Shëndeti

Shega simbol i shëndetit, ja pse duhet konsumuar

Përveç tjerash, ato kanë edhe vlera ushqyese që e bëjnë aq joshëse këtë pemë dhe të parezistueshme.

Published

on

Shegat përmbajnë qindra fara të vogla që kanë ngjyrë pembe të çelët. Ato konsideroheshin si pemë e parajsës në kulturat e lashta.

Jo vetëm se kanë kombinim të veçantë se është e lehtë të përtyhen dhe janë të lëngshme. Përveç tjerash, ato kanë edhe vlera ushqyese që e bëjnë aq joshëse këtë pemë dhe të parezistueshme.

Tradicionalisht, shegat njihen si simbol i shëndetit, me disa rekomandime që shega përdoret edhe si një ilaç shërues. Më poshtë i keni 10 arsye pse duhet ta përfshini shëgën në dijetën tuaj.

Parandalon sëmundjet e zemrës: Shegat janë të mbushura me polifenole që përmbajnë veti të fuqishme të antioksidantëve. Këta antioksidantë parandalojnë radikalet e lira të dëmtojnë muret e arterieve, pra edhe sëmundjet e zemrës. Ato parandalojnë poashtu oksidimin e yndyrës në gjak(kolesterolit), që shkakton formimin e pllakave në gjak dhe zhvillimin e sëmundjeve koronare të arteries.

Zvogëlon shtypjen e gjakut: Shegat ndihmojnë në uljen e shtypjes së gjakut, duke parandaluar aktivitetin e serumo-angitensin të shëndrrohet në enzim. Acidi punikik është një nga përbërësit kryesor të shegës që ndihmon në zvogëlimin e yndyrës në gjak, triglicerideve dhe zvogëlon shtypjen e gjakut. Përmbërësit e shegës poashtu zvogëlojnë rreziqet nga sëmundjet e zemrës, kurse tek njerëzit me sëmundje të diabetit, zvogëlon nivelet e larta lipoproteinen me densitet të vogël(LDL) në gjak.

Parandalon kancerin: Nga sëmundjet e kancerit në prostatë deri tek kanceri i gjinit, mushkërinjëve dhe lëkurës, shega mund të parandalojë dhe trajtojë disa forma të kancerit. Vetia e shijës së kësaj peme lidhet poashtu me prezencën e antioksidantëve polifenol në shegë. Lëngu i shtrydhur i shegës mund të parandalojë rritjen e qëlizave që shkaktojnë tumorin, dhe nxit shkatrrimin natyral të tyre. Komponime të caktuara në shegë kanë edhe aftësi anti-inflamatore që kontribojnë në vetitë e saj anti-kancerogjene.

Ndihmon tretjen: Për të mbajtur një sistem të shëndetshëm të tretjes, duhet të konsumoni edhe burime të ushqimeve që janë të pasura me fibra. Sidoqoftë, për shkak të jetës dinamike, ose vetëm pse ju pëlqen ushqimi jo i shëndetshëm, na habisin neve nga të mirat që ofrojnë fibrat në pemë dhe perime.  Nëse hani nga 1 shegë në ditë, është një mundësi e mirë që ju të merrni fibra për çdo ditë. Një shegë mund të ju plotësojë rreth 45 % të  fibrave që planifikoni t’i merrni në ditë, që në sasi i bie diku rreth 20 deri 35 gram.

Përmirëson imunitetin: Përshkak se përmbajnë komponime anti-inflamatore, shegat janë jashtzakonisht të shendetshme për ata që vuajnë nga çrregullimet që lidhen me imunitetin si për shembull artritis rheumatoid dhe osteroartrits. Ato janë të pasura me vitamina C, që rrisin prodhimin e antitrupave dhe zhvillimin e imunitetit. Për këtë arsye, shegat mund të ju ndihmojnë të keni imunitet dhe përballoni sëmundjet e zakonshme dhe infekcionet.

