Lajmet

Shërbyesit Civil të gatshëm t’i japin votën cilës do parti që u premton realizimin e kërkesave

Published

6 years ago

January 13, 2021

Betim Gashi

Kryetari i Sindikatës së Shërbimit Civil, Mursel Zymberi, në një intervistë për Ekonomia Online ka thënë se të gjitha partitë politike që mendojnë se mund ta qeverisin vendin, duhet po ashtu të kenë gatishmërinë që të merren me probleme të shërbyesve civil.

Madje ai tha se tashmë ka filluar fushata zgjedhore dhe kanë vendosur që të bisedojnë me partitë politike fituese të zgjedhjeve për t’i realizuar kërkesat e tyre humane.

“Deri më tani kemi bërë të njohur qëndrimin tonë në lidhje me kërkesat që janë substanciale dhe humane dhe me këtë rast qeveritë deri më tani nuk kanë pasur disponim ose gatishmërinë e duhur për t’u marrë me probleme të shërbyesve civil. Tani që ka filluar fushata zgjedhore, ne si sindikatë e shërbyesve civil kemi vendosur që të bisedojmë me partitë politike potenciale fituese të zgjedhjeve të cilat janë dhe në një rast që jemi takuar i kemi shpalosur kërkesat tona dhe vërtetë ata e shohin që janë kërkesa humane të parapara me ligj të zbatueshme për sektorë të tjerë dhe shpresoj që me këtë të hasim në mirëkuptim”, u shpreh tutje ai.

Zymberi theksoi se ka një pakënaqësi të shërbyesve civil sa i përket mos ngritjes së pagave, raporton EO.

“Në kemi kërkuar me këmbëngulje që të bëhet aprovimi i Ligjit të pagave dhe njëherë e mirë të zgjidhet kjo çështje në nivel të vendit. Vendimi i qeverisë së kaluar për ngritje të pagave për sektorë të caktuar e ka nxjerrë edhe atë pak rregull që ka qenë. Ne kemi një diskrepancë të madhe të pagave për sa i përket sektorëve të caktuar dhe një pakënaqësi të madhe të shërbyesve civil. Cilado qeveri që pretendon me udhëheqë me vendin duhet ta ketë parasysh se shtetin e mban vetëm një organizatë ose një organizatë profesionale mirë e organizuar, ashtu sikur që është shërbimi civil dhe administrate publike mirë funksionale, por gjithnjë duke trajtuar në mënyrën e merituar. Ne asnjëherë nuk kemi pasur kërkesa që ka dalë mbi kërkesat e sektorëve të tjerë përveç që kemi kërkuar nivelim dhe trajtim të barabartë të pagave me sektorë të tjerë. Kjo deri më tani nuk ka ndodhur dhe duhet ta kenë parasysh qeveria që do ta marrë pushtetin që sigurisht që do të ketë probleme të theksuara dhe nuk do të arrijnë qëllimin në rast se vazhdon me këtë diskriminim me shërbyes civil”, shtoi ai.

Tutje, ai është shprehur i gatshëm që shërbyesit civil do ta mbështesin cilën do parti që u premton plotësimin e kërkesave të tyre.

“Deri më tani me duhet ta falënderojë edhe pse nuk është në Kosovë ish-presidentin Hashim Thaçi, i cili ka qenë i vetmi që ka bërë ngritje të pagave dhe ka zbatuar marrëveshjen e nënshkruar që kemi pasur me të. Asnjëherë deri më tani dikush tjetër nuk ka bërë asgjë në interes të shërbyesve civil. Këtë duhet ta kenë parasysh të gjitha partitë politike dhe të marrin model diçka që është e mirë nga kushdo që ka qeverisur vendin. Në këtë rast bisedimet që kemi pasur me udhëheqës të Vetëvendosjes kanë premtuar se do t’i rishikojnë kërkesat tona dhe që janë shumë të drejta dhe në rast se marrin përsipër me zbatu një kërkesë që është shumë humane pa ndonjë implikim buxhetor jemi të gatshëm ta mbështesim atë parti që premton se do të zbatojë kërkesat tona substanciale”, tha Zymberi.

