Lajmet
Shkëmbimi i shtëpive – mënyra më e re për të bërë pushime
Këto lloj pushimesh duket të kenë pësuar një rritje të konsiderueshme vitet e fundit.
Published
4 years agoon
By
Betim GashiGjatë dekadës së fundit Airbnb është kthyer në faqen kryesore në internet për hotelet apo shtëpitë me qira. Por, tashmë ajo gjendet para një konkurrenti shumë të fortë.
Shkëmbimi i shtëpive apo i njohur në gjuhen origjinale si home-swapping, është një metodë që të jep mundësinë të shkëmbesh shtëpinë apo apartamentin tënd me dikë tjetër në vendin tënd ose në një shtet tërësisht tjetër. Kjo do të thotë se të dy pronarët kanë mundësi të pushojnë tek shtëpitë e njëri tjetrit në të njëjtën kohë – dhe e vetmja kosto është një tarifë fillestare modeste për t’u regjistruar në sistem.
Këto lloj pushimesh duket të kenë pësuar një rritje të konsiderueshme vitet e fundit. Një nga faqet e bazuara në Mbretërinë e Bashkuar, Love Home Swap, ka pësuar një rritje prej 282 % vetëm vitin e shkuar, në krahasim me vitin 2019 dhe një tjetër rritje prej 73 % gjatë periudhës Maj-Qershor 2020.
Mbase ata mund të kenë përfituar nga dëshira e udhëtarëve për të qëndruar në një akomodim privat në vend të hoteleve, si pasojë e frikës gjatë pandemisë, ose ndoshta ky lloj akomodimi është thjesht më i suksesshëm në plotësimin e të gjithë kërkesave të një udhëtari?
Përse keni filluar të shkëmbeni shtëpi?
Ne jemi një familje e madhe prej 8 vetash (kemi 6 fëmijë nga 1-11 vjeç) dhe pushimet për ne janë vërtetë shumë të shtrenjta.
Shkëmbimi i shtëpive na lejon të udhëtojmë më larg dhe të paguajmë më pak, pasi pagesat janë vetëm për udhëtimin, akomodomi është falas. Dhe sigurisht, ndjesia e aventurës na tërheq.
Përse ju pëlqen shkëmbimi i shtëpive?
Duke shkëmbyer shtëpi, ne kemi mundësinë të qëndrojmë në një shtëpi të bukur, të rehatshme, në një vendndodhje qendrore, gjë që të cilën mbase nuk do të kishim mundësi ta përballonim.
Gjithashtu, na pëlqen fakti që këto akomodime janë në fakt shtëpia e dikujt ndaj kjo na bën të ndjehemi menjëherë mirë, sidomos për fëmijët të cilët kanë mundësi të qëndrojnë në dhomat e fëmijëve të tjerë plot me lodra e libra.
Cilat vende keni vizituar deri tani?
Deri tani kemi qenë në Londër për një fundjavë të gjatë dhe në San Sebastian për 2 javë.
Këtë vit po shkëmbehemi me një familje nga Cambridge gjatë tetorit.
Cilat janë benefitet e shkëmbimit të shtëpive dhe çfarë vështirësish keni hasur?
Benefitet janë të panumërta! Shtëpia mjaft të bukura tek të cilat qëndron falas.
Kemi pasur oferta për të shkuar në Australi, Zelandë të Re madje edhe në SHBA.
Vështirësitë mbase do të ishin pjesa e pastrimit dhe sistemimit të shtëpisë para se të nisesh në mënyrë që i ftuari ta gjej veten sa më mirë.
Të tjera vështirësi mbase do të përfshinin dërgimin e shumë kërkesave para se të mund të gjesh dikë me të cilin të përshtaten të njëjtat dëshira dhe kushte – pra dikush që do të donte te vinte në qytetin tënd dhe anasjelltas.
Gjithashtu këto faqe në përgjithësi funksionojnë në bazë të vlerësimeve dhe komenteve që të tjerët lënë në profilin tuaj ndaj është tepër e rëndësishme që iniciativat të jenë sa më serioze nga të dyja palët pjesëmarrëse.
You may like
Lajmet
Ky pritet të jetë trajneri i ri i Zhegrovës te Juventusi
Published
32 minutes agoon
October 28, 2025By
UBT News
Juventusi është pranë emërimit të Luciano Spallettit si trajneri i ri, pas shkarkimit të Igor Tudor, me një strukturë kontrate që tashmë po merr formë.
Sipas informacionit të raportuar nga “La Gazzetta dello Sport” marrëveshja pritet të jetë afatshkurtër, por me bonuse stimuluese.
Spalletti thuhet se është pranë arritjes së një akordi që do ta lidhte me klubin deri në qershor në fund të sezonit aktual.
