Teknologji

Shqipëri: Blerjet online, mbetet i pandryshuar kufiri 22 euro i TVSH

Published

on

Pavarësisht se pandemia shtoi eksperiencën e shqiptarëve në blerjet online, Ministria e Financave nuk pritet të rrisë pragun për blerjet pa TVSh.

Pragu i blerjeve online pa TVSH nuk do të ndryshojë edhe për 2021, pavarësisht kërkesës së Postës Shqiptare për ta rritur atë, duke vijuar të penalizojë konsumatorët që duhet të paguajnë taksa për çdo blerje që e kalon kufirin 22 euro.

Nga 2019 kufiri i lejuar për blerjet online pa TVSH është 22 euro. Çdo person që bën një blerje online me vlerë më shumë më të lartë se ky kufi paguan 20% tatim mbi vlerën e shtuar, si dhe një tarifë doganore në varësi të origjinës së mallit. Para ndryshimeve të miratuara nga TVSH-ja dhe taksa doganore përjashtoheshin blerjet dhe dërgesat deri në 150 euro. Më herët në projektvendimin për shërbimet postare të Ministrisë të Infrastrukturës është kërkuar rritja e pragut të lejuar për blerje online pa TVSH, pasi niveli prej 22 eurosh rrit kostot administrative të operatorëve postarë dhe tarifat e dërgesave në doganë.

Pavarësisht se pandemia shtoi eksperiencën e shqiptarëve në blerjet online, Ministria e Financave nuk pritet të rrisë pragun për blerjet pa TVSh. Drejtori i Përgjithshëm i Politikave Fiskale, Niko Lera shpjegoi për Monitor se ndryshimet do të penalizonin biznesin vendas, që tashmë është i prekur nga kriza e Covid-19. “Nuk parashikohet të ketë ndryshime në pragun e blerjeve online pa TVSH, pasi rritje e kufirit të lejuar jo vetëm që do të penalizonte bizneset vendase, por do të ndikonin edhe të arkëtimi i TVSH-së”, pohoi z. Lera.

Për shkak të krizës nga Covid-19 dhe rënies të xhiros në 2020 sipas të dhënave të Drejtorisë të Tatimeve për subjektet që kanë kaluar pasiv për periudhën nga 1 Maj deri më 31 Dhjetor u rritën 38% krahasuar me të njëjtën periudhë të 2019-s. Gjithsej ishin rreth 6,600 subjekte që rezultojnë të shtuara në listën e subjekteve pasive në periudhën në fjalë, nga rreth 4800 për maj-dhjetor 2019. Numri më i lartë i bizneseve të mbyllura i përkasin atyre subjekteve që e kanë të lidhur aktivitetin e tyre me sezonin turistik.

Arsyet pse Posta Shqiptare kërkoi ndryshimin e pragut të lejuar për blerje online pa TVSH ishte kosto e larta të përpunimit të dërgesave. Në projektvendimin e hedhur për konsultim në janar të këtij nga Ministria e Infrastrukturës dhe Energjetikës propozohej që të krijohej një one-stop-shop online për pagesën e TVSH dhe rritjen e tarifës “de minimis” prej 22 eurosh për detyrimet e importit, apo eliminimi i tarifave të skanimit për dërgesat me vlerë të ulët.

“Tregtarët e autorizuar që përpunojnë një numër të madh pakosh postare ndërkufitare (të tilla si kompanitë e logjistikës që trajtojnë një numër të madh pakosh postare në emër të shitësve online ndërkufitarë) mund të plotësojnë deklarata të thjeshtuara për secilin artikull, që do të ndiqen më pas nga plotësimi i një deklarate shtesë përmbledhëse brenda 24 orëve”, rekomandohej në draft.

/Monitor

Continue Reading

Teknologji

TikTok ndryshon rregullat e lojës – aplikacioni tregon se çfarë është përmirësuar

Published

on

Rrjeti i njohur social ka shtuar mjet që do t’u mundësojë përdoruesve të mbrojnë llogarinë e tyre.

Edhe pse e ardhmja e TikTok-ut është ende e pasigurt, aplikacioni vazhdon të marrë funksione dhe përmirësime të reja.

Funksioni më i ri quhet Security Checkup dhe ka rol në mbrojtjen e llogarisë së përdoruesit.

Mjeti mund të gjendet duke shkuar në Settings and privacy > Security & permissions në aplikacionin TikTok.

Ideja pas funksionit Security Checkup është që përdoruesve t’u lehtësohen veprimet siç janë lidhja e numrit të telefonit dhe adresës së emailit për të siguruar një metodë shtesë të kyçjes, më pas aktivizimi i verifikimit me dy faktorë, konfigurimi i çelësit të aksesit dhe aktivizimi i mundësive biometrike për identifikimin, siç është njohja e fytyrës.

Përveç kësaj, përdoruesit tani mund të shohin cilët pajisje janë kyçur në llogarinë e tyre, dhe është e mundur të ndaloni qasjen për çdo pajisje që nuk e njihni ose që nuk e përdorni më.

Për më tepër, TikTok do të shënojë dhe raportojë çdo sjellje të pazakontë që detekton në llogarinë e përdoruesit.

