Lajmet
ShBA: Shtohen përplasjet në Partinë Demokratike rreth dhunës së Izraelit në Gaza dhe mbi popullsinë palestineze
Një numër i demokratëve të kongresit po rrisin presionin mbi administratën e Biden për t’u angazhuar më me forcë në problemin izraelito-palestinez ndërsa dhuna në Gaza intensifikohet, duke zbuluar një ndryshim delikat në mënyrën se si demokratët kanë folur për Izraelin për dekada dhe një çarje të vogël në parti për politikën e jashtme.
Ndryshimi vjen pasi ka ende mosmarrëveshje brenda partisë rreth asaj se sa larg duhet shkuar. Ata që janë në skajet progresive janë duke u përpjekur të bllokojnë një marrëveshje armësh prej 735 milionë dollarësh të bërë me Izraelin, por ka pak shanse që kjo të ndodhë.
“Do të ishte e tmerrshme që Administrata e Biden të kalonte me 735 milionë dollarë në armatim të drejtuar me precizion ndaj Netanyahu pa asnjë varg të lidhur në vazhdën e përshkallëzimit të dhunës dhe sulmeve ndaj civilëve”, tha Ilhan Omar, një demokrate nga Minesota. “Kjo do të shihet si një dritë jeshile për përshkallëzimin e vazhdueshëm dhe do të ulë çdo përpjekje për të ndërmjetësuar një armëpushim”, deklaroi ajo.
Demokratët në Komitetin e Punëve të Jashtme të Dhomës u takuan të hënën për të diskutuar situatën në Izrael dhe shitjen e propozuar të armëve. Burimet anonime thanë se kishte një diskutim të gjallë të situatës.
“Një grup ligjvënësish në mënyrë agresive u morën me çështjen e shitjes së armëve, ndërsa një tjetër këmbënguli se Izraeli meriton të drejtën për të mbrojtur veten”, tha një burim.
Të hënën, presidenti Joe Biden lëshoi deklaratë “shprehu mbështetjen e tij për një armëpushim dhe diskutoi angazhimin e SHBA me Egjiptin dhe partnerë të tjerë drejt këtij qëllimi”. Një pozicion i mbajtur nga shumë demokratë.
E diela shënoi ditën më vdekjeprurëse të dhunës izrealite mbi civilët palestinezë gjatë javës deri më tani, sipas të dhënave nga Ministria Palestineze e Shëndetësisë, ku sulmet izraelite vranë të paktën 52 palestinezë në Gaza.
Kryetarja e Dhomës, Nancy Pelosi, ka shprehur mbështetje për Izraelin, që tradicionalisht ka qenë qëndrimi i partisë, por progresistët po rriten gjithnjë e më të zëshëm që administrata të dënojë Izraelin dhe të ndërpresë mbështetjen ushtarake për vendin derisa të ndryshojë politikat ndaj palestinezëve.
“Tani është koha për të bërë biseda serioze rreth kushtëzimit të ndihmës ushtarake”, tha Alexandria Ocasio-Cortez.
Edhe demokratët kanë ngritur shqetësime, pas një sulmi ajror izraelit në ndërtesat e mediave ndërkombëtare Al-Jazeera dhe AP.
Përveç një armëpushimi, Kaine, i cili qëndron në Komitetin e Marrëdhënieve të Jashtme të Senatit, tha se ka hapa të tjerë që administrata duhet të marrë gjithashtu.
“Unë mendoj se do të ishte mirë nëse ekipi i Biden mund të emërojë një të nominuar me të vërtetë me cilësi të lartë për të qenë ambasador në Izrael. Unë mendoj se duhet të përpiqemi të përdorim kombet arabe që kanë normalizuar marrëdhëniet me Izraelin, për t’u përpjekur t’i vëmë në tryezë për të ndihmuar në promovimin e një stabiliteti më të madh në Bregun Perëndimor dhe Gaza. Por fillimisht duhet të fillojmë me armëpushimin”, deklaroi ai./UBTNews
(Arjeta Ibishi, studente në Media dhe Komunikim në UBT)
Lajmet
Profesorët e UBT-së përfaqësojnë institucionin në konferencën ndërkombëtare të projektit COWEB në Sarajevë
Profesorët Dr. Engelbert Zefaj dhe Dr. Mentor Shaqiri përfaqësuan UBT-në në konferencën punuese ndërkombëtare të projektit COWEB, e cila u mbajt në Sarajevë, në ambientet e International Burch University.
Gjatë konferencës, përfaqësues nga universitete partnere të rajonit prezantuan punimet dhe rezultatet e tyre kërkimore, duke ndarë përvoja mbi zhvillimin e praktikave të reja në mësimin virtual bashkëpunues.
Në këtë kuadër, profesori i UBT-së Dr. Engelbert Zefaj mbajti një prezantim me temën: “Kultura dhe Ndërkulturaliteti në Mësimin Virtual Bashkëpunues (VCL): Ndikimet Pedagogjike dhe Vlerësimi i Studentëve”, ku theksoi rëndësinë e bashkëpunimit ndërkulturor dhe ndikimin pozitiv të tij në përmirësimin e përvojës së të nxënit.
Projekti COWEB ka për qëllim ndërtimin e kapaciteteve në institucionet e arsimit të lartë në Ballkanin Perëndimor për bashkëpunim ndërkombëtar virtual, duke promovuar pedagogji inovative dhe bashkëkrijimin e përmbajtjeve digjitale që forcojnë aftësitë dhe kompetencat e shekullit XXI.
Nëpërmjet pjesëmarrjes aktive në këtë projekt, UBT vazhdon të dëshmojë rolin e tij si një ndër institucionet lidere në avancimin e metodave bashkëkohore të mësimdhënies dhe në nxitjen e bashkëpunimit akademik ndërkombëtar në rajonin e Ballkanit Perëndimor.
2 hapa të thjeshtë për të parandaluar formimin e mykut në lavatriçe
Messi, rikthim i shkurtër te Barcelona?
Kura shtëpiake për gjunjë të fortë dhe pa inflamacion
Sonte në UBT TV: Podcast me Profesorin Gaz Ejupi
Mike Tyson kërkon revansh me Jake Paul
Jennifer Lawrence flet për bashkëpunimin e qetë dhe profesional me Robert Pattinson
Si të ulni shtypjen e gjakut me vetëm këtë ushqim?
Bellingham dhe Foden rikthehen në kombëtaren e Anglisë
Bruce Willis, buzëqesh në plazh gjatë një daljeje të rrallë publike
-
Lajmet2 months agoProfesori i UBT-së, Bahri Gashi, pjesë e rrjetit prestigjioz ndërkombëtar të recensimit shkencor në Taylor & Francis
-
Aktualitet2 weeks agoProfesoresha e UBT-së, Marigona Bekteshi-Ferati, fituese e bursës prestigjioze Fullbright Visiting Scholar, Profesor Vizitor dhe Post Doktoraturë
-
Rajoni1 month agoPolicia, FSK-ja dhe Shërbyesit Civilë përfitojnë bursë 20 për qind në programet Master Shkenca Politike dhe Studime të Sigurisë në UBT
-
Vendi2 months agoVotoni për UBT-në dhe Rektorin Hajrizi në Triple E Awards: Dy nominime të reja ndërkombëtare për institucionin dhe Kosovën