

Teknologji
Shqipëri: Blerjet online, mbetet i pandryshuar kufiri 22 euro i TVSH
Published
4 years agoon
By
Betim GashiPavarësisht se pandemia shtoi eksperiencën e shqiptarëve në blerjet online, Ministria e Financave nuk pritet të rrisë pragun për blerjet pa TVSh.
Pragu i blerjeve online pa TVSH nuk do të ndryshojë edhe për 2021, pavarësisht kërkesës së Postës Shqiptare për ta rritur atë, duke vijuar të penalizojë konsumatorët që duhet të paguajnë taksa për çdo blerje që e kalon kufirin 22 euro.
Nga 2019 kufiri i lejuar për blerjet online pa TVSH është 22 euro. Çdo person që bën një blerje online me vlerë më shumë më të lartë se ky kufi paguan 20% tatim mbi vlerën e shtuar, si dhe një tarifë doganore në varësi të origjinës së mallit. Para ndryshimeve të miratuara nga TVSH-ja dhe taksa doganore përjashtoheshin blerjet dhe dërgesat deri në 150 euro. Më herët në projektvendimin për shërbimet postare të Ministrisë të Infrastrukturës është kërkuar rritja e pragut të lejuar për blerje online pa TVSH, pasi niveli prej 22 eurosh rrit kostot administrative të operatorëve postarë dhe tarifat e dërgesave në doganë.
Pavarësisht se pandemia shtoi eksperiencën e shqiptarëve në blerjet online, Ministria e Financave nuk pritet të rrisë pragun për blerjet pa TVSh. Drejtori i Përgjithshëm i Politikave Fiskale, Niko Lera shpjegoi për Monitor se ndryshimet do të penalizonin biznesin vendas, që tashmë është i prekur nga kriza e Covid-19. “Nuk parashikohet të ketë ndryshime në pragun e blerjeve online pa TVSH, pasi rritje e kufirit të lejuar jo vetëm që do të penalizonte bizneset vendase, por do të ndikonin edhe të arkëtimi i TVSH-së”, pohoi z. Lera.
Për shkak të krizës nga Covid-19 dhe rënies të xhiros në 2020 sipas të dhënave të Drejtorisë të Tatimeve për subjektet që kanë kaluar pasiv për periudhën nga 1 Maj deri më 31 Dhjetor u rritën 38% krahasuar me të njëjtën periudhë të 2019-s. Gjithsej ishin rreth 6,600 subjekte që rezultojnë të shtuara në listën e subjekteve pasive në periudhën në fjalë, nga rreth 4800 për maj-dhjetor 2019. Numri më i lartë i bizneseve të mbyllura i përkasin atyre subjekteve që e kanë të lidhur aktivitetin e tyre me sezonin turistik.
Arsyet pse Posta Shqiptare kërkoi ndryshimin e pragut të lejuar për blerje online pa TVSH ishte kosto e larta të përpunimit të dërgesave. Në projektvendimin e hedhur për konsultim në janar të këtij nga Ministria e Infrastrukturës dhe Energjetikës propozohej që të krijohej një one-stop-shop online për pagesën e TVSH dhe rritjen e tarifës “de minimis” prej 22 eurosh për detyrimet e importit, apo eliminimi i tarifave të skanimit për dërgesat me vlerë të ulët.
“Tregtarët e autorizuar që përpunojnë një numër të madh pakosh postare ndërkufitare (të tilla si kompanitë e logjistikës që trajtojnë një numër të madh pakosh postare në emër të shitësve online ndërkufitarë) mund të plotësojnë deklarata të thjeshtuara për secilin artikull, që do të ndiqen më pas nga plotësimi i një deklarate shtesë përmbledhëse brenda 24 orëve”, rekomandohej në draft.
/Monitor
You may like
Teknologji
YouTube rikthen përdoruesit e ndaluar për përhapje të keqinformimit
Published
53 minutes agoon
September 29, 2025By
UBT News
YouTube planifikon të rikthejë disa llogari që ishin ndaluar për shkelje të rregullave për keqinformim të vazhdueshëm për pandeminë Covid-19 dhe zgjedhjet amerikane të vitit 2020.
Njoftimi erdhi përmes një letre nga avokati i kompanisë mëmë, Alphabet, në përgjigje të një hetimi të republikanëve se administrata e mëparshme Biden kishte detyruar kompanitë e mëdha teknologike që të fshinin disa lloje përmbajtjesh.
Youtube, ashtu si platforma të tjera, ka lehtësuar moderimin e përmbajtjes në vitet e fundit.
“Youtube vlerëson zërat konservatorë në platformë dhe pranon se këta përdorues kanë ndjekje të gjerë dhe luajnë një rol të rëndësishëm në diskutimin publik. Kompania e pranon se këta përdorues janë mes atyre që sot formësojnë konsumin online duke siguruar intervista që duhen parë dhe u japin mundësinë shikuesve që të dëgjojnë politikanë, të famshëm, biznesmenë etj”, thuhet në letër.
Ndërsa në një postim në X, platforma tha:
“Kemi marrë shumë pyetje për një rikthim në Youtube për disa përdorues të ndaluar më parë që të krijojnë një kanal të ri. Ky do të jetë një projekt i kufizuar pilot, i disponueshëm për disa përdorues, llogaritë e të cilëve janë fshirë nga politika që tanimë janë rrëzuar.”
Programi i rikthimit do të prezantohet zyrtarisht brenda pak javësh. /A.Z/UBT News/
Automobilizëm elektrikë
Volkswagen Lupo rikthehet në rrugë, tani si model elektrik
Published
6 hours agoon
September 29, 2025By
UBT News
Volkswagen po planifikon të rikthejë një emër të njohur në segmentin e makinave të qytetit me modelin e ri elektrik, duke u përpjekur të konkurrojë me markat kineze.
