

Lajmet
Shtyhet seanca gjyqësore për uzurpimin e pronës në Hajvali, dy të pandehur kanë vdekur
Published
1 year agoon
By
Betim GashiPër shkak të ndryshimit të statusit jetësor të disa të pandehurve, është shtyrë procesi gjyqësor i paraparë për t’u mbajtur sot në Gjykatën Themelore në Prishtinë, për një nga rastet më eklatante të uzurpimit të pronës në Hajvali, pas 22 vjetësh bllokimi.
Gjyqtarja Kosovare Musliu ka thënë se Gjykata nuk ka kushte për mbajtjen e seancës së sotme dhe solli aktvendim që seanca e sotme nuk do të mbahet, për shkak të ndryshmit të statusit jetësor për të paditurin Hajrush Bajrami dhe të paditurin Vehbi Pacolli.
“Gjykata konstaton se nuk ka kushte për mbajtjen e seancës së sotme dhe bie aktvendim se seanca e sotme nuk do të mbahet, për shkak të ndryshmit të statusit jetësor për të paditurin Hajrush Bajrami për të cilin palët do t’i njoftoj me kohë. Ndërsa për të paditurin Vehbi Pacolli, për të cilin sot u deklarua se i njëjti ka ndërruar jetë, Gjykata sipas detyrës zyrtare do t’i drejtohet Agjencisë së Regjistrimit Civil për vërtetimin e statusit jetësor për të njëjtin. Për rrjedhjen e shqyrtimit gjyqësor në këtë çështje juridike Gjykata do t’i njoftojë palët me procedurë me kohë”, ka thënë ajo.
Avokati Avni Gjakova, në mungesë të autorizimit të paditurve, kërkoi nga gjykatësja që sot të paditurit që ishin në seancë ta autorizonin gojarisht atë si avokat.
“Mendimi im do te kishte qenë se cilët janë prej palëve këtu që e autorizojnë avokatin. Ekonomikisht është shumë me e dobishme për me ndihmuar këtë proces me deklaruar se cili, ju kisha lutur se është mirë për gjykatën edhe mua”, ka thënë ai.
Por gjykatësja Musliu tha se autorizimi i të paditurve për t’u mbrojtur nga avokati Avni Gjakova do të duhet që të bëhet me autorizim.
Prona milionëshe është blerë në vitin 2002 dhe pasi blerësi ka shkuar në diasporë, aty kanë filluar ndërtimet ilegale. Nga viti 2002, kjo tokë është në kontest pronësor mes një personi i cili posedon dokumentacion që ka blerë tokën dhe mbi 20 personave të tjerë që gjithashtu pretendojnë se prona është e tyre.
Lajmet
Kupina goditet me shishe të çelqit, Salihu shoqërohet në polici
Published
11 minutes agoon
September 24, 2025By
UBTnews
Kryesuesi i Kuvendit Komunal të Prishtinës, njëkohësisht kryetari i Lidhjes për Prishtinën, Fehmi Kupina gjatë seancës që është mbajtur në komunë në tentin për votimin e buxhetit 2026, është sulmuar me shishe të çelçit.
Siç dihet deri me tani Kupina është sulmuar nga asamblisti i LDK-së, Sami Salihu, ndërkaq arsyeja e këtij incidenti ende nuk dihet.
Asambleisti i LDK-së, Sami Salihu është shoqëruar në stacion policor, ndërsa Kupina merr ndihmën mjekësore në autoambulancë në oborrin e komunës.
Në mungesë të kuorumit ka dështuar të mbahet mbledhja e jashtëzakonshme në Kuvendin Komunal të Prishtinës, e cila ishte thirrur nga kryetari Përparim Rama, për miratimin e buxhetit për vitin 2026.
Grupi i asamblistëve të LVV-së më herët ka bërë të ditur se nuk do të marrin pjesë në këtë mbledhje, derisa kanë arsyetuar vendimin e saj duke thënë se kryetari i Komunës së Prishtinës, Përparim Rama, e ka dërguar për votim buxhetin në mënyrë të njëanshme, pa asnjë konsultim paraprak dhe duke i anashkaluar anëtarët e Kuvendit Komunal dhe qytetarët e Prishtinës./D.B/KP
Lajmet
Amir Rrahmani mund të jetë në formacion në ndeshje me Milanin
Published
18 minutes agoon
September 24, 2025By
UBT News
Në fitoren 3:2 të Napolit të hënën ndaj Pisas, kapiteni i Kosovës, Amir Rrahmani, qëndroi në bankën e rezervistëve.
“Fantacalcio” ka shkruar se qendërmbrojtësi Rrahmani pritet të jetë startues ndaj Milanit, ndërkaq Napoli të dielën luan në udhëtim te Milani, në ndeshjen e vlefshme për javën e pestë të Serie A.
Qendërmbrojtësi pësoi lëndim të lehtë të muskulit të këmbës gjatë ndeshjes Zvicër-Kosovë, e luajtur më 5 shtator në Basel.
Rrahmani i mungoi kampionit në fuqi të Italisë edhe në dy ndeshjet e kaluara, ndaj Fiorentinas dhe ndaj Manchester City/S.K/KP/
Lajmet
Policia e Kosovës po kryen operacione policore në disa lokacione
Published
26 minutes agoon
September 24, 2025By
UBTnews
Policia e Kosovës është duke kryer dy operacione policore të cilat përfshijë disa lokacione.
