Në rubrikën Ditari, kemi përzgjedhur disa nga lajmet më të rëndësishme të kësaj dite, në periudhën 1993-1998.

30 gusht 1993

Mësimi fillon më 1 shtator

Ministria e Arsimit të Republikës së Kosovës, lëshoi sot një kumtesë, në të cilën thuhet:

Viti shkollor 1993/94 fillon më 1 shtator.

Në shkollat, në të cilat mësimi është organizuar në objektet e tyre shkollore, nxënësit shkojnë në mësim sipas orarit mësimor të shkollës.

Të gjithë nxënësit dhe arsimtarët e shkollave të penguara nga ana e pushtetit okupues serb, të cilat mësimin e kanë organizuar në shtëpi private, shkojnë në ora 8,00 në shkollat e tyre, në të cilat kanë qenë para pengimit të mësimit, thuhet në kumtesën e Ministrisë së Arsimit të Republikës së Kosovës.

30 gusht 1994

Në Kosovë çdo gjë e gatshme për fillimin e vitit të ri shkollor

Kamenicë: – Në mbledhjen e djeshme të Kryesisë së zgjeruar të Degës së LDK në Kamenicë, u tha se në këtë komunë u bënë të gjitha përgatitjet higjieniko-teknike të lokaleve shkollore për fillim të mbarë edhe të këtij viti shkollor.

Në mbledhje i kritikuan pronarët e firmave private që nuk i kanë përmbushur obligimet e tyre. Pronarët e 260 firmave të ndryshme private në periudhën gjashtëmujore u grumbulluan vetëm 10 mijë DEM, ose 7 për qind nga mjetet e planifikuara.

Për të kapërcyer gjendjen tepër të rëndë materiale të shkollave e të arsimtarëve, të pranishmit përkrahën iniciativën e Këshillit Qendror për Financim të Kosovës për intensifikimin e aksionit me moton “Ta ndihmojmë shkollën shqipe”, shkruan “Bujku” i sotëm.

Podujevë: – Në të gjitha shkollat e komunës së Podujevës (në 26 shkolla të plota fillore e në 3 qendra të mesme shkollore) mësimi do të fillojë më 1 shtator. Në procesin mësimor punës do t’i rreken mbi 1.000 arsimtarë, me 16.500 nxënës të përfshirë në shkollimin fillor 4.200 sish në shkollim të mesëm. Është kjo një armatë e të rinjve, që do t’ua mësyjnë bankave shkollore.

Kështu, përderisa në gjimnazin “Aleksandër Xhuvani” dhe në SHMT “Fan Noli” janë siguruar me kohë lokalet për mësim, në SHME “Isa Boletini” kjo punë pritet të kryhet përfundimisht brenda dy ditësh.

Pejë: – Ngase me kohë janë kryer punët përgatitore në 31 shkollat fillore dhe të mesme shqipe të komunës së Pejës do të mund të startohet me sukses në vitin e ardhshëm shkollor, u theksua në mbledhjen e djeshme të Aktivit të drejtorëve të shkollave të komunës së Pejës dhe të Entit Ndërkomunal Pedagogjik të Pejës.

30 gusht 1995

Njoftime jozyrtare për dy të vrarë e katër policë të plagosur në Irzniq të Deçanit

Sipas të dhënave nga Deçani, mbrëmë rreth orës 24:00 në stacionin e policisë serbe në Irzniq u dëgjua një shpërthim i fuqishëm, kurse pak më vonë edhe rafale automatikësh të cilat zgjatën rreth një gjysmë ore.

Edhe pse natë, qytetarët e këtij fshati mbtetën të zgjuar nga pasojat që mund të ndodhin nga kjo.

Të shtëna u dëgjuan gjatë natës nëpër disa rrugë të këtij fshati për çka dëshmojnë gëzhojat e gjetura sot.

Pas tërë kësaj, sot rreth orës O5:00 të mëngjesit, ekspedita policore (afro 50 policë) nga Peja dhe Deçani rrethuan lagjën e Mushkolajve që gjendet 500 metra larg stacionit të policisë.

Njoftohet se janë bastisur shumë shtëpi dhe se janë arrestuar

Zenel M. Mushkolaj, me të bijtë Bekimin (23), Ruzhdiun (20) dhe Nekiun (17), Avdi M. Mushkolaj (35), Rasim Q. Mushkolaj (37), Milazim I. Mushkolaj (24) dhe Izet S. Mushkolaj (24).

