Sport

Shaqiri do të largohet nga Liverpooli, mësohen katër skuadrat që duan shërbimet e tij

Publikuar

Xherdan Shaqiri do të largohet nga Liverpooli gjatë afatit kalimtar veror.

Ylli nga Kosova nuk ka pasur hapësirat e duhura këtë edicion dhe synon që të transferohet te ndonjë skuadër ku luan rregullisht dhe ndihet i rëndësishëm.

Mediat në Angli kanë raportuar se Liverpooli e ka nxjerr në shitje anësorin gjilanas dhe se kërkon 15 milionë euro për ta lënë të lirë.

Deri më tani janë katër skuadra që janë vënë pas reprezentuesit zviceran, ku në Serie A ka një derbi lokal për t’i siguruar shërbimet e tij.

Dy skuadrat nga kryeqyteti italian, Roma dhe Lazio e duan transferimin e tij, pasi Shaqiri shihet si një lojtar që do ta bënte diferencën.

Në rast transferimi në Serie A, për Shaqirin do të ishte një rikthim në kampionatin italian, ku më parë ka luajtur për gjashtë muaj te Interi.

Por në garë për t’i siguruar shërbimet e futbollistit shtatshkurtër janë edhe Sevilla dhe gjiganti turk Fenerbahce.

I sigurt është vetëm largimi i tij nga Liverpooli, por jo edhe skuadra në të cilën mund të transferohet.

Gjatë ditëve të ardhshme mund të shfaqet ndonjë skuadër nga Liga Premier që dëshiron shërbimet e tij, pasi më parë ishin klube si West Ham United apo Newcastle që kërkonin shërbimet e Shaqirit.

29-vjeçari këtë edicion ka zhvilluar 29 ndeshje me The Reds, ku ka shënuar një gol dhe ka bërë katër asistime.

Sport

Po ndiqet nga Juventusi, klubi rus i vendos çmimin futbollistit të Kombëtares

E së fundmi skuadra që po e ndjek futbollistin e Kombëtares është Juventusi.

Publikuar

nga

Paraqitjet e fundit të Mario Mitajt kanë bërë që skuadra të mëdha evropiane t’i kthejnë sytë nga ai. E së fundmi skuadra që po e ndjek futbollistin e Kombëtares është Juventusi dhe drejtuesit e torinasve ishin prezent gjatë miqësoreve të muajit mars.

Me “Zonjën e Vjetër” që ka nisur të punojë për sezonin e ri dhe kërkon të ndryshojë faqe, duke ndjekur profile të rinj në merkato, preferon sigurisht lojtar me kosto jo të lartë.

Jo vetëm Juve, ‘TuttoSport’ shkruan se Mitaj është në sytë e shumë klubeve të tjera, për më tepër që djaloshi do të marrë pjesë në “Euro2024” ku e ka vendin e sigurt në formacionin e Sylvinhos.

Në Evropian, Mitaj do të ketë vëmendjen edhe për arsyen se Shqipëria do të luajë kundër Kombëtareve si Italia, Spanja dhe Kroacia, për këtë është i qartë edhe Giuntoli i cili nuk dëshiron të humbas kohë dhe ka nisur kontaktet e para me drejtuesit e Lokomotivë Moskës.

Klubi rus e vlerëson me 8-10 milionë euro kartonin e Mitajt, një shifër e përballueshme për “Zonjën e Vjetër” pasi anësori kuqezi konsiderohet si një lojtar me shumë potencial./UBTNews/

Vazhdo të lexosh

Sport

Shkatërroi vilën luksoze, Arturo Vidal do të përballet me Gjykatën

Mirëpo aventura e fundit në Brazil do ta ndjekë pasi mesfushori është i detyruar të paraqitet në Gjykatë.

Publikuar

nga

Në afatin kalimtar të janarit, Arturo Vidal u transferua nga Flamengo te Colo-Colo, me kilianin që dëshironte që vitet e mbetura të karrierës t’i shpenzonte me klubin ku filloi gjithqka.

