kirurgjisë plastike, pasi në këtë situatë nuk ishin primare, profesionistët që merren me këtë punë patën një shqetësim, por rritja e madhe menjëherë pas lirimit të masave ishte e papritshme.

Megjithatë duket se presioni social që ka ardhur nga pandemia, që ne të dalim nga situata me një version më të mirë të vetes, ka rezultuar në stigmën që nuk kemi pasur kohë për vet përmirësim.

Me mesazhe dhe pamje të shumta në rrjete sociale se si të kujdesemi për veten gjatë karantinës, duke bërë ushtrime, duke qenë produktivë ose shumë kanë nisur edhe ide biznisore, ka rezultuar që shumë njerëz në ndihen më keq me veten.

Një mesazh i nënkuptuar nga shumica ishte se nëse nuk ke dalur nga karantina duke u dukur më mirë, atëherë nuk keni bërë mjaftueshëm.

Kjo është një arsye pse besohet që intervenimet plastike janë rritur.

Por arsyeja tjetër është edhe më interesante. Zoom Boom është edhe termi që përdoret për këtë rritje të intervenimeve plastike.

Për shkak të zhvendosjes në platformën online Zoom në mbajtjen e takimeve, ligjeratave, mbledhjeve e punëve në përditshmëri, shumë njerëz kalojnë kohë të gjatë në këtë platformë.

Edhe pse kjo platformë ka pasur benefite shumë të mëdha, gjithashtu ka kontribuar në vetë-ndergjegjësimin e njerëzve për pamjen e tyre, për shkak të kohës së shtuar që burrat dhe gratë po kalojnë duke parë fytyrat e tyre.

Kjo është vërtetuar nga një studim i fundit i botuar në revistën Facial Plastic Surgery, i cili vë në dukje këtë rritje në pacientët që kërkojnë kirurgji për shkak të ekspozimit të madh ndaj vetes në Zoom.

Ne në përgjithësi nuk e shohim tërë ditën veten, nuk e shohim mënyrën se si flasim, apo si na ndryshojnë shprehjet e fytyrës, por as nuk e kemi një ekran me fytyrat e kolegëve ose miqve tanë duke e krahasuar me veten tonë. Kështu duke pasur qasje të vazhdueshme në fytyrat tona, fillojmë analizojmë dhe krahasojmë.

Përveç kësaj, kamerat e telefonave ose llaptopave, cilado kamerë në një pajisje, e ekzagjeron josimetrinë e fytyrës sonë.

Kamerat kanë efektin “fisheye” e cila e bën çdo gjë të duket pak më e madhe, hunda mund të duket më e madhe, ose nëse nuk është e drejtë duket edhe më shtrembër se sa që është.

I gjithë ky ekzposim ndaj vetes ka rritur 64% konsulltimin virtual të mjekëve me pacientë.

Botoxi, tërheqja e fytyrës, theksimi i vijës së nofullës dhe operimi i hundës janë disa nga intervenimet plastike më të shpeshta që janë shtuar.

Vetëm amerikanët në vitin 2018 kanë shpenzuar më shumë se 16.6 miliardë dollarë në operacione plastike.

Dr. Jill Owen, një psikolog nga Shoqata Britanike e Psikologjisë, paralajmëron që versioni i vetes që shohim në ekranet tona mund të jetë mashtrues dhe të shtrembërojë realitetin.

“Këndi, ndriçimi dhe kufizimet e kamerës në shumë pajisje mund të çojnë në shtrembërime të karakteristikave – domethënë, imazhi mund të jetë i panjohur për personin dhe shumë i ndryshëm nga fotografia me të cilën mësohen sa herë që shikohen në një pasqyrë.

Të shohësh veten në ekran pa pushim i inkurajon njerëzit të fiksohen mbi imazhin e trupit dhe të metat e perceptuara. Është një gjë e zakonshme nga aktorët që e shohin veten në TV dhe në filma për vite me rradhë, dhe që duhet të përputhen me standardet joreale të bukurisë së industrisë.

Tani, rritja e mediave sociale dhe kulturës selfie do të thotë që fenomeni nuk është i kufizuar në persona të famshëm, por te secili, gjë që ka ndikur edhe në rritje të intervenimeve plastike.

Lajmet

Tensione te Kuvendi për ndryshimet në ligjin për Specialen

Published

9 hours ago

October 5, 2026

UBTNews

Situata rreth Kuvendit të Kosovës është tensionuar mbrëmjen e sotme, ku janë parë forca të shumta policore të dislokuara në hyrje-daljet e oborrit të ndërtesës. Ndërhyrja e policisë erdhi pasi protestuesit tentuan të bllokojnë rrugëkalimet për të parandaluar largimin e deputetëve nga objekti.

Kërkesa kryesore e protestuesve është miratimi i plotë në lexim të dytë i ndryshimeve ligjore për Gjykatën Speciale, proces ky që aktualisht mbetet në pikëpyetje.