Rritë dëshirën tuaj seksuale(epshin): Që nga kohërat e lashta, shega është konsideruar si simbol i pjellorisë. Një gotë me lëng të shtrydhur të shëgës rrit nivelin e testosteronit tek femrat dhe meshqit. Kjo veti e bën shegën një afrodiziak natyral që është e mirë per jetën tuaj seksuale. Shega përmban komponime të caktuara që janë të ngjajshme me steroidet për seks që gjenden në trupin e njeriut, duke spjeguar se pse e përmirëson qëndrueshmërinë në seks dhe dëshirën për seks.

Ju bën të dukeni me të rinj: A keni menduar ndonjëherë se pse ne plakemi dhe lëkura jonë me kohë fillon të rrudhet si dhe të shfaqen shenja tjera të moshës së shtyer? Mirë pra, kjo ndodhë për shkak se radikalet e lira ndikojnë  keq në qelizat tuaja. Komponimet polifenolike në shegë janë antioksidantë të fuqishëm që e vonojnë apo shtyejnë procesin e plakjes. Për këtë arsye, në hani vazhdimisht shegë, do të keni lëkurë më të shkëlqyeshme dhe vezulluese për një kohë të gjatë.

Zvogëlon nivelin e stresit: Përveç zvogëlimit të stresit përmes oksidimit të brendshëm të trupit, shega ju ndihmon në zvogëlimin e stresit psiqik që përballeni me te në jetën personale dhe profesionale. Njerëzit që pijnë lëng të shtrydhur të shegës kanë nivele më të vogla të kortizolit, nje hormon i stresit që rritet kur përballeni me ndonjë problem.

E mban sëmundjen Alzheimer larg: Paramendojeni sikur keni humbur dhe harruar se ku jetoni? Nëse nuk do të dëshironit të ju ndodh kjo,  atëherë shegat duhet të jenë pjesë e dijetës tuaj. Shega luan rol të rëndësishëm në trajtimin dhe parandalimin e sëmundjeve te Alzhemerit, shkruan transformohu. Lëngu i shtrydhur i shegës zvogëlon depozimin dhe akumulimin e amiloideve në regjionin e hipokampusit në tru për 50%, që konsiderohet e rëndësishme për përmirësimin nga sëmundja e Alzhemerit.

Shëndeti

Shtatë ushqime që shkaktojnë akne tek të rriturit

Published

on

Ajo që hamë nuk ndikon vetëm në shëndetin e përgjithshëm, por edhe në lëkurën tonë. Disa ushqime mund të shkaktojnë inflamacion dhe të ndikojnë në hormonet, duke çuar në bllokimin e poreve dhe shpërthime aknesh.

Edhe pse gjenetika dhe stili i jetesës luajnë rol të rëndësishëm në zhvillimin e aknes, disa ushqime përkeqësojnë gjendjen. Nëse po përpiqeni të shmangni shpërthimet e të mbani lëkurën të pastër, dermatologët që folën për “Eat This, Not That!” rekomandojnë të shmangni këto shtatë ushqime:

Qumështi i tërshërës (Oat Milk)

Edhe pse është një zëvendësues i njohur për qumështin e lopës, qumështi i tërshërës mund të shkaktojë akne tek disa persona.

“Oat milk ka përmbajtje të lartë karbohidratesh dhe mund të kontribuojë në shfaqjen e aknes,” thotë Dr. Karan Lal, drejtor i dermatologjisë pediatrike dhe kirurgjisë kozmetike në Scottsdale, Arizona. “E kam parë vetë këtë efekt!”

Proteina e hirrës (Whey Protein)

Përdoret në smoothie apo shake për të shtuar proteina, por çon në probleme me lëkurën. “Proteina e koncentruar e hirrës është njësoj sikur të pije 6 deri në 12 litra qumësht,” thotë dermatologia Emily Wood nga Westlake Dermatology, në Marble Falls, Texas.

Ajo shpjegon: “Arsyeja është sepse proteina e hirrës ndikon në rritjen e një faktori që quhet IGF-1 (Insulin-like Growth Factor 1), i cili rrit nivelet e androgjenëve, estrogjenit dhe proliferimin e qelizave të lëkurës (keratinociteve).”