Avokati Esat Mushkolaj, shtëpinë e të cilit e bastisën policët duke e arrestuar vëllanë e tij Rasimin, tha se e kishte pyetur kryeshefin e policisë së Deçanit, Vukmir Mirçiqin se për çfarë preteksti po ia bastisnin shtëpinë. Përgjegjësi i policisë serbe ishte përgjigjur se: “dikush ka shtënë në stacionin e milicisë në Irzniq dhe në këtë rast qenkan vra 2 (dy) policë dhe se 4 (katër) të tjerë janë plagosur.

30 gusht 1997

“Education International” kërkon hapjen e pakusht të shkollave në Kosovë

Prishtinë, 30 gusht (QIK)
Në një kumtesë të lëshuar më 29 gusht, Organizata Ndërkombëtare e Arsimit “Education International-EI”, tërheq vërejtjen për eskalimin e dhunës në Kosovë si pasojë e veprimeve serbe për pengimin e nxënësve shqiptarë të ndjekin mësimet në shkollat e tyre.
Në kumtesë thuhet: Tash shtatë vjet me radhë 400 mijë fëmijë shqiptarë të Kosovës janë të detyruar të ndjekin mësimet në shkolla klandestine dhe kjo mund të bëjë që studentët të ndërmarrin veprime të drejtpërdrejta. Demonstratat dhe ngujimet brenda në shkolla mund të jenë format më të buta të këtyre veprimeve.
Studentët shqiptarë nuk kanë ndjekur mësimet në shkollat shtetërore që nga viti 1991, sepse autoritetet serbe kanë penguar mësimin në cilindo gjuhë tjetër, përpos në gjuhën serbe. Shqiptarët kanë formuar një rrjet të shkollimit klandestin në të cilëm mbi 20 mijë arsimtarë mbajnë mësim në shtëpi private dhe objekte të tjera. Këta arsimtarë janë përzënë nga puna nga regjimi serb sepse kanë refuzuar të punojnë me një planprogram të ri serb. Mu për këtë, ata tani ballafaqohen me keqtrajtime dhe ndjekje të përditshme.
EI ka përshëndetur iniciativën e drejtorit të përgjithshëm të UNESCO-s Federiko Majori, për të kërkuar nga autoritetet serbe dhe kosovare të pranojnë një komision të përbashkët të UNESCO-s dhe EI-së në Kosovë. EI konsideron si prioritet të parë hapjen e pakusht të shkollave publike për studentët shqiptarë, heqjen e ndalesës për përdorimin e gjuhës shqipe dhe kthimin në vendet e punës me kompensim të arsimtarëve të larguar.
“Kërcënimi dhe keqtrajtimi i vrazhdë i arsimtarëve nga policia serbe është intensifikuar, disa arsimtarë janë paditur, burgosur për ‘veprimtari ilegale’. Shkollimi është esencial për çdo shoqëri prandaj ne s’duhe të kursejmë përpjekjet tona për t’u garantuar shkollim të gjithë të rinjve”, thotë Sekretari i Përgjithshëm i EI-së, Fred van Leuven.
EI ka kërkuar nga organizatat ndërkombëtare, përfshirë OKB-në, Organizatën Ndërkombëtare të Punës (ILO) dhe UNESCO-n, që të ushtrojnë presion maksimal në Republikën Federale të Jugosllavisë që të ndërprejë represionin dhe të implementojë marrëveshjen e arritur në shtator të vitit 1996 në mes të presidentit serb Sllobodan Millosheviq dhe presidentit të Republikës së Kosovës, Ibrahim Rugova. Kjo marrëveshje përfshinte të gjitha nivelet e shkollimit – nga ai fillor deri tek universitar – dhe mes tjerash kërkonte kthim të pakusht të nxënësve, studentëve dhe mësimdhënësve shqiptarë në objektet shkollore dhe universitare. U mbush një vit që nga nënshkrimi i kësaj marrëveshje dhe asnjë pjesë e saj nuk është zbatuar. Prandaj, në fillim të vitit të ri shkollor, fëmijët e Kosovës ballafaqohen edhe njëherë me rreziqe dhe mundësinë për të vazhduar mësimin në klasë të fshehta me fare pak apo hiç pajisje”, thuhet në kumtesë.
Education Internacional është organizatë në kuadër të së cilës janë 275 organizata kombëtare sindikaliste që përfaqësojnë 23 milionë punëtorë të arsimit të 148 shteteve.
EI angazhohet në mbrojtjen e të drejtave të mësuesve dhe punëtorëve të arsimit në gjithë botën.
Kumtesa e fundit i është dërguar dr. Agim Hysenit, kryetar i Sindikatës së Arsimit, Shkencës e Kulturës së Republikës së Kosovës.