Mirëpo aventura e fundit në Brazil do ta ndjekë pasi mesfushori është i detyruar të paraqitet në Gjykatë për arsye se akuzohet që nuk ka paguar qeranë e vilës luksoze ku ai jetonte në Brazil.

Ish-mesfushori i Juventusit dhe Interit ka një borxh të mbledhur prej 230 mijë dollarë ndaj pronarit të vilës, ndërsa një tjetër problem është edhe fakti se Vidal nuk është kujdesur për ambientin ku jetonte.

Sipas menaxherit të pronës në Brazil, Vidal përveçse ka shkaktuar dëme dhe nuk e ka mirëmbajtur vilën, ai e ka dëmtuar atë. Tashmë do të jetë Gjykata ajo që do të vendosë për 36-vjeçarin që me shumë gjasa do t’i duhet të shpenzojë një shumë marramendëse për të mbyllur punët me drejtësinë braziliane./UBTNews/

Vazhdo të lexosh

Sport

Stadiumi “Fadil Vokrri” shumë shpejt me një fushë të re hibride

I pari i MKRS-së ka konfirmuar nisjen e punimeve për rinovimin e tërësishëm të fushës.

Publikuar

nga

Ministri i Kulturës, Rinisë dhe Sportit, Hajrulla Çeku pak çaste më parë përmes një postimi në Facebook ka njoftuar se punimet për rindërtimin e tërësishëm të fushës së stadiumit “Fadil Vokrri” kanë filluar.

I pari i MKRS-së ka konfirmuar nisjen e punimeve për rinovimin e tërësishëm të fushës.

Investimi i paraparë për këtë projekt arrin një shifër rreth 1.3 milion euro dhe pritet të perfundohet në verë, në mënyrë që të jetë gati për paraqitjen e klubeve kosovare në arenen ndërkombëtare./UBTNews/

Vazhdo të lexosh

Sport

Dy spanjollë në listën e transferimeve të Manchester Unitedit

Mediat britanike bëjnë të ditur se trajneri Erik ten Haag ka hedhur sytë nga futbollistët spanjollë, duke u kërkuar drejtuesve që të sjellin dy prej tyre në “Old Trafford”.

Publikuar

nga

Manchester United ka filluar të mendojë për objektivat e sezonit të ardhshëm, duke përgatitur edhe listën e futbollistëve që do të synojë të transferojë gjatë merkatos së verës. Mediat britanike bëjnë të ditur se trajneri Erik ten Hag ka hedhur sytë nga futbollistët spanjollë, duke u kërkuar drejtuesve që të sjellin dy prej tyre në “Old Trafford”.

I pari është Dani Olmo, mesfushori i Leipzigut, i cili po shkëlqen në Bundesliga këtë sezon. Mirëpo Olmo ndiqet edhe nga klube të tjera të Premier Leagues, teksa për të siguruar shërbimet e tij, “Djajtë e Kuq” do të duhet të paguajnë 60 milionë euro, aq sa është e parashikuar në klauzolën e kontratës së tij me Leipzig.

Futbollisti tjetër për të cilin bëhet fjalë është sulmuesi Joselu. 34-vjeçari është në pronësi të Espanyolit, mirëpo aktualisht gjendet i huazuar Real Madrid dhe si duket ‘Los Blancos’ nuk do të aktivizojnë blerjen e kartonit të tij.

Plani i Unitedit është të marrin Joselu në “Old Trafford” për një çmim jo më shumë se 5-6 milionë euro dhe ta përdorin si zëvendësues të danezit Rasmus Hojlund, i cili nuk mund të mbajë i vetëm peshën e repartit ofanziv.

Joselu ka luajtur edhe më herët në Premier League gjatë karrierës së tij, ku ka veshur fanellat e klubeve si Stoke City dhe Newcastle, ndaj shihet si emri i duhur për të qëndruar pas shpinës së Hojlund te Manchester United./UBTNews/

Vazhdo të lexosh

Të kërkuara