Lajmet

SHBA “sytë” mbi Ballkanin Perëndimor

“Korrupsioni kudo dëmton drejtpërdrejt politikën e jashtme, sigurinë kombëtare dhe shëndetin ekonomik të SH.B.A”.

Published

on

SHBA i ka sytë mbi Ballkani Perëndimor, ku bën pjesë edhe Shqipëria me një qëllim të vetëm të ndëshkojë personat që kanë kryer korrupsion në vendet e tyre.

Ka qenë sërish ambasadorja e SHBA-së, Yuri Kim që ka përcjellë mesazhin, pas presidentit Joe Biden kësaj radhe të Sekretarit Amerikan të Shtetit, Antony Blinken, ku i është shpallur luftë e hapur korrupsionit, keqpërdorimit të pasurive publike, shpronësimit të pasurive private për përfitime personale ose qëllime politike apo ryshfet.

Sekretari Amerikan i Shtetit, Antony Blinken shprehet përmes deklaratës se do të luftojnë pandëshkueshmërinë për personat që janë përfshirë në korrupsion në Ballkanin Perëndimor dhe në të gjithë botën.

Presidenti Amerikan Joe Biden një ditë më parë nxori një urdhër të ri ekzekutiv që përfshin ish-vendet e Federatës Jugosllave dhe Shqipërinë, i cili parashikon bllokimin e pronave dhe ndalim të hyrjes në SHBA të personave që kontribuojnë në destabilizimin e Ballkanit Perëndimor.

Blinken ka rikujtuar urdhrin e presidentit amerikan, ku parashikohen sanksione kundër personave që destabilizojnë rajonin duke minuar institucionet demokratike dhe shtetin e së drejtës ose duke shkelur të drejtat e njeriut.

Nuk dihet ende nëse ky është një mesazh për Shqipërinë, pas shpalljes non grata të ish-kryeministrit Sali Berisha.

Ky mesazh i përcjellë nga ambasadorja vjen pas shkarkimit të presidentit Ilir Meta nga deputetët me 104 vota pro, ndërsa pritet vendimi i Gjykatës Kushtetuese për ta rrëzuar nga posti i kreut të shtetit.

Bazuar në dosjen e përgatitur nga Komisioni Hetimor, Meta ka kryer 16 shkelje në Kushtetutë, ku përfshihet frymëzim i dhunës, përfshirje në fushatë elektorale, ndërhyrje në punën e Gjykatës Kushtetuese apo Prokurorisë.

Postimi i plotë i Sekretarit Amerikan të Shtetit:

Shtetet e Bashkuara janë të përkushtuara për të siguruar stabilitetin dhe sigurinë e Ballkanit Perëndimor, duke lejuar vendet në rajon të përmbushin potencialin e tyre si demokraci të lira dhe të prosperuara. Ne jemi të përkushtuar gjithashtu në luftimin e korrupsionit dhe demonstrimin e përparësive të qeverisjes transparente dhe të përgjegjshme. Shtetet e Bashkuara e dinë që korrupsioni kërcënon barazinë ekonomike, përpjekjet globale kundër varfërisë dhe zhvillimin dhe vetë demokracinë. Korrupsioni kudo dëmton drejtpërdrejt politikën e jashtme, sigurinë kombëtare dhe shëndetin ekonomik të Shteteve të Bashkuara dhe partnerëve dhe aleatëve tanë. Kjo është arsyeja pse ne jemi të përkushtuar të promovojmë llogaridhënie dhe të luftojmë mosndëshkimin për ata që janë përfshirë në korrupsion të rëndësishëm në Ballkanin Perëndimor dhe në të gjithë botën.