Zymberi shtoi se të gjitha partitë politike që mendojnë se mund ta qeverisin vendin duhet ta kenë vullnetin të plotësojnë kërkesat e tyre substanciale.

“Të gjitha partitë politike që mendojnë se mund ta qeverisin vendin nëse kanë vullnetin kanë mundësi të plotësojnë kërkesat tona janë shumë substanciale. Përderisa qeveria pat mundësinë t’i ngrisë rrogat edhe për nga 100% më shumë ne asnjëherë se kemi kërkuar ato çështje dhe kanë mundësi. Përndryshe sado që kanë për t’i ikur përgjegjësitë do të gabojnë rëndë sepse ka rënë vullneti i shërbyesve civil”, përfundoi ai.

Related Topics:sherbyesit civil fushata zgjedhore

Up Next

Kuçi jep dorëheqje nga posti i ministrit

Don't Miss

12 pacientë në gjendje të rëndë në Spitalin e Pejës

Vendi

Gjenden mbetje mortore në Brod të Shtërpcës

Published

41 minutes ago

November 12, 2026

UBT News

Mbetje mortore janë gjetur sot në fshatin Brod të Komunës së Shtërpcës, gjatë aktiviteteve të kërkimit për personat e zhdukur me dhunë.

Sipas njoftimit të Komisionit Qeveritar për Persona të Zhdukur, aktivitetet e kërkimit dhe gërmimet vlerësuese në këtë lokacion kishin nisur më 6 nëntor 2026, pas sigurimit të urdhrit përkatës gjyqësor.

Gjatë aktivitetit të parë nuk ishte arritur të lokalizohej varri i dyshuar, për shkak të ndryshimeve që kishte pësuar terreni ndër vite, duke vështirësuar përcaktimin e vendndodhjes së saktë.

Ndërkaq, gjatë vazhdimit të gërmimeve më 12 nëntor, janë gjetur mbetje mortore, të cilat do t’i nënshtrohen ekzaminimit mjekoligjor dhe procedurave të identifikimit përmes analizës së ADN-së.

Aktivitetet janë realizuar në koordinim ndërmjet Komisionit Qeveritar për Persona të Zhdukur, Institutit për Mjekësi Ligjore dhe Drejtorisë së Policisë për Hetimin e Krimeve të Luftës – Sektorit për Hetimin e Personave të Zhdukur, me përkrahjen e Prokurorisë – Departamentit për Krime Lufte./A.K/

Lajmet

Leonardo da Vinci sjell frymën e Rilindjes në UBT – ekspozitë që ndërthur artin, shkencën dhe inovacionin

Published

56 minutes ago

November 12, 2026

UBTNews

Kampusi Shkencor Inovativ dhe Teknologjik i UBT-së është bërë nikoqir i një ekspozite të veçantë kushtuar njërit prej mendjeve më të jashtëzakonshme në historinë njerëzore, Leonardo da Vincit.

Përmes kësaj ekspozite, studentët, stafi akademik dhe vizitorët kanë mundësi të njihen më nga afër me botën krijuese të Da Vincit, idetë e tij revolucionare dhe projektet që dëshmojnë gjenialitetin e tij në fusha të ndryshme, nga arti e anatomia, deri te inxhinieria dhe teknologjia.

E organizuar në kuadër të edicionit të XXVI të Javës së Gjuhës Italiane në Botë, me temën “Gjuhë e mirësjelljes, gjuhë gjeniale: të ideosh, të projektosh, të krijosh me italisht”, ekspozita sjell në vëmendje rëndësinë e gjuhës, kulturës dhe trashëgimisë italiane në zhvillimin e mendimit krijues dhe shkencor.

