Kryeministri polak, Donald Tusk thotë se vendi i tij po e diskuton mundësinë se si mund të ndihmojë në sigurimin e energjisë për Ukrainën para dimrit, derisa sulmet ruse po vazhdojnë të godasin infrastrukturën energjetike të Ukrainës.

Rusia shënjestroi sistemin energjetik ukrainas në dimrin e parë të luftës dhe rinovoi sulmin e saj në rrjet në mars pasi Ukrainës po mbaronte rezervat e raketave të mbrojtjes ajrore perëndimore.

Ministria ruse e mbrojtjes ka thënë se po godet kompleksin ushtarako-industrial të Ukrainës dhe objektet energjetike në shenjë hakmarrjeje për sulmet e Kievit në objektet energjetike ruse./UBTNews/

Agjencia e Statistikave të Kosovës (ASK) do t’i bëjë publike të dhënat paraprake të Regjistrimit të Popullsisë, Ekonomive Familjare dhe Banesave (ReKos 2024) në Kosovë më 12 Korrik 2024.

Në njoftimin e bërë për media thuhet se, me rastin e shpalljes së rezultateve paraprake të Regjistrimit të Popullsisë 2024, përfaqësues të lartë të institucioneve vendore e ndërkombëtare do ta përshkruajnë rëndësinë e të dhënave të Regjistrimit të Popullsisë (ReKos 2024) për zhvillimin e Kosovës, duke theksuar gjithashtu rëndësinë e tyre nga perspektiva evropiane dhe të tjera.

Ndryshe, para disa muajsh në Kosovë ka përfunduar procesi i regjistrimit të popullsisë.

Dhomat e Specializuara në Hagë kanë publikuar të dy versionet e para të aktakuzës së përbashkët në çështjen Januzi, Bahtijari dhe Haxhi Shala.

Në njoftimin e lëshuar thuhet se versioni i redaktuar publik i asaj aktakuze është aktualisht i disponueshëm dhe mund të shihet këtu.

“ZPS-ja dorëzoi aktakuzë të përbashkët konfidenciale më 12 janar 2024. Versioni i redaktuar publik i saj u parashtrua më 3 korrik 2024 dhe mund të lexohet në Dokumentacionin Gjyqësor Publik. Më pas, më 8 shkurt 2024, Gjykatësi I Procedurës Paraprake udhëzoi ZPS-në ta parashtronte sërish aktakuzën, gjë që u bë më 27 shkurt 2024”.

“Versioni i redaktuar publik i asaj aktakuze është aktualisht i disponueshëm dhe mund të shihet këtu. Pas kësaj, ZPS-ja kërkoi ta ndryshonte atë aktakuzë dhe kjo kërkesë është ende për shqyrtim prej Gjykatësit të Procedurës Paraprake”, thuhet në njoftim.

Në aktakuzën e publikuar, sipas Zyrës së Prokurorit të Speciales, thuhet se më 5 prill 2023, Bahtijari i ishte afruar dëshmitarit 1 dhe i kishte thënë të tërhiqte dëshminë.

“Procedurat e KSC-së dhe (ii) i konfirmuan Dëshmitarit 1 se dështimi për ta bërë këtë mund të rezultonte me vrasjen e Dëshmirarit 1 ose djalit të Dëshmitarit 1”, thuhet në njoftim.

Çmimet e çajit në Indi janë rritur ndjeshëm dhe ka të ngjarë të mbeten të larta për shkak të valëve të të nxehtit dhe përmbytjeve në kulmin e sezonit të korrjes në rajonet kryesore prodhuese, kanë paralajmëruar kultivuesit dhe tregtarët.

Rritja e çmimeve mund të ndihmojë sektorin e sëmurë, i cili ka luftuar me rritjen e kostove të prodhimit gjatë dhjetë viteve të fundit.

“Kushtet ekstreme të motit po dëmtojnë prodhimin e çajit i cili ka rënë për shkak të nxehtësisë së tepërt në maj dhe përmbytjeve të vazhdueshme në Assam”, tha mbjellësi Prabhat Bezboruah, ish-kryetar i Bordit të Çajit të Indisë. Prodhimi u prek gjithashtu nga vendimi i qeverisë për të ndaluar 20 pesticide, shtoi Bezboruah.

Prodhimi i çajit në Indi ra me më shumë se 30 për qind në maj nga i njëjti muaj i vitit të kaluar, duke rënë në 90.92 milionë kilogramë, niveli më i ulët për këtë muaj në më shumë se një dekadë, për shkak të nxehtësisë së tepërt dhe reshjeve të pakta.

Shteti federal i Assam, në veri-lindje të Indisë, u shkatërrua nga përmbytjet. Assam prodhon më shumë se gjysmën e çajit të Indisë.

Në javën e fundit të qershorit, çmimi mesatar i një kilogrami çaji u rrit në 217,53 rupi (2,61 dollarë), që përfaqëson një rritje prej gati 20 për qind krahasuar me të njëjtën periudhë të vitit të kaluar, sipas Bordit të çajit.

Në Indi, më shumë se gjysma e çajit të kultivuar korret midis korrikut dhe tetorit. Këtë vit, çmimet mesatare të çajit mund të jenë 16 deri në 20 për qind më të larta se vitin e kaluar. India eksporton kryesisht çaj të zi në Egjipt dhe Britaninë e Madhe, dhe gjethe të thata çaji në Irak, Iran dhe Rusi.