Leonardo DiCaprio ka qenë sërish në qendër të vëmendjes, këtë herë jo për një rol të ri kinematografik, por për stilin e tij të pazakontë në dasmën luksoze të Jeff Bezosit dhe Lauren Sánchezit, të zhvilluar në Venecia.

Aktori hollivudian, i njohur për paraqitjet e tij të rafinuara në tapetin e kuq, u shfaq me një kombinim që u komentua gjerësisht në rrjetet sociale: një smoking klasik i zi i kombinuar me një kapele sportive që i mbulonte pothuajse tërë fytyrën.

Kjo pamje e pazakontë e DiCaprio-s, ndërsa ecte drejt vendit të ceremonisë në ishullin San Giorgio Maggiore, nuk i shpëtoi syrit të pjesëmarrësve dhe aq më pak atij të internetit. Ndërkohë që përpiqej të qëndronte nën radar, koka me mbishkrimin “Los Angeles Dodgers” e bëri të pamundur këtë përpjekje – përkundrazi, e bëri një nga figurat më të përfolura të mbrëmjes.

Reagimet në rrjet nuk munguan. Disa e morën me humor, duke komentuar se aktori “po përpiqej të ishte i padukshëm, por përfundoi në qendër të gjithë vëmendjes”. Të tjerë e ironizuan me batuta si: “Leo, ky nuk është një mision sekret”, apo “Hiqe kapelen, nuk je në stadium”.

Beyoncé është përballur me një valë kritikash pas performancës së saj në Paris në kuadër të turit Cowboy Carter, ku u shfaq me një bluzë që shumë e konsideruan fyese ndaj popujve indigjenë.

Bluza e veshur nga këngëtarja gjatë një koncerti për nder të Juneteenth (dita që shënon fundin e skllavërisë në SHBA) paraqiste figurat e Buffalo Soldiers, njësi të ushtrisë amerikane të përbëra nga ushtarë afrikano-amerikanë që vepruan nga fundi i shekullit XIX deri në fillim të shekullit XX.

Por, problemi lindi nga mbishkrimi në pjesën e pasme të bluzës, ku thuhej:

“Armiqtë e tyre ishin armiqtë e paqes, rendit dhe vendbanimeve: indigjenët luftarakë, banditët, hajdutët e bagëtive, vrasësit, kontrabandistët, shkelësit e ligjit dhe revolucionarët meksikanë.”

Foto dhe video të performancës me këtë bluzë janë të publikuara edhe në faqen zyrtare të Beyoncé.

Shumë ndjekës, aktivistë indigjenë dhe personalitete të rrjeteve sociale kanë reaguar ashpër ndaj përshkrimit që i bëhet në bluzë amerikanëve indigjenë dhe revolucionarëve meksikanë, duke e cilësuar atë si anti-indigjene dhe përkrahëse të imperializmit amerikan.

Kritikat u shtuan edhe më shumë nga aktivistë, studiues dhe artistë indigjenë, por edhe nga fansa të vetë këngëtares, të cilët kërkojnë një falje nga ajo.

Kush ishin Buffalo Soldiers?

Ishin pjesë e 6 njësive të ushtrisë amerikane të krijuara pas Luftës Civile të SHBA-së më 1866. Përbëheshin nga ish-skllavë të liruar, njerëz të lirë me ngjyrë e veteranë të Luftës Civile. Ata morën pjesë në qindra konflikte, nga lufta me Spanjën, deri te Lufta e Parë dhe e Dytë Botërore, derisa u shpërbënë më 1951.

Ndërsa roli i tyre në historinë amerikane është i rëndësishëm, diskutimi aktual rreth bluzës së Beyoncé ka hapur një debat të thellë mbi mënyrën se si paraqiten kapituj të ndërlikuar të historisë, dhe se kush mbetet viktimë e kësaj narrative.

Netflix publikoi të premten sezonin e tretë të serialit të njohur korean “Squid Game”.

Është një nga serialet më të suksesshme të Netflix, duke shkaktuar bujë globale. Sezoni i parë u publikua më 2021, ndërsa sezoni i dytë në fund të vitit 2024.

Krijuesi i Hwang Dong-hyuk punoi në sezonin e parë për vite me radhë, ndërsa sezonet e dyta e të treta erdhën si rezultat i suksesit të sezonit të parë.

Përdorues të Reddit besojnë se sezoni i tretë është më i mirë se i dyti për shkak të skenarit më dinamik dhe më të errët, situatave më emocionale dhe skenës së fundit. Megjithatë, kur bëhet fjalë për fundin, fansat janë të ndarë.

Sezoni 3 i kthen shikuesit në korridorin e arenës pas të shtënave, ku rojet vrasin protestuesit e mbetur dhe e kthejnë Gi-hun në dhomë me konkurrentët tjerë. Në një moment, tensioni rritet midis tij e Dae-ho, vendos të qëndrojë në dhomë të mos përfshihet në sherr pasi supozohej të siguronte më shumë municion.

