Lajmet

Shpallet ankandi i parë për parkun me energji solare, Kurti e quan ShBA-në aleat të fuqishëm

Kryeministri Kurti tha se më këtë projekt do të këtë çmime më të përballueshme për qytetarë.

Published

on

Kryeministri Albin Kurti dhe ministrja e Ekonomisë, Artane Rizvanolli, kanë pritur në takim administratoren e USAID-it, Samantha Power, ku pas takimit të tre udhëheqësit kanë mbajtur një konferencë për medie. Me këtë rast është shpallur edhe ankandin për parkun me energji solare me kapacitet prej 100MW.

Kryeministri Kurti tha se më këtë projekt do të këtë çmime më të përballueshme për qytetarë dhe se do të mbrohet edhe ambienti, e këtë e quajti lajm të rëndësishëm.

Kurti falënderoi ShBA-në për ndihmën në këtë fushë derisa tha se është një aleat i fuqishëm “që janë dëshmuar edhe sa i përket zhvillimit tonë të gjithëmbarshëm edhe sa i përket ndërtimit të demokracisë sonë”.

“Dua të fillojë më një falënderim ndaj USAID-it për mbështetjen në energjinë e ripërtritshme. Pas agresionit ndaj Ukrainës si dhe krizës energjetike tani është e pa diskutueshëm se siguria energjetike është siguri kombëtare. Vizioni ynë është i qartë të garantojmë pavarësi energjetike, të garantojmë përballueshmeri financiare që të kemi zhvillim të hovshëm ekonomik. Ankandi i parë i Kosovës përmbush secilin hap të vizionit tonë, përtej tij ky ankand përmbush edhe synimet e Qeverisë sonë. Ftoj kompanitë vendore e ndërkombëtare që të na bashkëngjiten në këtë projekt”, tha ai.

Administratorja e USAID-it, Samantha Power, tha se është optimist për rrugën që është duke e bërë Kosova, kjo sipas saj, falë qytetarëve të saj.

“Kemi mundësin që të lansojmë diçka që është aq e fuqishme dhe një emblemë për drejtimin që ekonomia e Kosovë dhe udhëheqësit e saj e kanë. Vizita ime deri më tani është optimiste për atë se ka po shkon Kosova. Nuk kam qenë për 25 vjet dhe po e shohë se sa ka arritur ky vend fal qytetarëve. Dje kisha mundësinë që të provojë ajvarin që e prodhojnë ferment. Një gjë është shumë e qartë Kosova e ka një të ardhme të ndritur dhe tani do të kemi një energji të se ardhmes, nuk do të kemi ndërprerje të energjisë nuk do të këtë këso diskutime më. Po ashtu çështja e çmimit. Kemi zgjedhur Kramovikun si vend sepse do të përfitojnë 20 mijë shtëpi. Qytetarëve do të i’u mundësoj që të jetë më lirë dhe më pastër. Se bashku do të punojmë që ta rrisim zhvillimin ekonomik, për demokraci”, tha ai.

Ministrja Artane Rizvanolli, tha se ky është një projekt prej 75 milionë eurove. Ajo garantoi se janë plotësuar të gjitha kushtet për kompanitë që duan të investojë.

“Ankandi ka rëndësi përtej investimit prej 75 milionë eurove, ajo shënon pikënisjen e një periudhe të re. Ndërtimi i kapaciteteve të energjisë së ripërtritshme përmes një procesi transparent. Kemi plotësuar të gjitha kushtet që kompanitë dëshirojnë që të investojnë në Kosovë. Ky rezultat vjen me një bashkëpunim më USAID, kemi shumë punë përpara për ta përmbushur vizionin tonë. Me këto bashkëpunime këto punë nuk i shohim si vështirësi”, tha ajo.

Aktualitet

Regjistrohu tani në Gjuha Angleze në UBT dhe përfito bursë 20%

Published

on

UBT njofton se kanë mbetur edhe pak vende të lira për regjistrim në programin Bachelor Gjuha Angleze, një drejtim studimor që hap mundësi të shumta karriere në arsim, përkthim, diplomaci, media dhe organizata ndërkombëtare.

Përmes këtij programi, studentët përgatiten jo vetëm në aspektin gjuhësor dhe kulturor, por edhe në atë profesional, duke u bërë të aftë të kontribuojnë në tregun vendor dhe global.

UBT ofron bursë prej 20% për të gjithë ata që regjistrohen në këtë program, duke i dhënë mundësinë studentëve të sigurojnë arsimim cilësor dhe të përballueshëm financiarisht.

Studentët e interesuar mund të aplikojnë online përmes platformës: APLIKO TANI ONLINE!

Continue Reading

Aktualitet

Në zyrën e Ivica Daçiqit mbërrin një zarf me tre plumba

Published

on

Në Qeverinë e Serbisë ka mbërritur një zarf i adresuar për ministrin e Brendshëm, Ivica Daçiq, brenda të cilit janë gjetur tre plumba, njoftoi më 29 gusht Ministria e Punëve të Brendshme (MUP).

