Lajmet

​Serbia vendos sistemin raketor kinez afër kufirit, shihet si kërcënim për Kosovën

Published

on

Serbia përveç 48 bazave operacionale të vendosura më herët përreth kufirit, në afërsi të kufirit me Kosovën ka vendosur sistemin e modernizuar të raketave “FK-3” dhe “Pancir S1”, si dhe sistemet tjera të raketave “Neva M1T” dhe “Kub M2 (SM)” të Brigadës 250 të ushtrisë serbe. Sistemi FK-3, është sistem raketor kinez, me të cilin në vitin 2022, Serbia u bë vendi i parë në Evropë që operon me armë kineze, e që përfshinë edhe dronët luftarak CH-92. Gjithashtu, Forcat e Armatosura të Serbisë kanë krijuar një njësi të veçantë për mbikëqyrjen e dronëve, e cila si njësi operon në kuadër të Brigadës së 63-të të Parashutistëve të ushtrisë serbe.

Këto janë disa nga detajet që kryeministri Albin Kurti ia dha Sekretarit të Përgjithshëm të NATO-s, Jens Stoltenberg.

Derisa profesori për çështje ndërkombëtare, Dritëro Arifi tha se vet lokacioni i armatimeve serbe të vendosura në kufi me Kosovën, tregon se Serbia po kërcënon Republikën e Kosovës.

Arifi për KosovaPress, tha se armatimet e tilla reflektojnë një pasiguri për Kosovën. Ai tha se nuk duhet frikësuar, e as larguar nga qëndrimet që Kosova i ka.

”Vetëvendosja e një armatimi të tillë që rrezikon popullatën civile të një vendi tjetër dhe duke ditur që Serbia dhe Kosova, nuk kanë raporte normale si dy shtete, kjo jep sinjal me kuptuar që Serbia po dëshiron në çfarëdo forme me destabilizuar Republikën e Kosovës, edhe me një fazë të mëvonshme edhe me kërcënuar. Efekti i tyre është ky pozicionim i armatimit serb në kufi me Kosovën, reflekton një mënyrë paqëndrueshmëri dhe jo siguri brenda Kosovën, dhe kjo e dëmton Kosovën në perspektivë. 02:05 Pikërisht këto pozicionimet e ushtrive të armatimit në kufi me Kosovën, është dëshmi që Serbia është e interesuar për një konflikt më të gjerë, ne nuk duhet të frikësohemi kemi luftuar në kushte më të vështira dhe më shumë më pak armatim dhe ne duhet të i bëjmë perëndimit që ne nuk do të largohemi nga qëndrimet tona. Perëndimi nëse dëshiron të intervenoj e ka kohën dhe momentin, nëse dëshiron më vonë është shumë vonë” tha Arifi.

Po ashtu, Arifi theksoi se armatimet e Serbisë janë superiore, sepse shteti serb investon në armatime dhe në këtë rast Kosova nuk mund të bëjë asgjë, përveçse të lajmërojë për një konflikt të ri në Ballkan ndaj saj.

Profesori i çështjeve ndërkombëtare, Arifi shtoi se mesazhi i Serbisë është që dialogu nuk do të përfundojë, derisa Serbia të arrijë atë se çka dëshiron.

“Në raport me armatimin që ka Serbia, ato janë superiore sepse janë drona kinez që i ka blerë Serbia, që një kohë të gjatë, Serbia investon shumë në armatim. Perëndimi e dinë këtë shumë më mirë se ne se çfarë cilësie të armatimit ka Serbia, pra sidomos armatimi kinez është më cilësor për shkak se është i avancuar në teknologji, është çështje që Kosova nuk mund të bëjë asgjë, çka mund të bëjë Kosova që të informojë dhe të lajmëroj që po bëhet një konflikt i ri në Ballkan dhe këtu është ajo që si me thënë freni më i madh perëndimi, nëse perëndimi lejon Serbinë deri në këtë fazë të shkojë, atëherë është gjithçka në pikëpyetje, dhe vet dialogu se si do të rrjedh nuk mund të ketë dialog normal, pra një mënyrë me këtë vendim Serbia dëshiron me përçuar mesazh që dialogu nuk do të përfundojë deri sa Serbia nuk është e kënaqur me atë çka dëshiron të fitojë në tavolinë” u shpreh Arifi.

