Magazinë

Selena Gomez: Rrënjët e mia kanë ndikuar në gjithë jetën time

Published

on

Aktorja dhe këngëtarja Selena Gomez, ka treguar se ndihet krenare për origjinën e saj meksikane, e cila sipas saj, ka pasur ndikim të madh në jetën dhe karrierën e saj.

32-vjeçarja ka theksuar se ka krijuar një lidhje të veçantë me gratë e tjera latine në industrinë e argëtimit.

“Prejardhja ime meksikane është diçka që ka ndikuar në gjithë jetën time, dhe jam e vetëdijshme për rëndësinë që ka përfaqësimi. Gjatë këtyre viteve në këtë industri, disa nga gratë më mbështetëse që kam njohur kanë qenë gra të tjera latine. E dua atë lidhje që kemi mes vete”, ka thënë ajo për Billboard.

Më 2021, Gomez ka publikuar albumin e shkurtër “Revelación”, projektin e parë të realizuar në gjuhën spanjolle. Ky album ka debutuar në vendin e parë të Top Latin Albums, duke u bërë albumi i parë nga një artiste grua që arrin këtë sukses që prej albumit “El Dorado” të Shakira.

“Nuk përqendrohem shumë te statistikat apo listat muzikore, por kur dëgjoj diçka të tillë, ndjej vetëm krenari. Shakira është një ikonë, dikë që e kam admiruar gjithmonë dhe që e dua shumë”, është shprehur Gomez.

Ajo ka shtuar se realizimi i një albumi të tërë në spanjisht ishte dëshirë e kahershme.

“Gjithmonë kam dashur të bëj një projekt të tërë në spanjisht. Gjatë viteve kam publikuar versione në spanjisht të disa këngëve, por një album i plotë në këtë gjuhë kishte shumë rëndësi për mua. Kam punuar shumë që të nderoja rrënjët e mia latine”, ka thënë ylli.

Në vitin 2024, Gomez ka luajtur edhe në filmin në gjuhën spanjolle “Emilia Perez”, një tjetër hap i rëndësishëm për karrierën e saj ndërkombëtare. Ajo ka thënë se e ka shijuar sfidën e të aktruarit në një gjuhë tjetër.

“E shtyva veten drejt hapësirave të pakëndshme, që për një aktore janë më shpërblyeset. Ishte një përvojë magjike dhe puna me regjisorin Jacques Audiard ishte një nga përvojat më të mira që kam pasur ndonjëherë”, ka thënë artistja.

Gomez, e fejuar me producentin muzikor Benny Blanco, ka thënë se tani është në një fazë ku po zgjedh me kujdes projektet e ardhshme.

“Po marr kohën time për të gjetur rolin dhe regjisorin e duhur, sepse dua që projekti i radhës të jetë sfidues dhe i papritur”, ka thënë ndër të tjera këngëtarja.

Lajmet

Beyoncé arrin rekord historik me 100 nominime në Grammy Awards

Published

on

Beyoncé ka shkruar sërish historinë në Grammy Awards, duke u bërë artistja e parë që arrin gjithsej 100 nominime në historinë e këtyre çmimeve.

Këtë rekord këngëtarja e arriti pasi kënga e saj “Morning Dew (Donk)” u nominua në kategorinë Performanca më e mirë solo R&B (Best R&B Solo Performance), raporton Variety.

Beyoncé publikoi këngën më 4 korrik, në prag të 20-vjetorit të albumit të saj të dytë, “B’Day”. Kënga kishte mbetur e papublikuar për një kohë të gjatë dhe ishte shkruar nga Beyoncé, Pharrell Williams, The-Dream dhe Darius Dixon. Në prodhimin e saj u angazhuan Beyoncé dhe Williams.

“Morning Dew (Donk)” do të garojë në këtë kategori përballë këngëve “Out the Window” nga Kehlani, “Let Me” nga Victoria Monét, “Pressha” nga Jill Scott dhe “What You Need” nga Tems.

Kjo nuk është hera e parë që Beyoncé vendos rekorde në Grammy Awards. Në vitin 2023, ajo u bë artistja me më së shumti çmime të fituara në historinë e ceremonisë, duke arritur në 32 trofe. Rekordin e mëparshëm e mbante dirigjenti dhe muzikanti i muzikës klasike Georg Solti, me 31 çmime.

Një tjetër arritje erdhi në vitin 2024, kur Beyoncé u bë artistja me më së shumti nominime në historinë e Grammy Awards, duke kaluar bashkëshortin e saj, Jay-Z, me të cilin deri atëherë ndante rekordin prej 88 nominimesh.

Në vitin 2025, ajo fitoi edhe tre çmime të tjera Grammy, duke e çuar në 35 numrin e përgjithshëm të trofeve të fituara gjatë karrierës së saj. Kështu, Beyoncé vazhdon të mbajë rekordin si artistja më e shpërblyer në historinë e Grammy Awards./A.K/

Continue Reading

Lajmet

RAYE kryeson nominimet për Grammy 2027 me 11 kandidatura

Published

on

Këngëtarja britanike RAYE është artistja me më së shumti nominime për edicionin e vitit 2027 të çmimeve Grammy, duke siguruar gjithsej 11 kandidatura.

