Lajmet

Shtatë gjëra të këqija që i ndodhin trupit tuaj kur pini ujë me akull

Published

on

Dhimbje koke

Ashtu si ndonjëherë kur hani akullore, uji me akull mund të bëjë të njëjtën gjë: shkakton dhimbje koke. Ftoh nervat e ndjeshëm të shtyllës kurrizore, gjë që shkaktojnë më pas edhe dhimbje.

Dehidratimi

Siç u përmend në pikat e mëparshme, uji i akullit ngadalëson procesin e dehidratimit të trupit, në vend që ta shpejtojë atë. Kjo për shkak se trupi duhet ta sjellë në temperaturë normale përpara se të përdoret. Përjashtimi i vetëm nga ky rregull ndodh me atletët, të cilët duket se përfitojnë nga mekanizmi i përgjigjes me vonesë për mirëmbajtjen afatgjatë të niveleve të ujit.

Ngadalësimi i rrahjeve të zemrës

Pirja e ujit me akull mund të bëjë që ritmi i zemrës tuaj të ngadalësohet. Kjo për shkak se nervi vagus, i cili rrjedh përgjatë pjesës së pasme të qafës, preket nga një konsum i papritur i ujit të ftohtë. Si masë urgjente, zemra juaj ngadalësohet derisa temperatura e trupit të arrijë përsëri ekuilibrin.

Probleme me tretjen

Pirja e ujit me akull mund të çojë në sëmundje të zorrëve, dhimbje barku, nauzea dhe dhimbje në stomak. Kjo për shkak se temperaturat e ulëta janë anti-inflamatore, kështu që enët e gjakut tkurren. Një efekt tjetër anësor i konsumit të ujit me akull është që stomaku kontraktohet dhe bëhet shumë i ngushtë për të qenë në gjendje të përpunojë ushqimin në mënyrë të efektshme.

Dhimbje fyti

Ashtu si një ditë e ftohtë dimri mund të irritojë fytin, uji i ngrirë krijon të njëjtën përgjigje trupore. Me fjalë të tjera, trupi juaj krijon mukus si një lagështues natyral për të ngrohur ajrin ose lëngun e ftohtë që gëlltitet. Dallimi është se në rastin e ujit me akull, kjo përgjigje e trupit nuk është e nevojshme dhe çon në akumulimin e mukusit dhe për këtë arsye keni dhimbje fyti.

Lodhja

Pirja e ujit me akull mund t’ju bëjë të ndjeheni të freskët dhe t’ju stimulojnë në afat të shkurtër. Në fakt, ju humbisni energjinë tuaj për një afat të gjatë. Kjo ndodh sepse trupi juaj duhet të përdorë energji shtesë për të ngrohur ujin dhe për ta sjellë atë në temperaturën e tij.

Konstipacioni

Ndërsa uji në temperaturën e dhomës favorizon procesin e tretjes, pirja e ujit të akullt mund të shkaktojë kapsllëk. Ai forcon ushqimin dhe e ngurtëson ndërsa kalon nëpër trup dhe, në të njëjtën kohë, kontrakton zorrët, gjë që mund të çojë në vështirësi për çdokënd që konsumon ujin e ftohtë./Sot.com.al

Aktualitet

UBT shpall thirrjen për Konferencën Ndërkombëtare të Gjuhës dhe Kulturës 2025

Published

on

UBT ka bërë hapjen e thirrjes për pjesëmarrje në Konferencën Ndërkombëtare të Gjuhës dhe Kulturës 2025 (IC-LAC), e cila këtë vit organizohet në kuadër të Konferencës së 14-të Ndërkombëtare të UBT-së për Biznes, Teknologji dhe Inovacion.

Ky aktivitet shkencor do të bashkojë studiues, akademikë, studentë të cikleve të avancuara, doktorantë, ekspertë të fushës dhe profesionistë të arsimit nga vende të ndryshme të botës, me synim shkëmbimin e njohurive, përvojave dhe praktikave më të mira mbi gjuhën, kulturën dhe ndërthurjen e tyre në sistemet bashkëkohore arsimore.

Tema kryesore e këtij edicioni është: “Ndërtimi i sistemeve arsimore reziliente për një të ardhme të qëndrueshme.”

Datat kryesore:

  • Dorëzimi i abstrakteve: 10 tetor 2025
  • Njoftimi i pranimit & rishikimi shkencor: 17 tetor 2025
  • Regjistrimi i hershëm: deri më 17 tetor 2025
  • Regjistrimi i vonuar: deri më 20 tetor 2025
  • Dorëzimi i punimit të plotë: 14 nëntor 2025

Qëllimet dhe objektivat

Konferenca IC-LAC synon të hapë një hapësirë të gjërë diskutimi mbi rolin e gjuhës dhe kulturës në shoqëritë moderne, duke nxitur qasje multidisiplinare për edukimin dhe komunikimin ndërkulturor.

