Sport

Sermaxhaj: Nuk është koha për trajner vendor në krye të Kosovës

“Duhet të jetë një trajner ri, një profili evropian, një trajner që është me ide të reja të futbollit modern”, tha ai.

Published

1 year ago

on

Posti i trajneri të Kombëtares së Kosovës tashmë është i lirë. Megjithëse Trajneri francez Alain Giresse është shkarkuar nga Federata e Futbollit të Kosovës pak orë pas humbjes së papritur nga Bjellorusia në kuadër të kualifikimeve për në Kampionatin Evropian 2024.

Duke e vlerësuar si të duhur vendimin e FFK-së për t’i ndarë rrugët me Giressen, analisti Genc Sermaxhaj, thotë se gabimi i madh nga federata u bë në momentin e emërimit të francezit në krye të Kosovës.

“E dimë që shpresat e të gjithëve kanë qenë që Kosova të ketë paraqitje dhe rezultate më të mira në Euro 2024 duke i parë edhe kombëtaret e tjera të cilat ishin në grup, mirëpo maksimumi i përfaqësueses sonë ishte kaq duke u bërë disa gabime që nga fillimi, së pari me përzgjedhjen e trajneri Giresse të cilin krerët e federatës e përzgjodhën që ai të jetë në krye të përfaqësueses dhe më pas gabimet e tij në idenë, lojën, përzgjedhjen dhe në ekipin startues dhe ata që i kanë zëvendësuar startuesit”, tha Sermaxhaj.

Sermaxhaj e konsideron si të vonshëm ndërprerjen e bashkëpunimit me Giressen, pasi, sipas tij, ai është dashur të largohet menjëherë pas ndeshjeve të Ligës së Kombeve vitin e kaluar.

“Në fakt është dashur që në fillim të shihet profili i trajneri dhe të vendoset për të se a duhet të jetë përzgjedhës i Përfaqësueses së Kosovës apo jo. Më pastaj është dashur që rezultatet e tij të shihen mirë në Ligën e Kombeve sepse mendoj që aty trajneri është dashur të shkarkohet që të mos vazhdohet me të për kualifikimet e Euro 2024 sepse edhe aty Përfaqësuesja e Kosovës nuk ka pasur nuk ka pasur paraqitje dhe rezultate të mira, nuk ka pasur lojë të mirë e as përzgjedhje të mirë të futbollistëve dhe të gjitha këto kanë bërë që, sipas meje, me të nuk është dashur të vazhdohet në kualifikimet e Euro 2024”, theksoi Sermaxhaj.

Në lidhje me përzgjedhjen e re që duhet ta bëjë Federata e Futbollit, Sermaxhaj thotë se edhe më tutje nuk është koha që një trajner vendor të jetë në krye të ekipi përfaqësues, por duhet një trajner i kalibrit evropian, me ide të futbollit modern.

“Unë nuk mendoj që është koha ta kemi një trajner vendor për të ardhmen sepse, pa dashur t’i nënçmoj, unë e di që kemi trajner të mirë në futbollin tonë, por, për nivelin e futbollistëve që ne e kemi, mendoj që duhet të jetë një trajner ri, një profili evropian, një trajner që është me ide të reja të futbollit modern… Unë mendoj që një profil i trajnerit inteligjent, trajner ri cili ka kohë për të përzgjedhur futbollistët, një trajner i cili mbase jo shumë ta njohë mentalitetin tonë, por e rëndësishme është ta njeh lojën e futbollit, metodat e reja, siç aplikojnë trajnerët e mëdhenj si Guardiola, Klopp e Tuchell, pra një trajner bashkëkohor”, tha Sermaxhaj.

Për rezultatet negative të Kosovës në kualifikimet për Euro 2024, Sermaxhaj ka fajësuar edhe lojtarët, duke thënë se ata nuk kanë treguar vullnet dhe dëshirë për të fituar.

