Lajmet

Shqipëri: Pas 20 vitesh në kafazin e restorantit, lirohet ariu i murrmë

Ai po shkon drejt një jete më të mirë në një strehë austriake.

Published

4 years ago

on

Deri më tani ai e ka kaluar jetën duke argëtuar vizitorët në restorantin Sofra e Ariut në Tiranë së bashku me motrën e tij, Lizën.

Por të mërkurën, nën anestezi të rëndë, ai filloi udhëtimin e tij për në strehën e Aberbasch në Austrinë veriore, falë grupit të mirëqenies së kafshëve Four Paws.

Megjithatë, operacioni i tyre i shpëtimit erdhi shumë vonë për motrën e tij. Ajo vdiq dy vjet më parë.

Të dy arinjtë u sollën në restorant si këlyshë dy dekada më parë pasi nëna e tyre u qëllua për vdekje, sipas pronarëve të atëhershëm.

Atje ata jetonin në një kafaz prej rreth 100 metrash katrorë, me dysheme betoni, në kushte të këqija dhe me një dietë joadekuate, tha Sajmir Shehu, koordinator i projektit “Four Paws” në Shqipëri.

Tani Marku, me 250 kilogramë është mbipeshë dhe ka vështirësi në lëvizje. Për shkak të mërzisë dhe stresit ai ka pasur çrregullime ankthi, duke u bërë më agresiv.

Dhe gjendja e tij u përkeqësua edhe në vitin 2020 kur Liza vdiq.

“Marku nuk mund të ndalonte së qari për dy ose tre muaj”, tha për AFP Hiqmet Murati, rojtari i arinjve për 20 vjet.

Pronarët e tyre madje e lanë çiftin të çiftëzohej, por asnjë nga këlyshët nuk mbijetoi sepse prindërit e tyre të stresuar i kafshuan për vdekje, shtoi ai.

Si pasojë e keqtrajtimit të tij, ariu ka nevojë për kujdes urgjent për të mbijetuar, tha Shehu.

Dieta e tij e dobët dhe 20 vjet në kafaz do të thotë se ai vuan nga problemet e kyçeve, muskujve, syve dhe organeve vitale, sipas ekspertëve të Four Paws.

Pasi të jetë në vend tjetër, Marku do të marrë kujdesin veterinar dhe ushqimin e duhur që i nevojitet “në mënyrë që të shërohet shpejt dhe të shijojë një jetë të denjë për ariun”, tha Shehu.

Por halli i këtij ariu nuk është i vetmi rast me të cilin është dashur të përballet Four Paws, tha Shehu, i cili është ekspert i biodiversitetit.

Kjo është kafsha e 34-të e egër që organizata me ndihmën e bashkëpuntorëve të saj është shpërngulur jashtë Shqipërisë, tha ai.

“Nevojitet gjithashtu veprim urgjent kundër rritjes së tregtisë së paligjshme të kafshëve të egra në vend”, tha koordinatorja e Four Paws, Magdalena Scherk-Trettin.

Autoritetet në Shqipëri thonë se po shqyrtojnë hapjen e një strehe për kafshët e egra të konfiskuara.

Four Paws thotë se Marku është i fundit nga të ashtuquajturit “arinjtë e restorantit” në Shqipëri.

Në një deklaratë thuhet se,“Ndërsa shpëtimi i Markut është një moment historik i rëndësishëm, arinjtë në Shqipëri janë ende në rrezik të keqpërdoren si kafshë shtëpiake apo atraksione turistike në të ardhmen pa një ndryshim në legjislacion”.

Edhe macet e mëdha po tregtoheshin ilegalisht dhe vuanin nga trajtimi i dobët nga pronarët privatë, sipas tyre.

Restoranti ndërkohë do të heqë kafazin që i mbante arinjtë – por do të mbajë emrin e tij./UBTNews/

Related Topics:
Continue Reading

Lajmet

UBT hap konkursin për pranimin e studentëve të rinj për vitin akademik 2026/27

Published

18 hours ago

on

June 12, 2026

By

UBT ka hapur zyrtarisht konkursin për pranimin dhe regjistrimin e studentëve të rinj për vitin akademik 2026/27, duke ofruar mundësi studimi në mbi 50 programe akademike në nivelet Bachelor dhe Master dhe mbi 150 fusha të specializimit.

Si institucioni më i vlerësuar në botë, UBT vazhdon të ofrojë programe bashkëkohore studimi të harmonizuara me kërkesat e tregut vendor dhe ndërkombëtar të punës, duke integruar teknologjitë më të avancuara dhe Inteligjencën Artificiale në procesin mësimor.

Të drejtën e aplikimit në studimet Bachelor e kanë të gjithë kandidatët që kanë përfunduar arsimin e mesëm të lartë, ndërsa për studimet Master kërkohet përfundimi i nivelit Bachelor.

Programet e studimit në UBT, në nivelin Bachelor i gjeni në këtë link:

PROGRAMET BACHELOR

Për regjistrimin në studimet Master kërkohet që kandidati të ketë përfunduar studimet Bachelor.

Programet e studimit në UBT, në nivelin Master i gjeni në këtë link:

PROGRAMET MASTER

Qendrat e regjistrimit të UBT-së në Kosovë:

  • Prishtinë;
  • Lipjan;
  • Prizren;
  • Pejë;
  • Ferizaj;
  • Gjilan.