Këtë e ka konfirmuar për KosovaPress, zëdhënësi i Policisë së Kosovës, Baki Kelani, derisa ka bërë të ditur se operacionet policore janë duke u realizuar mbi dyshimet për përfshirje në veprimtari të ndryshme kriminale të personave të dyshuar.
Kelani tha se këto operacione policore po kryhen nga njësitet relevante të Policisë së Kosovës me autorizim të prokurorisë.
“Policia e Kosovës me njësitë e saja relevante, me autorizim të prokurorisë kompetente është duke i realizuar dy operacione policore, të cilat përfshijnë disa lokacione në dy rajone të ndara. Operacionet policore janë duke u realizuar mbi dyshimet për përfshirje në veprimtari të ndryshme kriminale të personave të dyshuar. Pas përfundimit dhe kompletimit të veprimeve policore, në bashkëpunim dhe koordinim me prokurorinë mund të bëhen publike informacione shtesë”, tha Kelani.
KosovaPress ka kontaktuar Prokurorinë Themelore në Pejë për të marrë më shumë detaje, por ata thanë se nuk mund të japin informacione, pasi operacionet policore janë ende duke u zhvilluar./D.B/KP
Lajmet
Kurti thirrje ndërkombëtarëve: Serbia të mos konsiderohet shtet normal
Published
31 minutes agoon
September 24, 2025By
UBTnews
Në dy vjetorin e rënies heroike të rreshterit, Afrim Bunjaku krerët shtetërorë kanë bërë homazhe në varrezat e fshatit Samadrexhë të Vushtrrisë, ku prehet trupi i tij.
Më 24 shtator të vitit 2023, një grup serbësh të armatosur, në krye me terroristin Milan Radoiçiq, sulmuan Policinë e Kosovës. Aty mbeti i vrarë rreshteri Afrim Bunjaku, dhe u plagosën të tjerë.
Forcat speciale qëlluan për vdekje tre serbë, ndërkohë që pjesëtarë të grupit terrorist u larguan drejt Serbisë përmes rrugëve malore.
Për të nderuar jetën dhe veprën e heroi Afrim Bunjaku, për homazhe në këtë fshat ishin edhe deputetë të Kuvendit të Kosovës, kryetarë komunash, kolegë të punës si dhe bashkëqytetarë të të ndjerit.
Kryeministri në detyrë, Albin Kurti tha se rënia heroike e rreshterit, Afrim Bunjaku i solli Kosovës më shumë integritet territorial, sovranitet shtetëror, e sundim të rendit dhe ligjit.
Teksa kërkoi që tek institucionet e Kosovës të dorëzohen kriminelët e sulmit terrorist në Bansjkë ku mbetu i vrarë rreshteri policor, Kurti bëri thirrje tek bashkësia ndërkombëtarë që Serbinë mos të konsiderojnë si një shtet normal.
“Kosova fitoi shumë më tepër integritet territorial, sovranitet shtetëror, sundim të ligjit paqe e siguri. Prandaj, rënia heroike e Afrim Bunjakut nuk ishte e kotë, ishte një rënie e cila e ngriti Republikën e Kosovës, shtetin tonë të pavarur edhe së brendshmi por edhe në reputacionin e saj ndërkombëtarë se kemi të bëjmë me një shtet qe i del zot vetvetes dhe që ka policë që sakrifikohen për të mbrojtur qytetarët pa dallim… Në njërën ai mësyu i pari drejt bllokadës në Banjskë të Zveçanit dhe këtë e bëri si një polic me përvojë… Ai nuk lejoi që policët tjerë që ishin më të rinj se ai t’ia mësynin bllokadës që ishte në rrugë nga kamionët e grupit paramilitar të Serbisë të udhëhequr nga Radoiçiqi… Ne tash i bëjmë thirrje faktorëve ndërkombëtarë që të mos e konsiderojnë Serbinë shtet normal përderisa ajo nuk i dorëzon kriminelët e Serbisë të organizuar dhe udhëhequr nga Milan Radoiçiq dhe të financuar e mbështetur nga Beogradi zyrtar. Aktakuza përfshinë 45 persona, këta duhet t’i dorëzohen menjëherë shtetit të Kosovës”, tha ai.
Sot, bëhen dy vjet nga sulmi terrorist në Banjskë të Zveçanit, sulm ky i kryer nga një grup paraushtarak, të armatosur me artileri të rëndë. Përgjegjësinë kryesore për këtë sulm terrorist e mori nënkryetari i Listës Serbe, Millan Radoiçiq.
Sulmi terrorist i ndodhur para dy vitesh kishte synim aneksimin e veriut të Kosovës.
Ndonëse, ngritja e aktakuzës nga Prokuroria Speciale e Kosovës u bë më 11 shtator të vitit 2024, të lirë ende vazhdojnë të jenë 42 të akuzuarit për këtë sulm në krye me Milan Radoiçiqin, ndërsa tre të akuzuarit tjerë të arrestuar nga Policia e Kosovës po ballafaqohen me drejtësinë.
Për 42 të akuzuarit që janë në arrati për këtë sulm terrorist Gjykata Themelorë në Prishtinë ka lëshuar letër rreshtim ndërkombëtar.
Gjykimi ndaj Blagojr Spasojeviq, Vladimir Toliq dhe Dushan Maksimoviq, ka filluar më 17 prill të këtij viti, ndërsa që të tre të akuzuarit e kanë mohuar fajësinë./D.B/KP