Elementi kyç i marrëveshjes do të ishte një klauzolë e qartë: rinovim automatik i kontratës nëse Spalletti arrin ta kualifikojë Juventusin në Ligën e Kampionëve (duke përfunduar sezonin në katër vendet e para). Kjo strukturë pasqyron prioritetin e menjëhershëm të klubit-shpëtimin e sezonit dhe sigurimin e futbollit evropian fitimprurës, ndërsa njëkohësisht ruan fleksibilitetin për planifikimet afatgjata.
Një takim midis Damien Comolli dhe trajnerit pritet të zhvillohet sot, dhe nëse gjithçka shkon mirë, italiani do të jetë shumë afër emërimit zyrtar./S.K/EO/
Lajmet
Xhaka vrapon më së shumti në Premier League, Reinildo e quan ëndërr paraqitjen përkrah tij
Published
1 hour agoon
October 28, 2025By
UBT News
Futbollisti i Sunderlandit nga Mozambiku, Reinildo ka thënë se është ëndërr e realizuar paraqitja e tij përkrah mesfushorit Granit Xhaka.
Të hënën mbrëma Sunderlandi ka prezantuar të dhënën se Xhaka është lojtari që ka vrapuar më së shumti këtë edicion në Premier League.
Mesfushori shqiptar tashmë ka arritur shifrën e 100.83 kilometrave të kaluara. Ai po ashtu nuk ka munguar në asnjërën nga nëntë ndeshjet e deritashme.
Bashkëlojtari i Xhakës, Noah Sadiki, është i dyti në listë me 100.14 kilometra. Të tjerët kanë më pak se 100 kilometra.
Për të veçantat e Xhakës, ku nuk përfshihet vetëm vrapimi, ka folur 31-vjeçari Reinildo, që ka bërë karrierë edhe tek Atletico Madridi e Lille.
“Graniti është lojtar shumë i madh dhe të flas për të është e veçantë. Ai ka mendësi aq të mirë. Është ndryshe, në nivel shumë të lartë. Ai ka aq shumë kualitete, jo vetëm në fushë por edhe jashtë saj. Ai na shtyn para në stërvitje. E ndan me ne përvojën, është e veçantë. Jam shumë krenar që luaj me të, është ëndërr”, ka thënë Reinildo./S.K/EO/
Lajmet
Rusia bën ofertë për ta organizuar EURO 2032, pas shqetësimeve rreth stadiumeve në Itali
Published
2 hours agoon
October 28, 2025By
UBT News
Në shtatë vjet, Kampionati Evropian i Futbollit për meshkuj 2032 do të mbahet në Itali dhe Turqi, dhe së fundmi raportohet se Rusia ka bërë një ofertë surprizë për të organizuar EURO 2032.
Megjithatë, së fundmi janë shfaqur dyshime për stadiumet italiane, për frikën se stadiumet italiane nuk do të jenë gati për shkak të infrastrukturës së vjetër.
Për shkak të këtyre shqetësimeve, është bërë e ditur se Rusia po e vendos veten si kandidat për të marrë rolin e një prej vendeve pritëse.
Sipas “Gazzetta dello Sport”, presidenti i Federatës së Futbollit të Moskës, Alexander Dyukov, i tha faqes ruse “Sport.ru”:
“Italia ka një problem me stadiumet. Nëse humbin organizimin e stadiumeve, ne jemi këtu. Rusia është e gatshme të organizojë Euro 2032 në vend të Italisë”, ka thënë ai.
Është sugjeruar se vetëm një nga 10 stadiumet e propozuara në Itali është miratuar nga UEFA.
Megjithatë, pas pushtimit rus të Ukrainës në shkurt 2022, UEFA dhe FIFA pezulluan të gjitha ekipet kombëtare dhe klubet ruse nga të gjitha garat.
Rusia bëri gjashtë ankesa ndaj vendimit, por të gjitha u hodhën poshtë nga Gjykata e Arbitrazhit Sportiv (CAS).
Në gusht, presidenti i organit qeverisës të ligës italiane, Ezio Simonelli, shprehu shqetësimet e tij se vendi mund të humbasë të drejtën e organizimit.
“Jam shumë i shqetësuar për Euro 2032. A rrezikohet kandidatura? Shpresoj të jetë vetëm shqetësimi im, por kur presidenti i UEFA-s thotë se stadiumet tona janë në gjendje koma dhe EURO është pas gjashtë vitesh, rrezikojmë të mos bëjmë një përshtypje të mirë ndërkombëtare. Është turp, megjithatë, që përveç Udine, Bergamo dhe Torinos, pjesa tjetër e stadiumeve tona janë në gjendje koma. Ceferin i kritikoi fuqishëm stadiumet italiane dhe unë pajtohem me të”, tha ai.