Zyrtari i kompanisë, Kai Grünitz, theksoi se është thelbësore të ofrohet një makinë fillestare e përballueshme, nën 20,000 euro, për të tërhequr shoferët e rinj që sapo kanë marrë patentën. Sipas tij, nëse Volkswagen nuk vepron, klientët mund të kalojnë tek markat kineze.
Ai gjithashtu sqaroi se segmenti i makinave të qytetit nuk është aq i madh sa për të justifikuar përdorimin e markave tjera të Grupit Volkswagen si Seat, Škoda apo Cupra. Për këtë arsye, makina e re do të vijë nën markën Volkswagen, duke ruajtur identitetin e kompanisë.
Modeli i ri, i njohur aktualisht si ID.1, mund të rikthehet në prodhim me emrin ID.Lupo – një emër që nuk është përdorur për 20 vjet dhe që dikur ishte shumë popullor për shkak të madhësisë dhe praktikitetit të tij në qytet.
Ky hap shihet si lëvizje e zgjuar marketingu, duke sjellë nostalgji te klientët e vjetër dhe duke tërhequr klientët e rinj drejt Volkswagen. /A.Z/UBT News/
Teknologji
Shefi i ChatGPT parashikon se kur Inteligjenca Artificiale mund të kurojë kancerin
Published
10 hours agoon
September 29, 2025By
UBT News
Ndërsa në njërën anë, Inteligjenca Artificiale po u shkakton frikë shumë njerëzve për “zëvendësimet e vendeve të punës ose zhdukjen e njerëzimit”, në anën tjetër, ajo në fakt mund të shpëtojë jetë në një mënyrë të jashtëzakonshme.
Në këtë drejtim, emra të teknologjisë, përfshirë Bill Gates të Microsoft dhe CEO të Zoom, Eric Yuan, kanë rënë dakord që përparimet në Inteligjencën Artificiale do të çojnë në një javë pune më të shkurtër, duke arritur potencialisht në vetëm tre ditë.
Por shkenca po bashkëpunon me Inteligjencën Artificiale gjithnjë e më shumë, me një laborator të mbështetur nga Google që përdor Inteligjencën Artificiale për të provuar të zgjidhë të gjitha sëmundjet e botës.
Siç pretendohet më tej, përcjell Telegrafi, teknologjia po përdoret për të parashikuar vdekjen, shënuesit e sëmundjeve gjenetike dhe për të përcaktuar diagnoza të sakta mjekësore.
Madje, tani, CEO i OpenAI, Sam Altman, mendon se po i afrohemi shërimit të një prej shkaqeve kryesore të vdekjes.
Në një postim në blog, krijuesi i ChatGPT pretendoi se me 10 gigavatë fuqi llogaritëse, ‘gjëra të mahnitshme do të jenë të mundura’.
Ai shkroi: “Ndoshta me 10 gigavatë llogaritje, IA mund të gjejë një mënyrë për të kuruar kancerin. Ose me 10 gigavatë llogaritje, IA mund të gjejë një mënyrë për të ofruar mësimdhënie të personalizuar për çdo student në Tokë”.
Miliarderi i teknologjisë tha gjithashtu se OpenAI synon të ndërtojë një fabrikë që prodhon një gigavat infrastrukturë të re IA çdo javë, megjithëse kjo ka të ngjarë të zgjasë me vite.
Por nuk është e pamundur.
Hulumtuesit po përdorin IA-në për të bërë përparime mbresëlënëse shkencore, si mjeti AlphaFold i Google DeepMind i cili shpreson të përshpejtojë kërkimin për vaksinat dhe ilaçet.
Si konkluzion, thuhet se IA padyshim që ka ndihmuar në përmirësimin e zbulimit të kancerit, por në të vërtetë për të kuruar sëmundjet, ka ende shumë punë për të bërë.
Kjo për faktin se një nga sfidat më të mëdha në shërimin e kancerit është se nuk është vetëm një sëmundje e vetme. Në vend të kësaj, ka qindra lloje të ndryshme, secila me karakteristikat e veta unike.
Komentet e Altman pasuan njoftimin e OpenAI për partneritetin e saj të ri me Nvidia për të ndërtuar infrastrukturën e Inteligjencës Artificiale të së ardhmes.
Teknologji
Një nga kompjuterët më të rrallë në histori, Apple-1 shitet për 475 mijë dollarë
Published
5 days agoon
September 24, 2025By
UBT News
Një nga kompjuterët më të rrallë dhe më ikonik në historinë e teknologjisë, modeli Apple-1, është shitur për një shumë marramendëse prej 475 mijë dollarësh amerikanë në një ankand të mbajtur në Boston.
Ky kompjuter është pjesë e grupit të parë prej vetëm 50 njësish, të prodhuara me dorë nga bashkëthemeluesit e Apple, Steve Jobs dhe Steve Wozniak, në vitin 1976.
Sot, ekzistojnë nëntë ekzemplarë funksionalë të këtij modeli, duke e bërë të rrallë dhe të kërkuar nga koleksionistët. Modeli i shitur, i njohur si “Byte Shop Apple-1”, përfshin një kabinetë prej druri të ngurtë dhe është në gjendje të plotë pune një faktor kyç që ndikoi në çmimin përfundimtar.
Fillimisht ishte vlerësuar se do të shitej për 300 mijë dollarë, por interesi i madh dhe gjendja e shkëlqyer e pajisjes bënë që ai të shitej shumë mbi këtë pritshmëri.
Kompjuteri i njohur si “Moore Apple-1” i përkiste June Blodgett Moore, e cila është njohur si gruaja e parë që ka diplomuar në Fakultetin e Drejtësisë në Universitetin Stanford.
Apple-1 erdhi në ankand me komponentët tastierën, interfejsin për kaseta dhe softuerin Apple BASIC.
Një video demonstruese e funksionimit të tij, e realizuar një ditë para ankandit, i shtoi vlerë të konsiderueshme ofertës.
Në kohën kur u lansua, Apple-1 shitej për 666.66 dollarë, ai përfaqëson pikë kthese në historinë e kompjuterëve personalë, konsiderohet si gurthemeli mbi të cilin u ndërtua perandoria e teknologjisë. /A.Z/UBT News/

