Përzgjedhësi i Kombëtares së Kosovës, Franco Foda e ka bërë publike listën e futbollistëve që do t’i ketë në dispozicion për dy ndeshjet e para të edicionit të ri të Ligës së Kombeve kundër Rumanisë dhe Qipros, që zhvillohen më 6, respektivisht 9 shtator. Në listën e përzgjedhësit Foda janë 25 futbollistë, teksa krahas listës kryesore janë edhe disa futbollistë në listën rezervë dhe varësisht nga rrethanat ata do të mund të përfshihen në kombëtare.

Dardanët i nisin përgatitjet për këto dy ndeshje të hënën, me stërvitjen e parë që do të zhvillohet në orën 17:45, në Kampin Nacional në Hajvali. Ndërkaq, në të njëjtën ditë, paraprakisht përzgjedhësi Foda, do të mbajë konferencë për media në hotel ‘Emerald’ në orën 13:00.

Kosova është pjesë e Grupit 2 në Ligën C, ku përpos Rumanisë e Qipros do të përballet edhe me Lituaninë.

Ashtu si Liga e Kampionëve, edhe Europa League do të nisë sezonin e ri me formatin e një lige të vetme, pa grupe. Rregullat do të jenë të njëjta si ato që janë në Ligën e Kampionëve, teksa shorti i hedhur në Monako ka rezervuar përballje spektakolare mes skuadrave të njohura.

Sfida si Tottenham-Roma, Porto-Manchester United, Ajax-Lazio, Lyon-Frankfurt, Fenerbahçe-Manchester United etj. Rezultatet e çdo ndeshje do të vendosin renditjen e përgjithshme në ligën e re, me tre pikë për fitore dhe një për barazim.

Tetë skuadrat më të mira në ligë do të kualifikohen automatikisht në raundin e 16-të, ndërsa skuadrat që përfundojnë në vendin e 9-të deri në vendin e 24-të do të garojnë në një fazë play-off me dy ndeshje për të siguruar rrugën e tyre për në 16-shen e fundit të kompeticionit./UBTnews/

Ferizaj ka vazhduar me përforcime për sezonin 2024/25 në Superligën e Kosovës në futboll.

Klubi ferizajas ka njoftuar se ka arritur marrëveshje me sulmuesin anësor nga Lituania Juozas Lubas.

Lubas vjen pas një eksperience të suksesshme në Superligën e Shqipërisë, ku me skuadrën e Egnatias, arriti të shpallet kampion dhe fitues i kupës. Me këta të fundit ai luajti edhe në ndeshjet kualifikuese në garat evropiane.

Lubas përndryshe është pjesë edhe e kombëtares U21 të Lituanisë, e më herët ka qenë pjesë e të gjitha grupmoshave të këtij shteti.

Stephen Curry ka rënë dakord për një zgjatje të kontratës për një vit me Golden State Warriors, njoftoi skuadra.

Sipas faqes së internetit të NBA-së, marrëveshja – e cila do ta mbajë Curry-n në Kaliforni gjatë sezonit 2026-2027 – vlen 62.6 milionë dollarë.

Curry tani është i garantuar rreth 178 milionë dollarë për tre sezonet e ardhshme dhe, kur të skadojë marrëveshja e tij aktuale, ai do të ketë fituar 532 milionë dollarë përmes kontratave të basketbollit, i dyti më i madhi në historinë e NBA-së pas 580 milionë dollarëve të LeBron James.

36-vjeçari po vjen nga një verë e suksesshme ku luajti një rol kyç në medaljen e artë të ekipit të SHBA-së në basketboll për meshkuj në Lojërat Olimpike të Paris 2024, duke përfshirë një shpërthim në çerekun e katërt në finale kundër Francës për të siguruar fitoren.

Curry, i cili është lideri i të gjitha kohërave në NBA në trepikat e realizuara, i ka kaluar të gjitha 15 sezonet e tij në NBA me Warriors dhe ka vendosur rekord të panumërt gjatë rrugës. Ai fitoi çmimet MVP të njëpasnjëshme në 2015 dhe 2016 dhe është lojtari i vetëm që ka fituar çmimin me një votë unanime.

Ai ka fituar katër tituj me skuadrën, së fundmi në vitin 2022 ku u shpall lojtari më i vlefshëm i finaleve./UBTnews/