Lajmet

Shtetasit e BE-së kanë 28 ditë afat për të aplikuar për qëndrim në Britani

Published

on

Zyrtarët britanikë për zbatim të ligjit për imigrim, do të nisin të lëshojnë paralajmërime 28-ditore për qytetarët e Bashkimit Evropian, që të mund të vazhdojnë të jetojnë në Mbretëri të Bashkuar, ka thënë Qeveria britanike.

Mirëpo autoritetet do të ofrojnë afat të pacaktuar për mbushje të aplikacionit, nëse qytetarët kanë arsyetim për vonesë.

Më shumë se 5.6 milionë qytetarë të Zonës Ekonomike Evropiane dhe vartësit e tyre, kanë aplikuar për të qëndruar në këtë vend.

Mirëpo rreth 400,000 raste tjera janë ende të pazgjidhura, dhe linja qeveritare për ofrim të ndihmës, është duke pranuar mijëra thirrje në ditë.

Çështja e rregullimit të statusit për banorët e BE-së në Britani, ka nisur pas referendumit për largim të këtij shteti nga blloku evropian, pesë vjet më parë.

Përmes këtij procesi, këtyre qytetarëve u mundësohet e drejta për të banuar, udhëtuar, punuar dhe qasja në kujdes shëndetësor në Britani.

Shtetasit e Polonisë dhe Rumanisë është thënë të kenë kryer më së shumti aplikime deri më tani.

Vendimi për largim të Britanisë nga BE-ja ka ardhur pasi 52 për qind e votuesve kanë votuar për dalje të Britanisë nga BE-ja kundruall 48 për qind që kanë kundërshtuar atë, në referendumin e mbajtur më 2016./REL

Lajmet

Klubi i fëmijërisë së Diogo Jota merr vendim fantastik në nderim të tij

Published

on

Klubi i fëmijërisë së futbollistëve portugezë Diogo Jota dhe Andre Silva ua ka dedikuar uniformën e tyre për këtë sezon vëllezërve që vdiqën në një aksident me makinë më 3 korrik në Spanjë.

Skuadra e kategorisë së katërt, Gondomar SC, ka stampuar në fanellat e saj fotografi të sulmuesit të Liverpoolit dhe Portugalisë, Jota, dhe vëllait të tij Silva, i cili luajti për ekipin portugez Panafiel.

Në pjesën e sipërme të pjesës së pasme të fanellave janë shkruar emrat e dy lojtarëve nën një simbol të pafundësisë.

“Më shumë se një fanellë, një homazh i përjetshëm”, tha Gondomar SC, që luan në Kampionatin e Portugalisë, në një postim në rrjetet sociale. “Sepse futbolli është më shumë se fitore dhe gola, është trashëgimi, është familje, është dashuri për tokën tonë. Sa herë që atletët tanë veshin këtë fanellë, është sikur të dalin në fushë me të.”

Liverpool njoftoi muajin e kaluar se lojtarët e tyre do të mbajnë emblemën “Forever 20” në fanellat dhe xhaketat e tyre këtë sezon të Premier League.

Pas konsultimit me familjen e Jotës, fanella e tij me numër 20 do të tërhiqet nga përdorimi në të gjitha nivelet e klubit nga “Anfield”, duke përfshirë ekipet e femrave dhe ato të akademisë.

Jota dhe Silva u rritën në Gondomar, një qytet në periferi të Portos.

Continue Reading

Lajmet

​Dardanët lëshojnë një njoftim të rëndësishëm

Published

on

Tifo-grupi “Dardanët” ka njoftuar se do t’i bashkohet protestës të së enjtes kundër Gjykatës Speciale, në shenjë kundërshtimi ndaj asaj që e cilësojnë padrejtësi ndaj ish-krerëve të Ushtrisë Çlirimtare të Kosovës.

Në një deklaratë publike, “Dardanët” theksojnë se përkrahja e tyre vjen jo vetëm për shkak të lidhjes me ish-pjesëtarët e UÇK-së, por edhe për shkak të madhështisë dhe drejtësisë së luftës për liri.

“Ftojmë secilin anëtar të Dardanëve që të jetë pjesë e kësaj proteste, në atë mënyrë që të përçojmë mesazh të qartë se qëndrojmë përkrah njerëzve që zgjodhën lirinë e vendit si të vetmen alternativë,” thuhet ndër të tjera në njoftim.

Protesta është thirrur pas zhvillimeve të fundit që lidhen me proceset gjyqësore ndaj disa prej figurave kryesore të UÇK-së në Hagë.

Continue Reading

Lajmet

​Ballkani mëson kundërshtarin e mundshëm në play-off të Conference League

Published

on

Klubi i futbollit Ballkani ka mësuar emrat e kundërshtarëve të mundshëm në fazën play-off të UEFA Conference League, në rast se kalon me sukses turin e tretë kundër Shamrock Rovers.

Skuadra nga Suhareka do të përballet me fituesin e përballjes mes Larne FC nga Irlanda e Veriut dhe CD Santa Clara nga Portugalia.

Ndeshja e parë e play-off-it do të luhet më 21 gusht si mysafir, ndërsa ajo kthyese do të zhvillohet një javë më vonë në stadiumin “Fadil Vokrri” në Prishtinë.

Continue Reading

Lajmet

​Zbulohet skuadra e re e Son Heung-min

Published

on

Sulmuesi 33-vjeçar Son Heung‑min, pas 10 vitesh besnikëri, njoftoi se po largohet nga Tottenham Hotspur këtë verë, një vendim që e cilësoi si më të vështirin në karrierën e tij.

Në një konferencë për shtyp në Seul, ai shprehu mirënjohjen e thellë për tifozët dhe klubin, duke theksuar nevojën për një ambient të ri që të sfidojë më tej vetveten.

Në ndeshjen miqësore kundër Newcastle United, pas zëvendësimit në minutën e 64-të, u përshëndet nga një korridor nderi dhe ovacione të gjata, një moment emocional për të dhe fansat. Ai përfundoi aventurën e tij në Tottenham me 454 paraqitje, 173 gola dhe 101 asistime, duke u renditur ndër golashënuesit më të mirë në histori të klubit.

Transferimi drejt Los Angeles FC është afër finalizimit dhe mund të tejkalojë rekordet e MLS (rreth 15–22.5 milionë euro), duke e bërë atë një nga lëvizjet më të shtrenjta në historinë e ligës amerikane.

Menaxheri i ri i Spurs, Thomas Frank, e lavdëroi Son-in si një legjendë të vërtetë dhe theksoi se ndeshja në Seul ishte një përfundim perfekt për dekadën e tij në klub.

Continue Reading

Të kërkuara