Sipas njoftimit, zarfi është vërejtur të enjten gjatë procesit të rregullt të ndarjes së postës.

“Gjatë kontrollit të sigurisë me pajisje me rreze X, në zarf u gjetën tre plumba”, thuhet në komunikatën e MUP-it.

Autoritetet shtuan se policia ka identifikuar dhe gjetur personin që më 26 gusht kishte dorëzuar dërgesën në një degë të Postës së Serbisë në Pozharevc.

Nuk është bërë i ditur identiteti i të dyshuarit.

Continue Reading

Aktualitet

U përurua çerdhja e re për 60 fëmijë në Fushë Kosovë

Published

on

Në Fushë Kosovë u përurua një çerdhe e fëmijëve në Fushë Kosovë, investim ky i Ministrisë së Arsimit , në vlerë prej rreth 415 mijë euro.

Kjo çerdhe për 60 fëmijë me një hapësirë prej 750 m² u tha është e pajisur me të gjitha mjetet e nevojshme për kujdesin dhe zhvillimin e fëmijëve tanë të gjithë hapësirat në këtë çerdhe të re.

Kryeministri në detyrë, Albin Kurti, tha se vetëm gjatë këtij mandati qeverisës në komunën e Fushë Kosovës, në fushën e arsimit janë bërë investime kapitale me vlerë prej 5.6 milionë euro, duke shtuar se treguan kështu përkushtimin për gjeneratat e reja, të cilat duhet të kenë arsim cilësor dhe mirëqenie të garantuar.

“Të investosh në çerdhe për fëmijë dhe edukim të hershëm, do të thotë të investosh në të ardhmen e shtetit. Pikërisht në vitet e para të jetës aty ku hidhen themelet për zhvillimin, lumturinë dhe suksesin e fëmijëve të Kosovës, nesër profesionistë e kuadro, që do të udhëheqin institucionet, ekonominë, shoqërinë, politikën e kështu me radhë”, tha Kurti.

Në përurim mori pjesë edhe ministrja në detyrë e Arsimit, Arbërie Nagavci.

Kurti njoftoi se për ndërtimin edhe të një çerdhe tjetër publike, me vlerë mbi 1.2 milionë euro, po në Fushë Kosovë.

Pas përurimit të Çerdhes së fëmijëvë, kryeministri në detyrë Kurti vizitën e tij e vazhdoi me vënien e gurthemelit të Shkollës Fillore dhe të Mesme të Ulët, po ashtu në Fushë Kosovë, investim i Ministrisë së Arsimit, me një sipërfaqe prej 8,000 metra katror, për 1500 nxënës, me vlerë të investimit prej 3.8 milionë euro.

Continue Reading

Aktualitet

Kurti për akuzat ndaj UÇK-së: Manipulohet një kapitull për të cilin Basha s’ka faj

Published

on

Kryeministri në detyrë, Albin Kurti, foli lidhur me zhurmën publike rreth artikullit ku bashkautor është kryetari i zgjedhur i Kuvendit të Kosovës, Dimal Basha kundër UÇK-së.

Ai kritikoi qeveritë e kaluara, duke thënë se janë vendimet e atyre qeverive i kanë shkaktuar probleme Kosovës dhe se të tilla s’po i shkakton artikulli me bashkautor Bashën.

“Unë besoj që problemet që i kemi sot në Kosovë nuk i kemi nga një deformim e keqinterpretim i një artikulli me bashkautorësi ku ky nuk është autor i atij kapitulli të para më shumë se një dekade. Problemet i kemi kur është nënshkruar ‘Zajednica’ në 2013-tën, problemet i kemi kur janë amnistuar kriminelët serbë në veri, po astu në 2013-tën, problemet i kemi kur është votuar Gjykata Speciale në 2015-n, problemet i kemi kur është themeluar Lista Serbe në bashkëpunim me Beogradin në vitin 2013, problemet i kemi politikanët e Kosovës kanë bërë qeveri duke u varur nga Lista Serbe, problemet i kemi kur kanë hyrë në pazare për ndarje të Kosovës – jo te ky farë artikulli ku manipulohet një kre, në të cilin ky s’ka fare autorësi”, tha Kurti .

Kryeministri në detyrë tha se buja që bëri ky shkrim është keqinterpretim dhe deformim.

“Dimal Basha e ka dhënë sqarimin për atë publikim që është bërë para më shumë se një dekade. Ai ka thënë se kapitulli që e ka shkruar nuk ka të bëjë me UÇK-në. Edhe në fjalimin e tij pas zgjedhjes si kryetar Kuvendi, ai shprehu vlerësimet më të larta për këtë vlerë të kombit shqiptar”, tha Kurti.

Kryeministri në detyrë këto deklarata i bëri në komunikim me gazetarë në Fushë Kosovë, ku mori pjesë në përurimin e një Çerdheje për fëmijë.

Continue Reading

Të kërkuara