Lajmet

Shtatë persona të prekur me grip të derrit dhe një me COVID-19

Lajmin e ka konfirmuar drejtori i Klinikës Infektive, Arben Vishaj, i cili ka theksuar se “gjendja e tyre është stabile”.

Published

on

Shtatë pacientë më influenca të grupit të derrit (AH1N1) dhe një me COVID-19 janë duke u trajtuar në Klinikën Infektive të Qendrës Klinike Universitare të Kosovës (QKUK). Lajmin e ka konfirmuar drejtori i Klinikës Infektive, Arben Vishaj, i cili ka theksuar se “gjendja e tyre është stabile”.

“E kemi një pacient i cili është duke u trajtuar në Mjekimin Intenziv nga AH1N1 dhe është me parametra kliniko laboratorik stabil”, ka thënë Vishaj.

Ai ka sqaruar se numri i pacientëve që janë duke ardhur në këtë periudhë kohore është mjaft i madh.

“Kemi vërejtur një fluks të madh të pacientëve në këtë periudhë kohore në ambulancën e pranimit me simptomatologji të virozëve të traktit respirator, por kërkesa për spitalizim nuk është e madhe”.

Para tre muajsh, Komuna e Prishtinës kishte njoftuar se 14 Qendra të Mjekësisë Familjare në kryeqytet janë furnizuar me vaksinën kundër gripit sezonal.

Sipas njoftimit, në administrim kryeqyteti kishte pasur 6 mijë e 700 doza të kësaj vaksine dhe qytetarët mund të vaksinoheshin çdo ditë pune.

“Të dashur qytetarë, ju ftojmë që të vaksinoheni, sidomos të moshuarit, personat me sëmundje kronike. fëmijët nën moshën pesë vjeçare dhe gratë shtatzëna”, thuhet në komunikatën për media.

Ndryshe vaksinimi kundër gripit sezonal në Kosovë ka nisur në muajin tetor.

Instituti Kombëtar i Shëndetësisë Publike të Kosovës kishte njoftuar se fillimisht duhet të vaksinohen personat e moshës mbi 65 vjeç, personat me sëmundje kronike, gratë shtatzëna dhe fëmijët mbi 6 muaj me imunitet të dobësuar.

Lajmet

Spanja shënon fitore kundër Bullgarisë në kualifikuese për Kupën e Botës

Published

on

Spanja e hapi fushatën e saj kualifikuese për Kupën e Botës 2026 me një fitore të lehtë pasi mposhti Bullgarinë 3-0 në Stadiumin Kombëtar Vasil Levski.

Vizitorët kaluan përpara duke marrë epërsinë në pjesën e parë me Mikel Oyarzabal, Marc Cucurella dhe Mikel Merino që shënuan të gjithë.

Spanja pati disa raste për ta zgjeruar më tej avantazhin e saj pas pushimit, por u penguan nga disa pritje të forta nga portieri i Bullgarisë Svetoslav Vutsov.

Fitorja do të thotë që skuadra e Luis de la Fuentes kryeson Grupin E pasi fitoi ndeshjen e parë kualifikuese dhe vëmendja e tyre tani kthehet në një takim me Turqinë të dielën, ndërsa Bullgaria përballet me Gjeorgjinë.

Si Spanja ashtu edhe Bullgaria patën raste të hershme pasi gjuajtjet e Cucurella dhe Kristian Dimitrov u bllokuan, por Spanja mori një epërsi të shpejtë kur Oyarzabal i çoi ata në avantazh vetëm pesë minuta pas fillimit.

Lamine Yamal hyri në hapësirë ​​për vizitorët në krahun e djathtë përpara se ta kthente topin në buzë të zonës, ku mesfushori i Arsenalit Martín Zubimendi arriti të dërgonte një pasim të bukur për Oyarzabal për ta goditur në cepin e poshtëm.

Zubimendi më pas u afrua shumë pranë portës pasi gjuajtja e tij me kokë u prit mirë nga Vutsov dhe një gjuajtje e Radoslav Kirilov u bllokua nga Pedro Porro përpara se mbrojtësi i Tottenhamit t’ia kalonte topin Yamalit, i cili e detyroi Vutsovin të bënte një tjetër ndalesë.

Cucurella më pas dyfishoi avantazhin e Spanjës në gjysmë ore kur krosi i Yamalit u largua drejt lojtarit të Chelseat, i cili ishte brenda zonës dhe me një gjuajtje të ulët kaloi Vutsovin.

Spanja vazhdoi të ushtronte dominimin e saj dhe në minutën e 38-të një goditje nga këndi e Yamalit u eliminua me kokë nga Merino nga afër.