“Androgjenët janë hormone si testosteroni që rrisin aknen. Proliferimi i keratinociteve ndihmon në formimin e komedoneve (pikat e zeza apo të bardha).”

Ushqimet me indeks të lartë glicemik

Këtu përfshihen biskotat, ëmbëlsirat, pijet me sheqer, orizi i bardhë, buka e bardhë dhe karamelet, të lidhura me përkeqësimin e aknes.

“Këto ushqime rrisin nivelin e sheqerit në gjak, që më pas rrit inflamacionin dhe prodhimin e yndyrës në lëkurë,” thotë Dr. Wood.

Dr. Lal pajtohet dhe shton: “Sheqeri në përgjithësi nxit inflamacionin dhe është ‘ushqim’ për bakteret dhe majat që shkaktojnë akne! Mundohuni të shmangni sheqernat e rafinuara dhe zgjidhni burime më të shëndetshme si frutat.”

Suplemente me vitaminë B6 apo B12

Shumë njerëz marrin suplemente por Dr. Wood thotë se këto mund ta përkeqësojnë aknen. Ajo shpjegon: “Një teori është se këto vitamina ndryshojnë mikrobiomën e lëkurës, veçanërisht ndikojnë sjelljen e bakterit Propionibacterium acnes (P. acnes), i cili është një nga shkaktarët kryesorë të aknes.”

Marrja e tepruar e jodit (Iodine)

Sipas Dr. Wood, marrja e tepruar e jodit përkeqëson aknen. “Jodi gjendet në sasi të larta në algat detare dhe suplementet me kelp. Disa smoothie që pretendojnë se ndihmojnë lëkurën përmbajnë gjithashtu këto përbërës,” shpjegon ajo.

Ajo shton: “Kujdes me ato që pini – mund të jenë duke ju përkeqësuar aknen. Nuk dihet saktësisht pse jodi e përkeqëson aknen, por duket se rrit inflamacionin dhe prodhimin e yndyrës në lëkurë.”

Qumështi pa yndyrë (Skim Milk)

Edhe pse është zgjedhje më e shëndetshme për ata që duan të reduktojnë yndyrën, qumështi pa yndyrë mund të shkaktojë akne, studimet vëzhguese kanë treguar një lidhje mes konsumit të qumështit pa yndyrë e rritjes së aknes tek adoleshentët.

Ka disa teori pse ndodh kjo:

Qumështi përmban hormone si androgjenët dhe IGF-1 që ndikojnë në ndryshimet hormonale në trup;

Disa proteina në qumështin pa yndyrë mund të përkeqësojnë aknet;

Qumështi pa yndyrë mund të rrisë insulinën më shumë se qumështi i plotë;

Një tjetër hipotezë lidhet me përmbajtjen e jodit në qumësht, që ndikon në akne;

Dr. Lal shton: “Studimet kanë treguar se qumështi pa yndyrë lidhet me akne, mendojmë se kjo ndodh për shkak të përmbajtjes më të lartë të sheqerit! Zgjidhni më mirë qumështin e bajames apo qumësht të plotë”.

Continue Reading

Shëndeti

Vetëm 7,000 hapa në ditë ulin rreziqet shëndetësore

Published

on

Ecja e përditshme prej vetëm 7,000 hapash mund të mjaftojë për të përmirësuar funksionin e trurit dhe për të mbrojtur organizmin nga disa sëmundje, sipas një studimi të publikuar në The Lancet Public Health, ka raportuar BBC.

Ky numër hapash konsiderohet më real sesa objektivi i zakonshëm prej 10,000 hapash që është i popullarizuar si synim ditor.

“Kemi krijuar përshtypjen se duhet të bëjmë 10,000 hapa në ditë, por kjo nuk bazohet në prova shkencore”, shpjegoi autorja, doktoresha Melody Ding.

