Lajmet

Shefi i Wagner mbron videon ku kryhet një vrasje brutale ndaj një mercenari rus

Mercenari, i cili ishte vrasës i dënuar, njoftoi në shtator se kishte ndryshuar anë.

Published

on

Kreu i grupit ushtarak privat rus Wagner ka mbrojtur një video brutale që me sa duket tregon vdekjen e një mercenari që dezertoi në Ukrainë.

Aleati i Putinit, Yevgeny Prigozhin tha se pamjet e paverifikuara të Yevgeny Nuzhin, 55 vjeç, duke u goditur me një çekan ishin “vdekje qeni për një qen”.

Vrasësi i dënuar njoftoi në shtator se kishte ndryshuar anë. Ai po mbahej si rob lufte nga Ukraina – por nuk është e qartë se si përfundoi në videon e re.

Në shtator, pas kapjes së tij nga Ukraina, ai dha detaje të dorëzimit të tij në një intervistë me një gazetar ukrainas.

Ai tha se ishte rekrutuar personalisht nga z. Prigozhin, por hyri në konfliktin në Ukrainë me qëllim që të dorëzohej.

Pamjet e vrasjes u postuan gjatë fundjavës në Telegram në kanalin e lidhur me Wagner, Grey Zone.

Fillon me Nuzhin që përshkruan se si shkoi në front si anëtar i Wagner-it, pasi u rekrutua në gusht. Ai tha se synonte të ndryshonte anë dhe të “luftonte kundër rusëve”.

Pasi u kap nga ukrainasit, ai thotë se u godit në kokë ndërsa ishte në rrugë në Kiev më 11 nëntor – nuk është e qartë pse dhe si ishte i lirë të shëtiste nëpër Kiev.

Pasi u sulmua, humbi ndjenjat dhe u zgjua në bodrumin ku po bëhej filmi.

Pas kësaj, një burrë i paidentifikuar shfaqet duke sulmuar Nuzhin me një çekan. Ai bie në tokë dhe më tej goditet për vdekje.

Prigozhin tha në një deklaratë se “Nuzhin tradhtoi popullin e tij, tradhtoi shokët e tij”.

Ai në mënyrë sarkastike e përshkroi videon si “vepër regjisoriale të shkëlqyer që mund të shikohet në një moment”.

“Mendoj se ky film quhet “A Dog’s Death for a Dog”, shtoi ai.

Ndërkohë Kremlini është përpjekur të distancohet nga video, me zëdhënësin Dmitry Peskov duke thënë se “nuk ishte puna jonë”.

Prigozhin është një ish-restaurator dhe bashkëpunëtor i ngushtë i presidentit rus, Vladimir Putin.

Ai krijoi grupin Wagner, një kompani rekrutimi mercenarësh, në vitin 2014 – por këtë fakt e pranoi publikisht vetëm në shtator.

Grupi u shfaq për herë të parë në Ukrainën lindore në vitin 2014, në fillimin e konfliktit midis forcave ukrainase dhe përfaqësuesve rusë në Donbas, dhe që atëherë është përfshirë në luftimet në Siri dhe disa vende afrikane.

Që nga pushtimi në shkurt, disa nga anëtarët e saj janë akuzuar nga Ukraina për kryerjen e krimeve të luftës.

Në shtator, z. Prigozhin u pa duke rekrutuar të dënuar për Wagner në një burg rus./UBTNews/

Lajmet

​Drita debuton sot në fazën e grupeve të Ligës së Konferencës

Published

on

Në historinë e futbollit kosovar po hapet një faqe e re ku FC Drita  për herë të parë merr pjesë në fazën e grupeve të Ligës së Konferencës.

Skuadra gjilanase e nis aventurën e saj evropiane në Finlandë, ku do të përballet me KuPS-in vendas në Tampere.

Takimi zhvillohet nga ora 18:45 dhe pritet me interes të madh.

