

Lifestyle
Shenjat e zodiakut që gjithmonë mendojnë se dinë gjithçka
Published
4 years agoon
By
UBT newsI njihni njerëzit që mendojnë se dinë gjithçka dhe e konsiderojnë veten ekspertë pavarësisht se cila është tema?
Ata që dinë gjithçka për gjithçka? Epo, mbase arsyeja për një sjellje të tillë qëndron në astrologji.
Këto janë katër shenja të zodiakut që me të vërtetë mendojnë se janë më të mira se të tjerët.
1. Demi
Stereotipi për kokëfortësinë e njerëzve të lindur në këtë shenjë konfirmohet dyfish kur ata duhet të pranojnë se nuk janë të gjithëdijshmit që duan të konsiderohen.
Ata do të lëvdojnë njohuritë e tyre të mëdha, disa prej të cilave e posedojnë me të vërtetë, dhe ata do të supozojnë se ju kurrë nuk mund t’i tejkaloni.
Edhe pse inteligjenca është karta e tyre më e fortë, arroganca dhe kokëfortësia e një demi krijojnë një individ të prirë ndaj dhunës kur duan të paraqiten si më të zgjuarit në botë.
2. Luani
Luani shijon tingullin e zërit të tij dhe e sheh veten si pedagog në salla të mëdha plot studentë.
Nuk ka dyshim në mendjen e luanit se, pasi t’ju edukojë, ju do të refuzoni të gjitha besimet e mëparshme. Kjo do të thotë që luani do të presë që ju të harroni gjithçka që keni ditur më parë dhe të pranoni bindjet e tij pa kushte.
Ndryshe nga demi, personaliteti i luanit është shumë më teatral. Nëse filloni një bisedë me një luan të gjithëdijshëm, prisni një prezantim, jo një debat apo diskutim miqësor. Luani fiton, edhe kur nuk e ka idenë për çfarë po flet, gjë që e bën atë një nga shenjat më imagjinare të zodiakut.
3. Virgjëresha
Kur bëhet fjalë për grindje, për një Virgjëreshë ajo nuk është kurrë e drejtë. Nëse përlesheni me një Virgjëreshë, ikni me kokën tuaj pa marrë parasysh çfarë dhe lërini të flasë sa të dojë.
Virgjëresha, në fakt, i pëlqen të flasë dhe rrallë devijon nga ajo që ajo e konsideron si fakt. Nuk është e qartë nëse ato verbërisht i besojnë faktet apo janë të prira t’i përmbahen bindjeve të tyre pavarësisht nëse janë të vërteta.
Virgjëreshat, si luanët, janë shenja shumë krenare që preferojnë të digjen në një luftë sesa të dëgjojnë. Virgjëresha është një perfeksioniste dhe gjen përsosmërinë në konceptin se ajo ka të drejtë, dhe ju thjesht nuk keni.
4. Shigjetari
Njerëzit e lindur në këtë shenjë shpesh shoqërohen nga një zë që e duan lirinë dhe janë të hapur, por gjithashtu që u pëlqen të paraqiten si autoritet në të gjitha fushat. Arsyeja qëndron në faktin se ata janë vërtet të vendosur të dinë gjithçka që mund të mësohet për një temë të caktuar. Kjo është arsyeja pse ata nuk mund të pranojnë se ju dini aq sa ata, nëse jo më shumë.
Shigjetari mesatar thjesht nuk mund ta kuptojë se ekziston dikush që di më shumë. Synimet e tyre të mira mund t’i çojnë në njohuri, por kur e fitojnë, ata konsiderohen ekspertë kryesorë në këtë temë.
Nëse doni të shmangni migrenën, mos u flisni për udhëtimet ose spiritualitetin. Do të pendoheni për fillimin e bisedës.
Lifestyle
Mënyrat për të mbrojtur flokët nga vapa dhe uji i kripur
Published
6 hours agoon
July 23, 2025By
UBT News
Dielli, deti dhe klori janë armiqtë e fshehur të flokëve – ja si të mos i lejoni t’i dëmtojnë këtë verë.
Vera është një nga periudhat më sfiduese për flokët. Dielli i fortë, uji i detit i kripur dhe klori i pishinave janë një kombinim i ashpër që dëmton fijet, i than dhe bën që maja të ndahen më shpejt. Por me disa hapa të thjeshtë, mund të ruani shkëlqimin dhe forcën e flokëve edhe në vapë dhe pushime.
Pse dëmtohen flokët në verë?
Sipas Shoqatës Amerikane të Dermatologjisë, rrezet UV dëmtojnë strukturën proteinike të flokut duke e bërë më të brishtë e pa jetë. Uji i detit, i pasur me kripë, i than flokët dhe largon vajrat natyralë, ndërsa klori i pishinës sulmon ngjyrën dhe shkëlqimin, sidomos tek flokët e ngjyrosur.
