Sport

Shtyhet fillimi i sezonit të ri në basketboll

Published

6 years ago

August 24, 2020

Esad Dujaka

Bordi i Federatës së Basketbollit të Kosovës (FBK) duke i parë zhvillimet e fundit me pandeminë COVID-19, në bazë të kompetencave të veta statutare, sot unanimisht ka marrë vendim që të shtyjë fillimin e edicionit të ri në basketboll 2020/21.

Edicioni i ri në basketboll ka qenë i programuar të fillojë më 16.09.2020 me ndeshjet e Superkupës së Kosovës në të dyja konkurrencat dhe më pas të vazhdojë me garat e edicionit 2020-2021.

Bordi i FBK-së ka marrë vendim që të shtyjë fillimin e edicionit të ri për një muaj, më saktësisht që edicioni i ri të fillojë më 14.10.2020, kur edhe do të organizohen ndeshjet e Superkupës së Kosovës. Ndeshjet e play-outit gjithashtu do të shtyhen për një muaj.

“Ky vendim është marrë duke parë gjendjen momentale të pandemisë COVID-19 në vendin tonë, por edhe pas konsultimeve me autoritetet përkatëse në nivel vendor dhe në pajtim me udhëzimet e profesionistëve shëndetësorë duke pasur në vëmendje dhe radhë të parë shëndetin e lojtarëve, trajnerëve, punëtorëve sportivë dhe të gjithë akterëve të përfshirë në organizimin e garave të basketbollit, si dhe karakteristikat e sportit tonë”, thuhet në vendim.

“Po ashtu -thuhet në vendim- ne presim nga institucionet tona që varësisht prej situatës me pandeminë COVID-19 të marrin vendim për lejimin e zhvillimit të stërvitjeve në mënyrë që klubet tona të fillojnë ngadalë, por sigurtë përgatitjet për edicionin e ri”.

Federata e Basketbollit e Kosovës e ka përgatitur Udhëzuesin për Rikthimin në Fushat e Basketbollit (versionin 3.0) dhe në momentin që Qeveria e Republikës së Kosovës merr vendim për lejimin e zhvillimit të stërvitjeve (dhe më pas edhe garave), atëherë FBK do t’i pajisë të gjithë anëtarët e saj me këtë Udhëzues, i cili do të jetë udhërrëfyes për ruajtjen e shëndetit të të gjithë basketbollistëve/eve, zyrtarëve të ekipit, zyrtarëve të ndeshjeve dhe gjithë komunitetit të basketbollit në vendin tonë.

Related Topics:basketboll shtyhet kampionati

Up Next

Autobusi i “C.Zvezdës” arrin në “Air Albania Stadium” nën masa të rrepta sigurie

Don't Miss

Futboll: Bayern – kampion i Evropës!

Sport

Foda publikon listën e zgjeruar për miqësoret ndaj Çekisë dhe Andorrës

Published

10 minutes ago

May 25, 2026

UBTNews

Përzgjedhësi i Kosovës, Franco Foda, ka bërë publike listën e zgjeruar të futbollistëve të ftuar për dy ndeshjet miqësore që “Dardanët” do t’i zhvillojnë ndaj Çekia dhe Andorra.

Kosova fillimisht do të përballet me Çekinë më 31 maj 2026 në Pragë, në stadiumin epet ARENA, me ndeshjen që nis nga ora 16:00.

Ndërkohë, më 7 qershor 2026, “Dardanët” do ta zhvillojnë miqësoren e dytë kundër Andorrës në stadiumin Fadil Vokrri, duke filluar nga ora 20:00.

Para grumbullimit, Foda do të mbajë konferencë për media më 27 maj, nga ora 15:30, në Emerald Hotel, ku pritet të flasë për synimet dhe përgatitjet e ekipit.

Këta janë të përzgjedhurit e Fodës për listën e zgjeruar të Kosovës për ndeshjet miqësore të muajit qershor.

Sport

Fundi i epokës së Antonio Conte në Napoli pas dy sezonesh të suksesshme

Published

2 hours ago

May 25, 2026

UBTNews

Antonio Conte nuk është më trajner i SSC Napoli, ekip ku bën pjesë edhe mbrojtësi kosovar Amir Rrahmani.