Mobilitetet/bursat ndërkombëtare:

  • Erasmus+;
  • CEEPUS;
  • PoSIG, etj.

Gjuha e studimeve:

  • Gjuhë shqipe;
  • Gjuhë angleze;
  • Mundësia e studimit në gjuhë të tjera.

Për sukses të garantuar, UBT ofron për studentët:

  • Orientim dhe praktika profesionale, kurse, vizita studimore dhe certifikime;
  • Sistem online dhe qasje në kompjuterë;
  • Licenca falas për softuerë;
  • Praktikë në kompani vendore dhe ndërkombëtare;
  • Librari me mbi 200 mijë tituj dhe qasje në libraritë elektronike botërore;
  • Praktikë dhe eksperimente në laboratorë bashkëkohorë;
  • Trajnime: CISCO, Microsoft, AutoCad, IPMA, etj;
  • Certifikime për kontabilistë në bashkëpunim me SCAAK.
  • Integrim të Inteligjencës Artificiale – VR/AR.

Studentët të cilët aplikojnë në studime themelore, i bashkëngjisin aplikacionit:

  • Certifikatën e maturës shtetërore – origjinale ose kopje të noterizuar (Për shtetasit jashtë Kosovës nuk nevojitet);
  • Diplomën e shkollës së mesme – origjinale ose kopje të noterizuar;
  • Dëftesat e shkollës së mesme – origjinale ose kopje të noterizuar;
  • Ekstrakti i lindjes.

Për më shumë informacione rreth programeve të studimit dhe mundësive që ofron UBT, ju lutemi që të ndiqni linkun: ubt-uni.net, na ndiqni edhe në rrjetet tona sociale: Facebook, Instagram, Twitter, LinkedIndhe TikTok.

APLIKO TANI ONLINE dhe studio në institucionin nr. 1 në botë.

Continue Reading

Lajmet

Nisin vlerësimet për masat e reja të Pakos 2.0, pagesat për sektorin privat javën e ardhshme

Published

18 hours ago

on

June 12, 2026

By

Ministri në detyrë i Financave, Hekuran Murati, ka bërë të ditur se komisionet vlerësuese kanë nisur shqyrtimin e aplikimeve për dy masat e mbetura të Pakos për Përballje me Inflacion 2.0, përkatësisht mbështetjen për punëtorët e sektorit privat dhe studentët.

Sipas Muratit, puna e komisionit për masën e sektorit privat është drejt përfundimit dhe pagesat pritet të ekzekutohen në fillim të javës së ardhshme, të hënën.

Ndërkaq, komisioni përgjegjës për masën e studentëve do ta përmbyllë procesin pas pranimit të konfirmimeve nga institucionet e arsimit të lartë për aplikuesit. Ai tha se qytetarët do të njoftohen me kohë sapo listat e përfituesve të jenë gati për ekzekutim.

“Qeveria për të gjithë!”, ka shkruar Murati në njoftimin e tij./A.K/

Continue Reading

Lajmet

Vizitë zyrtare e presidentit të Shqipërisë në Kosovë, priten masa të përkohshme në trafik

Published

20 hours ago

on

June 12, 2026

By

Presidenti i Republikës së Shqipërisë, Bajram Begaj, do të qëndrojë për një vizitë zyrtare në Kosovë më 12 qershor 2026, në orët e mbrëmjes.

Policia e Kosovës ka bërë të ditur se gjatë kësaj vizite do të angazhohet për ruajtjen e rendit dhe qetësisë publike, si dhe për rregullimin e trafikut gjatë lëvizjes së eskortës dhe aktiviteteve të delegacionit.

Për shkak të itinerarit të lëvizjes së eskortës nga pika kufitare në Vërmicë dhe aktiviteteve zyrtare gjatë ditës, pritet të ketë ndërprerje të përkohshme të qarkullimit në disa segmente rrugore, si dhe riorientim të trafikut në rrugë alternative në intervale të shkurtra kohore.

Policia e Kosovës ka kërkuar mirëkuptim nga qytetarët dhe pjesëmarrësit në trafik gjatë zhvillimit të vizitës./A.K/

Continue Reading

Lajmet

Nis edicioni i 8-të i “Mitrovica Guitar Days”

Published

20 hours ago

on

June 12, 2026

By

Ka nisur edicioni i tetë i festivalit “Mitrovica Guitar Days”, i cili po sjell në Mitrovicë artistë dhe kitaristë të njohur ndërkombëtarë, koncerte dhe aktivitete të ndryshme artistike që po e pasurojnë jetën kulturore të qytetit.

Festivali është hapur me një performancë nga artistja me renome botërore Carlotta Dalia, e cila ka sjellë një mbrëmje të veçantë me interpretime mbresëlënëse për publikun.

“Mitrovica Guitar Days” vazhdon të afirmohet si një prej festivaleve më të rëndësishme të kitarës në vend, duke krijuar hapësirë për shkëmbim artistik, zhvillim profesional dhe promovim të muzikës.

Ngjarja mbështetet nga Ministria e Kulturës përmes një financimi trevjeçar, me synim zhvillimin dhe qëndrueshmërinë afatgjatë të festivalit. Në koncertin hapës ka marrë pjesë edhe zëvendësministrja Nora Arapi-Krasniqi./A.K/

Continue Reading

Të kërkuara