Truket kryesore për t’i mbajtur flokët të shëndetshëm:
Shpërlaje flokun para dhe pas notit – Para se të futeni në det apo pishinë, lagini flokët me ujë të pastër. Fijet e lagura thithin më pak ujë të kripur ose klor. Pas notit, shpëlajini menjëherë për të hequr mbetjet e kripës dhe klorit.
Përdorni produkte me mbrojtje UV – Njësoj si kremrat e diellit për lëkurën, ka spërkatës dhe vajra flokësh me filtër UV që formojnë shtresë mbrojtëse. Ato ndihmojnë që rrezet diellore të mos degradojnë pigmentin dhe strukturën e flokut. Markat profesionale kanë linja të dedikuara për mbrojtjen verore.
Përdorni kapele ose shall – Mënyra më e thjeshtë: mbuloni flokët! Një kapele e gjerë jo vetëm që mbron flokët, por edhe kokën dhe fytyrën nga rrezet direkte.
Aplikoni maska hidratuese rregullisht
Flokët kanë nevojë për më shumë hidratim. Përdorni maska me vaj kokosi, vaj argani apo maska të gatshme me përmbajtje keratine dhe vajra bimorë.
Mos përdorni tharëse ose piastra të tepërta – Vapa natyrale është e mjaftueshme! Lëreni flokun të thahet vetë. Përdorimi i piastrave ose tharëses përveç temperaturës së diellit e dyfishon dëmtimin.
Prisni majat para dhe pas pushimeve – Këshillë klasike nga parukierët: prisni majat e dëmtuara para pushimeve dhe kontrolloni gjendjen e tyre pas kthimit. Kështu flokët duken gjithmonë të freskët dhe të shëndetshëm.
A ka truke natyrale?
Po! Disa maska të shpejta në shtëpi, maskë me kos dhe mjaltë: hidraton thellë dhe i jep flokëve shkëlqim.
Vaj ulliri ose vaj argani: aplikojeni para larjes si “pre-shampoo” për të ushqyer flokun dhe për të zvogëluar efektin tharës të shampo-së.
A duhet të ndryshojmë shampo-n?
Shumë ekspertë rekomandojnë shampo pa sulfate, më të buta për skalpin e thatë. Përdorni balsam pas çdo larjeje për të mbyllur fijet e ruajtur lagështinë.
Mos harroni: ushqimi ndikon
Hidratimi fillon nga brenda! Pini ujë, konsumoni ushqime të pasura me omega-3 (peshk, arra), vitamina A, C, E dhe Biotinë, janë thelbësore për flokë të fortë.
Përfundim
Flokët mund të jenë po aq të bukur në gusht sa në maj, nëse i kushtoni kujdesin e duhur. Një kombinim i mbrojtjes fizike, produkteve cilësore dhe kujdesit natyral bën diferencën. E rëndësishme është të mos e lini diellin dhe detin të marrin më shumë nga sa jepni!
Kulturë
Christina Aguilera vesh fustanin ikonik të Versace 20 vjet më vonë
Published
13 hours agoon
July 23, 2025By
UBT News
22 vjet pas fushatës ikonike të Versace për vjeshtën 2003, Christina Aguilera është rikthyer në mënyrë magjepsëse duke u shfaqur me të njëjtin stil në premierën londineze të “Burlesque: The Musical”.
Me një fustan pa rripa, korse të kryqëzuar dhe fund me volane, ajo e kompletoi pamjen me çizme të zeza të gjata dhe buzë të errëta, ndërsa flokët biond platin i la të rrjedhin natyrshëm si një homazh i qartë për dukjen e dikurshme.
Këngëtarja e “Genie in a Bottle”, producente e shfaqjes skenike të filmit të vitit 2010 ku luajti me Cher, riktheu jo vetëm stilin, por edhe frymën krijuese. Donatella Versace, e cila e zgjodhi atë për fushatën e vitit 2003, u shpreh: “Zëri i saj është i jashtëzakonshëm. Doja të ishim mikesha, kjo ishte më e rëndësishmja”.
Christina tha atëherë se ishte e emocionuar për të eksploruar një fushë të re, dhe ky vizion i saj vazhdon: “Jam më e përqendruar se kurrë në atë që dua të bëj”, tha ajo për Vogue.
Lifestyle
Katër ushtrimet që duhet t’i bëni çdo mëngjes
Published
13 hours agoon
July 23, 2025By
UBT News
Çdo mëngjes duhet që trupi i njeriut të bëjë ushtrime, në mënyrë që të jetë i shëndetshëm dhe vital.
Ushtrimi për forcimin e shpinës
Muskujt e shpinës janë “forcuesit” më të rëndësishëm natyralë të kurrizit, të cilët ndihmojnë qëndrim të drejtë, stabilitet gjatë lëvizjes e lehtësojnë kryerjen e aktiviteteve fizike. Duhet të shtriheni e tendoseni sa më shumë që mundeni pjesën e sipërme të trupit nga prapa.
