Lajmet

Shqipëria furnizon Perëndimin me bimë mjekësore

Rreth 30 kompani shqiptare janë të autorizuara për të eksportuar bimët mjekësore.

Publikuar

3 vjet më parë

më

Aromat dhe ngjyrat e sherbelës, trumzës, livandës dhe kokoçelit janë përhapur nëpër livadhet e Shqipërisë, prej së cilës, që kur shpërtheu pandemia, shtetet perëndimore po kërkojnë gjithnjë e më shumë bimë mjekësore.

Në Sheqeras, rrëzë Malit të Thatë në jugun e Shqipërisë, është koha e kokoçelit, një bimë tradicionalisht e çmuar për shkak të aftësisë së saj për të forcuar metabolizmin dhe rezistencën ndaj infeksioneve.
1Në Sheqeras, rrëzë Malit të Thatë në jugun e Shqipërisë, është koha e kokoçelit, një bimë tradicionalisht e çmuar për shkak të aftësisë së saj për të forcuar metabolizmin dhe rezistencën ndaj infeksioneve.
Herët në mëngjes, para zhegut të ditës, dhjetëra gra, me kapela, mbledhin me duar lulet e famshme të kaltra, të cilat i joshin fluturat dhe bletët.
2Herët në mëngjes, para zhegut të ditës, dhjetëra gra, me kapela, mbledhin me duar lulet e famshme të kaltra, të cilat i joshin fluturat dhe bletët.
Kokoçeli më pas thahet në dhoma të errëta, për ta ruajtur ngjyrën e tij, para se të dërgohet për t’u shitur jashtë vendit.
3Kokoçeli më pas thahet në dhoma të errëta, për ta ruajtur ngjyrën e tij, para se të dërgohet për t’u shitur jashtë vendit.
Gjatë viteve të fundit, Shqipëria ka qenë njëra ndër prodhueset më të mëdha në Evropë të bimëve mjekësore, kryesisht të bimëve të egra, që kultivohen nëpër ultësira.
4Gjatë viteve të fundit, Shqipëria ka qenë njëra ndër prodhueset më të mëdha në Evropë të bimëve mjekësore, kryesisht të bimëve të egra, që kultivohen nëpër ultësira.
Rreth 95 për qind e këtyre bimëve mjekësore eksportohen në Shtetet e Bashkuara të Amerikës, në Australi, në Zelandën e Re, në Francë, në Gjermani apo në Itali.
5Rreth 95 për qind e këtyre bimëve mjekësore eksportohen në Shtetet e Bashkuara të Amerikës, në Australi, në Zelandën e Re, në Francë, në Gjermani apo në Itali.
Kërkesat janë rritur që kur pandemia e koronavirusit ka shtuar interesimin në bimët mjekësore, të cilat besohen se forcojnë sistemin e imunitetit, dhe për shkak të entuziazmit gjithnjë e më të madh për produkte natyrore dhe organike.
6Kërkesat janë rritur që kur pandemia e koronavirusit ka shtuar interesimin në bimët mjekësore, të cilat besohen se forcojnë sistemin e imunitetit, dhe për shkak të entuziazmit gjithnjë e më të madh për produkte natyrore dhe organike.
Më 2020, Shqipëria ka eksportuar më shumë se 14.000 tonë bimë mjekësore dhe aromatike, me vlerë prej 50 milionë eurosh. Shifrat e 2020-ës ishin për 15 për qind më të larta se të vitit paraprak, sipas të dhënave zyrtare.
7Më 2020, Shqipëria ka eksportuar më shumë se 14.000 tonë bimë mjekësore dhe aromatike, me vlerë prej 50 milionë eurosh. Shifrat e 2020-ës ishin për 15 për qind më të larta se të vitit paraprak, sipas të dhënave zyrtare.
Trendi po vazhdon, teksa eksportet janë rritur për 20 për qind në tre muajt e parë të 2021-tës, në krahasim me një vit më parë.
8Trendi po vazhdon, teksa eksportet janë rritur për 20 për qind në tre muajt e parë të 2021-tës, në krahasim me një vit më parë.
Rritja e interesimit në Perëndim për bimët mjekësore është e mirëpritur në njërin prej vendeve më të varfra të Evropës, me popullsi prej 2.8 milionë banorësh, i cili është shumë i varur nga turizmi në brigjet e Adriatikut, që janë goditur shumë nga pandemia.
9Rritja e interesimit në Perëndim për bimët mjekësore është e mirëpritur në njërin prej vendeve më të varfra të Evropës, me popullsi prej 2.8 milionë banorësh, i cili është shumë i varur nga turizmi në brigjet e Adriatikut, që janë goditur shumë nga pandemia.
Bimët mjekësore të shitura në Perëndim sigurojnë jetesën për nja 100.000 shqiptarë, të cilët vetë i kanë përdorur ato prej kohësh si ilaçe tradicionale.
10Bimët mjekësore të shitura në Perëndim sigurojnë jetesën për nja 100.000 shqiptarë, të cilët vetë i kanë përdorur ato prej kohësh si ilaçe tradicionale.
“Kokoçeli është më i shtrenjti aktualisht; një kilogramë lulesh të thara shiten për rreth 30 orë”, tregon Altin Xhaja, kultivues i bimëve të egra.
11“Kokoçeli është më i shtrenjti aktualisht; një kilogramë lulesh të thara shiten për rreth 30 orë”, tregon Altin Xhaja, kultivues i bimëve të egra.
Rreth 30 kompani shqiptare janë të autorizuara për të eksportuar bimët mjekësore, që përdoren për luftimin e inflamacioneve dhe sëmundjeve, por edhe për heqjen e stresit. Ato përdoren për të prodhuar çaj të pasur me vitamin C, si dhe antioksidues, vajra dhe kremra.
12 Rreth 30 kompani shqiptare janë të autorizuara për të eksportuar bimët mjekësore, që përdoren për luftimin e inflamacioneve dhe sëmundjeve, por edhe për heqjen e stresit. Ato përdoren për të prodhuar çaj të pasur me vitamin C, si dhe antioksidues, vajra dhe kremra.

