Sport

Sermaxhaj për reagimin e Zhegrovës: Në FFK diçka po ndodh

Published

2 years ago

on

Reagimi i Edon Zhegrovës në rrjetet sociale ku hodhi akuza për parregullsi brenda Federatës së Futbollit të Kosovës është pasuar me reagime të shumtë në opinionin sportdashës, disa në përkrahje të tij, e disa të tjerë kundër.

Anësori kosovar nuk ishte pjesë e Kosovës në fitoren 1-0 ndaj Izraelit në ndeshjen që u zhvillua në Prishtinë dhe ishte e vlefshme për kualifikimet për në Kampionatin Evropian Euro 2024 pasi skuadra e tij, Lille nuk e liroi për shkak se kishte ndeshje kampionale.

Pas kësaj, u mësua se lojtari nuk do të ftohet as për dy ndeshjet e radhës për Kosovën, atë ndaj Zvicrës dhe ndaj Bjellorusisë, veprim ky që solli reagimin e aspër të lojtarit.

Sipas analistit Genc Sermaxhaj, reagimi i Zhegrovës është sinjal se ka parregullsi brenda FFK-së. Ai tha për KosovaPress se FFK duhet të reagojë sa më shpejtë për ta rregulluar këtë situatë.

“Zhegrova ka reaguar edhe muaj më parë diçka ngjashëm në atë ndeshjen e kaluar ku me trajnerin nuk kishte si duket raporte të mira, por diçka është duke ndodhur tek Federata e Futbollit të Kosovës, çfarë është duke ndodhur ne nuk e dimë, por këto sinjale që po i japin vet futbollistët me këto deklarata që po i bëjnë në këto rrjetet e tyre sociale, çoftë ata vet apo përmes menaxherëve të tyre po lë të kuptohet se diçka nuk është duke funksionuar mirë. Ne nga jashtë nuk mund ta dimë saktë sepse edhe vet futbollistët nuk po e tregojnë shkakun kryesor, por në një far formë po tregojnë që diçka parregullsi ka aty brenda, por duhet të reagohet sa më shpejtë nga krerët e federatës, çoftë nëse këtu janë fajtorë futbollistët për pakënaqësitë e tyre individuale apo ka diçka brenda federatës, e për këtë duhet t’i bien në fije më herët që në eliminatoret tjera mos të kemi këso pakënaqësish”, ka thënë Sermaxhaj.

Kosova ndeshjen e radhës do të zhvillojë kundër Zvicrës në Basel të shtunën e ardhshme.

Related Topics:
Continue Reading

Lajmet

FIFA publikon nominimet për “Lojtarin më të mirë të vitit 2025”

Published

2 hours ago

on

November 7, 2025

By

FIFA ka shpallur listën e lojtarëve të nominuar për çmimin prestigjioz “Lojtari më i mirë i vitit 2025”.

Në mesin e emrave të njohur janë Ousmane Dembélé, fituesi i Topit të Artë, dhe bashkëlojtarët e tij të PSG-së, Achraf Hakimi, Nuno Mendes dhe Vitinha.

Nga Barcelona janë nominuar Lamine Yamal, Raphinha dhe Pedri, ndërsa nga Premier League emrat e Mohamed Salah dhe Cole Palmer të Liverpool dhe Chelsea.

Po ashtu, Kylian Mbappé dhe Harry Kane kompletojnë listën e nominimeve.

Lionel Messi mbetet lojtari më i suksesshëm në këtë kategori, duke e fituar çmimin tri herë (2019, 2022, 2023)./S.K/EO/

Continue Reading

Lajmet

​Skandal në futbollin turk: Arrestohen 17 gjyqtarë dhe një president klubi

Published

3 hours ago

on

November 7, 2025

By

Prokurorët turq kanë urdhëruar arrestimin e 21 personave, mes tyre 17 gjyqtarë dhe presidenti i një klubi të Super Ligës, si pjesë e një hetimi për baste të paligjshme në ndeshje futbolli.

Hetimi vjen pas vendimit të Federatës Turke të Futbollit (TFF) javën e kaluar për të pezulluar 149 gjyqtarë dhe asistentë, pasi u zbulua se shumë prej tyre kishin llogari bastesh. Sipas agjencisë shtetërore Anadolu, deri tani janë ndaluar 18 prej tyre.