30 gusht 1998

Istog: Dje, në Shushicë të Poshtme policia serbe vrau 8 shqiptarë

Dje në fshatin Shushicë e Poshtme të komunës së Istogut forcat e policisë serbe vranë 8 shqiptarë.

Komisioni për Informim i Degës së LDK-së në Istog njofton se, rreth orës 6. 30 të mëngjesit, shtëpia e Shaban Isë Salihajt u rrethua nga forca të mëdha të policisë serbe, me 1 taks, 2 autoblinda, 6 pigauerë e 3 kamionë. Pas rrethimit policia urdhëroi gratë e fëmijët që të dalin nga shtëpia. Me të dalë të tyre, filloi shkëmbimi i zjarrit gjatë të cilit u vranë: Isë (Hysen) Salihaj (76), Shaban (Isë) Salihaj (47), Milaim (Isë) Salihaj (36), Abedin (Isë) Salihaj (28), Hysen (Shaban) Salihaj (23), Arben (Shaban) Salihaj (19), Hysni (Shaban) Salihaj (17) dhe Nazif Gashi (36), nip i familjes Salihaj nga fshati Vojnikë i komunës së Skënderajt.

Gjatë aksionit të policisë, i cili zgjati deri rreth orës 11. 00, u rrafshuan me tokë 7 shtëpi të familjes Salihaj.

Forcat e policisë serbe, të cilat u tërhoqën nga fshati rreth orës 16. 00, arrestuan Faik Salihajn, djalin e axhës së të ndjerëve, ndërsa deri në orët e vona të mbrëmjes nuk dihej për fatin e Fatime Salihajt, bashkëshortes së Shabanit të ndjerë.

Njoftohet se kufomat e të vrarëve edhe janë masakruar. Varrimi i tyre bëhet sot në fshatin Shushicë.

Në njoftimin e Komisionit për Informim të Degës së LDK-së thuhet se Shaban Isë Salihaj ka qenë pjesëtar i Ushtrisë Çlirimtare të Kosovës në Zonën e Drenicës. Ai ka qenë shumë i kërkuar nga policia serbe.

Ferizaj: Bilall Shala u mbyt me torturë

Bilall Shala (47) nga fshati Guncat i Malishevës, me vendbanim në Saraishtë të Ferizajt, vdiq mbrëmë rreth orës 23, nga torturat fizike të ushtruara mbi të në sigurimin serb në Ferizaj.

Ai ishte punëtor në shkollën fillore të fshatit Dremjak.

KI i Degës së LDK-së në Ferizaj, duke cituar vëllain e Billalit, Zenel Shalën, njofton se trupi i pajetë i Bilallit ndodhet në morgun e spitalit të Prishtinës.

Bilall Shala, së bashku me djalin e tij Agronin (19) dhe një person tjetër me emrin Rexhë nga Dremjaku i Ferizajt, u arrestuan më 28 gusht në orën 12 në qendër të Ferizajt nga dy policë dhe një inspektor serb dhe u dërguan në Qendrën e sigurimit serb në këtë qytet, prej ku Agroni u lirua të njëjtën ditë, pasi u keqtrajtua fizikisht.

Varrimii Bilall Shalës bëhet nesër.

Bilall Shala është viktima e katërt e torturës fizike në sigurimin serbe që nga 22 korriku i këtij viti.

Më 22 korrik, si pasojë e torturës fizike, vdiq veprimtari i KMDLNj-së në Ferizaj Rexhep Bislimi, më 17 gusht, po nga torturat, vdiq Cen Dugolli nga Ferizaj, ndërsa vetëm 2 ditë më vonë, pasi qëndroi disa ditë në gjendje të rëndë në spital, vdiq Adem Berisha nga Buqa e Dragashit.

Në Peçan të Suharekës forcat serbe ekzekutuan një shqiptar dhe plagosën një tjetër

Dje në Peçan të Suharekës forcat serbe vranë një shqiptar dhe plagosën një tjetër.

Në fakt, katër banorë të këtij fshati, të ikur më parë nga shtëpitë e tyre, tentuan të kthehen në fshat, por forcat policore i ndaluan ata në Semetisht e pastaj i dërguan në Peçan ku i vendosën në radhë për t’i ekzekutuar dhe shtinë në ta, njofton KI i Degës së LDK-së në Malishevë.