Përndryshe, Kurti i këkroi Sekretarit të Përgjithshëm të NATO-s, Stoltenberg, bashkëpunimin e ngushtë me NATO-n për paqen dhe sigurinë.

Continue Reading

Aktualitet

Sot shënohet Dita e Kushtetutës

Published

on

17 vjet më parë, Kosova u bë me aktin më të lartë juridik, dokumentin bazë të shtetësisë, Kushtetutën e Republikës së Kosovës duke i dhënë fund qeverisjes së Kosovës në bazë të rezolutës së Kombeve të Bashkuara 1244.

17 shkurti i vitit 2008 shënoi Kosovën në hartat politike të shteteve të pavarura ndërsa dy muaj më pas Kuvendi i Kosovës ratifikoi Kushtetutën e Republikës së Kosovës e cila më 15 qershor të po atij viti hyri në fuqi.

Kushtetuta e Kosovës u ratifikua më 9 prill 2008 dhe hyri në fuqi më 15 qershor 2008.

Kushtetuta është akti më i lartë juridik, që garanton të drejtat dhe liritë themelore të të gjithë qytetarëve të vendit.

Pjesa më e madhe e kësaj kushtetute rrjedh nga Plani i ish-presidentit Martti Ahtisaari, duke i dhënë kështu të drejta specifike grupeve minoritare dhe një ambient më të sigurt për të gjithë qytetarët e Kosovës.

Kushtetuta e definon Kosovën si një shtet me pikëpamje neutrale ndaj fesë – neni 8. Ajo ka 14 kapituj dhe 162 nene.

9 Prilli është zyrtarisht festë shtetërore në Kosovë që do të thotë se institucionet pushojnë sot (E mërkurë). /UBT News/

Continue Reading

Bota

Mattarella pret mbretin Charles në Pallatin Quirinale

Published

on

Mbreti Charles III dhe mbretëresha Camilla u takuan sot me presidentin italian, Sergio Mattarella, në ditën e dytë të vizitës shtetërore në Itali. Ky është udhëtimi i parë i mbretit pas largimit nga spitali, ku ai u trajtua për kancer, sipas informacioneve të agjencisë AP.

Mbreti Charles dhe Camilla u shoqëruan nga një grup rojesh presidenciale dhe u përshëndetën nga presidenti Mattarella në oborrin e Pallatit Quirinale, ku do të zhvillohet një banket shtetëror nesër në mbrëmje. Ky banket do të shënojë jo vetëm vizitën e mbretërorëve britanikë, por edhe 20-vjetorin e martesës së çiftit mbretëror.

Mbreti Charles do të takohet nesër me kryeministren italiane, Giorgia Meloni, përpara se të mbajë një fjalim në një seancë të përbashkët të Parlamentit italian – një ngjarje historike, pasi është hera e parë që një monark britanik merr pjesë në një fjalim të tillë.

Gjatë vizitës së tij, mbreti Charles do të theksojë lidhjet e ngushta mes Britanisë së Madhe dhe Italisë, dy aleatëve të NATO-s, në një periudhë kur këto dy shtete po përpiqen të forcojnë mbështetjen për luftën e Ukrainës kundër Rusisë.

Pjesë e vizitës treditore të mbretit dhe mbretëreshës do të jetë një udhëtim në Ravena, në rajonin verior Emilia Romagna, të enjten, për të përkujtuar 80-vjetorin e çlirimit të qytetit nga forcat aleate gjatë Luftës së Dytë Botërore./UBTNews/

 

Continue Reading

Bota

Koreja e Jugut do të mbajë zgjedhjet presidenciale më 3 qershor

Published

on

Koreja e Jugut do të mbajë zgjedhjet presidenciale më 3 qershor, pas vendimit të Gjykatës Kushtetuese që e hoqi Yoon Suk Yeol nga presidenca. Yoon u fajësua nga parlamenti në dhjetor për shpalljen e një deklarate të kontestuar lidhur me ligjin ushtarak. Pas një shqyrtimi të kërkesës për shkarkimin e tij, gjykata la në fuqi këtë vendim më 4 prill, duke detyruar mbajtjen e zgjedhjeve të parakohshme brenda 60 ditëve.

