Lajmet

Sesionet Multidisciplinare në UBT, Gjeopolitika e Kosovës si pikënisje e serisë së ligjërimeve në kuadër të Institutit të Ballkanologjisë

Me datën 21 mars 2024, me një hapje të veçantë, sesioni i ligjërimeve mund të perceptohet edhe si një forum ku mendimet nga fusha të ndryshme bëhen të arritshme për një publik më të gjerë dhe janë të hapura për diskutim.

Published

2 years ago

on

Instituti i Ballkanologjisë në kuadër të Fakultetit të Shkencave Politike të Universitetit UBT, sjell një ngjarje të veçantë për të gjithë ata që janë të gatshëm të ndërmarrin një udhëtim intelektual në historinë dhe politikën e Kosovës.

Sesioni i ligjëratave fillon më datë 21 mars 2024 me ligjëratën e ambasadorit gjerman, Jörn Rohde të titulluar “Germany and Kosovo – a special relationship on the pat”, për të vazhduar me ligjeratën e ambasadorit austriak, Georg Schnetzer më datë 12. 04. 2024, ambasadores kroate Danijela Barišić që mbahet më 03.05.2024 dhe për të përfunduar me ligjëratën e ish-ministrit të jashtëm të Republikës së Kosovës, Enver Hoxhaj.

Ky sesion i ligjëratave është më shumë se një thirrje, është një ftesë për të zbuluar hulumtime të thella dhe për të kuptuar sfidat dhe triumfat që kanë përcaktuar shtetin më të ri në Evropë. Për të gjithë ata që janë të intriguar nga histori politike dhe shtetndërtimi, kjo është një mundësi e jashtëzakonshme për të eksploruar rrugëtimin e Kosovës, duke shikuar përtej fakteve dhe në thellësi të ngjarjeve.

Sesionet e ligjëratave nga “Instituti i Ballkanologjisë” në kuadër të Fakultetit të Shkencave Politike të Universitetit UBT janë një platformë unike për shkëmbimin e pikëpamjeve dhe mendimeve.

Sesionet e ligjëratave në Universitetin UBT kanë një reputacion të ndritur, dhe kjo ngjarje nuk premton vetëm një eksperiencë informuese, por edhe një udhëtim në historinë dhe politikën e një shteti që po ndryshon dhe zhvillohet vazhdimisht.

Instituti ka planifikuar ligjëratat e tjera për tema të ndryshme, duke ofruar emra të rëndësishëm nga fushat e shkencës, diplomacisë, politikës dhe publicistikës./UBTNews/

Related Topics:
Continue Reading

Lajmet

​Kuka: Ky vit solli medalje elitare në sportin e xhudos

Published

28 minutes ago

on

December 1, 2025

By

Trajneri i xhudos, Driton Kuka, ka ndarë një bilanc të vitit 2025 duke përmbyllur sezonin elitar me Grand Slam Abu Dhabi, ku thekson arritjet e xhudistëve tanë dhe progresin e ekipit gjatë gjithë vitit.

Distria Krasniqi përsëri u rikthye me medalje dhe, sipas Kukës, ky vit për të ishte fantastik.

“Distria sivjet çdo garë fitoi medalje, kulmoj në Evropian më të artën dhe titullin e nënkampiones Botërore, dhe kjo e vendosi në krye të Ranglistës Botërore”, tha ai.

Laura Fazliu po ashtu pas një viti sfidues me lëndime arriti të rikuperohej, duke fituar medalje në Botëror dhe duke u renditur e 5-ta në Abu Dhabi.

Shpat Zeka po rikthehet në garat ndërkombëtare dhe pritet të synojë normën Olimpike së bashku me Akilin dhe ndoshta Dardanin.

Kuka gjithashtu përmendi talentet e tjerë të rinj në rrugëtimin e tyre.

“Viti 2025 shënoi emra të rinj që u shquan me medalje e suksese dhe kjo flet shumë! Vazhdimësi e sukseseve janë emrat e Jonit e Arbes për kadet, që që nga garat e para në Kupat Evropiane arritën medalje e suksese premtuese”, shtoi Kuka.

Ekipi vazhdon stërvitjet intensive: vajzat në Slloveni dhe meshkujt pas disa ditësh në Gjeorgji, duke u përgatitur për sezonin e ardhshëm./S.K/KP/

Continue Reading

Lajmet

Protestuesit e “Trafikut Urban” e operatorët privatë bllokojnë edhe sot Komunën e Prishtinës

Published

46 minutes ago

on

December 1, 2025

By

Transporti publik dhe ai privat në Prishtinë do të qëndrojë i bllokuar edhe këtë të hënë, pasi punëtorët e “Trafikut Urban” dhe operatorëve privatë po vazhdojnë protestat për shkak të mospagesave dhe bllokimit të buxhetit të Komunës.

Që nga 24 nëntori, “Trafiku Urban” ka ndalur punën në shenjë pakënaqësie ndaj mosshlyerjes së pagave të punëtorëve dhe borxheve ndaj furnitorëve, situatë që erdhi si pasojë e moszhbllokimit të buxhetit komunal nga Ministria e Financave.

Javën e kaluar, punëtorët dhe kryetari i Prishtinës, Përparim Rama marshuan drejt Qeverisë për të kërkuar zhbllokimin e financave të kryeqytetit.

Ndërkohë, Asambleja Komunale votoi pro bartjes së 28 milionë eurove nga viti 2024 në 2025.

Kryetari Rama i ka kërkuar ministrit në detyrë të Financave, Hekuran Murati, lirimin e të hyrave vetanake dhe granteve komunale, të cilat arrijnë në 35 milionë euro./EO

Continue Reading

Lajmet

Futen ilegalisht nga Serbia në Kosovë, ndalohen nga policia

Published

1 hour ago

on

December 1, 2025

By

Dy persona janë ndaluar në fshatin Novosellë të Kamenicës meqenëse dyshohet që ilegalisht nga Serbia kanë hyrë në territorin e Kosovës.

Të dyshuarit raportohet ta kenë përdorur rrugën ilegale jashtë vendkalimi kufitar.

“Fsh. Novosellë, Kamenicë / 30.11.2025 – 21:25. Njësiti policor gjatë kontrollit ka ndaluar automjetin me targa të huaja të cilin kishte qenë duke e drejtuar i dyshuari mashkull kosovar, dhe pasagjeri i dyshuar  mashkull shtetas i huaj. Të dyshuarit në mënyrë ilegale përmes rrugës jashtë vendkalimit kufitar dyshohet se nga territori i Serbisë kanë hyrë në territorin e Kosovës. Në konsultim me prokurorin është inicuar lënda e rastit, të dyshuarit janë liruar në procedurë të rregullt”, thuhet në raportin e Policisë së Kosovës./S.K/EO/

Continue Reading

Lajmet

Aksident në dalje të Lushnjës, një i plagosur

Published

1 hour ago

on

December 1, 2025

By

Një aksident me pasojë plagosjen e një personi ka ndodhur pak pas mesnate në qytetin e Lushnjës.

Një automjet tip “Audi” është përfshirë në një aksident në daljen jugore të Lushnjës, duke u përplasur me një shtyllë ndriçimi rrugor në rrethrrotullimin e Savrës.

Sipas informacioneve paraprake, përplasja ka qenë e fortë dhe drejtuesi i mjetit Aleksandro B. ka marrë plagë të shumta, duke u dërguar menjëherë në spitalin e Fierit.

Burime nga spitali bëjnë me dije se i riu ndodhet jashtë rrezikut për jetën, shkruan rtsh.al./S.K/KP/

Continue Reading

Të kërkuara