Me këtë rast u vra Hamzi Bytyçi (34), u plagos Naser Fetaj (22), ndërsa vetëm falë fatit shpëtuan dy bashkëfshatarët e tyre Haxhi Fetaj (39) dhe Shefki Fetaj (56), të cilët nuk u qëlluan nga plumbat.

Varrimi i Hamzi Bytyçit u bë sot në Pagarushë.

Në Sllapuzhan kanë mbetur të pavarrosur dy trupa të pajetë

Në Sllapuzhan kanë mbetur pa u varrosur trupat e pajetë të Ymer Latif Jahës (50) dhe të plakut Jetish Shaip Syla, i cili ishte i paralizuar dhe trupi i të cilit u dogj.

Ndërkohë, nuk dihet për fatin e Sahit Isuf Jahës dhe disa banorëve të këtij fshati.

Njoftohet emrat e dy të vrarëve dhe 17 të plagosurve në fshatrat e Grykës së Shalës së Lipjanit

Gjatë granatimeve të fshatrave të Grykës së Shalës së komunës së Lipjanit, pardje u vranë Vehbi Shamolli (75) dhe Rabie Mulaku (43).

KI i Degës së LDK-së në Lipjan ka njoftuar sot edhe emrat e 17 shqiptarëve të plagosur, të plagosur në këto fshatra gjatë ofensivës serbe të ditëve të fundit. Janë plagosur: Bujar Pajaziti (17), Habibe Pajaziti (11), Bashkim Thaçi (24), Sofie Mulaku (60), Sabit Bytyçi (150, Lirie Hashani (18), Sheremet Hashani (22), Sanie Pajaziti, nënë e pesë fëmijëve, Shpresa Pajaziti, Mustafë Hashani (43), Flora Hashani (10), Jeton Mulaku (9), Selhane Hashani (21), Sabrie Ramadani (36), Mehmet Pajaziti (25), Blerta Bytyçi (9) dhe Blerim Sinani (33).

Njoftohet se shumica e banorëve që qëndruan disa ditë në male, janë kthyer në ato shtëpi që kanë mbetur pa u dëmtuar, duke marrë kështu mbi vete rrezikun e ndërhyrjes së forcave serbe sërish kundër tyre.

Gjatë ofensivës së forcave serbe në këto fshatra, në fshatin Shalë janë djegur 127 shtëpi, nga 300 sa ka gjithsej fshati, 51 shtëpi janë demoluar, është granatuar edhe shkolla e vjetër, zyrja e vendit, ndërsa nga katër shitoret sa kishte fshati, tri u dogjën e një u plaçkit.

Ndërsa, në fshatin Rusinofc u granatuan mbi 90 për qind e shtëpive.

Foto: Shtëpia shkollë te Hërticët në Kodër të Trimave në Prishtinë

Xhudistja kosovare Laura Fazliu ka fituar medaljen e argjendtë në kategorinë deri në 63 kilogramë, duke i siguruar Kosovës medaljen e pestë në këtë garë.

Fazliu arriti deri në finale, ku u përball me italianen Carlotta Avanzato, por u mposht në duelin për medaljen e artë dhe u desh të kënaqej me të argjendtën.

Kjo është medalja e katërt e Kosovës në xhudo dhe e pesta në total për vendin tonë.

Shëndeti i fëmijëve kërkon vëmendje të veçantë, kujdes profesional dhe reagim në kohën e duhur. Me këtë filozofi, United Hospital po e zgjeron vazhdimisht kujdesin e tij shëndetësor edhe për pacientët më të vegjël, duke i kushtuar rëndësi kontrollit pediatrik, diagnostikimit të hershëm dhe përcjelljes së zhvillimit të tyre.

Një prej shqetësimeve më të shpeshta të prindërve është temperatura te fëmijët. Në materialin informues të publikuar nga spitali rikujtohet rëndësia e matjes së saktë të temperaturës dhe e vlerësimit të gjendjes së përgjithshme të fëmijës. Për foshnjat nën tre muaj, temperaturë mbi 38°C kërkon kontakt të menjëhershëm me pediatrin, ndërsa te fëmijët më të rritur vëmendje e veçantë duhet t’i kushtohet temperaturës që zgjat, si dhe rasteve kur shoqërohet me të vjella, diarre apo lodhje të theksuar.

