Sport

Sfidat e Pochettinos: Neymar dhe Mbappe, marrëdhënia me Leonardon, problemet me lëndimet dhe përshtatshmëria me sistemin

Published

5 years ago

on

Ish-trajneri i Tottenhamit, Mauricio Pochettino ka nënshkruar një kontratë 18 vjeçare me kampionët e Francës, mirëpo përkundër këtij fakti, ai ka shumë për të bërë, në mënyrë që të garantojë një sukses brenda Francës dhe në Europë.

Pochettino mori drejtimin e Paris Saint-Germain, dhe me marrjen e kësaj përgjegjësie, ai u pajtua që të marrë drejtimin e një prej skuadrave më kërkuese në botën e futbollit.

Të drejtosh skuadrën parisiene është një nga detyrat më të vështira e me pritjet më të larta. Thomas Tuchel, vitin e kaluar pati një sukses të lartë, duke arritur në finale të Ligës së Kampionëve dhe duke fituar të gjithë titujt e mundshëm në Francë.

Trajneri gjerman u shkarkua pas fitores 4-0 ndaj Strasbourg, pas një periudhe të vështirë me lëndime të ekipit parisien, që prej rikthimit të skuadrës në fushë, pas shpërthimit të pandemisë COVID-19.

E pasardhësi i Tuchel, Pochettino, ndeshjen e parë me skuadrën e yjeve do ta ketë ndaj Saint-Etienne të mërkurën, ndeshje në të cilën nuk do të llogarisë në yjet Neymar, Icardi e Kimpembe.

Pandemia e coronavirusit, solli shumë ndryshime të mëdha në botën e futbollit, që nga largimi i tifozëve nga stadiumet, e deri tek rregullat e reja që erdhën si shkak i virusit COVID-19. E me këtë pandemi, përveç ndryshimeve, u shpeshtuan edhe lëndimet që te PSG sollën probleme të shumta, ndër to mungesën e pesë yjeve që ishin kyç për skuadrën.

Kylian Mbappe është një nga lojtarët që ka munguar për rreth një muaj, për shkak të një lëndimi, dhe performancat e lojtarit kishin ndikim të madh në skuadrën parisiene, marrë parasysh nivelin e lojës që lojtari francez e tregon në fushë.

Para këtij sezoni, kritikët e ish-trajnerit të PSG-së, Thomas Tuchel, ishin të shqetësuar për lëndimet e shpeshta të yllit brazilian Neymar, i cili luajti vetëm një ndeshje të vetme në fazën eliminatore në Ligën e Kampionëve, në tre vite e gjysmë sa ishte pjesë e klubit.

E për ta mbajtur nivelin e klubit dhe për të arritur objektivat, Pochettino duhet të gjejë një rrugë që atij ia limiton këto probleme. Fillimisht, është çështja Neymar dhe Mbappe, dhe rikthimi i tyre në fushë, sfidë kjo për t’i futur në sistem të lojës dhe taktikave të tij.

Neymar është një lojtar që qëndron në linjë, mirëpo ai nuk mund të ndihmojë mbrojtjen aq shumë, e që Pochettino duhet që në fillim ta llogarisë këtë gjë, teksa nga ana tjetër, Mbappe, nuk është një nga ata që bën presion gjithë kohës, siç është rasti me Cavanin.

Pochettino, duhet të punoj shumë për t’i mbajtur yjet në skuadër, sepse ata bëjnë pjesë në planet e tij, mirëpo sa ata duan të qëndrojnë varet nga projekti që ai është duke përgatitur për t’ia prezantuar atyre.

Çfarë pritet nga trajneri argjentinas është ndryshimi i formacionit. Ai dikur startonte me sistemin 4-2-2-2, formacion që i kryente punë më së miri, mirëpo tani ai ka ndryshuar plan. Marrë parasysh lojtarët që ka në skuadër, ai pritet që të nis me sistemin 4-2-3-1, sistemi ky i mundshëm për t’u realizuar nga argjentinasi.

Neymar dhe Mbappe padyshim që janë lojtarët në të cilët Pochettino do të mbështetet deri në fund, me ose pa vullnet. Afati i janarit nuk është që pritet të sjellë ndonjë ndryshim të madh tek PSG, mirëpo më shumë priten largimi sesa prurje të reja në skuadër. Rreziku për një largim në afatin kalimtar të verës nga ana kësaj dysheje ekziston, ndaj edhe për Pochettinon ky fakt do të jetë një sfidë në vete.

Por, mund të ndodhë edhe e kundërta. Aftësia e Neymar për të joshur Messin për t’iu bashkuar PSG-së këtë verë, me një transferim falas, do të bënte Pochettinon njërin nga trajnerët më me fat, që do të ketë në skuadër lojtarët më të mirë të botës, e që atij do t’i ndihmonin që të arrijë objektivat që i ka vënë klubi.

Tjetër sfidë për trajnerin argjentinas do të jetë marrëdhënia me drejtorin sportiv të Paris Saint-Germain. Shkarkimi i Tuchel erdhi pas paaftësisë së gjermanit për të mbajtur marrëdhënie të mira me Leonardon, si dhe rezultateve të dobëta në fushë. Pochettino do të duhet që të mbajë një marrëdhënie të mirë me drejtuesin sportiv, në mënyrë që të krijohet një marrëdhënie shumë e fortë, për një ekip konkurrues./UBTNews

Related Topics:
Continue Reading

Lajmet

Laporta i Barcelonës dëshmon para gjykatës

Published

3 days ago

on

December 12, 2025

By

Presidenti i FC Barcelona, Joan Laporta, është thirrur sot si dëshmitar në hetimet për “Rastin Negreira”, që heton pagesat e klubit ndaj ish-nënkryetarit të Komitetit Teknik të Arbitrave, José María Enríquez Negreira, dhe kompanive të tij.

