Lifestyle

Shtatë karakteristika të njerëzve të pjekur

Published

4 years ago

on

Gjatë jetës, ne bëhemi më të pjekur emocionalisht, zhvillojmë vetëbesim, përpiqemi për një lidhje serioze dhe përmirësojmë jetën tonë.

Më poshtë është një listë e tipareve të karakterit të përpiluar nga ndjekësit e Sigmund Freud dhe me anë të të cilave mund të gjykohet pjekuria e një personi:

1. Aftësia për të pranuar kritika konstruktive

Kjo është një cilësi shumë e rëndësishme për një vlerësim të drejtë të pikave të forta dhe të dobëta të dikujt. Duhet të jeni të gatshëm të dëgjoni të vërtetën, jo ta mohoni. Të ikësh nga problemet ose të bësh sikur nuk janë aty nuk do të zgjidhë problemet ekzistuese. Kur është e vështirë për njerëzit të perceptojnë realitetin, ata kërkojnë shpëtimin në iluzione, të cilat në fund çojnë vetëm në zhgënjim.

2. Aftësia për t’u përshtatur me ndryshimin

Ndryshimi nuk është gjithmonë i lehtë për t’u bërë. Ato mund ta përmbysin botën dhe të shkaktojnë stres. Planet tuaja të ditës dhe të punës, statusi shoqëror, vendbanimi dhe shumë më tepër gjithashtu mund të ndryshojnë. Ju duhet të jeni në gjendje të përshtateni me ndryshimet, të mos mërziteni duke i lënë ato t’ju shqetësojnë.

3. Imun ndaj stresit

Frika, përvojat e brendshme, stresi mund të çojnë në një sërë sëmundjesh fizike. Shëndeti juaj mendor dhe fizik varet nga sa imun jeni ndaj stresit.

4. Aftësia jo vetëm për të marrë, por edhe për të dhënë

Njerëzit që u japin kohën, vëmendjen, ndihmën dhe mbështetjen financiare të tjerëve janë shumë më të lumtur se të tjerët. Ata që janë më të prirë për të pranuar janë shpesh egoistë, ziliqarë.

5. Aftësia për të trajtuar njerëzit me mirëkuptim

Jeta është një proces ndërveprimi me njerëzit, kështu që është shumë e rëndësishme se si i ndërtoni marrëdhëniet tuaja. Dashuria dhe respekti janë dy faktorët kryesorë që çojnë në një jetë harmonike.

6. Aftësia për të përcjellë energjinë negative në një drejtim konstruktiv

Është shumë e rëndësishme të jeni në gjendje të ridrejtoni emocionet tuaja negative, jo t’i mbani për veten, por, përkundrazi, të përpiqeni t’i përdorni ato për mirë.

7. Aftësia për të dashur

Dashuria është një forcë e madhe. Njerëzit kanë lindur me aftësinë për të dashur dhe është shumë e rëndësishme që ata ta mbajnë atë ndjenjë gjatë gjithë jetës së tyre.

Related Topics:
Continue Reading

Lifestyle

Si të pastroni mikrovalën nga yndyra në mënyrë natyrale?

Published

3 days ago

on

November 6, 2025

By

Yndyra në mikrovalë nuk është vetëm një problem estetik – ajo mund të mbajë aroma të pakëndshme dhe të pengojë ngrohjen e njëtrajtshme të ushqimit.

Fatmirësisht, ekziston një mënyrë e thjeshtë, e shpejtë dhe natyrale për ta pastruar, pa përdorur kimikate të ashpra.

Gjithçka që ju nevojitet është një limon dhe ujë. Mbushni një enë me ujë, shtoni lëngun dhe copat e limonit dhe vendoseni në mikrovalë.

Ndezni në fuqi të lartë për disa minuta, derisa uji të vlojë dhe të krijojë avull. Ky avull ndihmon në zbutjen e yndyrës në muret e mikrovalës, duke e bërë shumë më të lehtë pastrimin me një leckë mikrofibre ose sfungjer të butë.

Nëse ndonjë njollë është më e fortë, mund të përgatisni një pastë me sodë buke dhe ujë, ta aplikoni disa minuta dhe më pas ta fshini.

Për mirëmbajtje, rekomandohet që pas çdo ngrohjeje të ushqimit të fshihet pjesa e brendshme e mikrovalës dhe të përdoren kapakë ose enë të mbyllura për të parandaluar spërkatjet.

Pas pastrimit, lëreni derën hapur për disa minuta për të larguar aromat e pakëndshme. /A.Z/UBT News/

 

 

Continue Reading

Lifestyle

Si ta forconi vetë-disiplinën në vendin e punës?

Published

4 days ago

on

November 5, 2025

By

Vetë-disiplina është një nga aftësitë më të rëndësishme për sukses profesional.

Ajo nënkupton kontrollin e impulseve, përqendrimin e qëndrueshëm dhe përkushtimin ndaj qëllimeve, pavarësisht pengesave apo shpërqendrimeve.

Në punë, vetë-disiplina ndihmon të menaxhoni përgjegjësitë, bashkëpunimin me të tjerët dhe procesin e vendimmarrjes. Punonjësit e vetë-disiplinuar janë këmbëngulës, të qëndrueshëm dhe i përfundojnë detyrat me kujdes, duke ruajtur fokusin edhe kur përballen me sfida.

