Sport

Shaqiri, blerja më e shtrenjtë në histori të Chicago Fire

Chicago e bleu atë nga Lyoni për 7 milionë euro, duke u bërë kështu blerja më e shtrenjtë në histori të klubit.

Published

5 years ago

February 10, 2022

Betim Gashi

Pas disa javësh spekulimesh, Chicago Fire njoftoi të mërkurën zyrtarisht se ka nënshkruar me shqiptarin, Xherdan Shaqiri.

Chicago e bleu atë nga Lyoni për 7 milionë euro, duke u bërë kështu blerja më e shtrenjtë në histori të klubit.

30-vjeçari ka nënshkruar kontratë deri në vitin 2024 me Chicagon dhe do ta veshë fanellën me numrin 10.

Ai largohet nga Evropa pas disa viteve të suksesshme fillimisht me Bayern Munich, ku fitoi Ligën e Kampionëve në vitin 2013 dhe më pas me Liverpoolin, ku fitoi Premierligën dhe gjithashtu Ligën e Kampionëve në vitin 2019.

Shaqiri deri më tani në karrierë ka fituar nëntë trofe dhe ka shënuar 102 gola për klube dhe Zvicrën. /Gazeta Express/

Vendi

Akil Gjakova mbyll garën pa medalje në Abu Dhabi

Published

8 hours ago

October 30, 2026

UBTNews

Xhudisti kosovar Akil Gjakova e ka mbyllur pa medalje paraqitjen e tij në Grand Slam-in e Abu Dhabit, pasi u mposht në përballjen e drejtpërdrejtë për vendin e tretë.

Në kategorinë deri në 73 kilogramë, Gjakova u ndal në luftën për medaljen e bronztë nga xhudisti rus Karen Galstian. Pejani e nisi garën i lirë në xhiron e parë, ndërsa në të dytën mposhti me Ippon izraelitin Ohad Moritz. Suksesin më të madh e shënoi në raundin e tretë ku eliminoi nënkampionin e botës, Makhmadbek Makhmadbekov, po ashtu me Ippon në kohën shtesë.

Pasi u mposht në çerekfinale nga azerbajxhanasi Hidayat Heydarov, Gjakova kërkoi suksesin përmes repesazhit, por nuk arriti të ngjitej në podiumin e fituesve. /E.A/

Vendi

Laura Fazliu fiton të bronztën në Grand Slam

Published

9 hours ago

October 30, 2026

UBTNews

Laura Fazliu ka fituar medalje të bronztë në Grand Slamin e xhudos në Abu Dabi.

Në luftë për medalje të bronztë, Laura e mposhti bartësen e parë, kroaten Iva Oberan.

Lufta ishte e barabartë, ndërsa në kohën shtesë Laura realizoi hedhje të bukur për fitore me “Ippon”.

Laura fitoi 500 pikë në renditjen botërore. /E.A/

Vendi

Laura Fazliu kalon në gjysmëfinale të Grand Slam-it në Abu Dhabi

Published

11 hours ago

October 30, 2026

UBTNews

Xhudistja kosovare Laura Fazliu po vazhdon me sukses paraqitjen e saj në Grand Slam-in e xhudos që po heldet në Abu Dhabi, duke siguruar një vend në gjysmëfinale të këtij turneu me rëndësi.

Fazliu e nisi garën duke qenë e lirë në xhiron e parë. Në raundin e dytë, ajo mposhti me Waza-ari garuesen nga Portugalia, Joana Crisostomo. Forma e mirë e xhudistes kosovare u konfirmua edhe në çerekfinale, ku me Ippon mposhti me dominim përfaqësuesen vendase nga Emiratet e Bashkuara Arabe, Tsendbazar Mashbat.

Në luftën për të siguruar finalen e madhe, Laura Fazliu do të përballet në gjysmëfinale me xhudisten nga Polonia, Angelika Szymanska. /E.A/