Lajmet

Sejdi Hoxha kërkon që Lutfi Haziri të ftohet në intervistim për procesin e privatizimit

Published

5 years ago

December 14, 2020

Betim Gashi

Në Komisionin Hetimor Parlamentar lidhur me procesin e privatizimit në Kosovë ka raportuar deputetja Mimoza Kusari-Lila dhe Ilir Salihu, ish-zëvendësdrejtor në AKM. Këtu u kërkua që Lutfi Haziri të ftohet për raportim për çështjen e privatizimit.

Kryetari i komisionit, Hajrullah Çeku i tha Kusari-Lilës që arsyeja e ftuarjes në Komision është një deklaratë e saj në lidhje me procesin e privatizimit. Ai tha se nuk beson se ndonjë anëtar duhet të marrë vërejtje për këtë çështje sepse ndërhyrjet politike janë pjesë e hetimit të këtij komisioni dhe është legjitime të bëjnë pyetje të tilla në komision.

“Në kohën kur Albin Kurti ka qenë kryeministër kënd e ka punësuar. Po bënë shkelje Bekë Berisha që nuk po i qet emrat”, tha Çeku.

Deputetja Mimoza Kusari Lila ka thënë se është pak qesharake sepse edhe tema e nisur në këtë komision sa i përket procesit të privatizimit të mos bazohet në deklarata mediatike.

“Prandaj u nis këtu dhe po përmbyllet këtu. Unë ju rekomandoj që çështjen e privatizimit mos me bazu në deklarata mediatike. Procesi i privatizimit ka mjaftueshëm të cilat mundemi m’i bo… poashtu Bekë secili njeri mban veprimet kudo çfarë subjekti është. Pata shumë zhurmë sa i përket hidrocentraleve, aktakuza është publike, për tjerat nuk po e shoh të arsyeshme sepse është segment i KEDS-it”, tha ajo.

Ndërsa deputeti i AAK-së, Bekë Berisha tha se kjo ka qenë një keqkuptim dhe për këtë arsye duhet ta lirojnë deputeten Kusari-Lila.

“Goxha ka njëherë në pushtet ka qenë edhe zonja Kusari Lila. Kam emra plot, por nuk dua t’i përmend dhe dua ta mbyllë këtë punë. Nëse nuk ka përmbajtje që mund të na përgjigjet deputetja për këtë temë, e lirojmë i kërkojmë falje për keqkuptim”, tha Berisha.

Më tutje, Deputeti Sejdi Hoxha tha se u kanë hapur derën VV-ja sa i përket punësimit në procesin e privatizimit.

“Privatizuesit që janë në VV. Rezultati i kësaj nuk kemi mundur të nxjerrim më shumë sesa ajo që është publike rreth privatizimit të KEDS sa i përket hidrocentraleve”, tha Hoxha.

Në fund, e liruan zonjën Kusari Lila dhe i këkuan falje në emër të Komisionit.

Çeku tha që duhet ftuar të gjithë anëtarët e komisionit qeveritar për privatizimin e KEDS-it jo vetëm të katër hidrocentraleve.

“Ne nuk po tentojmë ta menjanojmë këtë çështje, por m’i ftua të gjithë që kanë qenë në komision përfshirë edhe zonjën Kusari Lila”, tha ai.

Deputeti i VV-së, Hekuran Murati tha se është i pajtimit që të ftohen të gjithë personat e përfshirë në këtë çështje.

“Andaj unë jam për t’i thirrur këdo që mund të na ndihmojë për të nxjerrë informata. Arsyeja pse kemi ftuar Besim Beqaj është se ka qenë kryesues. Por se si ka shkuar procesi i privatizimit janë informatat”, tha Murati.

Tutje Sejdi Hoxha tha se duhet të ftohet Lutfi Haziri në intervistim sa i përket procesit të privatizimit. Ndërsa, deputeti Bekë Berisha tha se nuk është për të ftuar më shumë dëshmitarë.

Ata hodhën në votim që të gjithë anëtarët e komisionit qeveritar për privatizim të KEDS-it të ftohen, ku me shumicë votash u mor vendim për çështjen e kohës kur mund të aranzhohen intervistat.

Rajoni

Rektori Hajrizi viziton UniMarconi në Romë

Published

1 day ago

November 8, 2025

Driton Iseni

Gjatë vizitës zyrtare në Itali, Rektori i UBT-së, Prof. Dr. Edmond Hajrizi, zhvilloi një vizitë në Universitetin UniMarconi, i pari institucion digjital i i akredituar në Itali.

Me këtë rast, Rektori Hajrizi u takua me Rektorin e UniMarconi-t, Prof. Marco Abate, me Prof. Ulrike Haider-Quercia, udhëheqëse e Shkollës së Doktoratës, si dhe me Prof. Francesco Gaspari, përgjegjës për bashkëpunimin ndërkombëtar.

Të dy rektorët shkëmbyen përvoja rreth zhvillimit të universiteteve moderne, bashkëpunimeve ndërkombëtare dhe mundësive për forcimin e partneritetit ndërmjet dy institucioneve në fusha të ndryshme, si mobiliteti akademik, studimet e përbashkëta, projektet kërkimore dhe inovacioni.