Fushat e diskutimit përfshijnë:

  • Gjuha dhe kultura në arsim
  • Përdorimi i teknologjisë në mësimdhënie dhe të nxënë
  • Komunikimi ndërkulturor dhe shumëgjuhësia
  • Praktikat e qëndrueshme në edukimin gjuhësor
  • Inteligjenca artificiale dhe ndikimi i saj në të nxënit e gjuhëve
  • Përkthimi, interpretimi dhe komunikimi global
  • Rezilienca arsimore dhe dizajnimi i kurrikulave

Dorëzimi i punimeve

Punimet e paraqitura duhet të jenë origjinale, të papublikuara më parë dhe të mos jenë në proces shqyrtimi në konferenca të tjera. Gjatësia maksimale e një punimi është 6 faqe. Punimet që nuk respektojnë kriteret e formatimit nuk do të merren në konsideratë.

Organizatorët ftojnë të gjithë të interesuarit që të kontribuojnë me hulumtimet e tyre shkencore dhe praktikat profesionale, duke u bërë pjesë e një platforme ndërkombëtare shkëmbimi idesh që synon të forcojë lidhjen mes gjuhës, kulturës dhe arsimit për një të ardhme më të qëndrueshme.

Continue Reading

Lajmet

​Gjykata spanjolle liron Dani Alves-in

Published

on

Gjykata e Lartë e Katalonjës ka rrëzuar të premten dënimin për përdhunim ndaj ish-futbollistit brazilian Dani Alves, duke arsyetuar se çështja kishte mospërputhje dhe kontradikta në dëshmitë e paraqitura.

Alves, 41 vjeç, ishte dënuar vitin e kaluar me katër vjet e gjysmë burg për përdhunimin e një gruaje në një klub nate në Barcelonë në vitin 2022. Megjithatë, gjykata e apelit vendosi se dëshmia e akuzueses nuk kishte besueshmëri të mjaftueshme, duke theksuar se mungonin prova të qarta për të mbështetur akuzën.

“Dani Alves është shumë i lumtur. Ai është i pafajshëm, kjo është demonstruar. Drejtësia ka folur,” deklaroi avokatja e tij, Ines Guardiola.

Ndërkohë, avokatja e akuzueses, Ester Garcia, paralajmëroi se do ta çojë çështjen në Gjykatën Supreme të Spanjës, proces që mund të zgjasë deri në një vit./S.K/KP/Morung Express/

 

Continue Reading

Lajmet

Caktohet data, Pogba rikthehet në fushë

Published

on

Paul Pogba është shumë pranë rikthimit në futboll pas një periudhe të gjatë mungese tha trajneri i Monacos, Adi Hütter. Ai zyrtarisht ka konfirmuar se mesfushori francez po përparon ndjeshëm.

“Fizikisht dhe mendërisht po shkon mirë. Është stërvitur për tre muaj dhe është afër kthimit në skuadër,” deklaroi Hütter.

Sipas mediave franceze, Pogba pritet të jetë i disponueshëm më 5 tetor, në ndeshjen e Ligue 1 kundër Nice në Stade Louis II.

Ndërkohë, rikthimi në sfidën e së shtunës kundër Lorient shihet më pak i mundshëm.

Ish-mesfushori i Juventusit nuk ka luajtur një ndeshje zyrtare që prej 3 shtatorit 2023, kur u aktivizua ndaj Empolit.

Pak javë më vonë, ai u pezullua për doping dhe u dënua fillimisht me katër vite jashtë fushave. Megjithatë, në tetor 2024, Gjykata e Arbitrazhit Sportiv uli ndalimin në 18 muaj, që skadoi më 11 mars 2025.

Pas ndarjes me Juventusin, Pogba refuzoi një transferim në MLS dhe verën e kaluar nënshkroi një kontratë dyvjeçare me Monacon, e vlefshme deri më 30 qershor 2027.

Klubi monegask e ka regjistruar 31-vjeçarin edhe për Ligën e Kampionëve, ku pritet të rikthehet në tetor.

Ky rikthim do të shënojë një moment të rëndësishëm për kampionin e botës 2018, i cili synon të rifitojë formën dhe të lërë pas periudhën më të vështirë të karrierës së tij./S.K/KP/CNN/

Continue Reading

Lajmet

Aksident me fatalitet në Blagaj të Pejës

Published

on

By

Aksident i rëndë me fatalitet ka ndodhur sot në fshatin Blagaj të Pejës.

Raportohet nga mediat se në aksident janë përfshirë një veturë dhe një katërçikletë.

Si pasojë e këtij aksidenti raportohet se janë lënduar dy persona ndërsa një tjetër ka ndërruar jetë.

Në vendin e ngjarjes kanë dalë njësitet policore, teksa të lënduarit janë dërguar me urgjencë për trajtim në emergjencën e Spitalit Rajonal të Pejës.

KosovaPress ka kontaktuar me Policinë e Kosovës për të marrë më shumë informacione lidhur me rastin./D.B/KP

Continue Reading

Të kërkuara