Trajneri i Dritës, Zekirija Ramadani para duelit ndaj KuPs thotë se do të jetë vështirë, por duan fitore.

“Do të jetë ndeshje e vështirë, pasi të dy ekipet jemi debutues dhe të dy ekipet e duam fitoren. Duhet të jemi të kujdesshëm, të mbrohemi mirë dhe të sulmojmë me më pak lojtarë, pasi e rëndësishme është të mos pranojmë gol, ” tha Ramadani.

KuPS shihet si favorit në letër, por Drita synon ta sfidojë këtë epërsi dhe të befasojë me rezultat pozitiv në ndeshjen e parë të grupit./S.K/UBTNews/

Continue Reading

Lajmet

Gjykata Supreme shpall të paligjshme Rregulloren për Organizimin e Brendshëm të Punës të Agjencisë së Kosovës për Produkte dhe Pajisje Medicinale

Published

on

By

Gjykata Supreme ka njoftuar se është shpallur e paligjshme dhe është shfuqizuar rregullorja për Organizimin e Brendshëm dhe Sistematizimin e Vendeve të Punës të Agjencisë së Kosovës për Produkte dhe Pajisje Medicinale.

Në njoftimin e Gjykatës Supreme thuhet se pjesa tjetër e kërkesëpadisë së paditësve është refuzuar me të cilën kanë kërkuar që të detyrohet e paditura: Agjencia e Kosovës për Produkte dhe Pajisje Medicinale (AKPPM), me seli në Prishtinë, që të nxjerrë aktin nënligjor normativ në përputhje me dispozitat ligjore.

“Gjykata Supreme e Kosovës në çështjen juridike në konfliktin administrativ sipas padisë së paditësve: L.F., A.V., A.L.Z., Xh.I., P.Gj., L.B., H.S., M.R., A.I., S.T., të cilët i përfaqëson Ardian Bajraktari, avokat, sipas autorizimit, kundër të paditurës: Zyra e Kryeministrit dhe Agjencia e Kosovës për Produkte dhe Pajisje Medicinale (AKPPM), përfaqësuar nga Ministria e Drejtësisë – Avokatura Shtetërore, avokat Bedri Krasniqi, me bazë juridike: shfuqizimin e aktit nënligjor normativ – Rregulloren (ZKM) Nr.04/2025 për Organizimin e Brendshëm dhe Sistematizimin e Vendeve të Punës të Agjencisë së Kosovës për Produkte dhe Pajisje Medicinale, me kërkesë për caktimin e masës së posaçme/përkohshme të sigurimit, në shqyrtimin gjyqësor publik, të mbajtur në praninë e palëve ndërgjyqëse, më datë 22 shtator ka aprovuar pjesërisht të bazuar kërkesëpadinë e paditësve në fjalë”.

Po ashtu, është refuzuar kërkesa për caktimin e masës së përkohshme të sigurimit, me të cilën paditësit kanë kërkuar ndalimin e prodhimit të pasojave juridike të Rregullores, deri në vendosjen meritore sipas kërkesëpadisë”, thuhet tutje në njoftim./D.B/EO

Continue Reading

Lajmet

Trajneri Flick: PSG e meritoi fitoren ndaj Barcelonës

Published

on

Trajneri i Barcelonës, Hansi Flick, e pranoi se Paris Saint-Germain ishte fitues i merituar në ndeshjen e Ligës së Kampionëve kundër katalunasve që u mundën në rezultat 2-1, në Montjuic.

Barcelona kaloi në epërsi me Ferran Torres në minutën e 19-të, por PSG barazoi me 19-vjeçarin Senny Mayulu, ndërsa Gonçalo Ramos shënoi golin e fitores në minutën e 90-të.

“Pas 35 minutash, PSG mori kontrollin e ndeshjes. Nuk luajtëm në nivelin tonë më të mirë dhe ata e merituan fitoren,” tha Flick pas ndeshjes.

