Shëndeti

Shtatë këshilla të arta për bukurinë e thonjve tuaj

Kujdesi shëndetësor është në radhë të parë.

Published

on

Gjëja themelore që lidhet me kujdesin, bukurinë dhe shëndetin e thonjve është gjendja e përgjithshme e organizmit.

Kujdesi shëndetësor është në radhë të parë, që nënkupton një dietë cilësore të pasur me lëndë ushqyese, hidratim të rregullt dhe adekuat, gjumë të mjaftueshëm dhe stërvitje. Kur plotësohet ky kusht themelor, kujdesuni për sa vijon:

Kujdesi i duhur i kutikulave

Kutikula e hollë rreth rrënjës së thoit mbron nga infeksioni. Përveç lëkurës së thatë, kutikulat mund të shkaktohen edhe nga manikyri jo i duhur dhe jo profesionist, përdorimi i shpeshtë i manikyrit agresiv dhe acetonit që e thajnë më tej lëkurën apo edhe nga mungesa e vitaminave dhe mineraleve në trup, si hekuri dhe kalciumi.

Duart dhe thonjtë gjatë gjithë vitit duhet të kujdesen me hidratues dhe vajra. Kur shfaqen kutikulat, është mirë t’i zbusni në ujë të vakët dhe t’i shtyni butësisht drejt rrënjës së thoit. Megjithatë, nëse ka më shumë inflamacion ose gjakderdhje, sigurohuni që të vizitoni një estetist.

Rruga drejt thonjve më të fortë

Merrni mjaftueshëm vitamina dhe minerale në dietën tuaj, veçanërisht squfur (qepë, hudhër, bishtajore), biotinë (kërpudha, karota, banane) dhe kalcium (fasule, djathë, fiq të thatë) ose përdorni suplemente dietike për të forcuar thonjtë tuaj. Mbroni duart kur bëni punët e shtëpisë. Mos harroni të vishni doreza gome në mënyrë që këto kimikate të mos dëmtojnë lëkurën dhe thonjtë tuaj.

Ushqeni kutikulën me vaj bajame

Zëvendësoni pastruesin e manikyrit të thonjve me formaldehid, toluen dhe aceton me heqës manikyri vaji. Aplikoni një shtresë manikyri ditën e parë. Në ditën e dytë, aplikoni një shtresë tjetër dhe kështu me radhë nga dita në ditë. Pas katër ditësh, hiqni llakun dhe përsëritni procedurën. Ju garantohet se do ta shihni efektivitetin e tij vetëm pas dhjetë ditësh, nëse e përdorni rregullisht dhe në mënyrë korrekte. Pas kësaj mund të vazhdoni ta përdorni si shtresë bazë dhe mbi të një llak me ngjyra.

Zgjedhja e duhur e kompleteve për kujdesin e thonjve

Përpikëria e tepërt si pastrimi i papastërtive nën thonj me majën e një rrëpire mund të çojë në zhvillimin e një infeksioni kërpudhor bakterial. Në vend të kësaj, përdorni një furçë thonjsh. Në mënyrë që thonjtë tuaj të jenë të bukur dhe të padëmtuar, merrni parasysh se çfarë lloj produktesh mirëmbajtjeje përdorni.

Prerja e duhur e thonjve

Thonjtë duhet të zbuten para prerjes pasi kjo shmang mikrodëmtimet, ndaj është koha ideale për t’u prerë pas larjes. Thonjtë e duarve dhe këmbëve duhet të priten drejt dhe t’i jepen formë me një rrëpirë në skajet për të shmangur thonjtë e rrënjosur në këmbë. Shmangni prerjen e kutikulës pasi mbron thoin nga infeksioni. Pas prerjes së thonjve duhen lyer duart, këmbët dhe thonjtë me krem hidratues.

Shmangni veshjen e këpucëve me hapësirë të ngushtë gishtash si dhe veshjen e takave të larta

Mbani rregullisht higjienën e këmbëve që do të thotë t’i lani ato me sapun dhe ujë dhe më pas t’i thani mirë me një peshqir. Zgjidhni çorape të bëra nga materiale natyrale dhe ndërrojini rregullisht. Nëse këmbët tuaja djersiten shumë, provoni të përdorni pluhura ose spërkatje të destinuara për këtë qëllim.

Lifestyle

Ushqimet e shumëpërpunuara shkaktojnë probleme shëndetësore

Published

on

Në sezonën e verës konsumohen ushqime të ndryshme, mirëpo sipas disa studimeve ushqimet e shumëpërpunuara thuhet po shkaktojnë probleme serioze shëndetësore tek njerëzit në vende të ndryshme.