Ky aktivitet është realizuar në bashkëpunim me Ambasadën e Italisë në Prishtinë dhe përfaqëson një mundësi të rëndësishme për të nxitur kureshtjen intelektuale, kreativitetin dhe frymën inovative te gjeneratat e reja.

Përmes kësaj ekspozite, UBT sjell në kampusin e tij trashëgiminë e një figure që vazhdon të frymëzojë botën, duke dëshmuar se idetë e mëdha nuk njohin kohë dhe se arti, shkenca dhe teknologjia janë pjesë e së njëjtës gjuhë: gjuhës së inovacionit.

Aktualitet

40 sportistët më të mëdhenj (2000–2026)

Published

2 hours ago

November 12, 2026

UBTNews

Sporti është një nga veprimtaritë më tërheqëse në botën modern. Interesimi në vazhdim i publikut bën që edhe media ta ketë temë të shpeshtë.

Këtë herë, kemi zgjedhur të sjellim tek ju një listë prej 40 sportistësh më të mëdhenj, të periudhës 2000-20026:

Michael Phelps – Not
Lionel Messi – Futboll
LeBron James – Basketboll
Tom Brady – Futboll amerikan
Roger Federer – Tenis
Tiger Woods – Golf
Usain Bolt – Atletikë
Kobe Bryant – Basketboll
Rafael Nadal – Tenis
Cristiano Ronaldo – Futboll
Stephen Curry – Basketboll
Tim Duncan – Basketboll
Shaquille O’Neal – Basketboll
Patrick Mahomes – Futboll amerikan
Lewis Hamilton – Formula 1
Aaron Donald – Futboll amerikan
Sidney Crosby – Hokej në akull
Kevin Garnett – Basketboll
Albert Pujols – Bejsboll
Floyd Mayweather Jr. – Boks
Peyton Manning – Futboll amerikan
Randy Moss – Futboll amerikan
Michael Schumacher – Formula 1
Mike Trout – Bejsboll
Clayton Kershaw – Bejsboll
Miguel Cabrera – Bejsboll
Dwyane Wade – Basketboll
Ichiro Suzuki – Bejsboll
Kevin Durant – Basketboll
Justin Verlander – Bejsboll
Dirk Nowitzki – Basketboll
Giannis Antetokounmpo – Basketboll
Alex Rodriguez – Bejsboll
David Ortiz – Bejsboll
Max Scherzer – Bejsboll
Jimmie Johnson – NASCAR
Zinedine Zidane – Futboll
Steve Nash – Basketboll
Adrian Beltre – Bejsboll
Dedrek Jeter – Bejsboll

Lajmet

Mungesa e deputetëve pas pauzës shtyn seancën e Kuvendit për nesër

Published

3 hours ago

November 12, 2026

UBTNews

Kryetarja e Kuvendit të Kosovës, Albulena Haxhiu, ka marrë vendim që ta shtyjë vazhdimin e seancës së sotme plenare për ditën e nesërme, në orën 11:00, pasi deputetët u vonuan rreth gjysmë ore për t’u kthyer në sallë pas pauzës.

Duke arsyetuar vendimin, kryeparlamentarja Haxhiu theksoi se është e pamundur të zhvillohen punimet e Kuvendit kur deputetët nuk respektojnë orarin. Në momentin e ndërprerjes, në sallën plenare ndodheshin vetëm disa deputetë të PDK-së, disa të LDK-së dhe vetëm dy deputetë të Lëvizjes Vetëvendosje.

Për shkak të kësaj shtyrjeje, mbetën pa u shqyrtuar pikat e mbetura të rendit të ditës, ku përfshiheshin katër marrëveshje ndërkombëtare, interpelanca me ministrin e Shëndetësisë, Arben Vitia, mocioni lidhur me energjinë, si dhe diskutimi për Projektligjin për Gjykatën Speciale. /E.A/