Blanco flet pas martesës me Selenen: “U martova me një princeshë Disney”

YouTube rikthen përdoruesit e ndaluar për përhapje të keqinformimit

Si u krijua reklama më e shtrenjtë në historinë e televizionit?

Pse prona e Beyoncé dhe Jay-Z njihet si “fusha e rrezikut”?

City ia kërkon yllin kryesor skuadrës së Atleticos

Edi Rama për Ditën e Trashëgimisë: Një pasuri që lidh të kaluarën me të ardhmen

A është e sigurt të ruani ushqimet në letër alumini?

Vetaksidentohet automjeti i KFOR-it në Malishevë

Reagimi i Agim Ademit pasi Hajdari zgjodhi Kosovën para Zvicrës
Të kërkuara
-
Aktualitet1 month ago
Profesori i UBT-së, Bahri Gashi, pjesë e rrjetit prestigjioz ndërkombëtar të recensimit shkencor në Taylor & Francis
-
Aktualitet2 months ago
BSc në Shëndet Publik dhe Shkenca Mjekësore në UBT – Investim për të ardhmen e shëndetit të popullatës
-
Kërkime3 months ago
Profesori i UBT-së, Musa Sabedini, publikon punim shkencor në revistën ndërkombëtare JGPSCD në SHBA
-
Aktualitet3 months ago
UBT sjell për herë të parë në Kosovë ekspozitën kushtuar vizionarit dhe inxhinierit Karl Gega