Lajmet

Sfidë formalizmi i punësimit në Kosovë

Murtezaj theksoi se si ATK janë duke punuar që të përmirësojnë formalizimin e punësimit.

Published

3 years ago

March 22, 2023

UBT news

Administrata Tatimore e Kosovës në bashkëpunim me Iniciativën Kosovare për Stabilitet – IKS kanë mbajtur panel diskutimi me temë “Formalizimi i punësimit”.

Gjatë diskutimit, penalistët kanë adresuar kërkesa dhe ankesa të ndryshme që kanë hasur nga punëtorët në lidhje me të drejtat e tyre ligjore.

Drejtori ekzekutiv i Administratës Tatimore të Kosovës, Ilir Murtezaj theksoi se si ATK janë duke punuar që të përmirësojnë formalizimin e punësimit, derisa shtoi se këtu ka një përmirësim të dukshëm.

“Ne kemi përgatit projekte të veçanta për trajtim të projektit për punësimin formal. Nëse shohim trendin e numrit të punësuarve shihet se nëpër vite kemi një mesatare deri në 20 mijë punëtor që janë raportuar në administratë, kjo bën që ne jemi në një trend të mirë. Po ashtu një pjesë e pagave merret ‘cash’ nga punëdhënësit, ku gjitha këto kanë bërë që ky sektor duhet të trajtohet. Ne e dimë që nuk mund të bëjmë asnjë punë vetëm dhe bëjë thirrje që të bashkohemi të gjithë, sepse nuk mund të luftohet informaliteti pa bashkëpunim me qytetarët dhe OJQ-të e ndryshme”, tha Murtezaj.

Kryeinspektori i Inspektoratit të Punës, Hekuran Nikqi tha se Inspektorati është duke krijuar edhe mekanizma tjerë për formalizimin e punësimit, në të cilën përfshihet edhe rritja e numrit të inspektorëve.

“Inspektorati i Punës si mekanizma që ka krijuar për mbikëqyrjen e ligjit të punës së deklaruar ka rritur inspektimet që nga viti i kaluar. Në janar të vitit 2022 në kuptimin e formalizimit ka pasur 292 inspektime, ndërsa në janar të këtij viti ka IP ka kryer mbi 340 inspektime në këtë aspekt”, tha Nikqi.

Ndërkaq, kryetari i Odës Ekonomike të Kosovës (OEK), Lulzim Rafuna tha se gjatë punës në terren si odë kanë vërëjtur ndryshime të dukshme në biznese.

Rafuna tha se edhe bizneset janë vetëdijesuar në këtë aspekt, duke mos pranuar punëtor pa një kontratë pune.

“Ne kemi arritur që gjatë tërë kohës të organizojmë kampanja, anëtarët e odës gjithmonë ta ngrisin çështjen e formalizmit të punëtorëve. Në diskutim edhe me bizneset kemi një përmirësim të madh. Është shumë e rëndësishme me pas një kontratë sa i përket të drejtave. Për të punësuar një punëtor duhesh të investosh në të. Duke u nisur nga këto raste bizneset kanë ngritur vetëdijen që të mos marrin punëtor pa kontratë, dhe kjo ka arritur që të ndihmojë edhe në formalizmin e punëtorëve”, tha ai.

Related Topics:Administrata Tatimore e Kosovës

Up Next

BE të dëshmohet tani për zbatimin e marrëveshjes, thotë Kurti

Don't Miss

Kurti mburret me punën dyvjeçare të qeverisjes së tij

Lajmet

Ambasada amerikane fton shtetasit e saj në Kosovë për një takim me Prattipatin

Published

1 hour ago

December 2, 2025

UBTnews

Ambasada amerikane në Prishtinë ka ftuar të gjithë shtetasit amerikanë që banojnë në Kosovë të marrin pjesë në një takim publik (Town Hall) të organizuar nga e ngarkuara me punë, Anu Prattipati.

Takimi do të mbahet të premten, më 12 dhjetor 2025, nga ora 14:00 deri në 15:00 në ambientet e Ambasadës,.

Për më shumë detaje dhe për t’u regjistruar, qytetarët mund të vizitojnë faqen zyrtare të ambasadës dhe të konfirmojnë pjesëmarrjen deri më 5 dhjetor 2025.

“Mesazh për qytetarët amerikanë që banojnë në Kosovë, të premten, më 12 dhjetor 2025, nga ora 14:00 deri në orën 15:00, qytetarët amerikanë ftohen të marrin pjesë në një takim publik në Ambasadën e SHBA-së, të organizuar nga e Ngarkuara me Punë Anu Prattipati”, shkruhet në njoftimin e ambasadës në Facebook.