Sipas saj, shifra 10,000 hapash vjen nga fushata marketingu e viteve ’60 në Japoni, kur në prag të Lojërave Olimpike të Tokios u hodh në treg matës hapash me emrin manpo-kei, “matës i 10,000 hapave”. Ky numër është kthyer në standard të pashkruar që përdoret nga pajisjet e aplikacionet për aktivitet fizik.

Në studimin e ri janë analizuar të dhëna nga më shumë se 160,000 të rritur në mbarë botën, duke krahasuar ndikimin e ecjes në shëndet.

Në krahasim me personat që bënin vetëm 2,000 hapa në ditë, ata që ecnin 7,000 hapa ishin më pak të rrezikuar nga këto sëmundje:

-Sëmundjet kardiovaskulare – ulen me 25%

-Kanceri – ulet me 6%

-Demenca – ulet me 38%

-Depresioni – ulet me 22%

Sipas studiuesve disa prej këtyre përqindjeve mund të mos jenë të sakta, pasi janë mbështetur në një numër relativisht të vogël studimesh, por mesazhi është i qartë: edhe një numër modest hapash, si 4,000, është dukshëm më i dobishëm sesa koha e kaluar ulur me vetëm 2,000 hapa në ditë.

Për shumicën e gjendjeve shëndetësore, përfitimet kishin tendencë të stabilizoheshin pas 7,000 hapash, për zemrën përfitimet shtoheshin me rritjen e numrit të hapave. Udhëzimet aktuale për aktivitet fizik, si ato të Organizatës Botërore të Shëndetësisë, nuk flasin për hapa, por për kohë: të rriturit këshillohen të bëjnë të paktën 150 minuta aktivitet aerobik të moderuar ose 75 minuta aktivitet intensiv në javë.

Ding ka thënë se kjo mënyrë e përllogaritjes mund të jetë e vështirë për t’u kuptuar, numri i hapave është më konkret dhe i lehtë për t’u ndjekur gjatë ditës.

“Ka njerëz që notojnë, që ngasin biçikletën apo kanë aftësi të kufizuara që nuk u lejojnë të ecin shumë, ndaj udhëzimet ekzistuese janë të domosdoshme. Por rekomandimet për numrin e hapave mund të jenë një shtesë që ndihmon njerëzit të mendojnë për aktivitetin fizik gjatë gjithë ditës”, ka thënë doktoresha.

Edhe ekspertë të tjerë e mbështesin këtë qasje.

“Ky studim sfidon mitin se 10,000 hapa janë të domosdoshëm. Për shumë njerëz, qëllimi prej 5,000 deri në 7,000 hapa është më i arritshëm”, tha doktori Daniel Bailey nga Brunel University në Londër.

Doktori Andrew Scott, shton se “më shumë gjithmonë është më mirë”, këshillon që njerëzit të mos shqetësohen nëse nuk e arrijnë një numër të caktuar çdo ditë.    “Nuk ka rëndësi shifra fikse, sidomos në ditët kur aktiviteti është i kufizuar”, ka thënë ai.

Continue Reading

Shëndeti

Kujdes me limonin! Përdorimi i gabuar mund të dëmtojë shëndetin

Published

on

Ja pse duhet të shmangni ngrirjen dhe konsumimin e lëvores së limonit të tërë.

Limoni është në i shëndetshëmhe rekomandohet për forcimin e imunitetit, përmirësimin e tretjes dhe detoksifikimin e organizmit. Ai është i pasur me vitaminë C që cilët ndihmojnë në mbrojtjen e qelizave nga dëmtimet oksidative. Limoni shkakton edhe dëme të mundshme nëse përdoret gabimisht. Një praktikë që përmendet, por nuk rekomandohet nga ekspertët, është ngrirja e të gjithë limonit, më pas grirja e lëvores dhe konsumimi i saj.

Pse ngrirja e limonit mund të jetë e rrezikshme?