“Natyrisht se edhe futbollistët kanë një pjesë të përgjegjësisë për mos rezultatet e mira, sepse ata janë që performojnë në fushe me udhëzimet që i jep kryetrajneri. Por tani, këta janë futbollistët që i kemi, e më të mirë se këta nuk kemi. Kështu që është rrezik i madh nëse mendohet që të startojnë apo të luajnë dikush tjetër sepse këta i kemi më të mirët. Është një problem, por një ide e re, një mënyrë e re e lojës, një nxitje më e madhe për angazhim, për dëshirë për fitore,, për ta djersitur fanellën e Kosovës, mendoj se mund të kemi rezultate më të mira në të ardhmen”, tha Sermaxhaj.

Sa i përket trajneri të ri, FFK nuk ka bërë të ditur se kur do ta emërojë atë, por se ka paralajmëruar reforma të thella brenda kombëtares.

Related Topics:
Continue Reading

Sport

Komiteti i Medias së UEFA-s mblidhet në Tiranë, Presidenti Duka: Ndihemi të nderuar

Published

23 hours ago

on

November 1, 2024

By

Federata e Futbollit mirëpriti paraditen e kësaj të premteje mbledhjen e radhës së Komitetit të Medias së UEFA-s. Një mbledhje e organizuar si asnjëherë më parë në kryeqytetin e Shqipërisë dhe në “Shtëpinë e Futbollit”, nën drejtimin e kryetarit të këtij Komiteti, Armand Duka. Ky komision përbëhet nga përfaqësues të federatave europiane dhe zyrtarët të UEFA-s.

Përpara se të deklaronte të hapura punimet e mbledhjes, Presidenti i FSHF-së, Armand Duka mbajti një fjalë përshëndetëse për të gjithë të pranishmit në këtë seancë.

Presidenti Duka u shpreh se ndihet i nderuar që Federata mirëpret në Tiranë një mbledhje të Komitetit të Medias, ndërsa nënvizoi edhe zhvillimet që ka pësuar Shqipëria vitet e fundit në infrastrukturë, në zhvillimin e talenteve të rinj dhe investimet në aspekte teknike e strategjike të lojës.

Fjala e plotë e Presidentit të FSHF-së, Armand Duka:

“Anëtarë të nderuar të Komitetit të Mediave të UEFA-s dhe kolegë të dashur!

Në emër të UEFA-s dhe Federatës Shqiptare të Futbollit, dua t’ju uroj mirëseardhjen në Tiranë. Jam vërtet i nderuar që po e mirëpres Komitetin e Medias të UEFA-s këtu për herë të parë dhe për mbledhjen time të dytë si Kryetar. Jemi të gëzuar t’ju mirëpresim në Shqipëri, një vend ku futbolli është më shumë se një sport – është një pasion dhe një burim krenarie kombëtare.

Në vitet e fundit, Shqipëria ka bërë hapa të rëndësishëm në ndërtimin e infrastrukturës së futbollit, zhvillimin e talenteve të rinj dhe investimin në aspekte teknike dhe strategjike të lojës. Jemi krenarë të ndajmë me ju progresin që kemi arritur ndërsa jemi në përputhje me vlerat dhe objektivat e UEFA-s.

Komiteti i Medias i UEFA-s dhe të gjithë ne luajmë një rol të rëndësishëm në formësimin e mënyrës sesi bota përjeton dhe angazhohet me futbollin. Puna jonë siguron që vlerat dhe historitë e futbollit të arrijnë te tifozët nga çdo cep i Europës.

Sot do të kemi mundësinë të diskutojmë çështje të ndryshme në lidhje me planet e medias dhe komunikimit, një rishikim të EURO 2024, një shikim mbi planet për EURO 2025 për vajza dhe tema të tjera shumë interesante. Jam i sigurt se do të kemi një diskutim frytdhënës.

Edhe një herë tjetër, në emër të UEFA-s dhe Federatës Shqiptare të Futbollit, mire se erdhët në Tiranë dhe le të zhvillojmë një mbledhje të shkëlqyer”.

Gjatë mbledhjes së Komisionit të Medias së UEFA-s u diskutuan çështje të ndryshme që lidhen me promovimin e futbollit në nivel Europian.

