Lajmet

Shenja misterioze në trupin e pashkaqenit

Fotoja që shkrepi Jail Najafov mori shumë vëmendje.

Published

4 years ago

January 7, 2022

UBT news

Mendimi i parë i fotografit Jalil Najafov kur e pa peshkaqenin e madh, ishte: “A është i vërtetë?”

Ishte gushti i vitit 2019 dhe Najafov, një entuziast i peshkaqenëve, konservator dhe regjisor, po eksploronte bregdetin e Meksikës me disa miq. Grupi pa një peshkaqen të madh të bardhë që notonte pranë varkës së tyre.

Ishte emocionuese. Pastaj grupi kuptoi se peshkaqeni kishte një shenjë misterioze kafshimi në trupin e tij.

“U befasova vërtet pasi nuk kam parë kurrë diçka të tillë në jetën time. Gjurma e kafshimit ishte kaq e madhe në një peshkaqen kaq të madh”, tha Najafov për CNN Travel, transmeton Klan Kosova.

Regjisori i lindur në Azerbajxhan u zhyt në ujërat poshtë, i ‘armatosur’ me kamerën e tij të papërshkueshme nga uji, GoPro7, për të kapur një pamje të shenjës së kafshimit në peshkun e madh.

Një nga fotografitë ai e postoi në llogarinë e tij në Instagram për herë të parë në fund të dhjetorit 2021.

Pas udhëtimit në Meksikë, ai e kishte humbur kartën memorizuese të aparatit, dhe tani thotë se i rizbuloi fotot.

Najafov e dinte se imazhi ishte emocionues.

“Kam shumë vite që punoj me peshkaqenë dhe përmbajtje peshkaqenësh, kam shumë përvojë në këtë vend. Unë e di me siguri kur shoh diçka të rrallë, nuk kam parë kurrë një gjurmë kafshimi kaq të madhe peshkaqeni”, thotë Najafov.

Vendi

Arrestohet i dyshuari për tentim vrasje në Prizren

Published

33 minutes ago

May 25, 2026

UBTNews

Një rast i tentim vrasjes është raportuar mbrëmjen e së shtunës në Prizren, ku një person dyshohet se ka sulmuar me thikë një tjetër.

Sipas raportit të Policisë së Kosovës, ngjarja ka ndodhur rreth orës 20:30 në rrugën “Rexhep Kabashi”.

I dyshuari, burrë, është arrestuar nga policia pasi dyshohet se ka therur viktimën pas një konflikti.

Viktima ka marrë trajtim mjekësor në spital, ndërsa gjendja e tij nuk është bërë e ditur.

Me urdhër të prokurorit, i dyshuari është dërguar në mbajtje dhe rasti po hetohet si “vrasje në tentativë”.

Lajmet

Arrestohet një person në Aeroportin “Adem Jashari” për kanosje

Published

51 minutes ago

May 25, 2026

UBTNews

Policia e Kosovës ka arrestuar një person të dyshuar për kanosje në Aeroportin Ndërkombëtar të Prishtinës, Adem Jashari.

Sipas raportit policor, rasti ka ndodhur të shtunën rreth orës 17:20, pas një mosmarrëveshjeje mes dy personave, ku i dyshuari, dyshohet se ka kanosur një tjetër burrë.

Gjatë intervenimit, policia ka sekuestruar nga i dyshuari një pistoletë me leje dhe 45 fishekë.

Ndërsa, me vendim të prokurorit, i dyshuari është liruar në procedurë të rregullt, ndërsa rasti po hetohet më tej.

Vendi

Javë me mot të qëndrueshëm në Kosovë, fundjava sjell reshje lokale shiu

Published

1 hour ago

May 25, 2026

UBTNews

Gjatë kësaj jave në Kosovë pritet të mbajë mot kryesisht i qëndrueshëm, me periudha të gjata me diell dhe vranësira të lehta në pjesën më të madhe të vendit. Temperaturat do të mbeten relativisht të larta për këtë periudhë, ku maksimalet do të sillen nga 22 deri në 29 gradë Celsius.

Ditët e para të javës, nga e hëna deri të mërkurën, parashihen më të ngrohta dhe me më shumë kthjellime. Në disa zona malore mund të ketë shtim të vranësirave, por pa reshje të theksuara.

Ndërkaq, nga e enjtja moti pritet të ndryshojë gradualisht, me vranësira më të dendura dhe mundësi për reshje lokale shiu të shoqëruara herë pas here edhe me shkarkime elektrike. Edhe dita e premte pritet të sjellë mot më të paqëndrueshëm, me intervale dielli dhe riga të izoluara shiu në disa pjesë të vendit.

Lajmet

Studentët e Fakultetit Juridik në UBT përfitojnë përvojë praktike përmes vizitës në Gjykatën Themelore në Prishtinë

Published

18 hours ago

May 24, 2026

ubtnews

Studentët e Fakultetit Juridik dhe Fakultetit të Menaxhimit të Patundshmërive dhe Infrastrukturës në UBT kanë realizuar një vizitë studimore në Gjykata Themelore në Prishtinë, në kuadër të lëndës “E Drejta Kontraktore”, nën shoqërimin e Prof. Egzona Osmanaj.

Kjo vizitë u organizua me qëllim të ndërlidhjes së njohurive teorike me praktikën profesionale, duke u ofruar studentëve mundësinë që të ndjekin nga afër zhvillimin e procedurave civile dhe funksionimin e sistemit gjyqësor në praktikë.

Gjatë qëndrimit në gjykatë, studentët ndoqën katër seanca gjyqësore civile, prej të cilave dy janë zhvilluar pranë gjyqtares Rrezarta Ajeti dhe dy të tjera pranë gjyqtarit Durim Balaj. Përmes këtij aktiviteti, ata patën rastin të kuptojnë më mirë procedurat civile, komunikimin profesional në sallën e gjykimit dhe mënyrën e trajtimit të rasteve konkrete.

UBT vazhdon të promovojë mësimin praktik dhe përfshirjen aktive të studentëve në aktivitete profesionale, duke krijuar ura bashkëpunimi me institucione vendore dhe duke i përgatitur studentët për sfidat reale të profesionit.

Vizitat studimore dhe aktivitetet e tilla janë pjesë e qasjes moderne të UBT-së ndaj arsimit, ku teoria dhe praktika zhvillohen paralelisht për të ndërtuar profesionistë të përgatitur për tregun e punës dhe institucionet vendore e ndërkombëtare.