Merino pothuajse kishte një të dytë pak çaste më vonë, por Emil Tsenov bëri një ndërhyrje të shkëlqyer pak para përfundimit të pjesës së parë për t’ia mohuar mesfushorit të Arsenalit.

Oyarzabal dhe Merino u bllokuan me gjuajtje, ndërsa Spanja u përpoq të rriste epërsinë dhe Rodri iu afrua golit, por Vutsov arriti ta priste topin përpara se Nico Williams të dilte jashtë fushe.

Anësori i Comos, Jesús Rodriguez, hyri në fushë për të debutuar me Spanjën në minutën e 79-të dhe Bullgaria u përpoq të rrëmbente një gol në fund të ndeshjes, ndërsa Dean Huijsen ndërhyri për të ndaluar goditjen e rrezikshme të Marin Petkov në 10 minutat e fundit, por vizitorët arritën të siguronin një fitore të lehtë./S.K/ESPN/

Continue Reading

Lajmet

Shefi i BE-së në Kosovë: Me Bashën diskutuam nevojën për të respektuar proceset kushtetuese

Published

on

By

Shefi i Zyrës së BE-së në Kosovë, Aivo Orav, ka takuar dje me kryetarin e Kuvendit të Kosovës, Dimal Basha, me të cilin ka diskutuar rreth formimit të institucioneve të reja.

Ai ka bërë me dije se me kryeparlamentarin Basha ka biseduar për respektim të proceseve kushtetuese, të cilat sigurojnë institucione gjithëpërfshirëse dhe multi etnike.

Në llogarinë e tij në “X”, diplomati evropian ka vlerësuar se formimi i qeverisë së re është kyç për Kosovën.

U takova sot me Kryetarin e sapozgjedhur të Kuvendit të Kosovës, Dimal Basha. Diskutuam për nevojën për të respektuar proceset kushtetuese dhe për të siguruar institucione gjithëpërfshirëse dhe multietnike. BE është këtu për të mbështetur Kosovën – formimi i Qeverisë dhe komisioneve të Kuvendit është kyç për të ecur përpara me Planin e Rritjes”, ka thënë ai./D.B/EO

Continue Reading

Lajmet

Shkodër, të shtëna me armë në qendër të qytetit, mbetet i vrarë një 34-vjeçar

Published

on

By

Qyteti i Shkodrës është tronditur mbrëmjen e së enjtes nga një ngjarje e rëndë me armë zjarri në qendër të qytetit.

Sipas të dhënave të para, viktimë ka mbetur një mashkull shqiptar i moshës 34 vjeçare, Kristian Kola, i njohur si një person me precedent penal.

Policia e Shtetit ka bërë të ditur se viktima mashkull ishte qëlluar në një atentat të mirëmenduar nga dy persona që lëviznin me motor, teksa viktima ndodhej në ambientet e jashtme të një lokali bashkë me dy persona të tjerë.

Shërbimet e Policisë kanë rrethuar zonën dhe kanë kyrer kontrolle të shumta për kapjen e autorëve.

Një grup i posaçëm hetimor, nën drejtimin e Prokurorisë, po punon për sqarimin e plotë të rrethanave dhe dokumentimin ligjor të kësaj ngjarjeje./D.B/Euronews

Continue Reading

Lajmet

​ZRRE-ja licencon operatorë të rinj për furnizim me energji elektrike

Published

on

By

Zyra e Rregullatorit të Energjisë (ZRRE) ka sot ka licencuar disa operatorë për furnizim me energji elektrike.

Norwegian PX Kosovë SH.P.K, Be Power, Energy for Change L.L.C janë operatorë që për pesë vjet ZRRE-ja ua dha licencën për furnizim me energji elektrike.

Ndërsa, në mbledhjen e sotme të ZRRE-së, operatori Energy Development Group Kosova L.L.C, mori licencën për prodhim të energjisë elektrike, kurse operatori LINDJA SOLAR L.L.C mori Autorizimin për prodhime të energjisë.

Sa i përket operatorit LINDJA SOLAR L.L.C, udhëheqësi i Departamentit Ligjor dhe Licencim në ZRRE, Ymeridin Misini tha se propozohet të lëshohet autorizim për ndërtimin e kapaciteteve të reja gjeneruese për prodhim të energjsië elektrike nga panelet solare me kapacitet 100 MGW.

Kryesuesi i Bordit të ZRRE-së, Ymer Fejzullahu tha se ky operator është ndër projektet e para që ka kaluar përmes procedurave konkurruese qe është kërkese e BE-së.

Po ashtu, në këtë mbledhje Zyra e Rregullatorit të Energjisë ka lëshuar autorizimin për vetë konsum për 50 aplikues./D.B/KP

Continue Reading

Të kërkuara