Ai foli edhe më tej duke shtuar se lodhja ndikoi në paraqitjen e skuadrës së tij në pjesën e dytë. Madje, Flick pranoi se Barcelona humbi strukturën në lojë dhe u dënua nga gabimet në mbrojtje, por lavdëroi performancën e mbrojtësit Eric Garcia.

“Duhet të mësojmë nga këto ndeshje dhe të përmirësohemi. Në Ligën e Kampionëve duhet të mbrosh dhe të sulmosh me intensitet për 90 minuta,” theksoi ai.

Barcelona tani do të kërkojë rikthimin në sfidën e radhës ndaj Olympiacos, ndërsa PSG përballet me Bayer Leverkusen./S.K/KP/

Continue Reading

Lajmet

Sot përfundon afati për regjistrimin dhe evidentimin e votuesve në hospitalizim dhe të burgosurit

Published

on

By

Komisioni Qendror i Zgjedhjeve (KQZ) njofton se është duke vazhduar periudha për regjistrimin dhe evidentimn e votuesve me nevoja të veçanta për votim në Zgjedhjet Lokale për Kryetarë të Komunave dhe për Kuvende Komunale, të cilët nuk mund të shkojnë në vendvotimin e tyre në ditën e zgjedhjeve.

Sipas KQZ-së, për të mundësuar votimin e personave me nevoja të veçanta, që do të regjistrohen gjatë kësaj periudhe, KQZ do të angazhojë ekipe mobile në çdo komunë të Republikës së Kosovës, në ditën e zgjedhjeve, më 12 tetor 2025, të cilët do të shkojnë në adresat e caktuara të votuesve të regjistruar.

Votues në institucione konsiderohen votuesit me zotësi juridike, me lëvizje të kufizuar në ndonjë institucion: votuesit në hospitalizim, njerëzit e moshuar në shtëpitë e caktuara për të moshuarit, personat në trajtim në institucionet e shëndetit mendor, të burgosurit në burgje dhe të paraburgosurit në qendrat e paraburgimit”, thuhet në njoftim.

KQZ në bashkëpunim me institucione relevante bën evidentimin e këtyre votuesve.

Votuesit me lëvizje të kufiziuar në institucione dhe të evidentuar prej tyre konsiderohen si votues të regjistruar, ndërkaq votuesit që ndodhen në institucione të hospitalizimit, shtëpitë e të moshuarëve dhe strehimoret për mbrojtjen e viktimave, mund të regjistrohen edhe individulisht përmes platformës elektornike”, thuhet në njoftim.

Sipas KQZ-së, votues me nevoja të veçanta, konsiderohen votuesit me zotësi juridike që nuk mund të dalin nga shtëpitë e tyre për të votuar personalisht në vendvotim, për shkak të paaftësisë fizike, shëndetësore ose çfarëdo paaftësie tjetër.

Regjistrimi i këtyre votuesve mund të bëhet përmes platformës elektronike ose fizikisht në Komisionin Komunal të Zgjedhjeve në komunën ku është votuesi.

Ndërkaq, votues në rrethana të veçanta konsiderohen votuesit që për shkaqe sigurie dhe votusit që janë në arrest shtëpiak nuk mund të votojnë në vendovitimin e tyre të caktuar.

Regjistrimi i votuesve që për shkaqe sigurie nuk mund të votojnë në vendvotim bëhet përmes platfomës elektronike të KQZ-së si dhe duke kërkuar asistimin e Komisionit Komunal të Zgjedhjeve në komunën ku është votuesi, ndërkaq, KQZ në bashkëpunim me institucionet përkatëse bën evidentimin e qytetarëve me të drejtë vote që ndodhen nën masën e arrestit shtëpiak”, thuhet në njoftim.

Zgjedhjet lokale do të mbahen më 12 tetor./D.B/KP

Continue Reading

Të kërkuara