Lajmet

Shkoni vetë kudo: kinema, bar…

Pse duhet të shkoni me patjetër diku (kinema, bar, restorant, udhëtim etj) VETËM!

Publikuar

3 vjet më parë

më

Dikur më pëlqente të shkoja në kinema vetëm. Unë mund të shihja atë që doja, kur të doja. Telefoni i fikur dhe askush për të më shqetësuar. Pastaj fillova të dilja me një djalë që i pëlqente shumë filmat. Ne shkonim së bashku në kinema dhe teatër. U martova me të dhe tani kemi një fëmijë. Nuk kam qenë në një film jo të animuar prej 7 vitesh dhe rrallë shkoj diku vetëm.

Por një herë në pak kohë, sigurohem të ha një vakt në restorant vetëm unë ose të marr një filxhan kafe. Më pëlqen të vëzhgoj njerëzit, më pëlqen qetësia që më lejon të mendoj ose të distancohem nga bota për pak. Më pëlqen të zgjedh se ku dua të shkoj pa patur nevojë të negocioj ose të kontrolloj si janë menutë e fëmijëve. Dhe sa herë që shkoj vetëm diku, befasohem se ma më pëlqen ajo kohë që kaloj me veten.

Më argëtuese se sa mendoni!

Profesoreshat e marketingut, Rebecca Ratner dhe Rebecca Hamilton, pasi anketuan qindra njerëz, gjetën se shumica e njerëzve kënaqeshin më shumë se ç’prisnin kur dilnin vetë. Në fillim sidoqoftë, njerëzit e anketuar thanë se iu desh të kapërcenin “ndrojtjen” apo ndoshta sikletin e të qenit vetëm. 

Shumë pjesëmarrës të studimit supozuan se të tjerët do të mendonin se ata nuk kishin miq nëse do të shiheshin vetëm në publik. Kjo i bënte ata të hezitonin në fillim.

Megjithatë, një tjetër hulumtim i Thomas Gilovich na tregon se njerëzit as që po na kushtojnë vëmendje e jo më të mendojnë: “Uou dikush është ulur vetëm në kafene. Oh jo, ai s’duhet të ketë asnjë mik!”

Për shkak të një fenomeni unik të quajtur “Efekti i Spotlight” ne priremi të mendojmë se të gjithë po na shikojnë ose po vërejnë se për çfarë jemi duke menduar. Megjithatë, realiteti është se shumica e njerëzve janë shumë të interesuar për veten, të zënë ose të përqendruar në gjëra të tjera për t’i kushtuar kaq shumë vëmendje asaj që po bëjmë ne.

Pra, mos lejoni që këto mendime t’ju mbajnë në shtratin e shtëpisë. Në vend të kësaj, çohuni dhe shkoni tek ai restorani që keni dashur gjithmonë të provoni ose shkoni të shihni atë filmin që mezi po prisnit! Sapo të kapërceni sikletin e “pyes veten-çfarë-po mendojnë-të tjerët”, ka të ngjarë të takoni disa njerëz të rinj, të keni një përvojë argëtuese dhe ndoshta edhe të shijoni vetëm një gotë me verë të kuqe. Të gjitha këto mund t’i humbisni thjesht nga frika për të dalë vetëm nga shtëpia!

Burimi: Psychology Today

Etiketa
Vazhdo të lexosh

Lajmet

​Rrëmbehet një 19-vjeçare në Fushë Kosovë

Publikuar

1 ditë më parë

më

25 Maj, 2024

nga

Sot rreth orës 09:35 policia rajonale e Ferizajt ka pranuar një informatë me telefon nga një femër e moshës 19-vjeçare, e cila rreth orës 08:00 dyshohej se ishte rrëmbyer në Fushë Kosovë nga GJ.H. (23) dhe se ajo ndodhej në një pikë karburanti në Bibaj të Ferizajt, ku i dyshuari e kishte sjellë me veturë dhe ishin ndaluar aty.

Ekipe të policisë menjëherë janë nisur në drejtim të fshatit Bibaj dhe aty kanë hasur të dyshuarin, i cili ishte jashtë në oborr të pikës së karburantit, duke e pritur viktimën femër të dalë jashtë.