Për ta zhvilluar këtë aftësi, duhet të vlerësoni nivelin tuaj aktual të vetë-disiplinës, duke iu përgjigjur pyetjeve si:

Cilat janë qëllimet që i caktoj vetes çdo ditë?

A po shmang shpërqendrimet që më pengojnë në punë?

A po i përfundoj detyrat në kohë?

Cilat zakone të mira kam krijuar deri tani?

1. Kujtoni rregullat e motivimit

Motivimi është baza e çdo qëllimi. Vendosni objektiva të qarta, angazhohuni për t’i përmbushur. Çdo arritje, sado e vogël, forcon ndjenjën e suksesit e ju nxit të vazhdoni. Mos harroni të shpërbleni veten për përpjekjet dhe rezultatet, krijon cikël pozitiv vetë-motivimi përforcon dëshirën për të qenë më produktiv.

2. Shmangni shpërqendrimet

Vetë-disiplina kërkon praktikë të vazhdueshme. Një mënyrë efektive për ta forcuar është identifikimi dhe eliminimi i shpërqendrimeve që e dëmtojnë fokusin tuaj. Mbani shënim momentet kur shpërqendroheni gjatë punës, qoftë nga telefoni, mesazhet apo rrjetet sociale dhe mendoni mënyra konkrete për t’i kufizuar ato. Kujtoni se ndryshimi i zakoneve kërkon kohë; ndaj, durimi dhe qëndrueshmëria janë çelësi për sukses.

3. Reflektoni para vendimmarrjes

Vendimmarrja është pjesë e pandashme e çdo dite pune. Prandaj, merrni kohën e nevojshme për të analizuar situatat para se të veproni. Durimi e mendimi i qetë para vendimeve ndihmon në zhvillimin e vetë-disiplinës dhe në marrjen e vendimeve më të drejta. /A.Z/UBT News/

Continue Reading

Lifestyle

Trafiku i përditshëm, rreziku i fshehur për shëndetin

Published

4 days ago

on

November 5, 2025

By

Sipas një studimi të fundit, në momentin që ju jeni në makinë duke pritur në radhë jeni totalisht të ekspozuar ndaj shkarkimeve të naftës, gjë që dobëson të menduarit dhe memorien tuaj.

Tymi i motorëve ka sasi të larta të grimcave të blozës dhe përzierja përmban disa elementë kancerogjenë. Megjithëse efekti negativ konsiderohet afatshkurtër, nuk dihet ende nëse ekspozimi afatgjatë ndaj shkarkimit të naftës mund të çojë në dëme të përhershme në tru, siç është sëmundja e Alzheimerit.

Dr.Jodie Gawryluk, profesoreshë e asociuar e psikologjisë në Universitetin e Victoria në British Columbia të Kanadasë thotë se pas të dhënave që janë marrë rezulton se qëndrimi gjatë në makinë në trafik sjell efekte shumë negative në tru.

Ata zbuluan se shkarkimi i naftës redukton aftësinë njohëse, vendimmarrjen dhe shkakton depresion. Të njëjtin efekt dyshohet të ketë dhe ekspozimi ndaj emetimeve të gazit të benzinës apo tymi zjarreve.

Rreziku mendohet të jetë më i madh për njerëzit që jetojnë pranë autostradave dhe rrugëve të ngarkuara. /A.Z/UBT News/

Continue Reading

Lifestyle

Pse fëmijët janë përzgjedhës në ushqim dhe si mund t’i ndihmojnë prindërit?

Published

3 weeks ago

on

October 21, 2025

By

Një asistente e terapisë profesionale ka ndarë një këshillë të thjeshtë, por shumë të vlefshme për prindërit e fëmijëve që janë përzgjedhës në ushqim: mos hiqni dorë nga ofrimi i ushqimeve të reja, edhe nëse fëmija i refuzon fillimisht.

Ajo thekson se është krejtësisht normale që fëmijët të refuzojnë shije të reja, por prindërit duhet të jenë të durueshëm dhe të vazhdojnë t’ua ofrojnë ato pa presion.

Sipas saj, një fëmijë mund të ketë nevojë të ekspozohet ndaj një ushqimi deri në 20 herë përpara se ta pranojë.

“Qëllimi nuk është që fëmija ta pëlqejë menjëherë, por të ndihet i sigurt pranë ushqimit të ri,” shpjegon ajo.

Si shembull, përmend një rast me rrushin, pasi ia ofroi fëmijës për 11 ditë rresht, ai fillimisht refuzon, por më vonë e pranoi dhe e pëlqeu.

Ekspertja këshillon që ushqimet e reja të jenë gjithmonë të pranishme në pjatë, pa dramatizim, pasi shijet ndryshojnë me kohën.

Nëse një fëmijë refuzon pothuajse çdo ushqim pavarësisht përpjekjeve, mund të bëhet fjalë për një çrregullim si ARFID apo vështirësi ndijimore – në këto raste, rekomandohet konsultimi me pediatrin. /A.Z/UBT News/

Continue Reading

Të kërkuara