Presidenti i Rusisë, Vladimir Putin, ka njoftuar se është duke synuar të vizitojë Kinën gjatë muajit të ardhshëm në muajin maj.

Presidenti rus nuk tregoi se kur do të bëhet kjo vizitë saktësisht dhe as nuk dha hollësi të tjera rreth saj. Megjithatë izolimi i vazhdueshëm ekonomik dhe diplomatik i Rusisë, nga lufta e saj kundër Ukrainës e ka bërë Moskën të jetë më e afër me Kinën.

Sipas një vlerësimi amerikan së fundmi thuhet se Kina është duke i shitur vazhdimisht Rusisë vegla të ndryshme teknologjike si janë makinera, mikroelektronika, ku Moska po i prëdor për të prodhuar raketa, tanke, aviona luftarakë dhe po ashtu armë tjera për të i përdorur në luftë kundër Ukrainës.

Pekini më tutje është kuptuar se nuk i ka dhënë ndihmë të drejtpërdrejtë ushtarake ndekjeprurëse Rusisë, dhe ka kërkuar në vazhdimësi të ruajë veten si një vend neutral karshi luftës në Ukrainë.

Kina gjithashtu nuk i ka dënuar veprimet e Moskës dhe më 2022 deklaroi se ka miqësi pa kufizime me Rusinë. Kina megjithatë i ka dënuar sanskionet e Perëndimit kundër Moskës dhe ka akuzuar dhe NATO-n dhe ShBA-në se kanë nxitur pushtimin e Ukrainës nga Putini./UBTNews/

Shtatë raste të dhunës në familje janë raportuar brenda 24 orëve në Kosovë. Viktimat të gjitha ishin femra, të cilat i kanë raportuar burrat për dhunë. Rastet kanë ndodhur në Prishtinë, Pejë, Fushë Kosovë, Lipjan e Viti.

Raportet e plota të Policisë:

Lipjan/25.04.2024 – 07:36. Viktima femër shtetase e huaj ka raportuar se ka pasur dhunë nga i dyshuari mashkull kosovar. Palët janë intervistuar dhe me urdhër të prokurorit rasti vazhdon në procedurë të rregullt hetimore.

Fushë Kosovë/25.04.2024 – 10:00. Është arrestuar i dyshuari mashkull kosovar pasi që pas një mosmarrëveshje dyshohet se kishte ushtruar dhunë ndaj viktimës femër kosovare. Pas intervistimit me urdhër të prokurorit kujdestar, i dyshuari është liruar në procedurë të rregullt.

Prishtinë/25.04.2024 – 13:00. Ankuesja femër kosovare ka raportuar se më datë 03.04.2024 i dyshuari mashkull e kishte dëbuar nga shtëpia e tyre. I dyshuari nuk është hasur ne lokacion, përderisa rasti është duke u hetuar.

Prishtinë/25.04.2024 – 12:30. Është arrestuar i dyshuari mashkull kosovar pasi që dyshohet se i njëjti kishte ushtruar dhunë ndaj viktimës femër kosovare. Pas intervistimit të palëve me urdhër të prokurorit kujdestar, i dyshuari është liruar në procedurë të rregullt.

Prishtinë/ 25.04.2024 – 1 2:30. Viktima femër kosovare ka raportuar se pas një mosmarrëveshje është sulmuar fizikisht nga i dyshuari mashkull kosovar. Viktima ka pranuar tretman mjekësor, ndërsa i dyshuari është intervistuar dhe me vendim të prokurorit është liruar.

Viti/ 25.04.2024 – 19:00. Viktima femër kosovare ka pranuar tretman mjekësor pasi që e njëjta pas një mosmarrëveshje dyshohet se është sulmuar fizikisht nga i dyshuari mashkull kosovar. Palët janë intervistuar dhe me vendim të prokurorit i dyshuari është arrestuar dhe dërguar në mbajtje .

