Sport

Shorti i Ligës së Kampionëve rikthen edhe njëherë rivalitetin Ronaldo-Messi

Published

5 years ago

October 2, 2020

Betim Gashi

Është hedhur shorti i Ligës së Kampionëve në Nyon të Zvicrës, për fazën e grupeve.

Shorti i fazës së grupeve në Ligën e Kampionëve me vete ka sjellë shumë duele interesante, por ajo që merr vëmendjen është dueli interesant mes Barcelonës dhe Juventusit, që do të bëjë bashkë edhe njëherë rivalitetin mes Cristiano Ronaldos dhe Lionel Messit.

Në grupin A është pozicionuar Bayern Munich, i cili do të ketë punë me Atletico Madridin e Diego Simeone’s, Salzburgun dhe Lokomotivën e Moskës.

Grupi B ka sjellë Real Madridin, kampionin e Spanjës, dhe Interin e Antonio Contes, që do të kenë punë me Shakhtar Donetsk’in dhe Borussia Monchegladbach’un.

Grupi C sjellë me vete Manchester City’n e Guardiolas që do të përballet me kampionin e Portugalisë Porton, Olympiacos dhe Marseille.

Në grupin D është pozicionuar Liverpool, që do të ketë punë me Ajax, Atalanta dhe Midtjylland.

Chelsea i Frank Lampard është vendosur në grupin E sipas shortit, që do të takohet me Sevillan, Krasnodar dhe Rennes.

Grupi më interesant dhe që ka marrë vëmendjen është grupi F, ku Juventusi i Ronaldos do të përballet me Barcelonën e Messit, që do të përcjellen nga Dynamo Kiev dhe Ferencvaros.

Në grupin H, është vendosur PSG dhe Manchester United, që do ta kenë të vështirë përballjen me RB Leipzig dhe Basaksehir.

Vlen të theksohet se Spanja, Anglia, Gjermania dhe Italia kanë nga katër skuadra pjesëmarrëse në grupe, ndërkaq pas tyre renditet Franca dhe Rusia me nga tri ekipe të tjera dhe dy skuadra vijnë nga Ukraina.

Portugalia, Belgjika, Holanda, Austria, Turqia, Danimarka, Greqia dhe Hungaria përfaqësohen me nga një ekip në garën më të madhe evropiane për klube.

Grupet e plota:

Grupi A: Bayern Munich, Atletico Madrid, RB Salzburg, Lokomotiva Moskë.

Grupi B: Real Madrid, Shakhtar Donetsk, Inter, Borussia Moenchegladbach.

Grupi C: Porto, Manchester City, Olympiacos, Marseille.

Grupi D: Liverpool, Ajax, Atalanta, Midtjylland.

Grupi E: Sevilla,Chelsea, Krasnodar, Rennes.

Grupi F: Zenit, Borussia Dortmund, Lazio, Club Brugge.

Grupi G: Juventus, Barcelona, Dynamo Kiev, Ferencvaros.

Grupi H: PSG, Manchester United, RB Leipzig, Basaksehir./UBTNews

Up Next

UEFA shpall më të mirët e vitit, dominon Bayerni

Don't Miss

Xhudistët tanë rikthehen në gara ndërkombëtare pas shtatë muajsh

Sport

Datat dhe oraret e ndeshjeve të Kosovës në Nations League

Published

23 hours ago

February 13, 2026

UBTNEWS

Pas shortit të Ligës së Kombeve, Kosova është vendosur në Grupin B3 së bashku me Irlandën, Austrinë dhe Izraelin.

Kalendari i plotë i ndeshjeve:

Kosovë vs Irlandë – 24 shtator 2026, e enjte, ora 20:45
Austri vs Kosovë – 27 shtator 2026, e diel, ora 18:00
Izrael vs Kosovë – 1 tetor 2026, e enjte, ora 20:45
Kosovë vs Austri – 4 tetor 2026, e diel, ora 18:00
Kosovë vs Izrael – 14 nëntor 2026, e shtunë, ora 15:00
Irlandë vs Kosovë – 17 nëntor 2026, e martë, ora 20:45

Tifozët kosovarë tashmë mund të planifikojnë të mbështesin ekipin e tyre në këtë fazë të rëndësishme të Ligës së Kombeve.