Presidenti në detyrë, Han Duck-soo, njoftoi datën e zgjedhjeve dhe theksoi se vendi duhet të “shërohet shpejt nga plagët” dhe të ecë përpara. Shpallja e ligjit ushtarak nga Yoon kishte krijuar pasiguri politike të thellë në vend, duke nxjerrë në pah ndarjet e thella shoqërore në Kore.

Yoon e shpalli ligjin ushtarak për të trajtuar kërcënimet e “forcave anti-shtetërore” dhe Koreës së Veriut, por shpejt u kuptua se kjo lëvizje ishte më shumë një pasojë e problemeve të tij të brendshme politike sesa një reagim ndaj kërcënimeve të jashtme.

Disa politikanë kanë shprehur interesin për të kandiduar në zgjedhjet presidenciale, përfshirë ministrin e punës Kim Moon-soo, i cili dha dorëheqjen këtë javë për të nisur fushatën e tij. Ahn Cheol-soo, një ligjvënës nga Partia e Pushtetit Popullor, gjithashtu ka hedhur kandidaturën për president.

Përveç krizës politike, Koreja e Jugut po përballet edhe me sfida të reja ekonomike, për shkak të tarifave të larta që janë shpallur nga Presidenti amerikan, Donald Trump. Shuma prej 25% për eksportet nga Koreja e Jugut në SHBA ka shtuar presionin mbi ekonominë e vendit, dhe autoritetet po kërkojnë negociata me administratën e Trump për të zbutur pasojat.

Continue Reading

Bota

‘Vidhnin’ turistët, Italia gjobit agjencitë e biletave të Koloseut Romak me 20 milionë euro

Published

on

Autoriteti i konkurrencës i Italisë ka vendosur gjoba në vlerë 20 milionë euro për një grup operatorësh turistikë që përdornin praktika të papërshtatshme për të grumbulluar bileta për Koloseun Romak, duke e bërë të vështirë për turistët të blinin bileta standarde me çmim të rregullt për këtë atraksion turistik të njohur.

Hetimi, i nisur në korrik të vitit 2023 pas ankesave të shumta, ka zbuluar se biletat për Koloseun ishin shpesh të papërballueshme për vizitorët individualë për shkak të strategjive të grumbullimit të biletave nga disa agjenci, duke i bërë ato të papërshtatshme dhe të pamundura për t’u blerë në çmimin standard.

Autoriteti i konkurrencës (ACGM) ka raportuar se ky grumbullim i biletave ka çuar në “mosdisponueshmëri të konsiderueshme dhe të zgjatur” të biletave me çmime zyrtare, duke detyruar turistët të blinin bileta me çmime të rritura, shpesh të shoqëruara me shërbime shtesë si guidat turistike dhe mundësinë për të shmangur radhët.

Shoqëria e Kulturës së Kooperativës, që menaxhoi shitjet e biletave për Koloseun nga viti 1997 deri në 2024, ka marrë pjesën më të madhe të gjobës, me një shumë prej 7 milionë euro, për dështimin në parandalimin e grumbullimit të biletave dhe rezervimin e një pjese të madhe për paketat turistike me udhëzues.

Gjithashtu, gjashtë operatorë turistikë nga Italia, Gjermania, Holanda dhe Irlanda janë gjobitur për përdorimin e sistemeve automatike të blerjes së biletave (bots), që shpesh kanë blerë bileta në sasi të mëdha, duke i bërë ato të papërballueshme për turistët individualë.

Çmimi i biletës për të hyrë në Koloseun për të rritur është 18 € për vizitë, përfshirë mundësinë për të qëndruar deri në 20 minuta në katin kryesor të këtij monumenti të famshëm. Koloseu ishte atraksioni më i vizituar i Italisë në vitin 2023, me mbi 12.3 milionë vizitorë.

Drejtoria e Koloseumit ka refuzuar të komentojë mbi gjobat, duke u fokusuar vetëm në faktin se kjo është një nga pikat kryesore turistike për vendin, dhe ka konfirmuar angazhimin për të siguruar një përvojë më të mirë për vizitorët e ardhshëm./UBTNews/

Continue Reading

Të kërkuara