Sipas Food Chemistry Journal, arsyeja qëndron se ngrirja rrit përqendrimin e substancave të pranishme natyrshëm në lëvoren e agrumeve, si psoraleni e disa vajra esencialë citrusi. Kur merren në sasi të mëdha, mund të kenë efekte të padëshiruara, si irritim i sistemit tretës ose, ndikim neurotoksik.

Lëvorja e limonit trajtohet me pesticide dhe dyllë për të zgjatur freskinë gjatë transportit. Ngrirja nuk i shkatërron këto mbetje, madje çon në përqendrim më të lartë të tyre nëse konsumohet lëvorja e grirë.

Çfarë duhet të bëni në vend të kësaj?

Në vend që të ngrini të gjithë limonin, shtrydhni lëngun e ruani të ngrirë në kubikë akulli, ose përdorni lëvoren e freskët në sasi të vogla, duke siguruar që limoni të jetë organik dhe i papërpunuar me kimikate. Para përdorimit, është e këshillueshme të lahet lëvorja me ujë të ngrohtë e sodë buke për të larguar mbetjet e mundshme të pesticideve, paralajmëron European Food Safety Authority.

Limonët janë të shëndetshëm, përdorni me kujdes. Shmangni konsumimin e lëvores së grirë nga limoni për të ulur rreziqet e mundshme për shëndetin tuaj.

 

Continue Reading

Shëndeti

Ja pjesët e trupit që duhen kontrolluar çdo ditë

Published

on

Dr. Mindy Pelz, një mjeke dhe eksperte e njohur ndërkombëtarisht, ka ndarë pesë pjesë të trupit që duhen kontrolluar çdo ditë për të vëzhguar sinjalet e hershme të problemeve shëndetësore – pa qenë nevoja të shkoni te mjeku.

Gjatë një episodi të “podcast”-it The Diary of A CEO, Dr. Pelz, theksoi rëndësinë e një rutine të përditshme vetëkontrolli për të kuptuar nëse trupi po funksionon siç duhet. Ajo përmendi pesë zona: sytë, këmbët, thonjtë, gjuha dhe flokët – secila prej tyre mund të sinjalizojë gjendje të ndryshme shëndetësore.

1. Sytë

Sipas mjekes, pjesa e brendshme e syrit është një nga treguesit më të rëndësishëm të funksionit të mëlçisë. “Nëse shikoni ngjyrë të verdhë në pjesën e bardhë të syrit, kjo mund të tregojë se mëlçia nuk po funksionon siç duhet”, tha ajo.

2. Thembrat e këmbëve

Mund të jenë një tjetër sinjal alarmi. Dr. Pelz shpjegon se kjo gjendje lidhet me qarkullimin e dobët të gjakut e me vështirësinë e trupit për të eliminuar toksinat. “Nëse pjesa e poshtme e këmbëve është e ashpër dhe e çarë, kjo tregon se sistemi juaj nuk po pastrohet siç duhet,” shtoi ajo.

3. Thonjtë

Gjendja e thonjve mund të tregojë mungesë të mineraleve në trup. “Nëse thonjtë janë të brishtë, plasariten shpesh ose rriten shumë ngadalë, kjo mund të jetë një shenjë e mungesës së lëndëve ushqyese thelbësore,” shpjegon ekspertja.

4. Gjuha

Mjekja thekson se është e rëndësishme të shikoni gjuhën çdo mëngjes. “Nëse ka një shtresë të bardhë mbi të, kjo mund të jetë shenjë e pranishmërisë së mykut në organizëm ose e një procesi detoksifikues që po ndodh në trup,” tha ajo.

5. Flokët

Rënia e flokëve nuk është vetëm çështje estetike. Sipas Dr. Pelz, flokët që bien më shumë se zakonisht mund të jenë një shenjë e një problemi më të thellë me shëndetin, duke treguar mungesa ose çrregullime hormonale.

“Ju duhet një rutinë e përditshme për të kuptuar si funksionon trupi juaj,” përfundoi ajo, duke theksuar se vëmendja ndaj këtyre pesë treguesve mund të bëjë ndryshim të madh në mirëqenien tuaj.

Continue Reading

Të kërkuara