Ajo kryeson listën e nominimeve, duke lënë pas emra të njohur të industrisë muzikore, si ROSALÍA, Taylor Swift dhe Olivia Rodrigo.

RAYE është në garë për çmimin Albumi i Vitit (Album of the Year), me albumin e saj “THIS MUSIC MAY CONTAIN HOPE”, si dhe për dy nga kategoritë kryesore të ceremonisë: Kënga e Vitit (Song of the Year) dhe Incizimi i Vitit (Record of the Year), me këngën “WHERE IS MY HUSBAND!”.

Përveç këtyre, këngëtarja ka marrë nominime edhe në kategori të tjera, përfshirë Best Pop Vocal Album, Best Dance Pop Recording dhe Songwriter of the Year.

Me 11 kandidatura, RAYE ka barazuar rekordin e Beyoncé-s për numrin më të madh të nominimeve të marra nga një artiste femër në një edicion të vetëm të Grammy Awards./A.K/

Continue Reading

Lajmet

Shawn Mendes reagon ashpër për situatën në Gaza: “Po ndodh një gjenocid para syve tanë, artistët të flasin”

Published

on

By

Këngëtari i njohur kanadez, Shawn Mendes, ka publikuar një mesazh të fuqishëm në rrjetet sociale në mbështetje të Palestinës, duke bërë thirrje për ndalimin e menjëhershëm të vrasjeve në Gaza dhe duke u kërkuar kolegëve të tij artistë që të mos heshtin.

Përmes një deklarate të shkruar, artisti 28-vjeçar e ka cilësuar situatën aktuale si gjenocid, duke theksuar se fëmijët dhe familjet palestineze kanë vuajtur tepër gjatë dhe kanë nevojë urgjente për ndihmë. Mendes ka bërë të ditur se është duke u informuar vazhdimisht për të kuptuar se si mund të kontribuojë dhe se tashmë ka dhuruar donacione për disa organizata humanitare, duke ftuar edhe ndjekësit e tij të veprojnë njëjtë.

“Miqtë e mi dhe kolegë artistë, e di që mund të duket e frikshme të flasësh hapur; e ndiej edhe unë tani teksa e shkruaj këtë… Por ndiej nevojën të bëj diçka për të ndihmuar. Sa më shumë prej nesh ta përdorin zërin, aq më afër ndryshimit jemi. Këta fëmijë në Palestinë janë detyruar të jenë trima për një kohë të gjatë. Tani është radha jonë të bëjmë të njëjtën gjë”, ka shkruar Mendes.

Në mbyllje të reagimit të tij, këngëtari ka bërë thirrje që të normalizohet ngritja e zërit në mbrojtje të atyre që vuajnë nga shtypja, duke listuar gjashtë hapa konkretë veprimi: dhuroni, edukohuni, inkurajoni, sfidoni, mbani përgjegjës ata që janë në pushtet dhe votoni. /E.A/

Continue Reading

Lajmet

Dua Lipa në Coachella 2027

Published

on

Festivali i njohur i muzikës Coachella Valley Music and Arts Festival ka publikuar listën e artistëve që do të performojnë në edicionin e vitit 2027, ku në mesin e emrave kryesorë është edhe këngëtarja me origjinë shqiptare, Dua Lipa.

Ylli i muzikës pop do të jetë një nga artistet kryesore të festivalit, së bashku me Tame Impala dhe SZA, të cilët do të kryesojnë programin muzikor gjatë dy fundjavave të këtij eventi.

Dua Lipa do të performojë të premten, më 9 prill, ndërsa do të rikthehet në skenë edhe më 16 prill, gjatë fundjavës së dytë. Tame Impala do të jetë emri kryesor i së shtunës, kurse SZA do të mbyllë programin e së dielës.

Coachella 2027 do të mbahet më 9–11 dhe 16–18 prill, në Empire Polo Club, në Indio të Kalifornisë. Organizatorët kanë bërë të ditur se të dy fundjavat do të kenë të njëjtën listë artistësh.

Një prej surprizave të këtij edicioni është rikthimi i ikonës së muzikës pop, Madonna, e cila do të performojë në Dance Tent. Në festival do të jetë i pranishëm edhe Daddy Yankee, me një paraqitje të veçantë të prezantuar si “In the Desert”.

Në mesin e artistëve të tjerë që do të ngjiten në skenat e Coachellas janë Zara Larsson, Kehlani, Phoebe Bridgers, Weezer, Tiësto, Martin Garrix, Role Model, Don Toliver, Dom Dolla, Kygo, Empire of the Sun, The Neighbourhood dhe Becky G.

Pjesëmarrja e Dua Lipës në mesin e emrave kryesorë të festivalit shënon një tjetër paraqitje të rëndësishme në karrierën e saj ndërkombëtare.

Biletat do të dalin në shitje të premten, më 13 nëntor, në orën 12:00, sipas njoftimit të organizatorëve.

/A.K/

Continue Reading

Të kërkuara