Muajin e kaluar, presidenti i UEFA-s, Aleksander Ceferin, foli po ashtu për ndalimin aktual.
“Ndalimi për ekipet ruse, mendimi im është tre e gjysmë vjet. A ka përfunduar lufta? Jo. Pra për tani, nuk e di. Duhet të them se me situatën në Rusi dhe Ukrainë, ka pasur një presion politik shumë të fortë. Tani është më shumë presion nga shoqëria civile sesa nga politikanët, sepse politikanët, kur bëhet fjalë për luftëra dhe viktima, janë shumë pragmatikë. Nuk mund të them se çfarë do të ndodhë. Ka bisedime për gjithçka, por personalisht, jam kundër përjashtimit të sportistëve”, tha ai/S.K/EO/
Lajmet
Veteranët reagojnë pas vendimit të Supremes: Vendimmarrje e drejtë dhe e guximshme
Published
2 hours agoon
October 28, 2025By
UBT News
Gjykata Supreme e Kosovës ka shpallur të paligjshëm dhe shfuqizuar nenin 14.A të Udhëzimit Administrativ që kërkonte vërtetim nga ATK se aplikuesi nuk është në marrëdhënie pune si kusht për realizimin e pensionit të veteranit-luftëtar.
Lidhur me këtë vendim kanë reaguar nga Organizata e Veteranëve të Luftës së Ushtrisë Çlirimtare të Kosovës.
Nga OVL e kanë mirëpritur këtë duke thënë se rikthehet në vend padrejtësia që iu është bërë veteranëve.
“Organizata e Veteranëve të Luftës së Ushtrisë Çlirimtare të Kosovës e përshëndet vendimin e Gjykatës Supreme të Republikës së Kosovës, e cila ka shfuqizuar nenin diskriminues të Udhëzimit Administrativ Nr.01/2025, që kufizonte të drejtën e veteranëve për kompensim financiar”, thuhet në njoftim.
Sipas tyre ky vendim është një fitore e drejtësisë dhe e ligjit, sepse rikthen në vend një padrejtësi të bërë ndaj shumë veteranëve që, pavarësisht se janë të punësuar në sektorin privat, u ishin mohuar të drejtat ligjore të përfitimit nga skema e kompensimeve.
Gjykata Supreme ka konstatuar saktë se e drejta e veteranëve nuk mund të varet nga fakti nëse janë apo jo në marrëdhënie pune, por nga natyra e punëdhënësit, duke përjashtuar vetëm ata që paguhen nga buxheti i shtetit, ndërsa duke garantuar të drejtën për të gjithë ata që punojnë në sektorin privat.
OVL-UÇK falënderoi Gjykatën Supreme për vendimmarrjen e drejtë dhe të guximshme, e cila sipas tyre kontribuon në forcimin e shtetit ligjor dhe në mbrojtjen e të drejtave të atyre që sakrifikuan për lirinë e Kosovës./S.K/EO/
Chris Brown del para gjykatës në Londër për akuzat e sulmit ndaj një producenti
Ky pritet të jetë trajneri i ri i Zhegrovës te Juventusi
Elon Musk prezanton Grokipedia-n, platformën e re që sfidon Wikipedia-n
Si të bëni radiatorët të ngrohin më shumë me një veprim të thjeshtë?
Xhaka vrapon më së shumti në Premier League, Reinildo e quan ëndërr paraqitjen përkrah tij
Rusia bën ofertë për ta organizuar EURO 2032, pas shqetësimeve rreth stadiumeve në Itali
Veteranët reagojnë pas vendimit të Supremes: Vendimmarrje e drejtë dhe e guximshme
Dukagjini mposht Gjilanin në Superligën e Kosovës
Megan Fox rrëfen vështirësitë pas suksesit të ‘Transformers’
Të kërkuara
-
Lajmet2 months agoProfesori i UBT-së, Bahri Gashi, pjesë e rrjetit prestigjioz ndërkombëtar të recensimit shkencor në Taylor & Francis
-
Rajoni1 month agoPolicia, FSK-ja dhe Shërbyesit Civilë përfitojnë bursë 20 për qind në programet Master Shkenca Politike dhe Studime të Sigurisë në UBT
-
Vendi2 months agoVotoni për UBT-në dhe Rektorin Hajrizi në Triple E Awards: Dy nominime të reja ndërkombëtare për institucionin dhe Kosovën
-
Aktualitet5 days agoProfesoresha e UBT-së, Marigona Bekteshi-Ferati, fituese e bursës prestigjioze Fullbright Visiting Scholar, Profesor Vizitor dhe Post Doktoraturë