Sport

Kiana Kryeziu sot në pistën olimpike të Milanos

Published

2 days ago

February 12, 2026

UBTNEWS

Skitarja Kiana Kryeziu do të përfaqësojë Kosovën në Lojërat Olimpike Dimërore “Milano Cortina”, duke shënuar një tjetër moment të rëndësishëm në karrierën e saj sportive.

Skiatorja kosovare ka arritur për herë të dytë të përmbushë normën olimpike, pasi ka siguruar kualifikimin në tri disiplina të skijimit alpin: sllallom, sllallom të madh dhe super sllallom të madh. Ajo do të paraqitet në këto gara në skenën më të madhe botërore të sporteve dimërore.

Sot, me fillim nga ora 11:30, Kryeziu do të garojë në disiplinën Super-G (Super Giant Slalom), duke synuar një paraqitje sa më të mirë në mesin e elitës botërore të skijimit alpin. /Kosova Press/

Sport

Kupa e Kosovës sjell duel të fortë, Ballkani kundër Llapit

Published

2 days ago

February 12, 2026

UBTNEWS

Tashmë është konfirmuar përballja e çerekfinales në Kupën e Kosovës: FC Ballkani do të ndeshet me KF Llapin në një duel që pritet të sjellë spektakël dhe rivalitet të madh.

Ballkani vjen në këtë fazë pas një kualifikimi dramatik ndaj Prishtinës në stadiumin “Fadil Vokrri”, ku siguroi kalimin tutje vetëm pas penalltive (11-10). Ndeshja në kohën e rregullt u mbyll 2-2, ndërsa pas vazhdimeve rezultati ishte 3-3, me rikthim të madh nga disavantazhi 2-0.

Në anën tjetër, Llapi eliminoi Dritën me fitore 2-1 si mysafir, falë golave të Arbnor Ramadanit dhe Muhamet Hysenit, duke siguruar me meritë një vend në mesin e tetë skuadrave më të mira të Kupës.

Tani, dy skuadra në formë të mirë do të përballen mes vete për një vend në gjysmëfinale, një ndeshje që pritet të jetë shumë interesante e kësaj faze të garës.

Sport

Bashkimi dhe Trepça në finalen e Kupës së Kosovës

Published

2 days ago

February 12, 2026

UBTNEWS

Janë zhvilluar mbrëmë ndeshjet e kthimit të gjysmëfinaleve të Kupës së Kosovës në basketboll, të cilat kanë përcaktuar dy skuadrat finaliste: Trepçën dhe Bashkimin.

Në përballjen e parë të mbrëmjes, Trepça u përball me Borën dhe arriti fitore me rezultat 78:66. Mitrovicasit, që kishin fituar bindshëm edhe ndeshjen e parë 87:64, konfirmuan epërsinë dhe u bënë skuadra e parë finaliste e këtij edicioni. Kampionët në fuqi të Kupës treguan stabilitet dhe përvojë, duke mos e vënë në dyshim asnjëherë kualifikimin.

Ndërkohë, në ndeshjen e dytë të zhvilluar, Bashkimi mposhti Sigal Prishtinën me rezultat 85:69. Pas fitores 83:67 në takimin e parë, prizrenasit e menaxhuan me sukses edhe sfidën e kthimit, duke siguruar me meritë një vend në finale.

Kështu, finalja e Kupës së Kosovës, që zhvillohet më 18 shkurt, do të sjellë një duel mjaft interesant mes Trepçës dhe Bashkimit, dy skuadra që synojnë ta mbyllin këtë edicion me trofe.