Lajmet

Bellingham dhe Foden rikthehen në kombëtaren e Anglisë

Published

2 days ago

November 7, 2025

UBT News

Jude Bellingham dhe Phil Foden janë rikthyer në skuadrën e Anglisë për ndeshjet kualifikuese të Kupës së Botës kundër Serbisë dhe Shqipërisë.

Trajneri Thomas Tuchel ka ftuar për herë të parë mesfushorin e Bournemouthit, Alex Scott, i cili ka bërë paraqitje mbresëlënëse këtë sezon. Nga ana tjetër, Jack Grealish dhe Danny Welbeck nuk janë përfshirë në listë, ndërsa mungojnë edhe Ollie Watkins dhe Myles Lewis-Skelly.

Bellingham, që kishte munguar në grumbullimin e kaluar për shkak dëmtimi, është rikthyer në formë me Real Madridin, duke shënuar tre gola në katër ndeshjet e fundit. Edhe Foden ka shkëlqyer me Manchester Cityn, ku shënoi dy herë në Ligën e Kampionëve kundër Borussia Dortmund.

“Jemi të kënaqur që janë rikthyer. Të dy kanë qenë vendimtarë për klubet e tyre dhe tani mund të ndihmojnë edhe kombëtaren,” tha Tuchel.

Anglia kryeson Grupin K me 18 pikë pas gjashtë ndeshjeve, ndërsa përballet me Serbinë në Wembley të enjten dhe me Shqipërinë në Tiranë të dielën.

Skuadra e Anglisë:

Portierë: Henderson, Pickford, Pope

Mbrojtës: Burn, Guehi, James, Konsa, O’Reilly, Quansah, Spence, Stones

Mesfushorë: Anderson, Bellingham, Henderson, Rice, Rogers, Scott, Wharton

Sulmues: Bowen, Eze, Foden, Gordon, Kane, Rashford, Saka./S.K/KP/

Sport

Vdes në moshën 24 vjeçare lojtari i Cowboys, Marshawn Kneeland

Published

2 days ago

November 7, 2025

UBT News

Sipas autoriteteve ligjore, ka vdekur mbrojtësi i Dallas Cowboys, Marshawn Kneeland në moshën 24 vjeçare. Ekipi lëshoi një deklaratë të enjten duke mos përmendur shkakun e vdekjes.

“Me trishtim të madh, Dallas Cowboys njoftojnë se Marshawn Kneeland ndërroi jetë tragjikisht këtë mëngjes. Marshawn ishte një shok skuadre i dashur dhe anëtar i organizatës sonë. Mendimet dhe lutjet tona në lidhje me Marshawn janë me të dashurën e tij Catalina dhe familjen e tij.”, thuhet në njoftim.

Cowboys kanë vënë në dispozicion burime këshillimi për të gjithë lojtarët, trajnerët dhe stafin.

Lojtarët aktualisht janë në javën e pushimit dhe nuk janë planifikuar të stërviten përsëri deri të hënën.

Policia e DPS-së gjeti automjetin e Kneeland të rrëzuar në Dallas Parkway në drejtim të jugut pranë Warren Parkway. Sipas raportit, Kneeland iku nga vendi i ngjarjes në këmbë dhe oficerët kontrolluan zonën me ndihmën e K-9 dhe njësive të dronëve.

Ndërsa autoritetet po kërkonin Kneeland, një dispeçer u tha oficerëve se njerëzit që e njihnin kishin marrë një mesazh në grup nga Kneeland duke i thënë lamtumirë. Përafërsisht tre orë më vonë, Kneeland u gjet i vdekur./S.K/NFL/

Rajoni

Profesorët e UBT-së përfaqësojnë institucionin në konferencën ndërkombëtare të projektit COWEB në Sarajevë

Published

2 days ago

November 7, 2025

Driton Iseni

Profesorët Dr. Engelbert Zefaj dhe Dr. Mentor Shaqiri përfaqësuan UBT-në në konferencën punuese ndërkombëtare të projektit COWEB, e cila u mbajt në Sarajevë, në ambientet e International Burch University.

Gjatë konferencës, përfaqësues nga universitete partnere të rajonit prezantuan punimet dhe rezultatet e tyre kërkimore, duke ndarë përvoja mbi zhvillimin e praktikave të reja në mësimin virtual bashkëpunues.

Në këtë kuadër, profesori i UBT-së Dr. Engelbert Zefaj mbajti një prezantim me temën: “Kultura dhe Ndërkulturaliteti në Mësimin Virtual Bashkëpunues (VCL): Ndikimet Pedagogjike dhe Vlerësimi i Studentëve”, ku theksoi rëndësinë e bashkëpunimit ndërkulturor dhe ndikimin pozitiv të tij në përmirësimin e përvojës së të nxënit.

Projekti COWEB ka për qëllim ndërtimin e kapaciteteve në institucionet e arsimit të lartë në Ballkanin Perëndimor për bashkëpunim ndërkombëtar virtual, duke promovuar pedagogji inovative dhe bashkëkrijimin e përmbajtjeve digjitale që forcojnë aftësitë dhe kompetencat e shekullit XXI.

Nëpërmjet pjesëmarrjes aktive në këtë projekt, UBT vazhdon të dëshmojë rolin e tij si një ndër institucionet lidere në avancimin e metodave bashkëkohore të mësimdhënies dhe në nxitjen e bashkëpunimit akademik ndërkombëtar në rajonin e Ballkanit Perëndimor.