Përsëriteni në tri seri prej 15 ushtrimeve, duart bashkoni pas qafe dhe gradualisht ngrijeni pjesën e sipërme të trupit.
Derisa qëndroni shtrirë në stomak, duart lakojini në bërryl, ballin vëreni mes shuplakave. Ngrini njërën këmbë, pastaj tjetrën – dhe përnjëherë të dyja. Tërë këtë kombinim përsëriteni 10 herë. Pastaj, shtrijuni në bark, duart i shtrini pranë trupit. Shuplakat mbështetni në dysheme. Ngrini dhe shtrini pjesën e sipërme të trupit, duart dhe këmbët dhe kthehuni në pozitën fillestare.
Është shumë me rëndësi që pas ushtrimit t’i bëni sërish ushtrimet e tendosjes dhe të relaksimit të muskujve, për të bërë një relaksim të përgjithshëm.
Ushtrim për muskujt e stomakut
Mjekët thonë se gjatë viteve kjo pjesë e trupit lëshohet, andaj duhet të jeni tepër këmbëngulës në ushtrime që sërish të kini stomak të rrafshët dhe të bukur.
Ekzistojnë ushtrime për stomak të rrafshët. Shtrini në dhe ngriheni vetëm pjesën e sipërme të trupit, ndërsa pjesa e poshtme të jetë e puthitur për dysheme.
* Bëni një seri ushtrimesh në atë mënyrë që të ngrini pjesën e poshtme të trupit, ndërsa e epërmja të mbetet rrafsh dhe në gjendje të qetë.
Njëra nga mundësitë është edhe “vozitja e biçikletës” në ajër apo seria e ushtrimeve e ngritjes së pjesës së sipërme të trupit në drejtim të këmbës tjetër. Në fund shtrijuni anash dhe në mënyrë alternative ngrini këmbën e sipërme, pastaj ndërrojeni anën dhe përsëriteni ushtrimin me këmbën tjetër.
Argëtimi në krahë
Ushtrimet nëse fillimin e kuptoni si argëtim të mirë, ndoshta pas një kohe do t’ju pëlqejë. Ekspertët e fitnesit thonë se çdo ushtrim është i dobishëm vetëm nëse ju paraqet edhe kënaqësi. Nëse bëni pjesë te ata dembelët, të cilët në mëngjes vështirë zgjohen, ju propozojmë të qëndroni të shtrirë në çarçafë.
Pas ose para ushtrimeve të barkut, sipas dëshirës, argëtohuni duke ngritur këmbët dhe duke shtrirë trupin sa më shumë që mundeni. Kombinoni ushtrimet duke e hedhur këmbët mbi kokë, pastaj njëherë njërën e njëherë tjetrën, vozitni biçikletën në ajër.
Nxisni muskujt e thellë
Ushtrimi në top mund të jetë shumë argëtues dhe i dobishëm. Meqë topi nuk është stabil, duke ushtruar në të i kundërviheni gravitacionit dhe në atë mënyrë i angazhoni shumë muskujt e brendshëm stabilizues. Forcimi i këtyre muskujve mund të ndikojë në mënyrë preventive në lëndimet e shpinës, gjunjëve, nyjave të krahëve.
* Ulja në top aktivizon punën e muskujve të shpinës dhe të barkut. Në këtë mënyrë do të nxisni qëndrimin e drejtë dhe vertikal.
* Argëtohuni duke kërcyer mbi top dhe nxisni shkrirjen e kalorive të tepërta.
* Është me rëndësi madhësia e topit, sepse kur uleni në të, ijët dhe gjunjët duhet të jenë në shkallën prej 90 gradësh. Personave të cilët janë të gjatë deri në 165 cm u nevojitet topi me perimetër 55 cm; atyre nga 165 deri në 180 cm perimetri i topit prej 65 cm, ndërsa atyre mbi 180 cm topi prej 75 cm.
Lifestyle
Nuk e kemi ditur deri tani! Kjo qenka koha më e mirë për të ushtruar
Published
1 day agoon
July 22, 2025By
UBT News
Ushtrimet e rregullta ndihmojnë në përmirësimin e shëndetit fizik dhe mendor. Studimet tregojnë se stërvitja e vazhdueshme përmirëson nivelet e kolesterolit, insulinës, gjendjen shpirtërore, cilësinë e gjumit dhe menaxhimin e peshës.
Si ushtrimet në mëngjes ashtu edhe anë mbrëmje kanë përfitime. Ajo në mbrëmje zvogëlon rrezikun e vdekjes së parakohshme e ndihmon në kontrollin e nivelit të sheqerit në gjak, ndërsa stërvitja në mëngjes përmirëson shëndetin e zemrës.
Provat sugjerojnë se koha e ushtrimeve nuk ka rëndësi, për sa kohë që stërviteni në mënyrë të rregullt. Koha më e mirë për stërvitje varet nga preferencat, qëllimet dhe orari juaj.
Përfitimet e ushtrimeve në mëngjes
