Sport

Sfidat e basketbollit kosovar gjatë pandemisë

Published

5 years ago

on

Edhe basketbolli kosovar, ashtu sikurse të gjitha sportet tjera, u detyrua të marr një kahe tjetër të zhvillimeve për shkak të pandemisë Covid-19. Në fakt, paraqitja e këtij virusi solli deri te ndërprerja totale e zhvillimit të garave basketbollistike, si vendore ashtu edhe ndërkombëtare.

Kryetari i rizgjedhur i Federatës së Basketbollit të Kosovës, Arben Fetahu, thotë për KosovaPress se edhe pse viti filloi në mënyrën më të mirë të mundshme me ndeshje të mira dhe me salla të mbushura, në fund të prillit u detyruan t’i ndërpresin garat për shkak të pandemisë Covid-19.

“E kishim një vit që startuam jashtëzakonisht mirë edhe në kuptim të organizimit të brendshëm të garave në Kosovë, por edhe në kuptim të rezultateve të cila i arriti reprezentacioni i Kosovës gjatë muajit shkurt. I kishim sallat plot pothuajse të gjitha, e kishim një garë shumë të ngushtë ku secili-secilin e mundte që e bënë basketbollin të jetë atraktiv dhe e bënë basketbollin që të jetë ai që është, si sporti më të bukur dhe më dinamik. Por për fat të keq ndodhi ajo që ndodhi dhe më 14 mars u desh që t’i pezullojmë garat fillimisht, pastaj më 31 mars i ndërpremë përfundimisht garat për seniorë për Superligën, pastaj në fund të prillit u desh t’i ndërprejmë të gjitha garat sepse nuk kishte më kuptim që të përpiqemi që t’i vazhdojmë ato”, tha Fetahu.

Megjithatë, Fetahu duke folur për KosovaPress, shton se rifillimi i garave në muajit tetor po ecën shumë mirë, ekipet janë konsoliduar dhe se konkurrenca në të gjitha kategoritë, si te meshkujt ashtu edhe te femrat është shumë e ashpër.

“Stinori i ri në tetor të këtij viti filloi them më fuqishëm se sa që kam pritur. Në dalje prej pandemisë, klubet u mobilizuan jashtëzakonisht mirë. Shumica prej tyre arritën që të bëjnë ekipe konkurruese dhe filluam një garë menjëherë, një garë shumë të fortë të Superkupës së Republikës, e pastaj vazhduam me kampionatin, i cili siç po e shihni edhe tani në fund të këtij viti na ka sjellë shumë të papritura, shumë rezultate që ndoshta kanë qenë të paparashikueshme para dy-tre muajsh kur filloi kjo garë, por ia që kemi një tabelë shumë interesante në Superligën e Kosovës, kemi gjithashtu një garë të mirë edhe tek femrat”, deklaroi Fetahu.

Kryetari i FBK-së gjithashtu përmendi edhe lehtësirat që kjo federatë ua ofroi klubeve të basketbollit kosovar edhe pse ata nuk kishin mundësi që t’i ndihmonin financiarisht për shkak se FBK-ja nuk e ka këtë fuqi financiare.

“Ajo që ne si federatë kemi bërë është që i kemi liruar klubet prej te gjitha obligimeve të cilat i kanë pasur ndaj nesh, por nuk kemi arritur natyrisht që t’i ndihmojmë ato financiarisht sepse Federata e Basketbollit të Kosovës nuk e ka këtë fuqi financiare, është fatkeqe kjo, por do të thotë përveç besoj Federatës së Futbollit nuk ka ndonjë federatë tjetër e cila iu ka dalë në ndihmë me mjete financiare klubeve të veta sepse nuk e kemi këtë mundësi. Prej shtetit, ju e dini që shteti ka ndarë një shumë të caktuar parash për të ndihmuar t’iu gjitha klubeve. Ne i kemi marrë mjetet dhe jemi duke i kanalizuar shpërndarjen e tyre te klubet dhe në anën tjetër grumbullimin e dokumenteve dhe faturave të cilat e vërtetojnë krijimin e shpenzimeve nga klubet për t’i dërguar të gjitha në ministri. Secili klub i Superligës së Kosovës te meshkujt dhe te femrat është përkrahur me nga 5000 euro, secili klub i ligave të para për meshkuj dhe për femrat është përkrahur më nga 3000 euro dhe të gjitha klubet e ligës së dytë të meshkujve u përkrahën me nga 2000 euro”, theksoi Fetahu.

