Sekretet që ju ndihmojnë të digjni sa më shumë kalori gjatë ecjes

Ecja është një opsion ideal për sa i përket kryerjes së një aktiviteti fizik.

Published

4 years ago

January 21, 2022

UBT news

Nëse keni vendosur të digjni më shumë kalori dhe të tonifikoni trupin tuaj në 2022-in, mos harroni ta bëni ecjen pjesë të planit tuaj.

Ecja është një opsion ideal për sa i përket kryerjes së një aktiviteti fizik sepse nuk kërkon aftësi të specializuara.

Akti i ecjes është kryesisht një proces automatik i trurit që nuk kërkon pothuajse asnjë mendim të prekshëm. Kështu që shëtitjet nuk do t’ju lodhin as mendërisht!

Po ashtu është një mënyrë fantastike për të filluar stërvitjen dhe djegien e yndyrës sidomos kur jeni fillestarë.

Megjithatë ka një sërë sekretesh që mund të përdorni për të djegur edhe më shumë kalori gjatë ecjes.

Lexoni më poshtë për të mësuar më shumë nga këshillat e AgroWeb.org.

Ecni pasdite

Nëse e urreni idenë për tu ushtruar në mëngjes, jeni me fat!

Hulumtimet tregojnë se trupat priren të djegin më shumë kalori në mes të ditës.

Ky studim ku AgroWeb.org bazohet, gjurmoi një grup burrash mbipeshë teksa ushtroheshin në mëngjes ose pasdite.

Dhe pjesëmarrësit që ishin aktivë pasdite përfunduan duke humbur më shumë yndyrë trupore sesa të tjerët që kryenin të njëjtën rutinë në mëngjes.

Për më tepër, ushtruesit e pasdites patën gjithashtu përmirësime më të mëdha si në kontrollin e glukozës në gjak ashtu edhe në rezistencën ndaj insulinës.

Ecni me shpejtësi

Për të pasur sa më shumë efikasitet në djegien e yndyrës dhe kalorive gjatë ecjes këshillohet të shtoni pak ritmin.

Një ritëm më i shpejtë përkthehet në më shumë kalori të djegura.

Kini parasysh se ju duhet të jeni në gjendje të flisni, por jo të këndoni, ndërsa ecni me shpejtësi.

Dhe nëse mezi mund të flisni gjatë lëvizjes, ju keni kaluar në vrapim.

Ecni në terren të pjerrët

Një mënyrë tjetër e shkëlqyer për të djegur sa më shumë kalori është të ecni edhe në terrene të pjerrëta.

Nuk është argëtuese, por kjo përpjekje mund të ndihmojë në përshpejtimin e rezultateve.

Vishni një jelek me peshë

Kjo këshillë mund të kërkojë një vizitën në dyqan, por investimi në një jelek me peshë është një mënyrë efektive për të rritur potencialin e djegies së yndyrës në shëtitjet tuaja të përditshme.

Kombinoni ecjen me disa ushtrime rezistence

Shtimi i disa ushtrimeve komplekse rezistence në rutinën tuaj të ecjes është një mënyrë tjetër e shkëlqyer për të përshpejtuar djegien e yndyrës dhe forcimin e muskujve tuaj.

Çdo pesë minuta ose më shumë bëni një pushim nga ecja dhe kryeni disa ushtrime të tilla./AgroWeb.org

Varianti K: Mutacioni më infektues që po përhapet shpejt në botë

Published

3 hours ago

December 10, 2025

UBT News

Virusi i gripit AH3N2 ka pësuar mutacion dhe transmetueshmëria e tij është më e lartë.

Varianti K i këtij virusi ka rritur numrin e të shtruarve në spitale në vende të tjera të botës.

Në Shqipëri nuk ka vend për panik, thonë ekspertët, pasi ky virus ka qarkulluar në vendin tonë edhe më parë, dhe edhe pse ka një ndryshim, mbetet brenda të njëjtës familje.

Viruset e gripit pësojnë ndryshime për variantin e ri K nuk duhet të ketë panik, dhe pse nuk është në përbërjen e vaksinës për 2025–2026.

Vaksina na mbron gjithsesi duke rritur imunitetin. Në vende të ndryshme, varianti K i AH3N2 ka rritur numrin e të shtruarve në spitale dhe të atyre që rendin për t’u vaksinuar. /A.Z/UBT News/

Kombinimet e rrezikshme të suplementeve! Çfarë nuk duhet marrë kurrë bashkë?

Published

3 hours ago

December 10, 2025

UBT News

Përdorimi i pakontrolluar i suplementeve mund të sjellë më shumë dëm sesa përfitim, paralajmërojnë mjekët.

Ata theksojnë se suplementet duhet të merren vetëm kur vërtetohet mungesa e një vitamine apo minerali dhe nën këshillim profesional.

Kombinimet e gabuara mund të zvogëlojnë efektin e njëri-tjetrit ose të shkaktojnë mungesa të rëndësishme ushqyese.

P.sh., konsumimi i kafesë me suplemente hekuri ul ndjeshëm përthithjen. Dr. Karan Rajan shpjegon se edhe marrja e sasive të mëdha të kalciumit ndikon negativisht në përthithjen e hekurit. Po ashtu, disa kombinime të suplementeve mund të shkaktojnë komplikime.

