Kulturë

Shtëpia e pushimit në fshat e çiftit mbretëror

Published

on

Vëmendje për të gjithë ata që mendojnë se William dhe Kate Middleton jetojnë brenda mureve të pallatit të Buckingham. Nuk është kështu! Në fakt, çifti mbretëror jeton në një vilë gjigande në pallatin e Kensington-it, por kohët e fundit janë zhvendosur larg, në shtëpinë e tyre në fshat! 

Dikur, Kate dhe William vizitonin vilën Anmer Hall vetëm gjatë pushimeve dhe fundjavave, kur fëmijët s’ishin në shkollë, por tani gjërat kanë ndryshuar. Pandemia na izoloi të gjithëve, por sigurisht jo njësoj.

Vila “pallat”, ndodhet vetëm 2 milje larg rezidencës së mbretëreshës. E quajtur “Hall” ndërtesa është ndërtuar që prej shekullit të 18-të dhe dikur përdorej nga Duka dhe Dukesha e Kent-it, e ndërsa më vonë nga shoku i ngushtë i princit Charles. Madhështinë e shtëpisë së pushimit s’e tregojmë dot me fjalë, kështu që:

Si duket shtëpia e pushimit në fshat e çiftit mbretëror?
Si duket shtëpia e pushimit në fshat e çiftit mbretëror?

Kjo ndërtesë ishte dhurata e mbretëreshës për dasmën e Kate dhe William. Thuhet se u shpenzuan rreth £1.5  milion për restaurimin e brendshëm, që përfshin: një kuzhinë të re, një çati të re dhe shumë pyje rreth e rrotull për ta bërë ambientin sa më privat të jetë e mundur.

Si duket shtëpia e pushimit në fshat e çiftit mbretëror?

Ndonëse pak e dinë, Kate dhe William kanë jetuar aty me kohë të plotë nga 2013-i deri në 2017-ën, kur erdhi koha që princi George të shkonte në shkollë.

Mos harruam të themi se vlera e vilës është £30 milion?! Po dhe sado të ndodheni aty pranë, nuk mund ta shihni kurrsesi, përveçse nga zona rreth e rrotull.

Si duket shtëpia e pushimit në fshat e çiftit mbretëror?

Burimi: Cosmopolitan

Continue Reading

Magazinë

Shkëlqeu në Met Gala, Rihanna konfirmon shtatzëninë e saj të tretë?

Published

on

Këngëtarja e famshme, 37 vjeç, është në pritje të fëmijës së tretë me partnerin e saj, reperin A$AP Rocky – lajmin e ka konfirmuar një burim për “Page Six”.

Disa minuta më parë, para se të shfaqej në tapetin e kuq të “Met Gala 2025”, Rihanna prezantoi barkun e rrumbullakosur në hotelin Carlyle në New York City. Pavarësisht shiut dhe motit të keq, ajo shkëlqeu me një veshje gri me fund të shkurtër dhe bluzë të kombinuar, çorape deri te gjunjët dhe taka të njëjta gri.

Në disa momente, përpiqej ta mbulonte barkun me një shall të trashë prej peliçeje kafe.

Rihanna dhe A$AP Rocky janë tashmë prindër të dy djemve: RZA, i lindur në maj 2022, dhe Riot Rose, që erdhi në jetë në gusht 2023.

Në dhjetor të vitit të kaluar, Rihanna kishte lënë të kuptohej se dëshironte një tjetër fëmijë, kur gjatë një interviste për “E! News” tha me humor:

Derimë tani kam vetëm djem. Jam në 75 për qind për një tjetër djalë, por po mbajmë gishtat e kryqëzuar.

Që prej vitit 2020, ylli i muzikës dhe sipërmarrësja e suksesshme ka folur hapur për dëshirën e saj për të pasur një familje të madhe, duke i thënë “British Vogue” se e shihte veten me tre apo katër fëmijë – me ose pa partner.

Continue Reading

Magazinë

Përfaqësuesi i Lady Gaga-s flet pas arrestimeve në Rio

Published

on

Dy persona janë arrestuar në Rio de Janeiro në lidhje me një kërcënim të dyshuar me bombë në koncertin madhështor të Lady Gaga-s, që u mbajt të shtunën, më 3 maj, në plazhin Copacabana, raportojnë mediat ndërkombëtare.

Sipas “The Guardian”, një burrë dhe një adoleshent u ndaluan pak orë para koncertit të falas, nën dyshimin se po planifikonin një sulm me lëndë shpërthyese kundër komunitetit LGBTQ+ në Brazil.

Në një konferencë për shtyp më 4 maj, Policia Civile e Rio-s sqaroi se të arrestuarit po punonin së bashku për të rekrutuar njerëz në koncert me qëllim sulme të koordinuara me bomba artizanale, duke përdorur kokteje Molotov. Sipas autoriteteve, sulmet synonin drejtpërdrejt publikun LGBTQIA+.