Edmond Hajrizi: “Fëmijët janë e ardhmja jonë – kujdesi për shëndetin e tyre është obligim dhe prioritet profesional”

Kujdesi ndaj shëndetit të fëmijëve nuk është vetëm një shërbim mjekësor, por një përgjegjësi që kërkon përkushtim, profesionalizëm dhe ndërhyrje në kohën e duhur. Për United Hospital, shëndeti i pacientëve më të vegjël është një nga prioritetet e rëndësishme, me fokus të veçantë në parandalimin, diagnostikimin e hershëm dhe trajtimin profesional të problemeve shëndetësore.

Drejtuesi i United Hospital, Edmond Hajrizi, thekson se investimi në shëndetin e fëmijëve është një investim i drejtpërdrejtë në të ardhmen e shoqërisë.

“Fëmijët janë e ardhmja jonë dhe ne kemi obligim të kujdesemi për shëndetin e tyre dhe të ofrojmë shërbime cilësore që me kohë trajtojnë sëmundjet tek fëmijët. Ne insistojmë dhe promovojmë vlera shëndetësore të cilat kujdesen për çdo fëmijë, madje edhe për ata që kanë nevojë për ndihmën tonë”, shprehet Hajrizi.

Kjo qasje është reflektuar edhe përmes shërbimeve pediatrike që ofron United Hospital, duke i mundësuar prindërve qasje më të lehtë në kontrolle profesionale dhe analiza të nevojshme për vlerësimin e gjendjes shëndetësore të fëmijëve.

Në kuadër të kësaj oferte, kujdesi pediatrik dhe analizat e plota ofrohen me çmim prej vetëm 33 euro, duke synuar që kontrolli i rregullt dhe diagnostikimi i hershëm të jenë më të qasshme për familjet.

Për Hajrizin, kujdesi ndaj fëmijëve duhet të fillojë përpara se një shqetësim shëndetësor të shndërrohet në problem serioz. Për këtë arsye, kontrollet e rregullta, vlerësimi profesional dhe reagimi në kohë mbeten pjesë e rëndësishme e filozofisë së United Hospital.

Sepse kujdesi për një fëmijë sot do të thotë të investosh në një të ardhme më të shëndetshme nesër.

Në këtë kuadër, United Hospital ka përgatitur edhe Pakot Pediatrike, të dedikuara për kontrollin dhe monitorimin e shëndetit të fëmijëve. Paketa përfshin kontroll të plotë mjekësor dhe analiza laboratorike, me qëllim që prindërit të kenë një pasqyrë më të qartë mbi gjendjen shëndetësore dhe zhvillimin e fëmijës.

Për një periudhë promocionale, Pakoja Pediatrike ofrohet me çmim 33 euro, nga 55 euro, duke e bërë kujdesin parandalues më të qasshëm për familjet.

Krahas kontrollit mjekësor, spitali këshillon prindërit që gjatë episodeve me temperaturë t’u ofrojnë fëmijëve lëngje të mjaftueshme, t’i mbajnë në ambient të përshtatshëm dhe të shmangin veshjen e tepërt. Në rast të simptomave shqetësuese, këshilla profesionale e pediatrit mbetet vendimtare.

Me investimin e vazhdueshëm në shërbime, diagnostikim dhe kujdes të specializuar, United Hospital synon që shëndeti i fëmijëve të jetë jo vetëm një shërbim mjekësor, por një prioritet i përditshëm, duke u ofruar prindërve më shumë siguri dhe fëmijëve kujdesin që meritojnë./rajonipress/

📞 038 60 70 70 / 046 60 70 70
📍 M2 Prishtinë–Ferizaj, Km 7, Prishtinë

Në një kohë kur siguria është bërë një nga çështjet më të rëndësishme për shoqëritë moderne, njohuritë dhe profesionistët e rinj në këtë fushë po marrin gjithnjë e më shumë rëndësi. Për të rinjtë që duan të kuptojnë më mirë zhvillimet politike, institucionet e sigurisë, kërcënimet bashkëkohore dhe sfidat që lidhen me sigurinë kombëtare e ndërkombëtare, programi i Studimeve të Sigurisë në UBT ofron një mundësi për zhvillim akademik dhe profesional.

Programi është i orientuar drejt përgatitjes së studentëve me njohuri teorike, por edhe me aftësi praktike që mund t’u shërbejnë në karrierën e tyre të ardhshme. Një nga veçoritë kryesore të këtij programi është mundësia që studentët të thellojnë njohuritë në fusha të ndryshme të specializimit, duke kuptuar më mirë zhvillimet e politikave të sigurisë dhe mënyrën se si ato zbatohen në praktikë.