E sa i përket rikthimit të tifozëve në palestrat sportive, Fetahu ka thënë se nuk ka shenja pozitive në këtë drejtim dhe se ai nuk beson që brenda këtij stinori do të rikthehen tifozët nëpër salla.

“Do të doja të jem optimist për këtë, por duhet thënë qartë se nuk besoj që këtë stinor do të kemi mundësi që t’i kthejmë shikuesit nëpër salla. Nga ato diskutime dhe nga ato zhvillime të cilat unë i di, do të thotë sa i përket basketbollit, së paku nëpër salla do të jetë jashtëzakonisht e vështirë”, tha ai.

Në fund, Arben Fetahu ka uruar që vitit 2021 të sjellë shëndet për sportistët vendorë dhe për të gjithë popullin e Kosovës.

Related Topics:
Continue Reading

Sport

Nga renditja te përballjet direkte, gjithçka rreth shortit të Ligës së Kampionëve

Published

2 days ago

on

January 22, 2026

By

Fundi i fazës së ligës në Ligën e Kampionëve po afron dhe vëmendja tashmë është te shorti i play-off-eve, i cili do të mbahet të premten, më 30 janar 2026, në orën 12:00. Vetëm tetë skuadrat e para në renditje sigurojnë kualifikim direkt në raundin e 16-tave, ndërsa ekipet nga vendi i nëntë deri në të 24-tin do të përballen në fazën shtesë eliminatore me ndeshje vajtje-ardhje.

Sipas formatit të ri të UEFA-s, ekipet renditen në çifte dhe përballen në bazë të pozicionit përfundimtar në fazën e ligës, ku skuadrat më lart në renditje shortohen ndaj atyre më poshtë. Nuk ka kufizime për përballje mes ekipeve të së njëjtës federatë apo për duele që janë zhvilluar më herët në fazën e ligës, çka hap mundësinë edhe për derbi të mëdhenj evropianë.

Ndeshjet e para të play-off-eve do të luhen më 17/18 shkurt, ndërsa takimet vendimtare më 24/25 shkurt 2026. Fituesit do të avancojnë në raundin e 16-tave, shorti i të cilit do të hidhet më 27 shkurt, ndërsa finalja e Ligës së Kampionëve për këtë edicion është planifikuar të zhvillohet më 30 maj 2026 në Budapest.

Continue Reading

Sport

“Prishtina 2030” sjell risi në Lojërat Mesdhetare me sporte të reja

Published

3 days ago

on

January 21, 2026

By

Lojërat Mesdhetare “Prishtina 2030”, edicioni i 21-të i kësaj ngjarjeje sportive ndërkombëtare që do të zhvillohet në Kosovë dhe rajon, do të përfshijë një program të gjerë sportesh me 24 sporte të planifikuara të garës. Kjo listë përbëhet nga sporte të njohura ndërkombëtarisht, përfshirë si disiplina tradicionale olimpike ashtu edhe disa të reja për lojërat.

Nga këto sporte bëjnë pjesë sportet e mëposhtme: atletikë, boks, xhudo, karate, peshëngritje, mundje, noti, polo në ujë, noti me vela, lundrim, qitje, pingpong, tenisi, volejbolli, hendbolli, basketbolli 3×3, skermë, çiklizëm (rrugë dhe mountain bike), gjimnastikë (artistike dhe ritmike), badmintoni, karateja, taekwondoja, sportet e peshëngritjes, dhe sporte të tjera si futsalli, i cili është përfshirë zyrtarisht dhe do të zëvendësojë futbollin tradicional për U21 në këtë edicion.