Një studim zbuloi se njerëzit që stërviteshin midis 7:00 dhe 9:00 të mëngjesit kishin indeks më të ulët të masës trupore sesa ata që ushtronin pasdite ose në mbrëmje. Ata që stërviten para mesditës humbin më shumë peshë sesa ata që ushtrohen pas orës 15:00.
Një tjetër studim zbuloi se personat që ushtroheshin në 7:00 flinin më herët, zgjoheshin më pak gjatë natës e kishin gjumë më të thellë krahasuar me ata që ushtronin pasdite. Po ashtu, u vërejt se ushtrimet në mëngjes ndihmojnë në uljen e presionit të gjakut me rreth 10%, një efekt që zgjat gjatë gjithë ditës.
Disavantazhet
Për disa njerëz, zgjimi herët për të ushtruar mund të jetë i vështirë. Rreziku i lëndimeve mund të jetë më i lartë në mëngjes, nëse filloni me ushtrime intensive pa bërë një nxehmje të duhur. Në mëngjes, temperatura e trupit është më e ulët, ndaj muskujt dhe nyjet mund të jenë më të ngurtë.
Për të shmangur lëndimet, bëni ushtrime të lehta nxehjeje, si rrotullime të krahëve, ngritje të gjunjëve ose vrap të lehtë. Këto ndihmojnë në qarkullimin e gjakut dhe përmirësojnë fleksibilitetin. Nëse ndiheni të lodhur në mëngjes, mund të konsumoni vakt të lehtë para stërvitjes për të pasur më shumë energji.
Përfitimet e ushtrimeve në mesditë
Stërvitja në mesditë është ideale për ata që duan të përmirësojnë performancën atletike, pasi temperatura e trupit arrin kulmin. Studimet tregojnë se forca e qëndrueshmëria janë më të larta midis 15:00 dhe 18:00. Për më tepër, koha optimale për shëndetin e zemrës është midis orës 11:00 dhe 17:00.
Disavantazhet
Një nga sfidat më të mëdha të ushtrimeve në mesditë është menaxhimi i kohës. Nëse punoni gjatë ditës, mund të jetë e vështirë të gjeni kohë për stërvitje të plotë. Edhe nëse ushtroni gjatë pushimit të drekës, mund të duhet të shkurtosh kohën e stërvitjes për t’u përgatitur për punën pas saj.
Mund të jetë më e vështirë të mbani rutinë të qëndrueshme pasdite, pasi angazhimet e përditshme, si takimet apo aktivitetet familjare, prishin planin tuaj.
Përfitimet e ushtrimeve në mbrëmje
Personat e moshës mesatare me mbipeshë që ushtronin në mbrëmje kishin 28% më pak gjasa të vdisnin nga ndonjë shkak, krahasuar me ata që stërviteshin në mëngjes ose pasdite. Ushtrimet në mbrëmje janë më të dobishme për kontrollin e sheqerit në gjak, veçanërisht për njerëzit me rezistencë ndaj insulinës.
Stërvitja pas një vakti ndihmon në uljen e niveleve të glukozës. Një studim tjetër tregoi se stërvitja në mbrëmje mund të përmirësojë kontrollin e sheqerit në gjak tek njerëzit me diabet. Ushtrimet në mbrëmje ndihmojnë në reduktimin e stresit dhe të shërbejnë si një mënyrë për t’u çlodhur pas një dite të lodhshme.
Një studim tregoi se aktiviteti fizik i moderuar deri në intensiv, deri tre orë para gjumit, nuk ndikon negativisht në cilësinë e tij. Përkundrazi, mund të ndihmojë në zgjatjen e kohës së gjumit dhe në lehtësimin e procesit të të fjeturit.
Disavantazhet
Për disa njerëz, ushtrimet në mbrëmje mund të jenë stimulues e të ndikojnë në vështirësinë për të fjetur. Gjithashtu, mund të reduktojnë kohën e gjumit nëse ushtrimi zgjat deri vonë në mbrëmje. Nëse ndjeni se stërvitja në mbrëmje ju ndikon në gjumë, provoni të ushtroni më herët gjatë ditës.
Cila është koha më e mirë për t’u ushtruar?
Përcaktimi i kohës ideale për stërvitje varet nga disa faktorë, si:
Orari juaj ditor – Zgjidhni një kohë kur keni më shumë mundësi të jeni të rregullt.
Cilësia e gjumit – Nëse keni vështirësi të flini pas ushtrimeve të mbrëmjes, provoni në mëngjes ose pasdite.
Temperatura e jashtme – Nëse ushtroni jashtë, merrni parasysh motin. Në verë, mund të jetë më mirë të ushtroni herët ose vonë në mbrëmje.
Niveli i energjisë – Nëse ndiheni të lodhur në mëngjes, një stërvitje pasdite ose në mbrëmje mund të jetë më e përshtatshme për ju.

