Lajmet

Shefi i politikës së jashtme të BE-së propozon sanksione ndaj ministrave izraelitë

Published

2 years ago

on

Kryediplomati i BE-së, Josep Borrell, ka propozuar sanksionimin e ministrave izraelitë për gjuhë të urrejtjes dhe nxitje për krime lufte, në një përpjekje tjetër për të ashpërsuar përgjigjen e bllokut ndaj luftës së Izraelit në Gaza.

“Kam nisur procedurën për të pyetur shtetet anëtare nëse duan (të) përfshijnë në listën tonë të sanksioneve disa ministra izraelitë (të cilët) kanë lëshuar mesazhe urrejtjeje, mesazhe të papranueshme urrejtjeje kundër palestinezëve dhe kanë propozuar gjëra që bien në kundërshtim me ligjin ndërkombëtar, dhe (janë) një nxitje për të kryer krime lufte”, u tha Borrell gazetarëve të enjten në mëngjes.

Ai foli para një takimi jozyrtar të 27 ministrave të jashtëm të bllokut në Bruksel, ku një vendim për sanksionimin e ministrave izraelitë nuk mund të merret zyrtarisht dhe nuk ka gjasa të fitojë mbështetje unanime.

Ndërsa Borrell nuk i përmendi ministrat në fjalë, ai së fundmi ka reaguar ndaj deklaratave dhe veprimeve të ministrit të sigurisë kombëtare të Izraelit, Itamar Ben-Gvir dhe ministrit të financave, Bezalel Smotrich./UBTNews/

Related Topics:
Continue Reading

Lajmet

Arrestohet një person në Podujevë, dyshohet se shtyu zyrtaren policore

Published

7 minutes ago

on

September 22, 2026

By

Një person është arrestuar në Podujevë pasi dyshohet se ka përdorur fjalë fyese dhe ka shtyrë një zyrtare policore.

Rasti ka ndodhur më 21 shtator, rreth orës 15:08.

I dyshuari është intervistuar dhe, me vendim të prokurorit, është liruar në procedurë të rregullt./A.K/

Continue Reading

Lajmet

Dyshohet për kontrabandim me migrantë në Vërmicë, ndalohet një person

Published

9 minutes ago

on

September 22, 2026

By

Policia ka ndaluar një automjet me targa vendore në Vërmicë, ku janë gjetur katër migrantë, shtetas të huaj.

Rasti ka ndodhur më 21 shtator, rreth orës 04:00. Automjeti drejtohej nga një i dyshuar mashkull kosovar.

I dyshuari është intervistuar dhe, me vendim të prokurorit, është liruar në procedurë të rregullt.

Ndërkohë, migrantët janë trajtuar nga institucionet përkatëse dhe më pas janë dërguar në qendrën strehimore./A.K/

Continue Reading

Lajmet

Dy persona sulmojnë me kaçavidë një burrë në Ferizaj

Published

11 minutes ago

on

September 22, 2026

By

Një burrë në Ferizaj ka kërkuar ndihmë mjekësore pasi dyshohet se është therur me një mjet të mprehtë, konkretisht kaçavidë, nga dy persona të panjohur.

Rasti është raportuar më 21 shtator, rreth orës 22:30.

Viktima ka marrë tretman mjekësor dhe më pas është liruar.

Policia ka bërë të ditur se rasti po hetohet./A.K/

Continue Reading

Lajmet

Tre të dyshuar për materiale të shfrytëzimit seksual të fëmijëve në Prizren dhe Drenas

Published

14 minutes ago

on

September 22, 2026

By

Policia e Kosovës ka identifikuar tre persona të dyshuar për veprën penale “Materiale me përmbajtje të shfrytëzimit dhe keqpërdorimit seksual të fëmijëve”.

Rasti është raportuar më 21 shtator në Prizren dhe Drenas. Si prova materiale janë sekuestruar tre telefona celularë.

Njëri nga të dyshuarit është arrestuar dhe, pas intervistimit, është liruar në procedurë të rregullt, ndërsa dy të dyshuarit e tjerë janë ftuar për intervistim.

Rasti mbetet në procedurë hetimore, njofton Policia e Kosovës./A.K/

Continue Reading

Të kërkuara