Lajmet

Shri Lanka vendos gjendjen e jashtëzakonshme

Udhëheqësit e Shri Lankës kanë vendosur disa herë gjendjen e jashtëzakonshme që prej muajit prill.

Published

on

Ushtruesi i detyrës së presidentit të Shri Lankës, Ranil Wickremesinghe, në orët e vona të së dielës urdhëroi shpalljen e gjendjes së jashtëzakonshme, në përpjekje për të parandaluar trazira para votimit të Parlamentit gjatë kësaj jave për zgjedhjen e presidentit të ri.

Udhëheqësit e Shri Lankës kanë vendosur disa herë gjendjen e jashtëzakonshme që prej muajit prill kur nisën protestat kundër Qeverisë për shkak të krizës ekonomike dhe mungesës së furnizimeve thelbësore.

“Është e përshtatshme pra që të bëhet në interes të sigurisë publike, mbrojtjes së rendit publik dhe mirëmbajtjes së furnizimeve dhe shërbimeve thelbësore për jetën e komunitetit”, u tha në njoftim.

Wickremesinghe njoftoi për gjendjen e jashtëzakonshme javën e kaluar, pasi presidenti Gotabaya Rajapaksa u largua nga shteti për shkak të protestave kundër Qeverisë së tij, por gjendja e jashtëzakonshme nuk ishte shpallur zyrtarisht.

Rregulloret e mëparshme të gjendjes së jashtëzakonshme janë përdorur për të vendosur ushtrinë në rrugë për të arrestuar njerëzit, për të kontrolluar pronat private dhe për të shtypur protestat.

Në kryeqytetin e Shri Lankës, Kolombo, të hënën situata ishte e qetë, pas javësh me protesta masive.

Presidenti Rajapaksa u largua javën e kaluar për në Maldive e më pas në Singapor, pasi qindra-mijëra protestues anti-qeveritar dolën në rrugët e Kolombos dhe uzurpuan zyrat e zyrtarëve qeveritarë.

Të premten, Parlamenti pranoi dorëheqjen e Rajapaksas dhe pritet që këtë javë të mblidhet për të zgjedhur presidentin e ri. Votimi për presidentin pritet të mbahet të mërkurën, më 20 korrik.

Wickremesinghe, që ka qenë gjashtë herë kryeministër dhe konsiderohet aleat i Rajapaksas, është një nga pretendentët kryesorë për postin e presidentit, por protestuesit kanë thënë se nuk duan që ai të zgjidhet president, duke paralajmëruar protesta dhe trazira nëse ai zgjidhet.

Lajmet

KRU “Prishtina” publikon orarin e autobotëve për furnizim me ujë për pije

Published

on

By

Kompania Rajonale e Ujësjellësit “Prishtina” ka njoftuar se ka publikuar orarin e autobotëve për furnizim me ujë të pijshëm, pas rritjes së vlerave të manganit në liqenin e Badocit.

Sipas kompanisë, ky hap është ndërmarr për të siguruar qytetarët me ujë të pijshëm të sigurt deri në normalizimin e situatës. Orari i shpërndarjes së ujit me autobotë është bërë i ditur për zonat që preken nga reduktimet./D.B/EO

Continue Reading

Lajmet

​Isak: Me Liverpoolin kam shumë për të dhënë, dua të fitoj gjithçka

Published

on

Liverpooli ka zyrtarizuar transferimin e sulmuesit suedez, Alexander Isak, nga Newcastle United për një shumë rekord prej 130 milionë funtesh, duke e bërë atë blerjen më të shtrenjtë në historinë e futbollit britanik.

“Të Kuqtë” do të paguajnë 125 milionë funte për Isak, ndërsa vetë lojtari heq dorë nga një bonus prej 5 milionë funte për të realizuar lëvizjen drejt Anfield.

Lojtari i cili ka shënuar 62 gola në 109 paraqitje për Newcastle, u prezantua me kontratë gjashtëvjeçare pas vizitave mjekësore në Kirkby.