Pejë/25.04.2024 – 13:12. Është arrestuar i dyshuari mashkull kosovar pasi që pas një mosmarrëveshje verbale dyshohet se kishte ushtruar dhunë fizike ndaj viktimës femër kosovare. Viktima nuk ka dëshiruar të marrë tretman mjekësor dhe pas intervistimit është kthyer në shtëpinë e saj. Me vendim të prokurorit kujdestar, i dyshuari është dërguar ne mbajtje./UBTNews/

Sot do të mbahet seanca e parë në objektin e komunës së Zubin Potokut. Lajmin e ka konfirmuar Ministri i Administrimit të Pushtetit Lokal, Elbert Krasniqi, gjatë një bashkëbisedimi me studentët e UBT-së në Kampusin Inovativ në Lipjan.

Ministri Krasniqi tha se shpreson që me këtë veprim dhe pas thirrjes së kryeministrit Albin Kurti, kryetarët e atyre komunave të kthehen në objektet komunale.

U bë një vit qëkur kryetarët shqiptarë të dy komunave veriore, Izmir Zeqiri e Ilir Peci morën postin, megjithatë detyrën e ushtruan nga zyrat alternative në fshatrat Çabër e Lipë. Pas dështimit të referendumit të së dielës së 21 prillit për shkarkimin e kryetarëve shqiptarë nga komunat veriore, atyre u është hapur rruga që detyrën ta ushtrojnë nga objektet komunale./UBTNews/

Emisari evropian për dialogun, Miroslav Lajçak ka dalë me një propozim të ri kompromisi për përdorimin e dinarit serb. Ai në një postim në “X” ka njoftuar se ka propozuar një dokument që synon të përafrojë qëndrimet e palëve për dinarin.

“Prita një takim nga dialogu për të gjetur një zgjidhje për “çështjen e dinarit”. Ky takim u dha hapësirë të mjaftueshme palëve për të shpjeguar qëndrimet e tyre. Takimi përfundoi duke paraqitur një dokument kompromisi në një përpjekje për të kapërcyer dallimet. Do të presë takimin e radhës pasi të pranojë së komentet konstruktive”, ka shkruar diplomati sllovak.

Kryenegociatorët e Kosovës e Serbisë, Besnik Bislimi e Petar Petkoviq dështuan të arrijnë marrëveshje për dinarin gjatë raundit të sotëm të dialogut në Bruksel, pasi Banka Qendrore e Kosovës (BQK) nga 1 shkurti ka vendosur euron si valutën e vetme për pagesa në Kosovë, hap ky i cili është kundërshtuar nga Serbia.

Për dallim nga takimet e mëparshme, Lajçak nuk mbajti fillimisht takime të ndara, por direkt zhvilloi takim trepalësh. Në takimet e deritashme në Bruksel janë dhënë disa propozime për gjetjen e një zgjidhje sipas së cilës Serbia do të mund të bënte pagesa për shfrytëzuesit e ndihmës financiare në Kosovë.

Ndryshe, kryenegociatori i Kosovës, Besnik Bislimi, tha pas rundit të ri të dialogut, se Serbia kishte “qëndrime shqetësuese” sa i përket çështjes së transferimit të mjeteve financiare në valutën dinar nga Serbia në Kosovë. Ai tha se tani ndërmjetësi evropian ka dalë me propozim të ri rreth zgjidhjes së kësaj çështjeje.

“Qëndrimi i palës serbe është që të gjitha strukturat ilegale të Serbisë duhet të financohen, të vazhdojnë të financohen deri në kohën kur të krijohet Asociacioni (i komunave me shumicë serbe), sepse sipas mendimit të tyre, qëllimi i Asociacionit nuk është që të sigurojë koordinim të mirë mes komunave, por të sigurojë legjitimizmin e pranisë së institucioneve serbe në Kosovë, që do t’i bënte ato institucione gjysmëserbe, por jo institucione të serbëve në Kosovë”, tha Bislimi.