Continue Reading

Sport

Feronikeli 74 tërheq vendimin, vazhdon garat në Superligë

Published

1 day ago

on

November 1, 2024

By

Drejtuesit e klubit të futbollit Feronikeli 74 kanë tërhequr vendimin për t’u larguar nga garat duke bërë të ditur kështu se do t’i vazhdojnë ato për të mos e lejuar shuarjen e klubit, por edhe duke shpresuar në reagimin e Federatës së Futbollit të Kosovës.

Skuadra nga Drenasi ankohet për ndarje jo të duhur të drejtësisë nga gjyqtarët në ndeshjet e Superligës së Kosovës.

Në një konferencë për media, presidenti i klubit Erlind Krasniqi tha sot se pas një takimi të kryesisë së klubi dhe donatorëve, u vendos të vazhdohet me pjesëmarrje në të gjitha garat.

Ai i ka bërë thirrje FFK-së të reagojë përkitazi kësaj situate dhe të mos e lejojë dëmtimin e Feronikelit 74.

Ndërsa, në tribunat e stadiumit “Rexhep Rexhepi” kishte tifozë që protestonin kundër Federatës dhe kryetarit të saj Agim Ademi./UBTnews/

Continue Reading

Sport

Manchester United emëron portugezin si trajner të ri

Published

1 day ago

on

November 1, 2024

By

Ruben Amorim u emërua trajneri i ri i Manchester United, duke zëvendësuar të shkarkuarin Erik ten Hag.

Trajneri portugez 39-vjeçar ka nënshkruar një marrëveshje në Old Trafford deri në vitin 2027 dhe do t’i bashkohet klubit më 11 nëntor.

“Manchester United është i kënaqur të njoftojë emërimin e Ruben Amorimit si trajner kryesor i ekipit të parë të meshkujve, në varësi të kërkesave për vizë pune”, tha klubi në faqen e tij të premten.

“Ai do të bashkohet deri në qershor 2027 me një opsion klubi për një vit shtesë, pasi të ketë përmbushur detyrimet e tij ndaj klubit të tij aktual.”

United e përshkroi Amorimin si “një nga trajnerët e rinj më emocionues dhe më të vlerësuar në futbollin evropian”.

“I dekoruar shumë si lojtar dhe si trajner, titujt e tij përfshijnë fitimin e Primeira Liga-s dy herë në Portugali me Sporting CP – i pari prej të cilit ishte titulli i parë i klubit në 19 vjet”, thuhet në deklaratën e klubit.

Ndeshja e parë e Amorimit në krye do të jetë jashtë ndeshjes kundër Ipswich më 24 nëntor.

Continue Reading

Sport

​Spektakël i basketbollit në fundjavë, kampioni e pret liderin

Published

1 day ago

on

November 1, 2024

By

Java e tetë e ProCredit Superligës do të sjellë takime interesante. Derbi i kësaj xhiro është ndërmjet Trepçës dhe Bashkimit apo kampionit dhe liderit.

Mitrovicasit kanë pesë fitore e dy humbje, kurse prizrenasit shtatë fitore në shtatë ndeshje, duke qenë skuadra e vetme pa humbje në elitën e basketbollit. Kjo është përballja kryesore e kësaj jave, ku atmosfera në Mitrovicë pritet të jetë elektrizuese.

Të shtunën do të përballen Peja me Vëllaznimin. Pejanët nuk e kanë nisur edicionin në mënyrën më të mirë të mundshme me dy fitore e pesë humbje, ndërsa kuqezinjtë kanë tri fitore e katër humbje.

Sigal Prishtina do të ndeshet me Proton Cable Prizrenin, ku sfidën e parë në këtë kampionat e kishin fituar prizrenasit 100:88. Bardhekaltrit kanë katër fitore e tri humbje, kurse prizrenasit dy fitore e pesë humbje.

Ndeshja e fundit e kësaj xhiro është mes Golden Eagle Yllit dhe Borës. Therandasit kanë katër fitore e tri humbje, ndërsa prishtinasit një fitore e gjashtë humbje.

ProCredit Superliga-Java 8

E shtunë

17:00 Trepça – Bashkimi

19:00 Peja – Vëllaznimi

E diel

17:00 Sigal Prishtina – Proton Cable Prizreni

19:00 Golden Eagle Ylli – Bora

Continue Reading

Të kërkuara