Kuriozitete

Shkencëtarët zbulojnë të reja rreth faraonit të lashtë

Mumia u zbulua në vitin 1881.

Published

on

Shkencëtarët egjiptianë kanë analizuar në mënyrë digjitale mbetjet e Amenhotep I, duke zbuluar detaje të reja rreth jetës dhe vdekjes së tij.

Mumia u zbulua në vitin 1881. Ajo kishte veshur një maskë të bukur prej druri. Por ajo ishte aq e brishtë sa ekspertët nuk guxuan ta preknin. Prandaj, mumia e këtij faraoni mbeti e vetmja mumie mbretërore egjiptiane e gjetur në shekujt 19 dhe 20 që arkeologët nuk e kanë zbuluar deri më tani.

Duke përdorur teknologjinë digjitale jo-invazive, shkencëtarët tani kanë arritur të depërtojnë në sekretet e kësaj mumieje dhe të studiojnë përmbajtjen e saj.

“Duke hequr në mënyrë digjitale mumien dhe duke hequr shtresat e saj virtuale – maskën e fytyrës, fashat dhe vetë mumien – ne ishim në gjendje të studionim mbetjet e këtij faraoni në detaje të jashtëzakonshme”, tha radiologu Sahar Saleem nga Shkolla e Mjekësisë e Universitetit të Kajros.

Saleem dhe kolegët e saj zbuluan se Amenhotep I vdiq në moshën rreth 35-vjeç dhe ishte rreth 169 centimetra i gjatë. Ai kishte dhëmbë të shëndetshëm. Në fasha u gjetën rreth 30 amuleta dhe një rrip ari.

Faraoni gjithashtu kishte një mjekër të ngushtë, një hundë të vogël të ngushtë dhe flokë kaçurrelë. Një analizë e eshtrave të tij nuk zbuloi ndonjë problem shëndetësor që mund ta çonte në vdekjen e tij, shkruan CNN.

Amenhotep I sundoi Egjiptin për rreth 21 vjet, midis 1525 dhe 1504 para Krishtit. Ai ishte mbreti i dytë i dinastisë së 18-të dhe ndërtoi shumë tempuj gjatë mbretërimit të tij.

Ekspertët zbuluan gjithashtu se mumia ishte dëmtuar keq në një moment, për të cilën ndoshta ishin fajtorë grabitësit e varreve të lashta. Sipas teksteve hieroglifike, priftërinjtë dhe balsamuesit e dinastisë së 21-të u përpoqën t’i riparonin këto dëmtime më shumë se katër shekuj pasi faraoni ishte mumifikuar.

“Ne shohim që, të paktën në rastin e Amenhotep I, priftërinjtë e dinastisë së 21-të riparuan me dashuri dëmin e bërë nga grabitësit e varreve, e rikthyen mumien në shkëlqimin e saj të mëparshëm dhe lanë bizhuteri dhe amulete madhështore në vend”, tha Saleem.

Continue Reading

Kuriozitete

Fotoja e vitit: Portreti i një djali palestinez të plagosur shpallet fitues i “World Press Photo”

Published

on

Një portret i mahnitshëm i një djali të ri palestinez, Mahmoud Ajjour, i cili humbi të dy duar në një sulm ajror izraelit në qytetin e Gazës, ka fituar titullin e fotos më të mirë të “World Press Photo”.

Fotografja Samar Abu Elouf, gjithashtu nga Gaza, takoi nëntëvjeçarin Mahmoud pas tre muajsh, kur ai dhe familja e tij u evakuan në Doha, Katar, për trajtim mjekësor. Ajjour kishte pësuar dëmtime të rënda nga shpërthimi që ia këputi njërin krah dhe ia gjymtoi tjetrin.

Në shënime Abu Elouf tregon për momentin kur nëna e Mahmudit i shpjegoi se fjalët e para pas operacionit ishin: “Si do të jem në gjendje të të përqafoj?”

Foto e publikuar në “The New York Times”, është pasqyrë e dhimbshme e pasojave të luftës në Gaza, e cila ka shkaktuar dhjetëra mijëra të vdekur.

Kjo foto përfaqëson më shumë se një histori personale; ajo tregon një luftë të gjerë që ka pasoja të thella për brezat. Gjyqtarët e “World Press Photo” ishin tërhequr nga kontrastet mes dritës dhe errësirës, bukurisë dhe dhimbjes në imazhin fitues.

