Kuriozitete

Sekretet e njerëzve që nuk sëmuren kurrë

Published

1 year ago

on

Me siguri se i xhelozoni ata njerëz të cilët e kalojnë sezonin e dimrit pa u sëmurë fare. Ndonëse njerëzit janë me grip gjithandej, ka disa persona që asnjëherë nuk sëmuren.

Por, nuk keni arsye të xhelozoni se mund të bëheni si këta njerëz që kurrë nuk sëmuren thjesht duke i ndryshuar shprehitë e këqija dhe duke i shndërruar në të mira.

Orari i rregullt i gjumit

Nëse flini më pak se shtatë orë, jeni të prirë të sëmureni. Arsyeja është se kur flini, trupi e riparon vetveten. Nëse nuk flini mirë natën, trupi bëhet më i prirë të sëmuret nga çdo infeksion. Koha e natës është periudha kur trupi e rregullon hormonin e stresit. Nëse e keni një orar të rregullt të gjumit, të cilin e ndiqni edhe gjatë vikendeve, trupi e ka më të lehtë të ballafaqohet me stresin dhe t’i luftojë infeksionet.

2. Ushqimi i shëndetshëm

Ushqimet e pashëndetshme kanë shije të mirë dhe krijojnë varësi.Sidoqoftë, ato nuk i bëjnë mirë trupit, ndryshe nga pemët dhe perimet.

Prandaj, është përgjegjësi e juaja të filloni të ushqeheni shëndetshëm, duke i përfshirë këto produkte në dietën tuaj:

• Patatet e ëmbla
• Pemët citrike
• Bajamet
• Rrushin

Edhe konsumimi i verës së kuqe është mënyrë e mirë për të qëndruar të shëndetshëm. Kur ushqeheni mirë, e ndihmoni trupin t’i luftojë mikrobet dhe bakteret që shkaktojnë infeksionet, gripa, ftohje, etj.

3. Pastroni duart

Nuk keni nevojë t’i pastroni duart çdo disa minuta për t’i mbajtur larg mikrobet.Ka disa periudha të caktuara kur pastrimi i duarve është tejet i domosdoshëm, si p.sh.:

– Para dhe pasi ta përgatitni ushqimin

– Para se të hani

– Pasi ta keni përdor tualetin

– Pasi të kolliteni apo teshtini

Pastroni duart me sapun dhe ujë për 20 sekonda në mënyrë që ta zvogëloni rrezikun e zhvillimit të ftohjes dhe gripit deri në 50%.

4. Qëndroni të lumtur

Një prej mënyrave më të mira për të qëndruar të lumtur është duke qenë me njerëz tjerë. Pavarësisht se a janë miq a familjarë, duhet të shoqëroheni me njerëz. Lirojeni stresin duke shpenzuar kohë e duke qeshur me njerëz. Një përqafim nga personi që e doni jua largon rëndimin në gjoks i cili jua dobëson sistemin e imunitetit. Shëndeti është pasuri, aplikoni shprehitë e cekura që të bëni një jetë pa stres.

Related Topics:
Continue Reading

Kuriozitete

25 emrat më të shpeshtë në botë – Muhameti e Maria nuk lëshojnë udhë!

Published

1 week ago

on

January 1, 2026

By

Emrat e njerëzve ndryshojnë me kohën, i përshtaten asaj. Mirëpo, në gjithë botën, janë disa emra që nuk ndryshojnë shumë. Mund të ketë trende të emrave të rinj, por ata të moçmit vazhdojnë e dominojnë.

Dhe këtë e tregon më së miri një listë prej 25 emrave më të përhapur në botë, ku emrat Muhamet për burrat dhe Maria për gratë vazhdojnë ta mbajnë primatin – me diferencë të lartë nga emrat e tjerë.