Laporta do të japë dëshminë e tij si dëshmitar, pasi hetimi për periudhën kur ai ishte president (2003-2010) është mbyllur për shkak të afateve ligjore. Gjyqtarja do t’i drejtojë pyetje mbi arsyet dhe rritjen e pagesave gjatë asaj periudhe.

Deklarimi i tij para gjyqtares Alejandra Gil ka filluar që në orën 11:30 në Ciutat de la Justícia në Barcelonë.

Hetimi lidhet me pagesa prej mbi 8 milionë eurosh që Barcelona ka bërë gjatë viteve 2001–2018, të cilat prokuroria i dyshon. FC Barcelona ka pohuar se pagesat ishin për raporte teknike lidhur me arbitrimin.

Deklarime të rëndësishme kërkohen nga Laporta për të sqaruar arsyet e vendosjes së këtyre pagesave dhe rolin e tij në vendimet e bëra atëherë.

Përveç Laportas, trajnerët e mëparshëm të Barcelonës, Luis Enrique dhe Ernesto Valverde, janë gjithashtu të thirrur për të dëshmuar. Hetimi, i nisur pas një padie të prokurorisë në mars 2023, shqyrton nëse pagesat i korrespondojnë shërbimeve të pretenduara dhe nëse ka pasur ndikim arbitral në ndeshjet e klubit.

Continue Reading

Lajmet

Modric: Milan është klubi më i madh italian, po shijoj çdo moment

Published

3 days ago

on

December 12, 2025

By

Ylli kroat i Milan, Luka Modric, po përjeton një fillim fantastik në San Siro dhe e ka shprehur entuziazmin e tij për jetën dhe futbollin në Milano.

40-vjeçari, fitues i Topit të Artë 2018, iu bashkua Rossonerëve si agjent i lirë nga Real Madrid gjatë verës dhe ka startuar 14 ndeshje radhazi në Serie A.

“Ndjehem mirë, fizikisht dhe mendërisht, dhe po shijoj atë që bëj. Dua të vazhdoj kështu sepse po argëtohem,” tha Modric për Gazzetta dello Sport.

Milan aktualisht është në krye të tabelës së Serie A, së bashku me Napoli, edhe pse nuk marrin pjesë në garat europiane këtë sezon. Modric theksoi vështirësitë e kampionatit Italian./S.K/KP/

Continue Reading

Lajmet

​Investim 5.8 milionë euro për kompleksin modern të xhudos

Published

3 days ago

on

December 12, 2025

By

Ministri në detyrë i Kulturës, Rinisë dhe Sportit, Hajrulla Çeku, ka njoftuar nisjen e investimit për një kompleks modern sportiv në kuadër të përgatitjeve për Lojërat Mesdhetare.

Ai ka bërë të ditur se është nënshkruar kontrata prej rreth 5.8 milionë eurosh për ndërtimin e Qendrës Nacionale të Xhudos në Pejë, qendra e parë ndërkombëtare e trajnimeve në Kosovë.

“Xhudistët tanë medalistë olimpikë e meritojnë më të mirën,” ka thënë Çeku, duke theksuar se ky projekt është një falënderim për Dritonin, Majlindën, Agronin dhe të gjithë kampionët që e kanë ngritur lart emrin e vendit.

Qendra e re do të përfshijë sallë sportive, hapësira moderne për fitness, pishinë për rigjenerim dhe trajnim, ambiente për akomodim të sportistëve dhe stafit, si dhe hapësira për kujdes mjekësor dhe funksion teknik ditor.

Sipas ministrit, punimet pritet të fillojnë shumë shpejt dhe përbëjnë një investim që i shërben sportit, sportistëve dhe imazhit të vendit./S.K/KP/

Continue Reading

Lajmet

​FIFA-s i kërkohet ndalimi i shitjes së biletave të Botërorit

Published

3 days ago

on

December 12, 2025

By

Një grup i madh tifozësh evropianë ka kërkuar që FIFA të ndalojë menjëherë shitjen e biletave për Kupën e Botës 2026, duke e akuzuar organin qeverisës se ka vendosur çmime të tepërta që përjashtojnë tifozët e zakonshëm nga turneu.

Sipas “Football Supporters Europe”, biletat e alokuara për ekipet kombëtare kanë arritur nivele astronomike, me një tifoz që ndjek skuadrën nga faza e grupeve deri në finale që do të paguajë të paktën 6,900 dollarë, gati pesë herë më shumë se në Katar 2022.

Grupi kritikoi edhe heqjen e kategorisë më të lirë (Kategoria 4) për tifozët e organizuar, si dhe vendosjen e çmimeve dinamike që ndryshojnë sipas “tërheqjes” së ndeshjes.

Ronan Evain, drejtori ekzekutiv i FSE-së, tha për Reuters se për çmimet që janë vendosur nga FIFA, jemi pak të habitur, duke shtuar: “Ky është një grusht njerëzish që po përpiqen të fitojnë sa më shumë para… me këto çmime, nuk do të keni atmosferë, nuk do të keni tifozë”. Ai paralajmëroi se struktura e re e çmimeve i shtyn shumë familje në “rrezik financiar”, duke theksuar se një familje me katër anëtarë mund të shpenzojë deri në 30,000 dollarë.

FSE kërkon pezullimin e menjëhershëm të shitjes së biletave për PMA-të dhe hapjen e konsultimeve të reja me federatat dhe grupet e tifozëve, “derisa të gjendet një zgjidhje që respekton traditën, universalitetin dhe rëndësinë kulturore të Kupës së Botës”./S.K/KP/

Continue Reading

Të kërkuara