Lajmet

Përparim Rama: Mjetet ende nuk janë bartur nga Ministria e Financave në buxhetin e Komunës së Prishtinës

Published

2 hours ago

December 2, 2025

UBTnews

Ndonëse Asambleja Komunale e Prishtinës miratoi më 27 nëntor bartjen e buxhetit 2024 në 2025-tën, megjithatë kryetari i Komunës së Prishtinës, Përparim Rama thotë se këto mjete nuk janë bartur në buxhetin e Komunës.

“Më 27 nëntor, Asambleja Komunale e Prishtinës miratoi bartjen e mjeteve buxhetore nga viti 2024. ❗Sot, 2 dhjetor, mjetet ende nuk janë bartur nga Ministria e Financave në buxhetin e Komuna e Prishtinës!!!”, ka shkruar Rama.

Ndërkohë që edhe sot përfaqësuesit e “Trafikut Urban” dhe operatorëve privatë do të protestojnë për të kërkuar pagën e tyre.

KOMUNA E PRISHTINËS: MJETET FINANCIARE ENDE NUK JANË BARTUR NGA MINISTRIA E FINANCAVE

Komuna e Prishtinës thotë se ende nuk janë bartur mjetet financiare nga Ministria e Financave, ndonëse Asambleja Komunale e Prishtinës e kishte miratuar vendimin për bartjen e mjeteve buxhetore nga viti 2024 në 2025.

“Të nderuar qytetarë, ju njoftojmë se më 27 nëntor 2025, Asambleja Komunale e Prishtinës ka miratuar vendimin për bartjen e mjeteve buxhetore nga viti 2024. Megjithatë, deri sot, më 02 dhjetor 2025, mjetet financiare ende nuk janë bartur nga Ministria e Financave në buxhetin e Komunës së Prishtinës. Në momentin që mjetet alokohen në buxhetin e Komunës së Prishtinës, qytetarët do të informohen menjëherë përmes kanaleve zyrtare të komunikimit”, thuhet në njoftimin e Komunës./EO

Lajmet

Dy persona goditen nga rryma në Gjilan, po ndërronin njehsorët

Published

2 hours ago

December 2, 2025

UBTnews

Dy persona janë goditur nga rryma të hënën në rrugën “Skënderbeu” në Gjilan, pasi ishin duke punuar në ndërrimin e njehsorëve.

Sipas raportit 24 orësh të Policisë thuhet se te dy viktimat kanë pësuar lëndime trupore me ç’rast edhe kanë pranuar tretman mjekësor.

Në vendin e ngjarjes kanë dalë njësitë përkatëse policore dhe inspektori i punës, ndërsa lidhur me rastin është njoftuar prokurori.

“Dy viktimat meshkuj kosovarë derisa kanë qenë duke punuar në ndërrimin e njehsorëve, janë goditur nga rryma. Si pasojë të njëjtit kanë pësuar lëndime trupore dhe kanë pranuar tretman mjekësor. Në vendin e ngjarjes kanë dalë njësitë përkatëse policore dhe inspektori i punës. Lidhur me rastin është njoftuar prokurori”, thuhet në raport.

Lajmet

Rrahmani në mesin e më të mirëve të vitit në Serie-A

Published

2 hours ago

December 2, 2025

UBT News

Gran Galà del Calcio 2025 që u mbajt në Milano dhe solli listën e fituesve të sezonit 2024-25 në Serie A. Çmimi kryesor, ai i Lojtarit të Vitit, shkoi për mesfushorin e Napolit, Scott McTominay, i cili u vlerësua për sezonin e jashtëzakonshëm dhe rolin e tij në sukseset e klubit.

Formacioni ideal i vitit u dominua nga Interi dhe Napoli, që luftuan deri në fund për titull. Në listë u përfshinë emra si Denzel Dumfries, Amir Rrahmani, Alessandro Bastoni, Federico Dimarco, Nicolò Barella dhe Lautaro Martinez. Në këtë Top XI janë edhe dy lojtarë që tashmë kanë lënë Serie A: Tijjani Reijnders, që kaloi te Manchester City, dhe Mateo Retegui, i transferuar te Al-Qadsiah.

Antonio Conte u shpall Trajneri i Vitit, ndërsa Napoli mori çmimin e Klubit të Vitit, duke konfirmuar dominimin gjatë sezonit. Sulmuesi i Interit, Francesco Pio Esposito, fitoi çmimin Italian Golden Boy si talenti më i mirë i ri, ndërsa Nicolò Bertola nga Udinese u vlerësua për paraqitjet e tij në Serie B.

Çmimi “Goli i Vitit” shkoi për Alessandro Deiolën e Cagliarit për një supergol në fitoren 3-0 ndaj Venezias, një realizim që ishte nominuar edhe për çmimin FIFA Puskas.

Formacioni ideal i Serie A për vitin 2025 u përmbyll me: Svilar; Dumfries, Rrahmani, Bastoni, Dimarco; McTominay, Barella, Reijnders; Lautaro Martinez, Kean, Retegui./S.K/KP/