  1. Muhammad – 133,349,300
  2. Maria             – 61,134,526
  3. Jose – 29,946,427
  4. Wei -17,145,807
  5. Ahmed -14,916,476
  6. Yan -14,793,356
  7. Ali -14,763,733
  8. John -14,323,797
  9. David -13,429,576
  10. Li -13,166,162
  11. Abdul -12,163,978
  12. Ana -12,091,132
  13. Ying             -12,047,080
  14. Michael -11,471,765
  15. Juan -11,372,603
  16. Anna -11,350,336
  17. Mary -11,303,767
  18. Jean             -11,024,162
  19. Robert -10,170,794
  20. Daniel             -10,026,181
  21. Luis             -9,757,245
  22. Carlos             -9,618,779
  23. James             -8,807,695
  24. Antonio -8,659,274
  25. Joseph -8,630,833

Continue Reading

Kuriozitete

Pajisjet shtëpiake që nuk duhen ndezur kurrë njëkohësisht

Published

3 weeks ago

on

December 16, 2025

By

Ndezja njëkohësisht e pajisjeve me konsum të lartë elektrik mund të duket praktike, por në realitet përbën një rrezik serioz për instalimet elektrike shtëpiake.

Çdo pajisje tërheq amperazh të caktuar dhe kur disa prej tyre punojnë paralelisht, rrjeti mund të mbingarkohet.

Siguresat shërbejnë si mbrojtje, por në instalime të vjetra ose kur përdoren kabllo zgjatëse, ekziston rreziku real i mbinxehjes, shkrirjes së prizave dhe madje zjarrit. Kabllot zgjatëse janë veçanërisht të rrezikshme, pasi nuk janë të dizajnuara për pajisje me fuqi të lartë.

Pajisje si frigoriferët, mikrovalët, tosterët, aparatet e kafesë, ngrohëset dhe kondicionerët nuk duhet të ndajnë të njëjtën prizë.

Kur këto rregulla injorohen, telat mund të mbinxehen dhe të shkaktojnë zjarre të fshehta brenda mureve.

Këshilla është të shkëputen pajisjet nga priza kur nuk përdoren dhe të shmanget përdorimi i kabllove zgjatëse për pajisje të fuqishme.

Kjo rrit sigurinë në shtëpi dhe ul edhe shpenzimet e energjisë elektrike. /A.Z/UBT News/

Continue Reading

Kuriozitete

Letra e fundit e Mary Stuart rikthehet në ekspozim pas dekadash

Published

4 weeks ago

on

December 12, 2025

By

Letra e fundit e Mary Stuart, Mbretëreshës së Skocisë, e shkruar pak orë para ekzekutimit më 8 shkurt 1587, do të ekspozohet vitin e ardhshëm në Muzeun e Perthit.

Dorëshkrimi, që ruhet në Bibliotekën Kombëtare të Skocisë dhe rrallë shfaqet për arsye konservimi, do të jetë i ekspozuar për tre muaj – periudha më e gjatë e ekspozimit në dekada.

Letra katërfaqëshe, drejtuar Mbretit Henri III të Francës, përmban reflektimet e saj para vdekjes, pretendimin për kurorën angleze, përkushtimin ndaj fesë katolike dhe kërkesën për shpërblimin e shërbëtorëve të saj.

Ekspozita do të shoqërohet me aktivitete dhe materiale të tjera historike, përfshirë dorëshkrime nga AK Bell, si poema e Robert Burns dhe fragmente nga drama e Liz Lochhead.

Letra do të jetë e hapur për publikun nga 23 janari deri më 26 prill 2026. /A.Z/UBT News/

 

Continue Reading

Kuriozitete

Një grua në Spanjë pushohet pse shkonte herët në punë

Published

4 weeks ago

on

December 11, 2025

By

Një punonjëse 22-vjeçare në Spanjë u pushua nga puna për shkak se paraqitej 40 minuta para orarit zyrtar.

Ajo kishte punuar më herët për dy vjet dhe ishte paralajmëruar 19 herë për të respektuar orarin 07:30.

Kompania e akuzoi gjithashtu për shitjen pa autorizim të një baterie të përdorur.

Gjykata e Alicantes vendosi në favor të punëdhënësit, duke argumentuar se problemi ishte mosrespektimi i rregullave, një shkelje e rëndë sipas Kodit të Punës spanjoll.

Punonjësja mund të apelojë në Gjykatën e Lartë në Valencia. /A.Z/UBT News/

Continue Reading

Të kërkuara