Personi i dyshuar si organizator është arrestuar për mbajtje të paligjshme armësh, ndërsa adoleshenti për posedim të materialeve pornografike me të mitur, pas një bastisjeje në 15 lokacione të ndryshme.

Një koncert historik që përfundoi me sukses, por që prapa skenave fshihte një skenar të rrezikshëm – i parandaluar në kohë nga inteligjenca braziliane.

 

 

Continue Reading

Lifestyle

Kafe e ftohtë apo e nxehtë, cila është më e shëndetshme dhe pse?

Published

on

Pirja e kafesë është bërë pjesë e pandashme e përditshmërisë për miliona njerëz, një zakon që nuk ofron vetëm energji, por edhe përfitime të shumta për shëndetin dhe mirëqenien mendore

Kafeja nxit ndjenjat e mirësisë, miqësisë e lumturisë, duke përmirësuar disponimin tuaj. Por përtej aspektit emocional, është një burim i pasur i vitaminave B dhe K, riboflavinës, si dhe përmban rreth një mijë përbërës bimore bioaktivë, shumë prej të cilëve kanë efekte antiinflamatore dhe mbrojtëse për organizmin.

Antioksidantët dhe dallimet mes kafesë së nxehtë dhe të ftohtë

Një studim i publikuar në Scientific Reports zbuloi se kafeja e nxehtë përmban më shumë antioksidantë krahasuar me atë të ftohtën, që e bën më efektive në luftën kundër radikaleve të lira dhe plakjes qelizore. Antioksidantët janë përbërës të rëndësishëm që kontribuojnë në mbrojtjen e zemrës, forcimin e sistemit imunitar dhe përmirësimin e funksioneve kognitive. Kafeja e ftohtë, ka aciditet më të ulët dhe një shije më të butë, duke e bërë të përshtatshme për ata që vuajnë nga ndjeshmëri në stomak ose refluks gastrik.

Pavarësisht temperaturës, vlera e pH-së së të dyja formave është e ngjashme, duke luhatur nga 4.85 në 5.13, por përthithja dhe reagimi i trupit ndryshojnë.

Cilën të zgjedhim? Varet nga trupi, preferenca dhe koha e ditës

▪ Për më shumë përfitime shëndetësore dhe antioksidantë: zgjidhni kafenë e nxehtë.

▪ Për ata me stomak të ndjeshëm ose që duan një alternativë më të butë gjatë ditës së nxehtë: kafe e ftohtë është më e lehtë për tretje.

▪ Në mëngjes, një kafe e nxehtë mund të nxisë qarkullimin dhe të zgjojë sistemin nervor.

▪ Në pasdite, kafeja e ftohtë mund të jetë më freskuese dhe më e lehtë për trupin.

Në fund të ditës, të dyja llojet ofrojnë përfitime të vlefshme, dhe zgjedhja më e mirë është ajo që i përshtatet trupit e mënyrës suaj të jetesës.

Çelësi është gjithmonë: konsumi i moderuar.

Continue Reading

Magazinë

Mbi 2 milionë njerëz në koncertin e Lady Gagas në Brazil

Published

on

Më shumë se dy milionë njerëz kanë ndjekur një koncert falas të Lady Gagas në plazhin Copacabana në Rio de Janeiro, sipas zyrtarëve të qytetit.

Koncerti më i madh i yllit të popit është paguar nga qyteti, në një përpjekje për të rigjallëruar ekonominë e Rios, raporton BBC.

Ata presin që kjo mund të sjellë 100 milionë dollarë të ardhura për ekonominë lokale. Performanca e së shtunës ishte pjesë e një turneu promovues për albumin e tetë të Lady Gagas, “Mayhem”, këngët e të cilit përfshijnë Abracadabra dhe Die With a Smile. Ajo performoi për herë të fundit në Brazil më 2012.

Disa fansa, të njohur si “Përbindëshat e vegjël” të Gaga-s, kishin nisur të mblidheshin në radhë herët në mëngjes për të hyrë në plazh.

Një operacion masiv sigurie ishte caktuar në vend, me 5,000 oficerë policie në detyrë, teksa të pranishmit duhej të kalonin përmes detektorëve metalikë. Autoritetet përdorën gjithashtu dronë dhe kamera për njohjen e fytyrës, për të ndihmuar policinë e ngjarjes.

Lady Gaga nuk është personi i parë që ka mbajtur një koncert falas në Brazil. Madonna ka mbajtur po ashtu një koncert në plazhin e Copacabana në maj të vitit 2024, i cili u pagua gjithashtu nga qyteti.

“Ju keni pritur për mua, keni pritur për më shumë se 10 vjet”, ka thënë Lady Gaga e emocionuar para turmave ndërsa ajo shpalosi një flamur brazilian.

“Brazil, unë jam gati. Do të jap gjithçka”, është shprehur ajo më pas.

Mijëra kënduan hitet më të njohura, Alejandro, Poker Face dhe Abracadabra, duke krijuar atmosferë elektrike. Fansar udhëtuan nga i gjithë vendi për të parë performancën madhështore.

Continue Reading

Të kërkuara