Lajmet

Shala për dorëheqjet në veri: Po shkatërrohet integrimi i gjyqësorit, zëvendësimi i tyre s’mund të bëhet nëse s’janë serbë

Ai foli edhe për dorëheqjet e kryetarëve të katër komunave veriore të Kosovës.

Published

3 years ago

on

Hulumtuesi i lartë në Institutin e Kosovës për Drejtësi, Gzim Shala e ka vlerësuar si të dëmshme për sistemin e drejtësisë, dorëheqjen e gjyqtarëve dhe prokurorëve në veri të Kosovës.

Ndonëse ka thënë se dorëheqja e deputetëve dhe ministrave të Listës Serbe nuk përbën ndonjë rrezik për mosfunksionim të Kuvendit apo Qeverisë, e kundërta thotë se mund të ndodhë me sistemin e drejtësisë në veri.

Duke folur për këto dorëheqje, Shala u shpreh se sistemi gjyqësor do të jetë i “paralizuar”, pasi me marrëveshjen e Brukselit kërkohet njëjtit të zëvendësohen me gjyqtarë dhe prokurorë serbë. Ai foli edhe për dorëheqjet e kryetarëve të katër komunave veriore të Kosovës. Sipas tij, në këtë rast presidentja duhet t’i zëvendësojë ato vende.

“Tërheqja e serbëve është e dëmshme për shumë sektor, tek gjyqtarët dhe prokurorët integrimi që ka ndodhur ka qenë një e arritur e konsiderueshme për faktin se deri në atë kohë nuk ka pasur shërbime dhe gjyqësori nuk ka qenë i integruara dhe ka pasur probleme ne sferën e drejtësisë. Tash këto dorëheqje që janë bërë e rëndojnë situatën në gjitha drejtimet. Proceduralisht është e lehtë se në rastin e kryetarëve të komunave, presidentja i shpall zgjedhjet, në rastin e deputetëve të njëjtit miratohet dorëheqja dhe shkon tekë presidentja për zëvendësim të deputetëve, në rastin e gjyqtarëve dhe prokurorëve miratohet dorëheqja nga ana e Këshillit Gjyqësor të Kosovës dhe në fund vendimin e merr presidentja”, tha Shala.

“Mirëpo në gjyqësor do të krijojnë një situatë jashtëzakonisht problematike për zëvendësimin e të njëjtëve, për shkak se të njëjtit kërkojnë që të zëvendësohen me gjyqtarë dhe prokurorë serbë dhe në këtë situatë nuk besohet që Këshilli Gjyqësor do të kishte mundësi që t’i plotësonte këto pozita që kanë mbetur. Në këtë rast do të cenohej edhe administrimi i drejtësisë në gjithë këtë pjesë. Për këto çështje BE-ja duhet të marr një qëndrim të prerë në mënyrë që të sigurohet zbatimi i marrëveshjeve”, tha tutje Shala.

Shala ka thënë se në sistemin juridik, nuk njihet si praktikë zëvendësimi i përkohshëm, dhe si i tillë të njëjtit nuk mund të zëvendësohen. Ai e ka quajtur të dëmshëm largimin nga institucionet gjyqtarët dhe prokurorët, teksa e quan edhe shkatërrim i integritetit të KGjK-së dhe KPK-së.

“KGJK-ja dhe KPK- ja duhet ta ketë parasysh faktin se nëse të njëjtit largohen nga institucionet, gjyqtaret dhe prokurorët, definitivisht se shkatërrohet integrimi i gjyqësorit në Këshillin Gjyqësor dhe në Këshillin Prokurorial, kjo është e para. E dyta KGJK dhe KPK duhet ta ketë parasysh se tërheqja e tyre nga Gjykatat dhe Prokurorit e rëndon shumë administrimin e drejtësisë në këto komuna. Duhet gjetur një mënyrë se si mund të dilet nga kjo situatë, për tu rikthyer në pikën zero. Këto pozita nuk mund të zëvendësohen përkohësisht”, u shpreh Shala.

Të dielën, katër kryetarët bashkë me këshilltarët komunalë kanë dhënë dorëheqje nga këto pozita. Të gjitha këto veprime u ndërmorën nga serbët për shkak të vendimit për targa të marrë nga Qeveria e Kosovës.

Related Topics:
Continue Reading

Lajmet

Rama nga Londra: Kosova s’duhet të merret me Serbinë, por të përmbushë detyrimet ndaj BE-së

Published

5 hours ago

on

October 21, 2025

By

Në Londër po zhvillohet një tryezë me temën “Ballkani Perëndimor dhe Bashkimi Europian”, ku ndër folësit kryesorë është edhe kryeministri i Shqipërisë, Edi Rama.

I pyetur për pozicionin e Kosovës në rajon dhe për ecurinë e saj drejt anëtarësimit në Bashkimin Europian, Rama u shpreh se Prishtina duhet të fokusohet tek përmbushja e detyrimeve që burojnë nga dialogu me Serbinë dhe jo tek vetë raportet dypalëshe.