Evropaelire.org

Etiketa
Vazhdo të lexosh

Lajmet

Shfaqet një lloj i ri i virusit mpox në Kongo

Publikuar

11 minuta më parë

më

26 Qershor, 2024

nga

Një lloj i ri i virusit mpox që përhapet me shpejtësi përgjatë kufirit lindor të Republikës Demokratike të Kongos është “tepër shqetësues”, thonë zyrtarët shëndetësorë që monitorojnë përhapjen e tij.

Virusi mund të shkaktojë plagë në të gjithë trupin dhe në shumë raste mund të jetë edhe vdekjeprurës.

Përhapja aktuale është nxitur nga transmetimi seksual, por ka prova që ky lloj mund të transmetohet edhe përmes kontaktit të ngushtë lëkurë me lëkurë.

Ekspertët globalë të shëndetit thonë se varianti i ri rrezikon përhapjen ndërkufitare dhe ndërkombëtare të virusit. Madje konsiderohet si “lloji më i rrezikshëm” i përhapur ndonjëherë./UBTNews/

Vazhdo të lexosh

Lajmet

Sulmi terrorist në Banjskë, tre të dyshuarve iu vazhdohet paraburgimi edhe nga dy muaj

Publikuar

24 minuta më parë

më

26 Qershor, 2024

nga

Gjykata Themelore në Prishtinë ka marrë vendim, me të cilin aprovuar kërkesën e Prokurorisë Speciale të Republikës së Kosovës (PSRK), ashtu që ua ka vazhduar masën e paraburgimit edhe nga dy muaj (secilit veç e veç) tre të dyshuarve Vladimir Toliq, Blagoje Spasojeviq dhe Dushan Maksimoviq, për sulmim terrorist ndaj Policisë së Kosovës në Banjskë.

Lajmin për “Betimi për Drejtësi” e ka konfirmuar bashkëpunëtorja profesionale nga zyra e kryetares së kësaj gjykate, Medina Gashi.

“Referuar kërkesës tuaj për informata, ju njoftojmë se pas kërkesës së Prokurorisë Speciale të Republikës së Kosovës për vazhdimin e masës së paraburgimit në çështjen penale kundër të pandehurve V.T, B.S dhe D.M, Gjykata themelore në Prishtinë – Departamenti Special me datë 21.06.2024 ka marrë Aktvendim dhe ka aprovuar kërkesën e Prokurorisë Speciale të Republikës së Kosovës, ashtu që masa e paraburgimit tre të pandehurve iu është vazhduar në kohëzgjatje prej 2 (dy) muaj”, thuhet në përgjigjen e gjykatës.

