Magazinë

Sharon Stone tregon për debatin e ashpër me Michael Douglas

Published

1 year ago

on

Aktorja Sharon Stone ka zbuluar se ka pasur përplasje të ashpër verbale me kolegun e saj nga filmi “Basic Instinct”, Michael Douglas, para se të punonin së bashku në filmin që i bëri të famshëm në vitin 1992.

Në një intervistë për Business Insider, Stone rrëfeu se grindja ndodhi në Festivalin e Kanës dhe ndikoi në mënyrën si u zgjodh për rolin.

“Ai nuk donte ta nxirrte prapanicën e tij lakuriq në ekran me një të panjohur, dhe unë e kuptoja këtë. Ai nuk pranoi as të bënte një provë me mua, por kjo ndodhi edhe për një arsye tjetër: kishim debatuar më parë”, ka thënë ajo.

Stone ka kujtuar se gjithçka pati nisur gjatë një bisede me një grup njerëzish, ku Douglas foli për dikë dhe fëmijët e tij.

“Unë e njihja mirë këtë person për të cilin po fliste. Thashë diçka e më kthehet: ‘Çfarë dreqin di ti?’ Ishte në lidhje me një marrëdhënie babë-fëmijë”, tha ajo.

Ajo ka treguar se ishte e habitur nga reagimi i tij i fortë përpara gjithë të pranishmëve.

“E qartë që ishte prekur. Më bërtiti në prani të gjithë grupit. Dhe unë nuk jam nga ato që thonë ‘më fal, superyll’. Shtyva karrigen mbrapa dhe i thashë: ‘Hajde të flasim jashtë’”, ka treguar aktorja.

Stone ka thënë se i sqaroi në detaje pse e njihte aq mirë atë familje:

“I shpjegova çfarë dreqin dija për familjen për të cilën fliste, isha shoqe e ngushtë me fëmijët dhe prindin. Pastaj u ndamë, jo si miqtë më të mirë, por në mënyrë të qytetëruar”, ka thënë ajo.

Sipas saj, ky incident bëri që Douglas të mos e donte si bashkëprotagoniste në “Basic Instinct”.

“Kur erdhi puna te përzgjedhja për filmin, nuk besoj se ai donte që unë të isha partnerja e tij në skenë”, ka thënë ajo.

Megjithatë, përfaqësuesi i Michael Douglas, Allen Burry, ka thënë për People se aktori 80-vjeçar është “shumë i habitur” nga pretendimet e Stone.

“Ai nuk e mban mend asnjë debat të tillë në atë periudhë”, ka thënë Burry.

Sipas Burry, Douglas e kishte parë për herë të parë Stonein në një video me regjisorin Paul Verhoeven dhe kishte thënë se “Pa dyshim, ajo është e duhura.”

Ai ka shtuar se aktori “pa dyshim ka kaluar kohë me Sharonin në Kanë”, por vetëm kur po promovonin “Basic Instinct”, dhe se “deri në kohën kur përfunduan filmin, ishin bërë miq”.

Pavarësisht gjithçkaje, Stone ka thënë se dinamika e tensionuar mes tyre ndihmoi që personazhet të funksiononin më mirë në ekran.

“Michael ka temperament, dhe mua nuk më bëri përshtypje. Kjo e ndihmoi dinamikën tonë”, ka thënë ajo duke theksuar se çdo gjë ka mbetur në të kaluarën dhe tani janë miq të ngushtë.

“Në fund, u bëmë miqtë më të mirë, deri sot. E admiroj jashtëzakonisht”, ka thënë ajo.

Related Topics:
Continue Reading

Lajmet

Apple i jep lamtumirën, modeli ikonë shpallet zyrtarisht i vjetëruar

Published

16 minutes ago

on

August 17, 2026

By

I lansuar në vitin 2017, iPhone X shënoi një ndryshim të madh në historinë e iPhone.

Apple hoqi butonin Home dhe Touch ID, duke prezantuar Face ID, ndërsa pajisja solli për herë të parë ekranin OLED dhe dizajnin me korniza shumë të holla.

Apple garanton zakonisht pjesë dhe shërbime për të paktën pesë vjet, ndërsa në disa raste mbështetja mund të zgjasë deri në shtatë vjet, në varësi të disponueshmërisë së pjesëve.

Me kalimin e iPhone X në kategorinë e produkteve të vjetruara, pronarët që kanë nevojë për riparime ose pjesë zëvendësuese do të duhet të mbështeten kryesisht te serviset e palëve të treta.

Megjithëse kanë kaluar rreth nëntë vjet nga prezantimi i tij, iPhone X mbetet një nga modelet që ndryshoi më shumë pamjen dhe funksionimin e iPhone.

Face ID, ekrani OLED dhe dizajni pa butonin Home u bënë standarde për gjeneratat që pasuan.