Kupina goditet me shishe të çelqit, Salihu shoqërohet në polici

Amir Rrahmani mund të jetë në formacion në ndeshje me Milanin

Çfarë na mëson një psikologe për nevojat e fëmijëve?

Policia e Kosovës po kryen operacione policore në disa lokacione

Kurti thirrje ndërkombëtarëve: Serbia të mos konsiderohet shtet normal

Të premten dorëzohet padi në Prokurori kundër kryeparlamentarit Dimal Basha

Apple konfirmon: iOS 26 mund të ndikojë në baterinë e iPhone

Punëtori në UBT për sigurinë digjitale dhe fuqizimin e të rinjve

Vdes Claudia Cardinale, një jetë e përkushtuar artit dhe kinemasë
Të kërkuara
-
Aktualitet4 weeks ago
Profesori i UBT-së, Bahri Gashi, pjesë e rrjetit prestigjioz ndërkombëtar të recensimit shkencor në Taylor & Francis
-
Kërkime3 months ago
Profesori i UBT-së, Musa Sabedini, publikon punim shkencor në revistën ndërkombëtare JGPSCD në SHBA
-
Lajmet nga UBT3 months ago
UBT shpall konkurs për pranimin e studentëve të rinj për vitin akademik 2025/26
-
Aktualitet2 months ago
BSc në Shëndet Publik dhe Shkenca Mjekësore në UBT – Investim për të ardhmen e shëndetit të popullatës