Në vazhdim të këtij angazhimi, Presidenti Biden lëshoi ​​sot një Urdhër Ekzekutiv (E.O.) që ndërton dhe zgjeron E.O.-të e mëparshme, duke modernizuar regjimin e sanksioneve të Ballkanit Perëndimor duke përfshirë referenca në Marrëveshjen e Prespës 2018 dhe Mekanizmin Ndërkombëtar të Mbetjeve për Tribunalet Penale. Për më tepër, E.O i ri parashikon sanksione kundër personave veprimet e të cilëve destabilizojnë rajonin duke minuar institucionet demokratike dhe shtetin e së drejtës ose duke shkelur të drejtat e njeriut. Për të adresuar më mirë rrjetet e korrupsionit në të gjithë rajonin, Shqipëria është shtuar në fushën e E.O.

E.O. gjithashtu autorizon vendosjen e sanksioneve ndaj individëve dhe subjekteve përgjegjëse për korrupsionin në rajon, duke përfshirë keqpërdorimin e pasurive publike, shpronësimin e pasurive private për përfitime personale ose qëllime politike, ose ryshfet. E gjithë pasuria dhe interesat në pronën e personave të caktuar në përputhje me këtë E.O. që janë ose vijnë brenda Shteteve të Bashkuara ose zotërimi ose kontrolli i personave të SH.B.A.-së janë bllokuar dhe personave të Sh.B.A-së zakonisht u ndalohet të përfshihen në transaksione me ta. Përveç kësaj, individët e sanksionuar nën këtë E.O. nuk janë të ligjshëm për të hyrë në Shtetet e Bashkuara dhe nuk janë të ligjshëm për një vizë amerikane. Angazhimi ynë për të promovuar demokracinë, transparencën dhe llogaridhënien, në të gjithë Ballkanin Perëndimor është i palëkundur dhe në përputhje me standardet që vendet e rajonit duhet të përmbushin për të siguruar qëllimet e tyre për të përparuar në rrugën Evropiane.

“Korrupsioni kudo dëmton drejtpërdrejt politikën e jashtme, sigurinë kombëtare dhe shëndetin ekonomik të SH.B.A.-së dhe partnerëve dhe aleatëve tanë. Kjo është arsyeja pse ne jemi të përkushtuar të promovojmë llogaridhënie dhe të luftojmë pandëshkueshmërinë për ata që janë përfshirë në korrupsion të rëndësishëm”, shkruan  ambasadorja në Twitter.

Continue Reading

Rajoni

Rektori Hajrizi: Studentët e UBT-së, të gatshëm për tregun global të punës

Published

on

UBT ka dëshmuar se është institucioni lider në arsim, shkencë dhe inovacion në Kosovë e rajon, duke nxjerrë kuadro profesionale që sot kontribuojnë në kompani e industri të nivelit botëror. Në një intervistë në FIVE të Dukagjinit, Rektori i UBT-së, Prof. Dr. Edmond Hajrizi, thekson se përmes programeve moderne dhe industrive të krijuara brenda institucionit, studentët përgatiten jo vetëm për tregun e punës vendor, por edhe për atë global.

“Ne prodhojmë 400 arkitektë në vit, dhe nuk është se ka aq kompani vendore për t’i absorbuar. Ata punojnë për kompani globale. Po ashtu, ne përgatisim 1.000 programerë çdo vit, dhe kërkesa nuk është vetëm në Kosovë. Janë të mjaftueshme për tregun vendor, por ka kërkesa edhe në nivel botëror”, tha Rektori Hajrizi.

Ai nënvizoi se UBT ka arritur të harmonizojë kërkesat e tregut të punës me programet akademike, duke krijuar kushte që studentët të kenë qasje në teknologjitë më të reja, sikurse universitetet dhe industritë më të zhvilluara të botës.

“Studenti ynë ka mundësi të mësojë e të punojë me teknologjitë më të fundit, njësoj sikur studentët e universiteteve elitare në botë. Ne kemi krijuar edhe industri të brendshme, kompani ku studentët përjetojnë të gjithë ciklin organizativ të teknologjive dhe të kompanive moderne, në mënyrë që kur të dalin në treg të jenë të gatshëm menjëherë”, u shpreh Rektori.