I dyshuari është arrestuar dhe është shoqëruar në stacionin e policisë në Ferizaj, gjithashtu në stacionin e policisë është sjellë edhe viktima femër.

Në bashkëpunim me policët e stacionit në Fushë Kosovës, i dyshuari dhe viktima janë dërguar për procedura të intervistimit dhe hetimit atje, ngaqë rasti i dyshuar për rrëmbim me forcë dyshohet se ka ndodhur në qytetin e Fushë Kosovës.

Vazhdo të lexosh

Lajmet

​Monitorim edhe me helikopterë për protestën e paralajmëruar në Jarinjë nga Serbia

Publikuar

2 ditë më parë

më

25 Maj, 2024

nga

Pas paralajmërimit për protestë në Serbi, në Leposaviq vërehet prezencë më e madhe e Policisë së Kosovës dhe KFOR-it.

Megjithatë situata në afërsi të pikës kufitare në Jarinjë është e qetë dhe qarkullimi po vazhdon normalisht.

Përveç KFOR-it dhe Policisë së Kosovës në afërsi të pikës kufitare në Jarinjë po qëndrojnë edhe automjete te misionit të Bashkimit Evropian për zbatim të ligjit, EULEX si dhe karabinierët.

Patrullimi i kufirit po bëhet edhe nga ajri me helikopterë. Qarkullimi i automjeteve në këtë pikë kufitare është i vogël.

Ndryshe, Qendra Kombëtare për Menaxhim Kufitar ka ftuar qytetarët të cilët planifikojnë të udhëtojnë përmes pikë – kalimeve kufitare me Serbinë, që të shtunën (sot) të përdorin pika tjera për qarkullim, pasi atje për sot janë paralajmëruar protesta.

Vazhdo të lexosh

Lajmet

Kurti për regjistrimin e popullsisë: Kemi mbledhur të dhëna të rëndësishme për planifikimin e së ardhmes

Publikuar

2 ditë më parë

më

25 Maj, 2024

nga

Kryeministri i Kosovës, Albin Kurti ka thënë se me përfundimin e procesit të regjistrimit të popullsisë kanë nxjerrë të dhëna shumë të rëndësishme që do të ndihmojnë në planifikimin e së ardhmes.

Këto komento, kreu i ekzekutivit i ka bërë në shënim të përfundimit të procesit të Regjistrimit të Popullsisë, Ekonomive Familjare dhe Banesave në Kosovë, i nisur më 5 prill 2024, të organizuar nga Agjencia e Statistikave të Kosovës, në bashkëpunim me UNDP-në.

“Të dhënat e mbledhura do të jenë baza për politika, strategji e vendime më të mira, për një zhvillim edhe më të hovshëm e më të qëndrueshëm të vendit tonë. Në veçanti i falënderoj edhe partnerët tanë ndërkombëtarë për bashkëpunimin. Së bashku mund të arrijmë gjithçka, të jemi edhe të numëruar edhe të lumtur”, tha kryeministri Kurti në fjalën e tij para të pranishmëve.

Vazhdo të lexosh

Lajmet

​Bashkëpunimi Kosovë-SHBA, Gërvalla takon O’Brien

Publikuar

2 ditë më parë

më

25 Maj, 2024

nga

Në kuadër të vizitës zyrtare në Shtetet e Bashkuara të Amerikës, shefja e diplomacisë kosovare Donika Gërvalla, është pritur në takim nga ndihmës sekretari i Shtetit për Çështjet Evropiane dhe Euroaziatike, James O’Brien.

Në frymën e marrëdhënieve të posaçme ndërmjet dy shteteve gjatë takimit janë trajtuar aspekte të shumta të thellimit të bashkëpunimit dypalësh, forcimit të sundimit të ligjit e demokracisë dhe jetësimit të aspiratave për anëtarësimin e Kosovës në organizata ndërkombëtare.

Gërvalla dhe O’Brien diskutuan po ashtu rreth zhvillimeve të tjera aktuale në vend, duke vënë theksin në përkushtimin e institucioneve në ruajtjen e paqes dhe stabilitetit në vend dhe rajon si dhe zmbrapsjen e kërcënimeve të sigurisë.

Vazhdo të lexosh

Të kërkuara