Continue Reading

Teknologji

‘Oppo Find X8 Ultra’ shpallet si telefoni më i mirë i vitit 2025

Published

on

Oppo Find X8 Ultra, i prezantuar në fillim të këtij muaji, ka tërhequr vëmendje për dizajnin dhe specifikat e tij të avancuara.

Ky telefon ka mbrojtje IP68 dhe IP69, është më i hollë dhe më i qëndrueshëm se paraardhësi, dhe kaloi testin e rezistencës ndaj rënies me vlerësimin më të lartë.

Pajisja ofron ekran OLED 6.82 inç me shpejtësi rifreskimi 120 Hz dhe shkëlqim deri në 1600 nit. Bateria 6100 mAh mbështet mbushjen e shpejtë (100W me tel dhe 50W pa tel).

Kamera kryesore 50 MP, dy kamera periskopi 50 MP me zmadhim optik 3x dhe 6x, si dhe kamera True Chroma me përpunimin e Hasselblad ofrojnë performancë të jashtëzakonshme në fotografi.

Telefoni është i fuqizuar nga çipi Snapdragon 8 Elite dhe ofron deri në 16 GB RAM dhe 1 TB memorie.

Phone Arena e shpalli Find X8 Ultra “telefonin më të mirë të 2025”, ndërsa Digital Camera World e quajti “mbretin e ri të fotografisë celulare”.

Continue Reading

Teknologji

Vizioni i Microsoft për të ardhmen: Ne të gjithë do të jemi shefa të punëtorëve virtualë

Published

on

Po vijnë lajme të mira për të ardhmen! Microsoft parashikon që për shkak të zhvillimit të inteligjencës artificiale, do bëhemi ‘shefa’ të punonjësve virtualë.

Kompania teknologjike parashikon shfaqjen e një lloji të ri biznesi, të ashtuquajturat “kompani të kufirit” (frontier firm), ku punonjësit njerëzorë do të menaxhojnë agjentë autonomë të inteligjencës artificiale për të kryer detyra.

Microswft parashikon se të gjithë do të bëhen shefa të agjentëve.

“Me rritjen e numrit të agjentëve në fuqinë punëtore, do të shohim rritjen e shefit të agjentëve – dikush që ndihmon, delegon dhe menaxhon agjentët për të rritur ndikimin e tyre dhe merr kontrollin mbi karrierën e tij në epokën e inteligjencës artificiale“, thotë Jerard Spataro, një nga drejtuesit e Microsoft.

“Nga bordi drejtues deri te të gjitha pjesët tjera të kompanive, çdo punonjës duhet të mendojë si CEO i startapit me agjentët në dispozicion“, shton Spataro.

Microsoft, i cili është një nga financuesit e OpenAI, krijuesi i ChatGPT, parashikon që çdo organizatë biznesi në pesë vitet e ardhshme do bëhet “kompani e kufirit”. Ata besojnë se këto entitete biznesi do të jenë “më të ndryshme” nga ato që janë sot dhe do të jenë të organizuara rreth “inteligjencës sipas kërkesës”.

“Këto kompani do të rriten më shpejt, do të funksionojnë më shpejt dhe do të krijojnë vlerë më shpejt“, tha kompania.

Ata gjithashtu parashikojnë se shfaqja e një klase shefash të inteligjencës artificiale do të ndodhë në tre faza.

E para, çdo punonjës do të ketë një asistent virtual, agjentët e inteligjencës artificiale do t’i bashkohen grupeve si “kolegë digjitalë“ e do kryejnë detyra specifike. Njerëzit do të përcaktojnë udhëzimet e detyrat për këta agjentë, që do t’i kryejnë në mënyrë autonome, e shefat i mbikëqyrin sipas nevojës.

Në rolin e punonjësve në zinxhirin e furnizimit, “Microsoft” thotë se agjentët do të mund të kryejnë të gjitha detyrat logjistike, ndërkohë që njerëzit do të udhëheqin sistemin dhe do të menaxhojnë marrëdhëniet me furnizuesit,

Continue Reading

Teknologji

Fordi ndalon dërgesat e automjeteve në Kinë, shkak tarifat

Published

on

Prodhuesi amerikan i automjeteve, Ford Motors, ka njoftuar se ka ndaluar dërgesat e veturave, kamionëve dhe veturave sportive të saj në Kinë, raportoi Reuters.

Kjo për shkak të tarifave hakmarrëse prej 150 për qind.

“Ne kemi rregulluar eksportet nga SHBA-ja në Kinë në dritën e tarifave aktuale”, ka deklaruar kjo kompani.

Kompania ndaloi dërgesat e F-150 Raptors, Mustangs dhe Broncos të prodhuara në Michigan, si dhe Lincoln Navigators të prodhuar në Kentaki, në Kinë.

Zhvillimi ndodhi derisa prodhuesit amerikanë të automjeteve përpiqen të gjejnë mënyra për të trajtuar tarifat e përsëritura të Presidentit Donald Trump, të cilat pritet të dëmtojnë gjithashtu fitimet e prodhuesve të makinave dhe furnizuesve të pjesëve.

Eksportet e Ford-it të motorëve e transmisioneve të prodhuara në SHBA në Kinë pritet të vazhdojnë pavarësisht nga pauza në eksportet e automjeteve të montuara. Trump nxori idenë se konsideron modifikimin e tarifave të lidhura me automjetet, duke treguar se lejon përjashtime nga taksat ekzistuese.

Continue Reading

Të kërkuara