Drithërat me ngjyra të ndezura, picat e gatshme që mund të ngrohen në mikrovalë dhe qeset e mëdha me patatina dominojnë gjithnjë e më shumë raftet e supermarketeve. Por një studim i ri, i publikuar në Nutrition & Metabolism, nxjerr në pah lidhjen alarmante mes këtyre ushqimeve të përpunuara dhe shenjave të hershme të sëmundjeve kronike.

“Mund të ketë të bëjë me përbërësit shtesë, ambalazhin, madje edhe marketingun”, ka thënë Anthea Christoforou nga Universiteti McMaster, që udhëhoqi këtë studim, raporton  Earth. Ushqimet e shumë përpunuara (të cilat njihen me shkurtesën UPFs) janë produkte industriale të dizajnuara për komoditet, jetëgjatësi dhe shije tërheqëse. Këto përfshijnë “snacks” të paketuar, drithëra të përpunuara me sheqer të shtuar, pije të gazuara, supa dhe makarona të shpejta, si dhe ushqime të ngrira e të gatshme.

Për t’i prodhuar, përpunohen intensivisht përbërësit natyralë dhe hiqen lëndët ushqyese, ndërsa shtohen yndyra, sheqerna, ngjyrues, aromatizues artificialë dhe konservues. Rezultati është një produkt që mezi ngjan me ushqimin origjinal, me shumë kalori e fare pak vlera ushqyese.Këto ushqime janë ndërtuar për t’i bërë njerëzit të varur prej tyre”, thuhet në raportin e studimit./Ekonomia Online

Continue Reading

Aktualitet

MSH: Kemi siguruar sasi të mjaftueshme kundër helmimeve nga kafshimi i gjarprit

Published

on

Ministria e Shëndetësisë ka bërë të ditur se ka siguruar një sasi të mjaftueshme serumi kundër helmimeve nga pickimi i gjarprit dhe ka furnizuar me to të gjitha qendrat e Kujdesit Parësor Shëndetësor që kanë paraqitur kërkesë për furnizim.

Rritja e temperaturave gjatë verës ndikon drejtpërdrejt në rritjen e aktivitetit të gjarpërinjve, të cilët mund të shfaqen në hapësira të ndryshme, veçanërisht në zonat rurale, fusha, pyje, e madje edhe pranë shtëpive apo banesave. E, kjo situatë ka shkaktuar shqetësim mes qytetarëve, të cilët shpesh ndihen të pasigurt dhe të frikësuar për mundësinë e një kontakti të papritur me këto zvarranikë, sidomos gjatë lëvizjeve në natyrë apo në ambientet përreth shtëpisë.

“Ju njoftojmë se Ministria e Shëndetësisë ka siguruar sasi të mjaftueshme të serumit kundër helmimeve nga kafshimi i gjarprit dhe IKSHPK ka furnizuar me to të gjitha qendrat e Kujdesit Parësor Shëndetësor që kanë bërë kërkesë për furnizim. Gjithashtu, IKSHPK ka njoftuar të gjitha qendrat në nivel vendi dhe u ka bërë thirrje të përsëritur që të furnizohen me serum, duke qenë se ka sasi të mjaftueshme dhe të siguruara me kohë”, thuhet në njoftim.

Gjithashtu, Ministria e Shëndetësisë shtoi më tej se serumet janë siguruar edhe nga Shërbimi Spitalor dhe Klinik Universitar i Kosovës (SHSKUK), përfshirë Klinikën Infektive, ndërsa ato janë në dispozicion edhe për repartet infektive të spitaleve të përgjithshme (rajonale).

Nëse shihni një gjarpër:

– MOS u përpiqni ta vrisni ose të afroheni shumë!
– Qëndroni të qetë dhe largohuni ngadalë
– Edukojini fëmijët të shmangin gjarpërinjtë dhe të njoftonjnë një të rritur nëse hasin në një gjarpër

Nëse kafshoheni nga një gjarpër (sidomos një nepërkë):

– Qëndroni të qetë – paniku rrit rrahjet e zemrës dhe përhap helmin më shpejt
– Imobilizoni gjymtyrën e kafshuar
– MOS thithni helmin dhe mos e preni plagën
– Telefononi menjëherë Shërbimet e Urgjencës (112) ose shkoni në spitalin më të afërt
– Nëse mundeni, kini parasysh pamjen e gjarprit (për trajtim), por mos rrezikoni sigurinë tuaj duke u përpjekur ta kapni ose fotografoni atë

Gjithashtu, Fondacioni për të Drejtat e Kafshëve ka njoftuar se shumica e gjarpërinjve në Kosovë nuk janë helmues, madje nepërkat kafshojnë vetëm nëse kërcënohen. Ata luajnë një rol të rëndësishëm në ekosistem – duke kontrolluar brejtësit dhe dëmtuesit. /Telegrafi

Continue Reading

Shëndeti

Pse trangujt janë ushqim ideal në ditë të nxehta?