Për të menaxhuar situatën dhe për të shmangur përshkallëzimin e mëtejshëm, në perimetrin e Kuvendit janë zhvendosur edhe njësite speciale policore për kontrollin e turmave. Ndërtesa vazhdon të mbetet nën monitorim të rreptë sigurie. /E.A/

Lajmet

Përfundon takimi mes Kurtit dhe Hamzës

Published

10 hours ago

October 5, 2026

UBTNews

Ka përfunduar takimi mes kryeministrit Albin Kurti dhe kryetarit të Partisë Demokratike të Kosovës, Bedri Hamza.

Siç bëhet e ditur pas takimit është parë të mblidhet grupi parlamentar i PDK-së.

Ende nuk ka deklarime për media.

Lajmet

United Hospital pasuron ekipin mjekësor me ortopedin dhe traumatologun Dr. Arzen Balidemaj

Published

10 hours ago

October 5, 2026

UBTNews

United Hospital ka mirëpritur në ekipin e saj mjekësor Dr. Arzen Balidemaj, specialist i Ortopedisë dhe Traumatologjisë, duke zgjeruar kështu gamën e shërbimeve profesionale për trajtimin e sëmundjeve dhe dëmtimeve të sistemit muskuloskeletal. Përmes sjelljes së ekspertizës bashkëkohore, përvojës ndërkombëtare dhe qasjeve të reja diagnostikuese e trajtuese, spitali po i jep një dimension të ri mjekësisë moderne dhe po krijon mundësi që pacientët të marrin shërbime të specializuara me standarde të avancuara.

Dr. Balidemaj sjell në United Hospital përvojën dhe njohuritë e fituara në fushën e ortopedisë, si dhe standarde të trajtimit të bazuara në praktikat evropiane.

Sipas njoftimit të spitalit, ai është i certifikuar nga AGA dhe EndoCert në Gjermani.

United Hospital fuqizon mjekësinë moderne me ekspertë të njohur dhe profesionistë të rinj

United Hospital po vazhdon të ndërtojë një standard të ri në shërbimet shëndetësore në Kosovë, duke zgjeruar vazhdimisht ekipin me mjekë të dëshmuar, kuadro me renome dhe profesionistë të fushave të ndryshme të mjekësisë.

Përmes sjelljes së ekspertizës bashkëkohore, përvojës ndërkombëtare dhe qasjeve të reja diagnostikuese e trajtuese, spitali po i jep një dimension të ri mjekësisë moderne dhe po krijon mundësi që pacientët të marrin shërbime të specializuara me standarde të avancuara.

Në këtë rrugëtim të zhvillimit dhe inovacionit, United Hospital po e pasuron ekipin e vet edhe me emra të rinj të mjekësisë, të cilët me profesionalizmin, përkushtimin dhe përvojën e tyre po sjellin energji të re dhe po kontribuojnë në ngritjen e cilësisë së kujdesit shëndetësor.

Një nga këta profesionistë është edhe Dr. Arzen Balidemaj, specialist i Ortopedisë dhe Traumatologjisë, i cili tashmë i është bashkuar ekipit të United Hospital. Me përvojën e tij dhe kualifikimet profesionale, ai sjell ekspertizë të avancuar në trajtimin e sëmundjeve dhe dëmtimeve të nyjeve, ortopedisë sportive dhe traumatologjisë.

Ky është vizioni i United Hospital: të sjellë ekspertizën te pacienti, të hapë rrugë për risi në mjekësi dhe të ndërtojë një ekip ku profesionalizmi, teknologjia dhe përkushtimi ndaj pacientit bashkohen në një standard të ri të kujdesit shëndetësor.

Fokusi i tij profesional përfshin trajtimin e problemeve të nyjeve, dëmtimeve sportive dhe rasteve traumatologjike, ndërsa ndër shërbimet që do të ofrojë janë:

Endoprotetika e nyjeve të mëdha, përfshirë shpatullën, gjurin dhe kërdhokullën;

Kirurgjia artroskopike dhe minimalisht invazive;

Ortopedia sportive dhe trajtimet për ruajtjen e nyjeve;

Ndërhyrjet kirurgjikale në shpatull, kërdhokull, gju, dorë, bërryl dhe shputë.

Me angazhimin e Dr. Balidemajt, United Hospital synon të vazhdojë zgjerimin e shërbimeve të specializuara dhe t’u ofrojë pacientëve qasje në trajtime bashkëkohore në fushën e ortopedisë dhe traumatologjisë.

Për të caktuar një vizitë:
📞 046 60 70 70
📍 M2 Prishtinë–Ferizaj, Km 7, Prishtinë, Kosovë

United Hospital – kujdes i specializuar për shëndetin e nyjeve dhe sistemit muskuloskeletal./rajonipress/