Klubi napolitan ka konfirmuar të hënën ndarjen me trajnerin 56-vjeçar, duke e falënderuar për kontributin e tij gjatë dy sezoneve në krye të skuadrës. Gjatë kësaj periudhe, Conte arriti suksese të rëndësishme, duke fituar titullin e kampionit të Italisë në sezonin e kaluar dhe Superkupën e Italisë në edicionin aktual.

Conte e përfundon aventurën e tij në Napoli me një bilanc pozitiv, duke lënë pas një ekip konkurrues në Serie A dhe në garat vendore, ku ndikimi i tij në disiplinën taktike dhe organizimin e skuadrës ishte i dukshëm.

Sipas raportimeve, ai pritet të rikthehet në drejtimin e Italy national football team, të cilën e kishte udhëhequr më parë nga viti 2014 deri në 2016.

Gjatë karrierës së tij si trajner, Conte ka drejtuar disa nga klubet më të mëdha evropiane, përfshirë Juventus F.C., Chelsea F.C., Inter Milan dhe Tottenham Hotspur F.C., ku ka fituar tituj dhe ka ndërtuar skuadra shumë konkurruese.

Në Napoli, largimi i tij shënon fundin e një periudhe të rëndësishme suksesi, ndërsa klubi pritet të nisë një fazë të re ndërtimi për sezonin e ardhshëm.

Sport

Guardiola mbyll epokën e artë te Manchester City

Published

4 hours ago

May 25, 2026

UBTNews

Manchester City i ka dhënë lamtumirën trajnerit Pep Guardiola pas ndeshjes së tij të fundit në krye të klubit. Ai e përmbylli aventurën me “Citizens” pas 10 sezonesh historike në krye të skuadrës.

Gjatë kësaj periudhe, Guardiola drejtoi ekipin në 593 ndeshje dhe fitoi gjithsej 20 trofe, duke përfshirë tituj të shumtë në Premier League dhe triumfin në Ligën e Kampionëve. Ai erdhi me filozofi të qartë loje dhe e shndërroi Cityn në një nga skuadrat më dominuese në Evropë.

Nën drejtimin e tij, Manchester City u bë simbol i futbollit modern me lojë sulmuese dhe dominim të vazhdueshëm në Angli dhe Evropë. Me këto arritje, Guardiola largohet si një nga trajnerët më të suksesshëm në historinë e futbollit anglez.

Sport

Natë zhgënjyese për Juventus F.C. dhe AC Milan, mbesin jashtë Championsit

Published

5 hours ago

May 25, 2026

UBTNews

Java e fundit e Serie A solli zhgënjim të madh për dy gjigantët italianë, Juventus F.C. dhe AC Milan, që nuk arritën të sigurojnë një vend në Ligën e Kampionëve për sezonin e ardhshëm.

Juventus F.C. lëshoi nga duart një epërsi prej dy golash në derbin ndaj Torino F.C., duke u ndalur me rezultat 2-2.

Sulmuesi Dušan Vlahović ishte protagonisti kryesor për bardhezinjtë, pasi realizoi dy herë. Fillimisht ai shënoi në minutën e 25-të pas një aksioni të shpejtë, ndërsa golin e dytë e realizoi në minutën e 54-t pas asistimit të Francisco Conceição.

Megjithatë, vendasit reaguan fuqishëm. Cesare Casadei ngushtoi rezultatin në minutën e 60-të, ndërsa Che Adams realizoi golin e barazimit në minutën e 84-t. Me këtë rezultat, Juventusi e mbylli sezonin në vendin e gjashtë me 69 pikë, pozitë që siguron vetëm Ligën e Evropës.

Ndërkohë, edhe AC Milan përjetoi një natë për t’u harruar në “San Siro”, duke humbur 2-1 ndaj Cagliari Calcio dhe duke mbetur jashtë zonës së Champions League.

Kuqezinjtë e nisën ndeshjen në mënyrë perfekte me golin e hershëm të Alexis Saelemaekers që në minutën e parë, por mysafirët përmbysën gjithçka. Gennaro Borrelli barazoi në minutën e 19-të, ndërsa Juan Rodriguez realizoi golin e fitores në pjesën e dytë.

Humbja bëri që Milani të rrëshqasë në vendin e gjashtë me 70 pikë, duke siguruar vetëm pjesëmarrjen në Ligën e Evropës, ndërsa Cagliari e mbylli sezonin në pozitën e 14-të.