“Ndihem mrekullisht… Jam shumë i lumtur që jam pjesë e kësaj skuadre, këtij klubi dhe gjithçkaje që ajo përfaqëson. Pres me padurim të shoh shokët e mi të ekipit dhe tifozët. “Mendoj se kam shumë për të dhënë. Dua të fitoj gjithçka”, u shpreh ai.

/S.K/KP/BBC

Continue Reading

Aktualitet

Osmani takoi komandantin e KFOR-it, shprehu mirënjohje për angazhimin e ushtarëve

Published

on

By

Presidentja e Republikës së Kosovës, Vjosa Osmani, zhvilloi mbrëmë një darkë pune me komandantin e KFOR-it, gjeneralmajor Enrico Barduani, ku u diskutua për zhvillimet më të fundit të sigurisë në vend.

Takimi u mbajt në kuadër të bashkëbisedimeve të rregullta me udhëheqësin e misionit të NATO-s në Kosovë, në prag të përfundimit të mandatit të tij.

Presidentja Osmani shprehu mirënjohje për angazhimin e pandërprerë të Barduanit dhe trupave të KFOR-it në mirëmbajtjen e paqes dhe sigurisë në Kosovë, në bashkëpunimin e tyre të vazhdueshëm me institucionet vendore të sigurisë.

Ajo ritheksoi se partneriteti i ngushtë ndërmjet institucioneve të sigurisë së Kosovës dhe KFOR-it mbetet garanci për stabilitetin dhe sigurinë e qytetarëve të vendit./D.B/EO

Continue Reading

Kulturë

Sot ditë zie në Shqipëri

Published

on

By

Qeveria e Shqipërisë ka shpallur 2 shtatorin ditë zie kombëtare në nderim të Dhimitër Anagnostit, një prej figurave më të shquara të artit dhe kulturës shqiptare.

Sipas njoftimit të Agjencisë për Media dhe Informim, gjatë ditës në të gjithë vendin flamujt do të ulen në gjysmështizë, ndërsa institucionet shtetërore kanë organizuar homazhe për të nderuar kontributin e tij.

Anagnosti u nda nga jeta të hënën, në moshën 89-vjeçare, duke lënë pas një trashëgimi të pasur në kinemanë shqiptare. Ai konsiderohet një nga ikonat më të mëdha të filmit.

Anagnosti u diplomua në Moskë më 1960 dhe që në fillim të karrierës u dallua me filmin “Njeriu kurrë nuk vdes”, i vlerësuar me Çmimin e Parë në Festivalin Botëror të Shkollave të Kinemasë në Holandë.

Gjatë katër dekadave krijimtarie ai realizoi 14 filma artistikë dhe 10 dokumentarë, duke hyrë në historinë e artit shqiptar me vepra të pavdekshme.

“Komisari i dritës”, “Duel i heshtur”, “Lulëkuqet mbi mure”, “Kthimi i ushtrisë së vdekur”, “Përrallë nga e kaluara”, “Gurët e shtëpisë sime”, “Cuca e maleve”, “Malet me blerim mbuluar” dhe “Gjoleka, djali i Abazit”, janë disa prej veprave të tij. Shumë prej tyre u shfaqën në festivale ndërkombëtare dhe u vlerësuan me çmime.

Për artin e tij të rrallë Anagnosti u nderua me titullin “Artist i Popullit” dhe me kupën e karrierës në Festivalin e 10-të të Filmit Shqiptar. Përveç kinemasë, ai dha kontribut edhe në politikë si deputet dhe ministër i Kulturës në fillim të viteve ‘90. Ishte gjithashtu ideator i fondacionit “Fan Noli” dhe autor i dramës “Nata e trokitjeve në xham”.

Dhimitër Anagnosti ishte i martuar me aktoren Roza Anagnosti, duke krijuar një nga çiftet më të dashura të skenës shqiptare. Emri dhe filmat e tij do të mbeten përjetësisht pjesë e identitetit kulturor shqiptar./D.B/EO

Continue Reading

Të kërkuara