Calhanoglu: Jam i Interit dhe dua të fitoj trofe këtu

UEFA delegon sërish një gjyqtar kosovar në një ndeshje evropiane

Ja sa kushton parfumi më i shtrenjtë në botë

eSIM mund të mos jetë aq e sigurt sa mendoni

Grupi “Coldplay” i dha lamtumirën Osbourne dhe i kushtoi një këngë në koncert

Mënyrat për të mbrojtur flokët nga vapa dhe uji i kripur

Protestë në Ukrainë, Zelensky nënshkruan projektligjin që dobëson agjencitë anti-korrupsion

Formacionet e mundshme të miqësores Arsenal – Milan

Komenti vulgar i trajnerit italian ndaj gjyqtares kapet nga kamerat
Të kërkuara
-
Lajmet nga UBT1 month ago
UBT organizon debat rreth zgjerimit të BE-së dhe ruajtjes së vlerave evropiane
-
Lajmet nga UBT3 months ago
Profesori, Arsim Hajdari, doktoron me temën “New Perspective of Biological Therapy in Treatment of Age-Related Macular Degeneration”
-
Lajmet nga UBT2 months ago
UBT – Institucioni privat me më së shumti programe të akredituara nga Agjencia e Akreditimit të Kosovës
-
Lajmet nga UBT2 months ago
UBT rilicencohet nga MAShTI për ofrimin e arsimit profesional në katër drejtime të rëndësishme shëndetësore