Për një të ri që zgjedh këtë drejtim studimi, përfitimi nuk kufizohet vetëm te marrja e një diplome. Studenti zhvillon aftësi për të analizuar situata të ndryshme të sigurisë, për të identifikuar rreziqet dhe kërcënimet dhe për të propozuar zgjidhje konkrete. Këto aftësi janë veçanërisht të rëndësishme në një realitet ku siguria nuk lidhet më vetëm me aspektet tradicionale, por edhe me teknologjinë, sigurinë kibernetike, emergjencat civile, gjeopolitikën dhe marrëdhëniet ndërkombëtare.

Një tjetër mundësi e rëndësishme që ofron programi është specializimi në fusha me rëndësi të veçantë për tregun bashkëkohor. Studentët mund të orientohen drejt Sigurisë Nacionale dhe Emergjencave Civile, si dhe drejt Sigurisë Kibernetike, duke krijuar një profil profesional më të përshtatur me interesat dhe objektivat e tyre.

Ndërthurja mes teorisë dhe praktikës e bën programin një mundësi të vlefshme për të rinjtë që synojnë të ndërtojnë një karrierë në institucione të sigurisë, administratë publike, organizata vendore dhe ndërkombëtare, institucione kërkimore, sektorin e teknologjisë apo fusha të tjera që lidhen me sigurinë.

Gjatë studimeve, studentët njihen me koncepte dhe tema nga disa fusha të ndërlidhura, përfshirë ligjin, psikologjinë, gjeopolitikën, institucionet shtetërore, marrëdhëniet ndërkombëtare, politikën e jashtme, sigurinë kibernetike, teknologjinë informative dhe metodologjinë e kërkimit. Kjo qasje multidisiplinare i ndihmon të rinjtë të krijojnë një perspektivë më të gjerë dhe të kuptojnë se si faktorë të ndryshëm ndikojnë në sigurinë e një shteti dhe të shoqërisë.

Programi i kushton rëndësi të veçantë edhe zhvillimit të aftësive për hartimin e dokumenteve dhe strategjive të politikave të sigurisë. Studentët mund të fitojnë aftësi për të përgatitur dokumente që lidhen me politikat e Sigurisë Nacionale, Emergjencave Civile dhe Sigurisë Kibernetike. Kjo përvojë mund të jetë një avantazh i rëndësishëm për një të ri që në të ardhmen synon të angazhohet në institucione publike, organizata ndërkombëtare apo role që kërkojnë analizë dhe hartim të politikave.

Mësimdhënia akademike mbështetet në kurrikula dhe literaturë bashkëkohore, duke marrë referenca edhe nga programe të studimeve të sigurisë në universitete të njohura në Evropë dhe Shtetet e Bashkuara të Amerikës. Në këtë mënyrë, studentët kanë mundësi të njihen me qasje moderne dhe zhvillimet më të fundit në fushën e sigurisë, ndërsa programi është i orientuar edhe drejt nevojave konkrete të tregut të Kosovës.

Për të rinjtë që e shohin të ardhmen e tyre në fushën e sigurisë, politikëbërjes, analizës strategjike apo sigurisë kibernetike, studimi në këtë drejtim mund të jetë një hap i rëndësishëm drejt ndërtimit të një karriere profesionale. Përveç njohurive, studentët përfitojnë aftësi në hulumtim shkencor, komunikim, analizë kritike, zgjidhjen e problemeve dhe hartimin e dokumenteve strategjike.

Në përfundim të programit, synimi është që të diplomuarit të jenë në gjendje të kuptojnë dhe analizojnë zhvillimet kryesore të politikave të sigurisë, të vlerësojnë rreziqet dhe kërcënimet, të argumentojnë në mënyrë profesionale dhe të kontribuojnë në hartimin e politikave që lidhen me sigurinë e Kosovës dhe rajonit. Për një gjeneratë të re që përballet me sfida gjithnjë e më komplekse, një formim i tillë mund të krijojë bazën për një profesion me përgjegjësi, por edhe me mundësi të shumta zhvillimi.

Studimet e Sigurisë në UBT janë një mundësi për të rinjtë që duan të shkojnë përtej njohurive teorike dhe të ndërtojnë kompetenca konkrete për një të ardhme profesionale në një nga fushat më dinamike dhe më të rëndësishme të kohës.