Published

on

Nuk ka të bëjë vetëm me ujin dhe freskinë. Trangujt ndihmojnë në tretje, mbrojnë zemrën, mbështesin shëndetin e lëkurës dhe kockave dhe gjithashtu mund të kontribuojnë në humbjen e peshës.

Ja përfitimet më të njohura të konsumit të rregullt të tyre.

Hidratim i thellë dhe zëvendësim i lëngjeve

Me 96 përqind ujë, trangujt janë shtesë e shkëlqyer për hidratim, veçanërisht gjatë sporteve ose në ditët e nxehta kur trupi humbet lëngje shtesë.

Tretje më e mirë dhe e rregullt

Fibra me përmbajtje të lartë uji lehtëson lëvizjet e zorrëve dhe studimet kanë lidhur konsumin e rregullt me një rrezik të reduktuar të kapsllëkut dhe mbështetje për florën e shëndetshme të zorrëve.

Ato kontribuojnë në humbjen e peshës

Ato kanë pak kalori dhe, falë ujit dhe fibrave që përmbajnë, ndihmojnë me ndjesinë e ngopjes, duke i bërë ato një mundësi të shkëlqyer për njerëzit që duan të zvogëlojnë marrjen e kalorive, nxisin shëndetin e zemrës dhe rregullimin e presionit të gjakut

Janë të pasura me kalium, i cili balancon natriumin, dhe flavonoidet ndihmojnë në qetësimin e proceseve inflamatore dhe uljen e kolesterolit, gjë që rezulton në mbrojtjen e enëve të gjakut dhe zemrës.

Continue Reading

Shëndeti

Pesë ushqimet që mund të hani pa u shëndoshur

Published

on

Nëse ushqehesh keq është e pamundur të largosh kilogramët e tepërt vetëm nëpërmjet aktivitetit fizik. Kur vjen puna tek rënia nga pesha, ushqimet që hani janë shumë herë më të rëndësishme se palestra.

Kjo ndodh se pjesa më e madhe e dhjamit akumulohet nga yndyrnat e pashëndetshme,  mësoni më shumë për ushqimet që ju ngopin por nuk ju shëndoshin.

Vezët

Janë ushqim i shkëlqyer për rënie, të pasura me ushqyes e përmbajnë pak kalori. Janë të pasura me proteinë, hekur, vitamina e minerale, mund t’i konsumoni në mëngjes për një vakt ngopës, por edhe në drekë. Për këtë vakt mund t’i zieni vezët dhe t’i shoqëroni me sallatë jeshile ose sallatë me patate.

Frutat e pyllit

Këto fruta përmbajnë sasi të mëdha të fibrës dhe shumë pak sheqer në krahasim me frutat tjera, manaferrat dhe boronicat përmbajnë antioksidantë dhe vitamina që ju mbajnë në formë dhe eliminojnë inflamacionin. Ato mund t’i shoqëroni me kos, tërshërë apo sallata.

Arrorët

Karbohidratet e mira janë të rëndësishme, gjenden tek farat dhe arrorët që janë të pasur me larmi ushqyesish. Përfshihen yndyrnat e mira, vitamina e minerale të rëndësishme.

Kosi

Kosi pa yndyrë dhe i zënë në shtëpi është i pasur me kalcium, kalium dhe proteina, për më shumë shije dhe vlera atë mund ta konsumoni me arra ose fruta pylli. Kosin pa shumë yndyrë mund ta hani në çdo vakt dhe pa u shqetësuar për peshën.

Patatet e embla

Patatet e ëmbla mund të gatuhen në shumë mënyra dhe nuk bëhen të mërzitshme, karbohidratet dhe ëmbëlsia natyrale nënkupton që trupi e ka më të lehtë tretjen e tyre. Patatet e ëmbla mund t’i kavërdisni me pak vaj ulliri dhe hudhër.

Continue Reading

Të kërkuara