Për shumë përdorues, largimi i iPhone X nga lista e produkteve të mbështetura shënon fundin e një prej kapitujve më të rëndësishëm në historinë e Apple./A.K/

Continue Reading

Lajmet

Selena Gomez dhe nëna e saj përballen me padi, investitorët pretendojnë mashtrim financiar

Published

3 days ago

on

August 14, 2026

By

Selena Gomez dhe nëna e saj, Mandy Teefey, janë paditur nga investitorët e kompanisë së shëndetit mendor Wondermind, të cilët pretendojnë se janë mashtruar lidhur me gjendjen financiare të biznesit.

Sipas padisë, investitorët kishin investuar 1.2 milionë dollarë, duke besuar se kompania kishte infrastrukturën, drejtimin dhe burimet e nevojshme për sukses. Ata pretendojnë se, në realitet, Wondermind ishte në prag të falimentimit.

Paditësit thonë gjithashtu se u ishte premtuar se Selena Gomez do të angazhohej aktivisht në marketing dhe se kompania kishte siguruar partneritete me kompani të mëdha. Sipas tyre, këto pretendime nuk ishin të vërteta.

Ata pretendojnë se aplikacioni i premtuar nuk u ndërtua dhe se disa iniciativa për gjenerimin e të ardhurave nuk u realizuan.

Investitorët thonë se problemet financiare të kompanisë i mësuan vetëm pas një raportimi të The Cut në vitin 2025, ku u zbulua edhe se Wondermind kishte shkurtuar rreth 60 për qind të stafit.

Wondermind u themelua në vitin 2021 nga Selena Gomez, Mandy Teefey dhe Daniella Pierson. Investitorët kanë kërkuar që çështja të shqyrtohet nga një juri. Përfaqësuesit e Gomez dhe Teefey nuk kanë komentuar ende mbi padinë./A.K/

Continue Reading

Lajmet

Nick Reiner përballet me akuzë të re për vrasjen e prindërve të tij

Published

3 days ago

on

August 14, 2026

By

Një juri e madhe në Los Angeles ka ngritur aktakuzë të re ndaj Nick Reiner, i akuzuar për vrasjen e prindërve të tij, regjisorit dhe aktorit Rob Reiner dhe fotografes e producentës Michele Singer Reiner.

Aktakuza, e miratuar më 20 korrik dhe e bërë publike të mërkurën, përmban edhe pretendimin se Nick Reiner i kishte pritur prindërit para sulmit.

Rob dhe Michele Reiner u gjetën të vrarë me thikë në shtëpinë e tyre në lagjen Brentwood të Los Angelesit më 14 dhjetor. Nick u arrestua disa orë pas ngjarjes dhe më pas u akuzua zyrtarisht. Ai është deklaruar i pafajshëm.

Ngritja e aktakuzës nga një juri e madhe përbën një hap të rëndësishëm drejt procesit gjyqësor. Prokuroria ende nuk ka vendosur nëse do të kërkojë dënimin me vdekje, ndërsa akuza për pritë mund të ketë peshë të rëndësishme në procedurat e mëtejshme ligjore./A.K/

Continue Reading

Lajmet

Kompozitori kosovar nderohet në Kalabri me titullin “Artist i Merituar i Arbërisë”

Published

3 days ago

on

August 14, 2026

By

Kompozitori kosovar Xhevdet Gashi është nderuar në Kalabri me titullin “Artist i Merituar i Arbërisë”, në kuadër të Çmimit Ndërkombëtar “Morea”.

Vlerësimi iu dha gjatë edicionit të 43-të të “Rassegna del Costume e della Cultura Arbëreshe”, të mbajtur në Vaccarizzo Albanese, një prej qendrave të komunitetit arbëresh në Itali.

Gjatë ceremonisë, Gashi tha se ky vlerësim ka një domethënie të veçantë për të, pikërisht sepse vjen nga një komunitet që prej shekujsh ka ruajtur gjuhën, traditat dhe identitetin arbëresh.

Kompozitori e cilësoi dekoratën jo vetëm si një vlerësim personal, por edhe si një urë lidhëse mes shqiptarëve dhe arbëreshëve.

“Këtë dekorim nuk e marr vetëm si shpërblim për vete, por si një urë lidhëse midis arbëreshëve dhe shqiptarëve përtej detit”, u shpreh Gashi.

Manifestimi në Kalabri bashkoi muzikën, artin dhe trashëgiminë kulturore, duke vënë në pah përpjekjet e vazhdueshme të komunitetit arbëresh për ruajtjen e identitetit të tij ndër shekuj.

Në përmbyllje të fjalës, Gashi përcolli një urim simbolik: “Ju faleminderit edhe një herë dhe të rrojë Arbëri./A.K/

Continue Reading

Të kërkuara