Ai veçoi si shembull programet e arkitekturës dhe urbanizmit, ku studentët përgatiten me koncepte moderne të projektimit, por edhe fushën e “smart cities”, ku UBT është shembull ndërkombëtar për ndërtimin e qyteteve të mençura.

“Smart cities janë e ardhmja e qyteteve dhe e organizimit modern. Ne kemi treguar se edhe nga Kosova mund të ndërtohen modele të tilla të suksesshme. Nuk ka teknologji që e gjen në Amerikë, Gjermani apo Japoni, e që nuk mund ta hasësh edhe në UBT”, theksoi Hajrizi.

Duke folur për rolin e UBT-së në rajon, Rektori nënvizoi se institucioni ka qenë gjithmonë pararojë me programe unike dhe inovative, duke filluar që nga viti 2001 me menaxhimin inxhinierik, mekatronikën dhe më pas me teknologjitë e reja.

“Besoj se për Ballkanin gjithmonë kemi qenë një lloj lidershipi. Ne kemi qenë të parët që kemi hapur programe moderne, kemi krijuar qendra kërkimore dhe jemi pozicionuar ndërkombëtarisht, nga Londra, Vjena, deri në Finlandë. Ky është tregues se UBT është institucion proaktiv dhe inovativ në nivel global”, theksoi ai.

Në fund, Rektori Hajrizi potencoi se studentët e UBT-së nuk duhet të kenë kompleks inferioriteti, sepse tashmë kanë dëshmuar se janë të barabartë, madje shpesh më të mirë se bashkëmoshatarët e tyre në universitete ndërkombëtare.

“Shumë prej tyre sot punojnë në Zvicër, Gjermani, Amerikë, e më gjerë, duke kontribuar në zhvillime globale. Ky është konfirmim se UBT po udhëheq në Ballkan, duke prodhuar dije e kuadro të nivelit botëror”, përfundoi Rektori Hajrizi.

Continue Reading

Vendi

Në UBT Ferizaj u organizua sesioni informues për bursën prestigjioze Chevening Scholarship

Published

on

UBT Ferizaj ishte mikpritës i një sesioni të veçantë informues për bursën prestigjioze Chevening Scholarship, me pjesëmarrjen e përfaqësuesve të Ambasadës Britanike në Kosovë, në bashkëpunim me Chevening Alumni Foundation in Kosovo.

Gjatë këtij aktiviteti, studentët e UBT-së në Ferizaj u njohën me procesin e aplikimit, kriteret e përzgjedhjes dhe afatet e rëndësishme, si dhe morën këshilla praktike për një aplikim të suksesshëm.

Ky aktivitet synoi të nxisë interesimin e studentëve për të aplikuar në bursën Chevening dhe të ofronte njohuri të thelluara mbi mundësitë që kjo bursë ofron pas përfundimit të studimeve, si zhvillimi i aftësive profesionale dhe krijimi i perspektivave të reja karrierike.

Continue Reading

Lajmet

Kosova e Turqia vazhdojnë bashkëpunimin në fushën e mbrojtjes

Published

on

By

Komandanti i Forcës së Sigurisë së Kosovës, gjenerallejtënant Bashkim Jashari, ka pritur sot në takim shefin e Mbrojtjes së Turqisë, gjeneral Selçuk Bayraktaroğlu, me të cilin ka biseduar për zgjerimin e bashkëpunimit në fushat e trajnimeve, edukimit dhe mbështetjes në ngritjen e kapaciteteve ushtarake të FSK-së.

Jashari me këtë rast falënderoi Bayraktaroğlu për mbështetjen e vazhdueshme që Turqia i ka dhënë FSK-së në ngritjen e kapaciteteve profesionale, raporton KosovaPress.