Nga më shumë se 60,000 aplikime nga 3,778 fotografë në mbi 140 shtete, ky imazh u zgjodh si më i miri.

Dy vepra të tjera janë nderuar si nënkampione, duke përfshirë një imazh të emigrantëve kinezë që ngrohen nga një zjarr pas kalimit të kufirit SHBA-Meksikë dhe një fotografi tronditëse e një të riu që kalon një shtrat lumi të shkretëtiruar në Amazonë.

Imazhet fituese janë ekspozuar në Amsterdam dhe do të shfaqen gjithashtu në Londër, Sidnej, Xhakartë dhe Mexico City.

Continue Reading

Kuriozitete

Teleskopi gjen shenja jete në planetin e largët

Published

on

Shkencëtarët kanë gjetur prova të reja, por paraprake, se një botë e largët që rrotullohet rreth një ylli tjetër mund të jetë shtëpia e jetës.

Një ekip i Kembrixhit që studion atmosferën e planetit të quajtur K2-18b ka zbuluar shenja të molekulave që në Tokë prodhohen nga organizma të thjeshtë.

Rezultatet janë pikasur nga teleskopi hapësinor James Webb i NASA-s, por ekipi dhe astronomët e pavarur theksojnë se nevojiten më shumë të dhëna për të konfirmuar këtë gjë.

Studiuesi, Prof Nikku Madhusudhan, tha në laboratorin e tij në Institutin e Astronomisë të Universitetit të Kembrixhit se shpreson të marrë provat kryesore.

“Kjo është prova më e fortë. Ende që ka gjasa të ketë jetë atje. Mund të them realisht se ne mund ta konfirmojmë këtë sinjal brenda dy vitesh”.

K2-18b është dy herë e gjysmë më i madh se Toka dhe është shtatëqind trilionë milje larg nesh.

 

Continue Reading

Kuriozitete

Studimi: Fëmijët e dytë kanë më shumë gjasa të shfaqin probleme sjelljeje

Published

on

Një studim nga MIT zbuloi se fëmijët e dytë të familjes – veçanërisht djemtë kanë më shumë gjasa të shfaqin sjellje problematike krahasuar me vëllezërit apo motrat më të mëdha.

Duke analizuar të dhëna nga familje në SHBA dhe Danimarkë, studiuesit zbuluan se djemtë e lindur të dytë kanë 20% deri në 40% më shumë gjasa të kenë probleme në shkollë apo me ligjin.

Një nga arsyet mund të jetë fakti që fëmijët e parë përfitojnë vëmendje të plotë nga prindërit dhe kanë si shembull modele më të pjekura, ndërsa fëmijët e dytë shpesh marrin si shembull vëllezërit e motrat e tyre që janë ende duke u zhvilluar.

Megjithatë, kjo nuk është një rregull që vlen për të gjithë, pasi sjellja ndikohet edhe nga mënyra e rritjes, dinamika familjare dhe personaliteti i fëmijës.

 

Continue Reading

Kuriozitete

Diamanti blu ne ankand/ Guri i çmuar, pjesë e trashëgimisë mbretërore të Indisë

Published

on

Një diamant blu i rrallë nga Golconda mbi 23 karat do të dalë në ankand në Christie’s.

Guri i çmuar dikur zotërohej nga Maharajt e Indorit ëdhe është diamanti blu më i rëndësishëm që është nxjerrë ndonjëherë në ankand.


Diamanti u zbulua në minierat legjendare Golconda në Indinë jug-qendrore, e njohur për prodhimin e disa prej diamanteve më të famshëm në botë, duke përfshirë Diamantin Hope.

Ajo që është unike është se guri nuk ka ndryshuar në më shumë se 100 vjet, 23.24 karat dhe nuk ka ndryshuar formë, peshë apo madhësi.

Grui i çmuar ishte një pjesë e trashëgimisë mbretërore të Indisë dhe dikur zotërohej nga Maharajt e Indorit.  Diamantet Golconda janë gurët më të mirë transparentë dhe të rrallë në botë.

Shitja pritet të shënojë një rekord. Vlerësimet shkojnë nga 35 deri në 50 milionë dollarë.

Me 45,52 karat, Diamanti Hope është diamanti më i madh blu që është zbuluar ndonjëherë.

 

Continue Reading

Të kërkuara