Përveç sporteve kryesore, Komiteti Organizatues ka rezervuar mundësinë e shtimit të 2-3 sporteve shtesë, si Baseball5, Canoe Sprint, Kickboxing ose sporte me skating, në varësi të propozimeve që do të pranohen më vonë.

Ky program shumëdimensional përfaqëson një nga ofertat më të gjera sportive në historinë e Lojërave Mesdhetare dhe çon përpara vizionin e organizatorëve për një ngjarje gjithëpërfshirëse dhe dinamike sportive.

Continue Reading

Sport

​Spektakli i Ligës së Kampionëve vazhdon edhe sonte

Published

3 days ago

on

January 21, 2026

By

Pas ndeshjeve tejet interesante që u zhvilluan të martën, Liga e Kampionëve vazhdon sonte me një tjetër mbrëmje të pasur futbolli në fazën e ligës. Vëmendja e tifozëve do të shpërndahet në disa stadiume evropiane, ku skuadrat synojnë pikë të mëdha për objektivat e tyre në këtë edicion.

Programi i mbrëmjes nis në orën 18:45 me përballjet Galatasaray – Atletico Madrid dhe Qarabag – Eintracht Frankfurt, ndërsa nga ora 21:00 zhvillohen ndeshje të forta si Atalanta – Athletic Bilbao, Bayern Munich – Royale Union SG, Chelsea – Pafos, Juventus – Benfica, Marseille – Liverpool, Newcastle – PSV si dhe Slavia Prague – Barcelona.

Pas rezultateve befasuese dhe dueleve dramatike të së martës, pritet që edhe sonte Liga e Kampionëve të ofrojë intensitet, rivalitet dhe emocione të forta, me skuadrat favorite që kërkojnë ta konfirmojnë veten dhe të tjerat që synojnë surpriza të reja në skenën më të madhe të futbollit evropian.

Continue Reading

Sport

Liga e Kampionëve rikthehet sonte, derbi i madh zhvillohet në Itali

Published

4 days ago

on

January 20, 2026

By

Liga e Kampionëve vazhdon sonte me një seri përballjesh të forta në fazën e ligës, ku në program janë ndeshje si Bodo/Glimt–Manchester City, FC Copenhagen–Napoli, Real Madrid–Monaco, Sporting CP–PSG, Dortmund–Tottenham dhe Villarreal–Ajax. Megjithatë, vëmendja kryesore është te dueli i orës 21:00 mes Interit dhe Arsenalit, një përballje direkte mes dy skuadrave që synojnë pozitat më të larta në renditje.

Arsenali hyn në këtë sfidë si lider absolut i tabelës. Pas gjashtë ndeshjeve, “Topçinjtë” kanë regjistruar gjashtë fitore nga gjashtë takime, me golavarazh 17:1 dhe plot 18 pikë, duke qenë skuadra më konstante e këtij edicioni. Forma e tyre perfekte e bën Arsenalin favorit në letër, sidomos duke pasur parasysh stabilitetin defensiv dhe efikasitetin në sulm që e kanë shfaqur deri tani.

Në anën tjetër, Interi renditet në vendin e gjashtë me 12 pikë nga gjashtë ndeshje, me bilanc katër fitore dhe dy humbje, si dhe golavarazh 12:4. Zikaltrit vijnë në këtë përballje me nevojën për një rezultat pozitiv për të forcuar pozicionin e tyre në zonën e kualifikimit dhe për t’iu afruar skuadrave të kreut. Ndeshja ndaj Arsenalit pritet të jetë një test i madh për ambiciet e Interit, ndërsa për londinezët një mundësi për të konfirmuar dominimin në krye të tabelës.

Continue Reading

Të kërkuara