Kombinimet që duhet shmangur:

Kalcium dhe hekur – Nuk rekomandohet të merren njëkohësisht; duhet një interval prej së paku dy orësh. Hekuri përthithet më mirë me vitaminë C, ndërsa kalciumi nuk duhet marrë me ushqime të pasura me hekur.

Zink dhe kalcium – Konkurojnë për përthithje në zorrë, ndaj duhet të merren të ndara me të paktën dy orë diferencë.

Zink dhe hekur – Dozat e larta të hekurit (mbi 25 mg) ulin përthithjen e zinkut. Zinku duhet marrë pas disa orësh.

Çaji jeshil dhe hekuri – Ulin përthithjen e hekurit. Konsumimi i tepruar i çajit jeshil mund të çojë në mungesë hekuri.

Vitamina C dhe vitamina B12 – Vitamina C në doza të larta zvogëlon përthithjen e B12. Duhet të merren të ndara me disa orë.

Zink dhe magnez – Zinku në doza të larta pengon përthithjen e magnezit, prandaj rekomandohet marrja në kohë të ndryshme të ditës.

Mjekët këshillojnë që suplementet të përdoren me kujdes dhe vetëm kur janë të nevojshme, për të shmangur probleme shëndetësore të panevojshme. /A.Z/UBT News/

Shëndet

Uleni temperaturën pa ilaçe, këshilla të thjeshta dhe efektive

Published

20 hours ago

December 9, 2025

UBT News

Virozat e ndryshme shkaktojnë temperaturë të lartë trupore, e cila mund të shkaktojë lodhje dhe ndjesi jo komode.

Ekzistojnë disa mënyra për të ulur temperaturën pa përdorur ilaçe, por është e rëndësishme të mbani mend se nëse zgjat për disa ditë, duhet të konsultoheni me mjekun.

Kjo sepse trupi mund të jetë duke luftuar ndonjë infeksion më serioz.

Ja dy metoda të thjeshta dhe efektive që mund t’ju ndihmojnë:

1. Patate:

Merrni një patate dhe pritini në rrathë të hollë. Vendosini rrathët brenda çorapeve dhe vishni, duke i mbajtur derisa të ndjeni se temperatura ka rënë. Patatja ndihmon në ftohjen e trupit në mënyrë natyrale. Kujdes: mos e mbani shumë gjatë, pasi mund të ulë temperaturën në nivele të tepërta.

2. Dush me ujë të vakët:

Kur keni temperaturë, dush me ujë të vakët ndihmon në uljen e saj. Mos përdorni ujë të ftohtë, sepse kjo shkakton të dridhura dhe të përkeqësojë gjendjen tuaj. Një dush i vakët ndihmon trupin të freskohet pa stres dhe rrit komoditetin gjatë shërimit.

Përveç këtyre, është e rëndësishme të qëndroni të hidratuar, të pushoni, të hani ushqime të lehta.

Kujdesi natyral dhe pushimi janë çelësi për rikuperim më të shpejtë. /A.Z/UBT News/

Shëndet

Keni ngrënë aksidentalisht disa fara molle? Ja çfarë duhet të dini

Published

23 hours ago

December 9, 2025

UBT News

Nëse keni ngrënë disa fara molle pa dashje, zakonisht nuk ka arsye për shqetësim.

Lëvozhga e fortë e jashtme i mbron substancat e tyre të dëmshme, prandaj shumica e njerëzve nuk përjetojnë efekte anësore.

Por, nëse farat përtypen, shtypen ose konsumohen në sasi të mëdha, ato mund të bëhen toksike.

Rreziqet kryesore:

Mbytja: Farat e vogla mund të bllokojnë rrugët e frymëmarrjes, veçanërisht tek fëmijët ose personat me vështirësi në gëlltitje. Për këtë arsye, është më e sigurt të hiqni bërthamën para se të hani.

Helmimi: Farat përmbajnë amigdalinë, që në trup mund të shndërrohet në cianur hidrogjeni, një substancë toksike. Gëlltitja e farave të plota zakonisht nuk është e rrezikshme, por përtypja rrit rrezikun. Simptomat mund të përfshijnë dhimbje koke, të përziera, marramendje, rrahje të shpejta të zemrës dhe në raste të rënda humbje të vetëdijes.

Probleme tretjeje: Përtypja e një numri të madh farash shkakton fryrje ose dhimbje barku, sidomos tek personat me probleme të tretjes.

Alergjitë: Rrallë, disa persona mund të kenë reaksione alergjike ndaj farave, duke përfshirë skuqje, ënjtje ose vështirësi në frymëmarrje. Në këtë rast, kërkoni menjëherë ndihmë mjekësore.

Sa është e rrezikshme?

Ekspertët vlerësojnë se një dozë toksike për një të rritur është rreth 150–200 fara të përtypura, varësisht nga pesha dhe lloji i mollës. Pra, ngrënia aksidentale e disa farave nuk paraqet rrezik.

Hiqni gjithmonë bërthamën dhe farat para konsumimit, veçanërisht për fëmijët.

Mos përtypni farat e mëdha ose të shumta rregullisht. /A.Z/UBT News/