Ndërsa, shefi i Mbrojtjes së Turqisë ri-konfirmoi përkushtimin e vendit të tij për të vazhduar dhe thelluar bashkëpunimin me FSK-në, duke vlerësuar lart zhvillimin dhe profesionalizmin e ushtrisë së Kosovës.

Të dy gjeneralët u pajtuan për vazhdimin e zgjerimit të mëtutjeshëm të bashkëpunimit bilateral në fushën e mbrojtjes, thuhet në njoftimin e FSK-së./D.B/KP

Continue Reading

Lajmet

UBT dhe AMIK nisin projektin “Inkuadrimi i Vajzave në Ndërmarrësi” me trajnimin e parë

Published

on

Në ambientet e Parkut Shkencor, Inovativ dhe Teknologjik të UBT-së u zhvillua hapja e projektit “Inkuadrimi i Vajzave në Ndërmarrësi”, një iniciativë e organizuar nga UBT në bashkëpunim me AMIK – Asociacioni i Institucioneve Mikrofinanciare të Kosovës.

Ky aktivitet ka për qëllim fuqizimin e vajzave dhe grave të reja përmes ofrimit të njohurive praktike, mentorimit dhe krijimit të mundësive të reja për angazhim në botën e ndërmarrësisë. Pjesëmarrëset do të pajisen me shkathtësi të rëndësishme për të ndërmarrë iniciativa profesionale dhe për të kontribuar në zhvillimin ekonomik dhe social të vendit, duke rritur mundësitë e tyre për punësim, krijim të bizneseve të vogla dhe inovacion.

Në hapje të aktivitetit, u theksua rëndësia e partneritetit mes institucioneve akademike dhe sektorit financiar për mbështetjen e gjeneratës së re të sipërmarrësve.

Rektori i UBT-së, Prof. Dr. Edmond Hajrizi, vuri në pah se projektet e tilla janë të nevojshme për të krijuar një platformë të qëndrueshme për ndërmarrësi dhe zhvillim ekonomik në nivel vendi, dhe se bashkëpunimi me sektorin financiar dhe organizatat që mbështesin inovacionin është kyç për suksesin e vajzave të reja.

Zëvendësguvernatorja e Bankës Qendrore të Kosovës, Nesrin Shileku-Shala, i inkurajoi pjesëmarrëset duke theksuar rëndësinë e edukimit financiar, planifikimit dhe guximit për të ndërmarrë iniciativa të reja, duke u bërë modele suksesi për komunitetet e tyre.

Drejtori i Bordit të AMIK, Adrian Alo, theksoi se fuqizimi i vajzave përmes projekteve të ndërmarrësisë kontribuon në stabilitetin ekonomik dhe përfshirjen sociale, duke nxitur edhe zhvillimin e sektorit mikrofinanciar dhe inovacionin në vend.

Përfaqësuesi i AMIK, Prof. Shpresim Vranovci, nënvizoi rëndësinë e mentorimit dhe krijimit të rrjetit të kontakteve për pjesëmarrëset, si një element kyç për arritjen e suksesit profesional dhe zhvillimin e projekteve të reja sipërmarrëse.

Ndërsa, Drejtori i Departamentit për Edukim dhe Zhvillim Profesional në UBT, Prof. Dr. Besnik Skenderi, theksoi se institucioni mbetet i përkushtuar të ofrojë platforma praktike për zhvillimin e studentëve dhe të rinjve, duke i lidhur ata me sektorët strategjikë të ekonomisë dhe aktorë që kontribuojnë drejtpërdrejt në krijimin e mundësive të reja për punësim, ndërmarrësi dhe inovacion.

Ky projekt shënon një hap të rëndësishëm drejt përfshirjes së vajzave dhe grave në ekonominë inovative dhe ndërmarrëse të vendit, duke nxitur një kulturë të barazisë, sipërmarrësisë dhe zhvillimit të qëndrueshëm ekonomik dhe social.

Continue Reading

Të kërkuara