Çdo ndeshje që pasoi në sezonin e tretë solli tension në rritje, pasi lojtarët u përballën me njëri-tjetrin në një “fushatë të përgjakshme” për fitore.

Intrigë shtesë krijohet nga ndërrimi i roleve, ku lojtarët e mirë në luftën për jetën bëhen edhe të këqij, dhe ka nga ata, ndërgjegjja e të cilëve ishte më e fortë se instinkti për të mbijetuar, gjë që çon në skena emocionale dhe të prekshme.

Ngjarja e serialit pasurohet nga shfaqja e personazheve VIP, të cilët shijojnë atë që kanë përpara, por një i porsalindur që bëhet lojtar.

Nuk duhet të harrojmë veprimin që zhvillohet jashtë ishullit, i cili përshkruan edhe marrëdhënien midis luftës për jetë dhe vendimeve të drejta.

Kritiku i filmit Shannon Miller i thotë IGN se seriali gjen rrugën e tij drejt një fundi të paharrueshëm. Edhe pse ai nuk e konsideron sezonin e tretë pa të meta, ai thekson se ai ende ofron tension që do t’ju mbajë “zgjuar”.

“Lojërat e reja dhe ciklet e traumave nxjerrin në pah mizorinë e universit në mënyra të reja, dhe Lee Jung-jae e përfundon portretizimin e tij ikonik të Gi-hun në një mënyrë mahnitëse. Disa nga kthesat në sezonin e tretë arrijnë të ilustrojnë me mjeshtëri efektet afatgjata të ferrit kapitalist të valëzuar, ndërsa të tjera, si rolet e zgjeruara të VIP-ave të pasur që shikojnë dhe vënë baste në lojëra, shtojnë zhurmë të panevojshme. Ky kapitull i fundit nuk është pa të meta, por ai prapë sjell pezullimin dhe shkëlqimin kinematografik që e bëri Squid Game një hit”, deklaroi ajo.

Beteja përfundimtare çon në një rezultat mahnitës që është zemërthyes e duket si vendimi i vetëm i duhur në atë kohë. Vendimi i Hwang për të mos zgjedhur rrugën e lehtë është i admirueshëm. Megjithatë, skena e fundit tregon se pavarësisht fundit, ideja e “Squid Game” nuk mund të ndalet ashtu siç duhet, dhe shfaqja e një aktoreje hollivudiane hap hapësirë ​​për një spin-off amerikan.

Justin Baldoni ka bërë kthesë të papritur në mes të një beteje ligjore me aktoren Blake Lively, duke u shfaqur i buzëqeshur dhe i sikletshëm gjatë një takimi të rastësishëm me fansat në Disneyland këtë fundjavë.

Regjisori dhe ylli i “It Ends With Us” ndali grindjen gjyqësore për të përshëndetur një fanse që po e filmonte, duke ndezur një moment viral në rrjetet sociale.

Videoja tregon Baldonin, duke ecur me bluzë “Star Wars” e pamje të lirshme, i rrethuar nga vizitorë të parkut, teksa përpiqet të ruajë mirësjelljen në një situatë të papritur. Skena u bë virale e ndjekësit vlerësuan qasjen miqësore, edhe pse dukej pak i hutuar nga vëmendja e menjëhershme.

Baldoni kishte ngritur padi kundër BlakE bashkëshortit të saj Ryan Reynolds dhe publicistes, por gjykatësi Lewis J. Liman e rrëzoi padinë dy javë më parë. Aktori u lejua ta ndryshonte padinë deri më 23 qershor, por avokati i tij njoftoi se ata nuk do ta  ndjekin më këtë rrugë.

Në një deklaratë për DailyMail.com, avokati i Baldonit tha se tërheqja nuk përfaqëson dorëzim, por zhvendosje strategjike drejt opsioneve tjera ligjore.

përfaqësuesit e Lively e quajtën rrëzimin e padisë si “fitore të plotë” dhe denoncuan pretendimet e Baldonit si “të kota”. Gjykata i konsideroi akuzat për zhvatje si të pabazuara dhe e përshkroi padinë si një përpjekje të pasuksesshme për të fituar kontroll mbi projektin filmik.

Themeluesi i Wayfarer Studios, një kompani që ai krijoi me miliarderin Steve Sarowitz, nuk arriti të provojë se ndonjë nga veprimet e supozuara të Lively-t përbënte shkelje ligjore sipas standardeve të Kalifornisë.

Për momentin, Baldoni duket se ka vendosur të lërë pas betejat ligjore dhe të fokusohet tek fansat dhe promovimi i filmit të tij të ardhshëm.

Ndërsa drama gjyqësore vazhdon në sfond, u kujtoi publikut se ndalesat e papritura në Disneyland janë mënyra më e mirë për të rifituar simpatinë.