Zyra e prokurorit të Stambollit tha se gjyqtarët dhe zyrtarët e dyshuar akuzohen për manipulim rezultatesh dhe shpërdorim detyre. Një ish-pronar klubi dhe një ish-president i një shoqate futbolli janë gjithashtu nën hetim.

Presidenti i TFF-së, Ibrahim Haciosmanoglu, e quajti rastin “një krizë morale për futbollin turk”. Hetimi i federatës zbuloi se mbi gjysma e gjyqtarëve aktivë në ligat turke kishin llogari bastesh, ndërsa disa prej tyre kishin vendosur baste mijëra herë./S.K/KP/

Continue Reading

Lajmet

Drita me fitore historike ndaj Shelbourne

Published

4 hours ago

on

November 7, 2025

By

Kampionia e Kosovës në futboll, Drita, ka shënuar një fitore historike të enjten mbrëma në Dublin, duke triumfuar 1:0 ndaj Shelbournet në Ligën e Konferencës.Kjo fitore vjen pas dy barazimeve ndaj KuPS-it dhe Omonias në fazën e ligës.

Goli vendimtar u shënua nga sulmuesi i krahut, Almir Ajzeraj, në minutën e 57-të.

Ndeshja kishte momente të forta për të dy ekipet, ku kapiteni i Dritës, Rron Broja, goditi traversën në minutën e 45-të me një gjuajtje me kokë, ndërsa Shelbourne, që luajti me një lojtar më pak që nga minuta e 17-të pas përjashtimit të James Norrisit, pati disa raste për gol, përfshirë një gjuajtje në shtyllë nga Harry Wood.

Drita me këtë fitore historike i ka sjellë klubit 400 mijë euro të tjera nga UEFA.
Me këtë fitore dhe dy barazimet e mëparshme ndaj Omonias dhe KuPS-it, Drita ka arkëtuar gjithsej 666 mijë euro në tri ndeshjet e para të fazës grupore. Çmimi për një barazim është 133 mijë euro, ndërsa fitorja sjell 400 mijë euro.
Pjesëmarrja në fazën e ligës i ka siguruar Dritës edhe 3.17 milionë euro, duke e çuar fitimin e përgjithshëm të klubit në mbi 3.8 milionë euro në këtë fazë.
Drita ka ende të paktën tri ndeshje të tjera në fazën grupore, ku do të përballet me Shkëndijën dhe Alkmarin në shtëpi, dhe do të udhëtojë te Rayo Vallecano.
Aktualisht, me pesë pikë nga tri ndeshjet e zhvilluara, Drita është në vendin e 13-të, që aktualisht e çon në fazën e plejofit të Ligës së Konferencës./S.K/UBTNews/

Continue Reading

Lajmet

​Zyrtare: Daniele De Rossi merr drejtimin e skuadrës italiane

Published

20 hours ago

on

November 6, 2025

By

Genoa ka zyrtarizuar emërimin e Daniele De Rossit si trajnerin e ri të skuadrës, pak ditë para ndeshjes vendimtare për mbijetesë kundër Fiorentinës në Serie A.

Ish-legjenda e Romës ka nënshkruar një kontratë deri në fund të sezonit 2025-26, me mundësi zgjatjeje nëse klubi arrin të shmangë rënien nga kategoria.

Kjo është skuadra e tretë që 42-vjeçari do të drejtojë në karrierën e tij trajneriale, pas eksperiencave me SPAL dhe Romën.

De Rossi do të prezantohet të premten në konferencën për shtyp, përpara ndeshjes së rëndësishme ndaj Fiorentinës të dielën. Aktualisht, Genoa renditet në vendin e 18-të në Serie A me vetëm gjashtë pikë pas 10 javësh, ndërsa Fiorentina është në vendin e fundit me dy pikë më pak.

Në njoftimin zyrtar, klubi shkruan:

“Genoa njofton se ia ka besuar drejtimin e ekipit të parë Daniele De Rossit. Trajneri i ri është takuar me skuadrën dhe ka nisur punën në qendrën stërvitore Signorini. I urojmë mirëseardhje De Rossit dhe stafit të tij, duke falënderuar Roberto Murgitën dhe Domenico Crisciton për kontributin e tyre.”/S.K/KP/

Continue Reading

Të kërkuara