Sport
S’e lejon nënën t’i shikojë ndeshjet e tij të mëdha, Ronaldo tregon arsyet
Të shtunën e ardhshme Cristiano Ronaldo do të debutojë në Manchester United, e ky debutim i tij do të tërheqë miliona shikues – por nëna e futbollistit nuk do të jetë në mesin e tyre.
36-vjeçari u kthye te “Djajtë e Kuq” aty ku u bë legjendë e futbollit në fillim të viteve 2000.
Pas 5 ditësh izolim, Ronaldo mund t’iu bashkohet bashkëlojtarëve të tij të mërkurën, kurse debutimi do të jetë tri ditë më vonë.
Konsiderohet rast i madh, dhe për këtë arsye nënës së Ronaldos s’do t’i lejohet ta shikojë këtë ndeshje, teksa djali i saj thyen rekorde.
Sipas djalit të saj, Dolores bëhet nervoz kur i shikon ndeshjet e rëndësishme, madje në dy raste ajo ishte alivanosur.
“Nuk i lejohet t’i shikojë ndeshjet e mëdha. Unë them: ‘Dëgjo, nuk kam më baba. Nuk dua të humbas as nënën time, kështu që ti nuk do të shikosh çerekfinalet, gjysmëfinalet, apo finalet. Ajo bëhet kaq nervoze, nuk e kuptoj pse”, deklaroi mes tjerash ylli i futbollit.
Atmosfera do të jetë elektrizuese në Old Traffor të shtunën, me fanellat nr. 7 të Ronaldos që tashmë gjenerojnë një shitje të raportuar prej 30 milionë funte që nga kthimi i tij në United.
Ronaldo ishte i etur të tregojë për sakrificat e nënës së tij për të arritur deri këtu ku është. Gjithçka filloi në moshë të hershme kur ai doli nga shtëpia për ta ndjekur ëndrrën.
“Ajo vuajti shumë për të ma dhënë mua këtë mundësi. Më kujtohet kur isha 12-vjeç dhe i tregova asaj se dua të shkojë në Lisbonë me ekipin e futbollistëve të rinj. Ajo më tha, “Djali im, nëse këtë e dëshiron vërtet, s’do t’i presë këmbët dhe të të ndalojë. Mund të shkosh. Do të jetë e vështirë për mua, por shko. Ndiq ëndrrat”’, deklaroi ai.
Dy dekada më vonë, Ronaldo po përgatitet për një festë mikëpritëse, një nga festat më të mëdha që ka parë ndonjëherë futbolli anglez./UBTNews
Super derbi në basketboll
Top dhjetë rangimet në sporte të ndryshme
Ndërroi jetë Ali Sadriu, ministri i parë i financave i Kosovës së pasluftës
The Guardian shkruan për përmbytjet në Kosovë
Vërshimet në veri: Mbyllet një urë shkaku i dëmtimeve, evakuohen katër familje që iu përmbytën shtëpitë
Këta janë 120 deputetët e legjislaturës së 10-të
Gjendja aktuale në pikat kufitare
Stabilizohet furnizimi me ujë nga KRU “Mitrovica”, megjithatë rekomandohet uji mos të përdoret për pije
Përfundon numërimi i të gjitha votave
-
Aktualitet3 months agoProfesoresha e UBT-së, Marigona Bekteshi-Ferati, fituese e bursës prestigjioze Fullbright Visiting Scholar, Profesor Vizitor dhe Post Doktoraturë
-
Aktualitet2 months agoU mbajt Mbledhje Komemorative në nder të Prof. Dr. Faton Kabashit në UBT Prizren
-
Rajoni2 months agoProfesorët e UBT-së publikojnë studim shkencor mbi cilësinë e ujërave nëntokësore në Komunën e Suharekës
-
Lajmet3 months agoProfesoresha e UBT-së, Dr. Fatbardha Qehaja Osmani boton studim ndërkombëtar në revisten prestigjioze të Quartile-it 1- Reading Psychology, Taylor & Francis- Routledge