Toliq, Spasojeviq dhe Maksimoviq gjenden nën masën e paraburgimit nga data 26 shtator 2023.

Ata dyshohen për veprat penale “Veprat e rënda kundër rendit kushtetues dhe sigurisë së Republikës së Kosovës”, “Sulm kundër rendit kushtetues të Republikës së Kosovës”, “Përgatitja e veprave terroriste ose veprave penale kundër rendit kushtetues dhe sigurisë së Republikës së Kosovës” dhe “Mbajtja në pronësi, kontroll ose posedim të paautorizuar të armëve”.

Në Bajsnkë të Zveçanit, në orët e hershme të 24 shtatorit 2023, ishte vrarë rreshteri Afrim Bunjaku si dhe ishin plagosur dy të tjerë. Pastaj, të vrarë kishin mbetur edhe tre sulmues, kurse të tjerët ishin larguar pasi ishin strehuar për disa orë në Manastirin e Bajnskës.

Ministri  i Punëve të Brendshme, Xhelal Sveçla kishte publikuar pamje të Milan Radoiçiq, ku kishte theksuar se Radoiçiq ka qenë udhëheqës i këtij grupi terrorist dhe i sulmit ku mbeti i vrarë polici Afrim Bunjaku. E vetë Radoiçiq e kishte marrë përsipër përgjegjësinë për sulmin terrorist.

Vazhdo të lexosh

Lajmet

Pas vendimit të Kushtetueses, veteranët paralajmërojnë protesta

Publikuar

39 minuta më parë

më

26 Qershor, 2024

nga

Ushtruesi i detyrës së kryetarit të Organizatës së Veteranëve të Luftës së Ushtrisë Çlirimtarë të Kosovës (OVL-UÇK), Faton Klinaku ka reaguar pas vendimit të Gjykatës Kushtetuese për mospërfshirjen e veteranëve në ligjin për pagën minimale.

Përmes një postimi në llogarinë e tij në Facebook, Klinaku ka paralajmëruar protesta kundër pushtetit të Kurtit, i cili sipas tij po punon kundër veteranëve të UÇK-së.

“Qëndrimet tona se do t’i vazhdojmë protestat kundër këtij pushteti i cili vazhdimisht ka punuar kundër veteranëve të luftës së UÇK-së dhe shtresave tjera të shoqërisë, mbeten të pandryshueshme”, ka shkruar ai.

Kujtojmë se sot gjatë ditës, Gjykata Kushtetuese i dha të drejtë qeverisë për Ligjin për Pagën Minimale i cili nuk i përfshin pensionet e veteranëve të luftës së UÇK-së.

Sipas njoftimit, Kushtetuesja e ka vlerësuar kërkesën e kryetarit të grupit parlamentar të AAK-së, Besnik Tahirit dhe nëntë deputetëve të tjerë, ku konstatoi se neni 2 i Ligjt për Veteranët e Luftës së UÇK-së nuk është në kundërshtim më Ligjin për Ndryshimin dhe Plotësimin e Ligjeve që Përcaktojnë Shumën e Beneficionit në Lartëri të Pagës Minimale.

Vazhdo të lexosh

Lajmet

Stoltenberg me lëvdata për Rutten: Po e lë NATO-n në duar të sigurta

Publikuar

2 orë më parë

më

26 Qershor, 2024

nga

Shefi aktual i NATO-s, Jens Stoltenberg e ka lavdëruar pasardhësin e tij në krye të Aleancës, Mark Rutte.

“Marku është një transatlanticist i vërtetë, një lider i fortë dhe një ndërtues i konsensusit. I uroj atij çdo sukses ndërsa ne vazhdojmë ta forcojmë NATO-n. E di që po e lë NATO-n në duar të sigurta”, tha ai.

Mark Rutte, kryeministri holandez në largim, është zgjedhur zyrtarisht si sekretari i ardhshëm i përgjithshëm i NATO-s.

Aleanca ushtarake tha në një deklaratë se “Këshilli i Atlantikut të Veriut vendosi ta emërojë kryeministrin holandez Mark Rutte si Sekretarin e Përgjithshëm të ardhshëm të NATO-s, duke pasuar Jens Stoltenberg”.

“Rutte do të marrë funksionet e tij si Sekretar i Përgjithshëm nga 1 tetori 2024, kur mandati i Stoltenberg përfundon pas dhjetë vjetësh në krye të Aleancës”, u tha në njoftim.

Vazhdo të lexosh

Të kërkuara