“Që të jetë e suksesshme Kosova duhet të harrojë Serbinë, fjalë për fjalë dhe duhet të realizojë të gjitha pikat që kanë të bëjnë me dialogun e ndërmjetësuar nga BE-ja, pavarësisht nga Serbia, pra ata t’ia lënë topin në fushë Serbisë dhe të ecin para drejt Europës duke lënë Europën të merret me Serbinë dhe mos ta lënë çështjen e Serbisë të shndërrohet në çështje fajësimi midis të dyjave. Megjithatë, është mendimi im ky, unë respektoj atë që vendosin udhëheqësit e zgjedhur të Kosovës për vendin e tyre”, tha ai./EO

Continue Reading

Lajmet

Supremja: Pranohet ankesa e kandidatit të pavarur për kryetar të Kllokotit, rrëzohet vendimi i PZAP-së

Published

5 hours ago

on

October 21, 2025

By

Kolegji i Gjykatës Supreme e ka pranuar si të bazuar ankesën e kandidatit të pavarur për kryetar të Komunës së Kllokotit, Arber Emini, dhe ka prishur vendimin e Panelit Zgjedhor për Ankesa dhe Parashtresa (PZAP), të datës 15.10.2025.

Sipas Supremes, çështja është kthyer në rivendosje në PZAP.

“Bazuar në shkresat e lëndës, Arber Emini me datë 13.10.2025, është ankuar në PZAP, me pretendimin se “me datë 12.10.2025 në Zgjedhjet Lokale në Kllokot, Serbia ka ndërhyrë në sistemin zgjedhor në Komunën e Kllokotit, duke fabrikuar dëshmi mjekësore serbe të strukturave paralele për t’u shfrytëzuar votuesit me asistencë të përdorin këtë vërtetim mjekësor”, thuhet në komunikatë.

Më tej thuhet se Gjykata Supreme e Kosovës vlerëson se PZAP, gabimisht ka vendosur kur e ka hedhur poshtë ankesën e ankuesit, për faktin se nga pretendimet që dalin nga ankesa, i njëjti është ankuar për procesin dhe parregullsitë gjatë ditës së votimit dhe jo kundër rezultateve preliminare të tabuluara nga KQZ, ashtu siç ka pretenduar PZAP në vendimin e saj.

“Andaj, në rivendosje, PZAP, udhëzohet që t’i evitojë shkeljet e theksuara në Aktvendimin e Gjykatës Supreme, AA.nr.93/2025, dhe të vendos në mënyrë meritore lidhur me ankesën e kandidatit të pavarur për kryetar të Komunës së Kllokotit, Arber Emini”, thuhet në njoftim.

Zgjedhjet e rregullta komunale janë mbajtur më 12 tetor./KP

Continue Reading

Lajmet

Rrahje dhe gjuajtje me armë zjarri në qendër të Podujevës, policia jep detaje

Published

6 hours ago

on

October 21, 2025

By

Pak qaste më parë ka ndodhur një rrahje dhe gjuajtje me armë zjarri në Podujevë.

Lajmin e ka konfirmuar Flora Ahmeti zëdhënëse e Policisë së Kosovës për Rajonin e Prishtinës.

Sipas Ahmetit lidhur me këtë rast policia ka shoqëruar në stacion policor katër persona, prej tyre 1 dëshmitar dhe tre persona të dyshuar të cilët ishin të përfshirë në rast.

Ajo tha se sot rreth orës 14:30 është pranuar informata për një rrahje dhe shkrepje të armës në Podujevë.

“Me të marrë informatën policia, ka dalë në vendin e ngjarjes nga ku jemi njoftuar se si pasojë e rrahjes nga një mjet i fortë (shkop) është lënduar një person i cili është dërguar për trajtimin e nevojshëm mjekësor. Lidhur me këtë rast policia ka shoqëruar në stacion policor katër persona, prej tyre 1 dëshmitar dhe tre persona të dyshuar të cilët ishin të përfshirë në rast”, thuhet në përgjigjen e zëdhënëses Ahmeti.

Ajo ka shuar se aktualisht policia po vazhdon punën për zbardhjen e rrethanave dhe motiveve që karakterizojnë ngjarjen./KP

Continue Reading

Lajmet

​Vdes në moshën 29-vjeçare kampioni amerikan i shahut

Published

7 hours ago

on

October 21, 2025

By

Kampioni amerikan i shahut dhe komentatori online Daniel Naroditsky ka ndërruar jetë në moshën 29-vjeçare.

Sipas BBC, familja e tij e përshkroi vdekjen si të papritur, pa dhënë shkakun.

Naroditsky ishte një lojtar i talentuar, edukator dhe komentator, i njohur për kanalin e tij në YouTube me afro 500,000 abonentë dhe stream-et në Twitch me 340,000 ndjekës.

Ai luajti një rol kyç në popullarizimin e përmbajtjes së shahut online.

Ai filloi shahun në moshën 6 vjeç, fitoi Kampionatin Botëror të të Rinjve nën 12 vjeç në 2007, dhe në 2013 u bë Grandmaster i SHBA-së. Naroditsky u diplomua në Stanford dhe punoi si trajner shahu në Charlotte, Karolina e Veriut.

Shumë kolegë dhe fansa e përshkruan si një inspirim, historian të shahut dhe dikë që e bënte lojën argëtuese dhe të thjeshtë për të gjithë./S.K/KP/

Continue Reading

Të kërkuara